رواية مجرمي البرئ الفصل الاول1 بقلم اسماء الطبلاوي

( في يوم جميل في الصعيد بس مش جميل قوي على البيت البسيط ده صحى الوسيم ده من نومه على صوت مراته المزعج وهي بتقول كلام وحش كالعاده.

ليلى: ما هو انا لازم يطلع عيني كل يوم علشان اصحيك للشغل ما تصحى كيف باجى الناس لوحدك هو انا الداده اللي جابهالك ابوك ولا اكونش يعني الخدامه بتاعة سيادتك.. على فكره انا جرفت من الوضع ده وتعبت 

(قام خالد قعد كويس في السرير وبص لمراته بعتاب 

خالد: هو انتى لازم كل يوم تسمعيني الحوار ده خلاص انا حفظته حرام عليكى وبعدين هو انا يعني نايم كسل مني ما انا متنيل نايم من التعب الصبح شغال محاسب في شركه وبركب كام مواصله لحد ما اوصل لحد الساعه 2:00... وبعدها بخرج اروح الشغل الثاني في الارض اباشر العمال واخلص واطلع على ارض الحاج غريب امسك وردية الليل بدل الغفير الثاني وبرجع البيت يا دوب بنام ساعتين وببدا كل ده من الاول وجديد اموت حالى يعني علشان انتى ترتاحي

ليلى: خلصت الاسطوانه المشروخه بتاعتك وطلعتني الظالمه المفتريه اللي جايه على جوزها ومش مستحمله العيشه معاه جوم يلا شوف مصلحتك وابجى كمل خناج معايا بعد ما ترجع من الشغل علشان انا كمان مش فاضيه وحدايا شغل فى نفس ام الشركه اللى انت بتركبلها كام مواصله.

خالد: لا انا هروح شغلي ومش هكمل حاجه بالليل انا هاخد ورديه كمان ومش هرجع واصل غير الساعه 2:00 بعد نص الليل تكوني انت نمتي وانا كمان انام رايج مره من نفسى علشان افوج ثاني يوم لخناجة الصبح بتاعتك دي بجت عيشه تجصر العمر ناجص ابات فى الشارع عشان يعجبك يا ليلى.

ليلى: انت شايف اكده يعني.. طب ما انا بشتغل في نفس الشركه معاك وبركب بردك كذا مواصله يعني بساعدك رايدنى اعمل ايه تاني عشان تعاملني زين يا خالد وبعدين مش بكفايه اللى انا متحملاه معاك..ولا لازم افكرك كل شويه بحديت يزعلك ويكبر المشاكل بنا اكتر من اكده.

(عرف خالد انها بتلمح لموضوع الخلف ومقدرش يجادل.. 

خالد: طيب يا ستي حجك عليا ولو مش عايزه تشتغلي بلاش و اجعدى فى دارك كيف ما جولتلك من الاول ولا انك تجعدى كل دجيجه تجولى بشتغل وبساعد.

ليلى:هو ده بس اللى ودانك سمعته من حديتى يا خالد..انت بتصطاد الحديت اللى على كيفك وتتخانج عليه.

خالد: لا يا ليلى انى بجصر الشر عشان عارف انك بتستفزينى وبس ومش رايد اتخانج معاكى. 

(وفعلا خرج خالد راح شغله وليلى خلصت شغل البيت بسرعه وركبت هي كمان وراحت شغلها في الوقت ده كانت بتصحى الجميله مي من نومها وقامت غيرت بسرعه وخرجت تصبح على ابوها وامها واخوها على الفطار

مي: يا صباح الفل على احلى اب وام واجدع اخ في الدنيا كلها في حد كل يوم يتصبح بالحلويات دي غيري يا خلج.

رافت: صباح الجمال يا بتي يا حبيبة ابوكى انتى... ايه الجمال ده يا بت طالعه كيف ابوكى صح جولي انك طالعه لابوكي

سماح: يا سلام ليه وهي امها عفشه ولا حاجه.. دي حتى كلها انا انت ناسي حفيت ورايا كد ايه علشان تتجوزني ومكنتش موافجه عليك.

