رواية صغيرة ابليس الفصل الثاني والعشرون22 والثالث والعشرون23 بقلم جني محمد

رواية صغيرة ابليس الفصل الثاني والعشرون22 والثالث والعشرون23 بقلم جني محمد

دلفت الشرطة إلى المكان و القو القبض على أسر و في هذه اللحظة اقترب هشام منه بحزن و همس في اذنه "اسف يا أسر و الله ده كلام القانون و انا مجبر اعمل كده بس متقلقش اعرف محامي شاطر هيخرجك منها" 

هز أسر رأسه بلا مبالاة قائلا "يا عم و لا مخرجش على الاقل هكون معاها انا المهم بالنسبالي دلوقتي ان انا و اخيرا اخدت حقها الباقي مش مهم عندي" 

ربت هشام على كتفه و خرج ليجد الصحفيين العرب و الأجانب يصورون كل شيئ يحدث منذ أن قُبض على أسر حتى انهم دخلوا المخزن و صوروا ما يوجد به و كل هذا تتم اذاعته على قنوات التلفاز

كانت حياة تجلس على الكرسي الهزاز تشاهد قناة الاخبار المصرية و فجأة استمعت إلى المذيع يقول "إلقاء القبض على الضابط أسر العراقي حيث انه بعدما اكمل مهمته بنجاح قام بقتل كل من سعد و امجد احد رجال المافيا بحجة الانتقام من امجد لقتل حبيبته ثم قتل سعد لينتقم لنفسه و روحه المجروحة فطبقا للأخبار التي نعلمها ان أسر تمت تربيته مع سعد و ميرا و ليس والديه الحقيقيين "

انتهت نشرة اخبار لتصبح كالسيف الذي قتل حياة قامت من مكانها بسرعة و اخذت تصرخ بصوت مرتفع حتى انتهى كل ما كانت تملك من قوة فسقطت على الأرض باكية 

خرجت سلوان بسرعة و مجرد ان رات حال حياة نظرت إلى التلفاز و استمعت إلى الاخبار التي بدأت تُعاد مرة أخرى 

و ها هي قد فهمت ما حدث اقتربت من حياة و جلست بجاورها و احتضنتها بحنان هي تعلم جيدا ان أسر هو زوج حياة 

استكانت حياة في احضانها تتذكر العشر أيام الماضية و ما حدث بها 

فلاش باك 

سارا سويا إلى المنزل و مجرد ان دخلوا شعرت حياة بشعور مختلف شعرت بالانهيار فهي تدخل منزلًا يمتلكه والداها لأول مرة و لكن ليس هذا سبب انهيارها بل السبب هو أسر تحاول أن تتذكر اسمه كاملا و لكنها لا تستطيع 

اتجه سليم إلى غرفة سلوان بسعادة قائلا "الحقي يا سلوان دي طلعت هي حياة بنتنا" 

امتألت عايناها بالدموع فرحة لعودتها ذهبت مسرعة إلى حياة و احتضنتها بقوة بينما تركت حياة العنان لدموعها اخذت تبكي هي و سلوان كثيرا بينما وقفت ملك على السلم من بعيد تشاهد ما يحدث بابتسامة جميلة لا تلائم ابدا ذلك الوجه الذي تظهره للجميع 

اما سليم فقد كان يشاهدهم و عبراته تملؤ وجهه

بعد قليل هدأو جميعهم فهبطت ملك بهدوء قائلة "كنت عارفة من الأول و كان نفسي اعرفكم بس لو كنت قلت مكنتيش هتصدقي زي ما مصدقتينيش قي الأول"

سلوان "مكنتش متوقعة ان بعد العناء ده و التدوير ده كله تطلع هي حياة بكل سهولة كده"

سليم "مش مهم المهم انها رحعتلنا اخيرا"

تحدثت سلوان و كأنها تذكرت شيئا موجهة الحديث إلى حياة" اه صح يا حياة انتي رجعتلك الذاكرة ازاي و عرفتينا ازاي و ايه اللي حصل "

قصت عليها حياة كل شيئ عنها و عن أسر و حبها له حتى وصلت إلى قتل امجد لها و اخرتها ان امجد ليس أخيه الحقيقي و لم تقف هنا بل اخبرتها عن الغيبوبة أيضا و زيارة أسر لها "

سلوان" يعني هو جوزك دلوقتي يا حياة"

اجابتها حياة بحزن "اه و للأسف مش عارفة اسمه ايه"

سليم" ازاي يعني مش عارفة اسمه اومال انتوا متجوزين ازاي اكيد اسمه في بطاقتك "

حياة" لأ مهو احنا لسة مغيرناش البطايق لمتزوج "

سليم" متقلقيش يا حياتي انا هدور و هجيبلك اسمه و هعرفهولك "

حياة" ياريت يا بابا علشان وحشتني ملامحه اوي "