رافت: و وافجتى ليه عاد يا ام الولاد.

سماح: الهوا غلاب بجى.. واما الجلب حب مفكرش فى حاجه. 

مى: هدوء يا جماعه انا هحل المشكله دي دلوك... انا نصى الفوجاني شبه رافت حبيبي اخده ذكائه و لون عينيه و جاذبيته اللي تجنن دي... ونصى التحتاني اخده حلاوه وجمال رجلين و جوام سموحتي روح جلبي يعني انا اكده حاجه فرز اول وبهذا اصبحت بنوته تجنن مش اكده والنبي انا بجول كلام زين على الصبح اهو

زياد: اخده في نفسك جلم كبير جوي ولا فيكي حاجه عدله على فكره يعني المفروض تتكسفي وتسكتي 

مي بمرح: واحب اضيف كمان اني اخده جدعنة ولباجة وشياكه وحمشنتطة زيزو نن عين اخته ولا ايه

زياد: وعشان اكده انا جلت انك احلى اخت في الدنيا وما فيش كيفك بأماره ما هتوصليني بعربيتك علشان عربيتي شطبت بنزين واكيد يعني مش هتسيبيني اركب مواصلات صح

مي: وهو كذلك يا زيزو يا نصاب انت.. اذا هيا الى العمل حتى لا نتاخر هههههه ابنك بياكل بعجلى حلاوه يا ابوى وعشان اكده مجبورة اجوله ماشى 

زياد:تجدرى تجولى حاجه تانيه عاد.

مى:هو انا جولت حاجه اولانيه عشان اجول تانيه..يلا يا راجل.

رافت: هههههه شفتى عيالك عاملين كيف يا سماح حاجه تشرف بصحيح ربنا يحميهم ويخليهم لبعض دول تعبى فى الدنيا وعملى الصالح والله

سماح: ويخليك ليهم يا رب ده انت اللي بنتنا كلنا بعد ما كنا اتهدينا يا حبيبي وكان خلاص اللى يبص فى خلجتنا يجول اموات.

رافت: الحمد لله يا سماح ربنا ما بينساش حد وكيف ما وجعت جدرني وجمت تانى على رجليا ومشمتش حد فيا.

مي: خلاص بلاها الحديد الماسخ ده على الصبح يلا يا زيزو خليني اوصلك وارجع على مكتبي بسرعه علشان حدايا جواضى كتير النهارده.

( ولما وصل خالد وليلى لشغلهم كل واحد راح مكتبه وراح عادل المنسي صاحب خالد ورئيسه المباشر في الشركه قعد معاه يتكلموا شويه 

خالد: اهو انا كل يوم على اكده يا عم عادل خناجه على الريج جبل الفطار تسد نفسي وتوفر وجبة الفطار وانزل متعصب واتحشر في الاتوبيس من بلدي لحد الشركه وعلى بال ما باجي اهنه ببجى بغلي ومش طايج نفسي ولا طايج الناس ولا طايجك انت كمان. 

عادل:وانا ذنبى ايه انشاءالله..هههههه اهو انت بقى اللي ينطبق عليه جمله ارحموا عزيز قوما ذل يا حبي هههههه معلش بس مش شايف غير كده الصراحه وصعبان عليا حالك

خالد: ايه ده يا عادل الملافظ سعد يا اخي.. ايه ذل دي انا عمري ما اتذل لحد واصل واللي حصل ده كان ازمه وان شاء الله اعديها و ارجع خالد الرازى اللى اسمه بيهز رجاله بشنبات كيف ما كنت.

عادل: لا والله مش قصدي يا حبي انا اقصد بعد ما كان عندكم فيلا واثنين وكام مصنع و اراضى كتير فى البلد والدنيا كانت معاك عسل فجاه كده يبقى ده حالك عربيتك راحت وبتركب الاتوبيس زي عامة الشعب واتجوزت امنا الغوله دي وشغال في ثلاث شغلات عشان تلاحق على المصاريف ويا ريت كمان نافع..... لا وكمان تطلع انت ما بتخلفش ده من ستر ربنا عليك والله..كنت هتجيب عيل تعمله ايه وانت مش قادر تساعد نفسك.

خالد بغضب: بكفايه بجى يا عادل ما تفكرنيش انا شايل هم الدنيا لحالى مالهاش لازمه تطربجها فوج دماغي بزياده ارحمني شويه من كلامك اللي يسد النفس ده مش كفايه اللى بسمعه عالصبح كل يوم

عادل: طيب طيب اهدى انا مقصدش و اعمل حسابك بقى يا حلو انك النهارده مش هتمشي الساعه 2:00 هتمشي الساعه 5:00 عشان في تل دوسيهات عايز يتفرز ولازم تخلصه قبل ما تروح يلا سلام يا حبيبي. 

خالد: نعم... ما ينفعش يا عادل اسمعني طيب انت يا ابني.... شوف الواطي بقوله ثلاث شغلنات يقولي روح الساعه 5:00 ادبرها كيف دلوك يا ربى.. يلا الحمد لله على كل حال الامر ليك من جبل ومن بعد يا رب. 

(وفي الوقت ده في مكتب المحاماه الخاص بمي كانت قاعده بتشرب قهوتها مع بعض المحامين الصغار اللي شغالين عندها في المكتب وهما بيتناقشوا في بعض القضايا 

مي: يا جماعه الشغل ده ما ينفعش احنا مكتب محاماه كبير كيف محدش يبجى موجود مع الاستاذ كمال في جلسه الاستماع بتاعة امبارح الراجل راح وجف لحاله جدام الجاضي لحد ما اجلوها لحين حضور المحامي ده ما اسمهوش كلام ده.. ده اسمه تسيب مش شغل... اللي يشتغل معايا ويعمل حاجه كيف دي يبجى بيسيء ليا جبل ما يسيء لنفسه

رامي: يا فندم الجلسه دي كان ميعادها بكره بس الميعاد اتغير حسب طلب استاذ كمال في المحكمه اخر جلسه ولما كلمته استفسر منه قال انه قدم طلب تبكير ميعاد الجلسه ومن غير ما يقولنا كان واجب يبلغنا قبلها 

مي: ولو بردك ده اسمه تهريج المفروض تبجوا انتم متابعين الموكلين بمنتهى الدجه... على كل حال عدت والموضوع انا لميته مين فيكم بجى اللي متابع مع مدام شيرين جضية الطلاج بتاعتها ووصلت لفين انا مش عاوزه لخبطه 

سمر: انا يا فندم متابعه معاها وفي جلسه يوم الخميس الجاي من المفترض الحكم فيها ان شاء الله بتنفيذ حكم الطلاق فورا وهنشوف الجديد ايه وهبلغك

مي: تمام انا احب اعرف كل جديد في وجته اول باول مش عايزه لخبطه.. المحامي الشاطر هو اللي يفضل محافظ على ثجة موكله فيه لحد ما يجيبله الحكم اللي هو رايده بما يرضي الله وساعتها ينتهي دوره بس يبجى خلص اللي عليه ومجصرش فى حاجه.. 

سعد: طيب حضرتك ناويه تستلمى قضية العيسوى ولا لا بقى سائل كذا مره وانا مبقتش عارف ارد عليه 

مى: لا مش هنستلم الجضية دى واصل.. 

سعد: بس ده راجل غنى جدا واللى هيطلب منه هيدفعه ومش هيناقشنا

مى بغضب: وهو انا من ميتا وانى بستنى من حد مال يا سعد.. الفلوس اخر حاجه افكر فيها.. ولعلمك الراجل ده سمعته مشمومه يعنى الشغل معاه هيدخلنا تحت بند المحامين الشمال وانى برفض الوضع ده وجوله انى ببلغه برفضى للمرة الالف. 