سليم" بت عيب كده "

ابتسمت ملك على حديثهم و اردفت بمزاح هي الأخرى" لأ و لأ عيب و لا عيب و لا حاجة يا حاج ده جوزها "

سليم" و انا ابوها "

سلوان" و ماله برضه ما انا امها "

قررت ملك ان تهجر شخصية الملكة قليلا و تندمج قائلة بمزاح " هش استوب انا اختها بس من ملجأ "

حياة" تصدقي طلعنا اخوات" اردفت بهذه الكلمات ثم مدت يدها إليها لتصافحها قائلة" معاكي حياة اختك في تربية الملاجئ"

ملك "تعالى في حضن اخوك يا فواز "

مضت الايام في سعادة منهم جميعا و لكن كان هناك بعض التوتر بسبب البحث عن أسر و محاولة حياة لتذكر اسمه كاملا

حتى جاء اليوم التاسع اي ليلة المهمة دلفت ملك إلى غرفة حياة قائلة "حياة عاملة ايه وحشاني "

حياة" هوحشك ازاي و انا معاكي ٢٥ ساعة في ال٢٤ ساعة "

ملك" سيبك سيبك المهم عايزة اقولك على حاجة"

حياة "قولي يا ملك و ربنا يستر"

ملك "بصي يا حياة انا معروفة في المافيا بالملكة بس انا مش شغالة في المافيا فعلا انا جاسوسة للمافيا عند الشرطة يعني بنقل اخبار المافيا للشرطة و ده غير اني بشتغل قناص في المخابرات فدلوقتي احنا عندنا مهمة بمرة للقبض على رئيس المافيا الأمريكية سعد "

ظهر على وجه حياة الشوق و لم تهتم بكل ما قالته ملك سوا انه طالما سعد موجود اذن أسر موجود فاردفت بحنين" يعني أسر هيكون موجود "

ملك اه هو المسؤول عن المهمة بس ميعرفش انك عايشة"

حياة "طيب يا ملك طمنيني عليه عايزة اشوفه اوي"

ملك "أسر اتغير متحاولش بقى ابليس بجد عموما يعني تابعي الاخبار بكرة بليل هتتم المهمة و الصحافة هتغطي كل حاجة انا واثقة من كده "

حياة" ماشي هتابعها"

و ها نحن نصل إلى مشهد حياة و هي تشاهد الاخبار

عودة من الفلاش باك

ظلت حياة تبكي في أحضان سلوان كثيرا حتى قررت سلوان ان تخبر سليم و يعودون إلى مصر

عاد سليم إلى المنزل ليجد ان سلوان مازلت جالسة على الأرض و لا تزال حياة على حالها تبكي

مجرد ان رات سلوان سليم اردفت "إيه يا سليم اتاخرت كده ليه"

سليم "كان في متوفي قدام البيت و مكنتش عارف اعدي فقعدت معاهم شوية خاصة ان جيرانا هنا في الشارع كلهم مسلمين و عاملين قعدة بيقرأو فيها قرآن فقعدت معاهم" أنهى سليم حديثه ليقع نظره على حياة فاردف "هي مالها بتعيط ليه"

سلوان "جوزها أسر اتقبض عليه "

سليم" ليه ايه اللي حصل هو مش ظابط "

سلوان" مهو حضرة الظابط قتل امجد و سعد علشان يجيب حق حياة"

اقترب سليم من حياة و امسك بيدها حتى تقف من مكانها و احتضنها بشدة و اخذ يربت على ظهرها قائلا "وعد مني هطلعهولك منها ده كده يبقى بيحبك اوي و انا عمري ما هفرط في راجل يحميكي و يحبك كده "

حياة" طيب انا عايزة اخرج اتمشى شوية "

سليم" طيب ماشي بس البسي حاجة غامقة علشان المتوفي اللي قدامنا"

اجابته بشهقات متتالية "حاضر"

صعدت إلى الأعلى و أرادت زيا اسودا ثم خرجت من المنزل حتى وصلت إلى ذلك المكان الذي يوجد به المتوفي جلست تبكي هناك بشدة تعلم أن الجميع سيظنها تقرب له و لذلك فهي حزينة عليه و لكنها جلست هناك فقط حتى لا تسأل ذلك السؤال السخيف و هو "لماذا تبكين"

جلست تبكي كثيرا حتى هدات اخيرا و عادت مرة أخرى إلى المنزل لتجد سليم ينتظرها و اردف "استعدي يلا يا حياة هنرجع مصر علشان نخرج أسر و نستقر هناك و انا كلمت ملك عرفتها" 

حياة "يعني هنسافر امتى"

سليم "متقلقيش انا كمان حجزت الطيارة و معادنا كمان نص ساعة يعني تلحقي تجهزي بسرعة"