(وهناك في الحرم الجامعي كان واقف زياد لانه معيد في الجامعه بيشرح المحاضرة لسنه ثانيه في المدرج لما خلص وقت المحاضره

زياد: طيب اكده انتهى وجت المحاضره واللي حداه استفسار يكتبه كيف ما عودتكم على ورجه ويحطه في ظرف ويسيبه في صندوج الاستفسار جبل ما يمشي وانا اول ما اجي الصبح هبص عليهم و احضرلكوا الرد جبل ما تيجوا يلا اتفضلوا 

(خرج الطلاب كلهم وزياد كان بيلم حاجاته لما جالو الفراش بسرعه يلحقوا قبل ما يمشي

الفراش: استاذ زياد حضرة المدير بيقول لحضرتك روحله دلوقتي

زياد: دلوجتي.... بس انا لسه عندي محاضره لسنه تالته جبل ما اروح... ما جالكش عاوزني في ايه

الفراش: لا والله ما جاليش بس هو طلب مني ان الحقك وابلغك بسرعه 

(وفعلا راح زياد مع الفراش لاوضه المدير عشان يشوف عاوزه في ايه

زياد: صباح الخير يا فندم حضرتك طلبتني على وجه السرعه خير في حاجه ولا ايه

المدير: خير يا استاذ زياد اتفضل استريح دي الانسه ندى الازهري مبرمجه كمبيوتر انت كنت اشتكيت من مشكله في بعض الاجهزه عندك بسبب خلل في السيستم عشان كده وبناء على طلبك انا كلمت شركه البرمجه وبعتولنا الانسه عايز حضرتك بقى تاخدها توريها الاجهزه اللي بتشتكي منها عشان تشوف فين المشكله وتحلها في اسرع وقت

ندى: والله انا مستعده وروني بس فين المشكله وانا احلها حالا

زياد: يا سلام ده ايه الغرور ده والثجه المبالغ في تجديرها دي مش الاول تعرفي المشكله 

(لما ندى سمعت الكلام ده من زياد على كلامها غضبت جدا وقامت وقفت قدامه بتحدي

ندى: نعم هو حضرتك عندك شك اني اجدر احل المشكله دي ولا ايه على فكره اصعب منها ايا يكن هي ايه وحليته 

المدير: ابدا يا انسه هو امتى قال انه عنده شك هو ما يقصدش الكلام اللي انت فهمتيه

زياد: لو سمحت يا حضره المدير ما تردش عن لساني انا كان جصدي انها بتدي لنفسها ثجه مبالغ فيها جدا من جبل حتى ما تعرف المشكله وبعدين تشوف هتجدر تحلها ولا لا 

ندى: اظن اني ما قلتش لحضرتك اني هدرس للطلاب المحاضره الجايه بدالك علشان تتعصب قوي كده عارف ليه لان التدريس ده مش مجالي زي ما برمجه الكمبيوتر كده مش مجال حضرتك وده اللي خلاني بتكلم بثقه لو كان عندك خبره في المجال ده كنتى قدرت تحل المشكله ما كنتوش بعتولي ولا كان زماني واقفه قدامك

زياد: انتى اهنه عشان تحلى المشكله وتمشي ويا ريت بجى تتفضلي جدامي علشان نخلص عشان انا مش فاضي

ندى: انا برده بقول كده عشان انا لسه عندي مواعيد مهمه جدا

المدير: بالتاكيد يا انسه ندى اتفضلي وتأكدي اني اسف جدا عن سوء التفاهم ده استاذ زياد اصله عصبي شويه

ندى: اه مجنون يعني طيب مش تبقوا تنقوا المعيدين اللي شغالين عندكم قبل ما تعينوهم 

(لما سمع زياد ندى بتقول عليه مجنون اتدور وبصلها بغضب

زياد: انا بردك اللي مجنون يا انسه يا جليلة الحيا انتى.. ده انا اعجل من بلدك احسنلك تعتذري حالا انا ما بتهونش في حجي

ندى: طيب انا مش هعتذر واه انت مجنون انا بقى عايز اشوف هتعمل ايه.. 

                  الفصل الثاني من هنا

لقراءة باقي الفصول من هنا