صعدت حياة إلى الغرفة مسرعة و جهزت كل شيء خلال ربع ساعة

ذهبوا جميعا إلى المطار و ها هم في الطائرة تجلس حياة على الكرسي و بجاورها سليم الذي كانت نائمة على كتفه بينما تجلس سلوان خلفهم

في القسم كان علاء هو و كالعادة المسؤول عن التحقيق مع أسر

فتحدث علاء بغيظ "بقى في ظابط يقتل"

هذه المرة لم يكن ضعيفة فرفع رأسه واضعا قدما فوق الأخرى و اردف "اه قتلتهم"

علاء "يعني انت بتعرف"

اسر "بعترف بإيه حضرتك.. ما انت لو رفعت البصمات او مسكت السكينة او.. او.. كان زمانك عارف ان انا القاتل و انا بكل بساطة بقولك اهو انا القاتل"

ارتسمت ابتسامة خبيثة على وجهه قائلا و هو يستطنع الأسف "للأسف بقى يا أسر انا مضطر احولك للقاضي علشان يحكم هو عليك بقى حاول تجيب محامي شاطر"

أسر" هشام هيجيبلي "

علاء" طيب استعد بقى و خلي بالك هتبات في التخشيبة هنا لحد ما معاد القضية ييجي "

أسر" ماشي "

وُضع أسر في السجن كان جميع السجناء خائفون منه منهم من ينظر إليه بإعجاب فكيف له ان يتحمل كل هذا و منهم من ينظر اليه بسخط فأسر هو السبب لوضعه هنا كان أسر جالسا على السرير و بجواره كتابه الذي أخذه معه إلى السجن أيضا 

اقترب احد السجناء منه و امسك بالكتاب فجأة و أخذه ثم ابتعد عن أسر

كان هدفه ازعاج أسر و لكنه لا يعلم انه ازعج ابليس

اقترب أسر منه بهدوء و امسك بذراعه و قام بلويه قائلا "اولا ده كتابي ثانيا انا ظابط ثالثا و ده الأهم متهزرش مع حد لسة قاتل ابوه و اخوه"

اخذ اسر منه الكتاب ثم دفعه في الحائط بشدة و عاد إلى سريره مرة أخرى و امسك بقلمه و فتح جزء الحب

و كتب "عزيزتي حياة لم ارَكِ يوما سوا حبيبتي و حياتي و صغيرتي رغم انك كبيرة و لكن كنت احس ان تصرفاتك هذه تصرفات ابنتي الصغرى جئت اليوم اكتب لكِ اني اخيرا احضرت حقكِ و قتلت من قتلكِ"

أنهى الكتابة و وضع الكتاب أسفل الوسادة و نام نوما هادئا رغم قسوة ال مكان و برودته و لكنه كان يشعر بالدفئ منذ أن قتل سعد و امجد و استرجع حق حياة

في منزل هشام

كان هشام يبحث في كل مكان و يفتش أوراقه و لم يجد ما كان يبحث عنه حتى لفت انتباهه صوت حنان التي اردفت "في ايه يا هشام هو انت بتدور على ايه"

هشام "بدور على رقم المحامي آدم عمرو يا ماما"

حنان "و انت عايز رقم المحامي ليه"

هشام "هه لأ مفيش أصله اتمسح من عندي"

حنان "أنجز يا هشام و قول نيلت ايه"

هشام "لأ مش انا يا ماما ده أسر"

حنان "أسر.. ماله أسر عمل ايه"

هشام" قتل سعد و امجد "

حنان" يستاهلوا هما اللي اذوه من الاول بس مالهم و مال المحامي "

هشام" لأ مهو أسر اتقبض عليه بتهمة قتلهم "

حنان" يا لهوي طب و الحل "

هشام "ما انا عايز رقم ادم عمرو علشان كده"

حنان" طيب استنى هدورلك عليه"

بعد فترة وجدت حنان الورقة التي كانت تحتوي رقم ادم فاردفت" اخيرا لقيتها "

هشام" هاتي الورقة بسرعة "

امسك هشام بالهاتف و رن على ادم

يعد قليل أجاب ادم" السلام عليكم"

هشام" و عليكم السلام.. المحامي ادم عمرو معايا "

ادم" اه معاك اتفضل "

تحدث هشام بمزاج بعد أن علم ان هذا ادم صديقه فعلا " هو انت مش عارفني و لا ايه يا ادم كفاية جو الرسميات ده "

ادم" هشام حبيبي ازيك عامل ايه"

هشام "بخير الحمد لله و انت عامل ايه يا حبيبي "

ادم "بخير الحمد لله بس انت كنت عايزني في ايه.. ايه اللي حصل "

هشام" جايبلك قضية ملعبكة"

ادم "هات ورقها انت بتتعامل مع أكبر محامي في البلد متقلقش هقولك هي ناجحة ولا لأ "

هشام" يا شيخ يخرب بيت تواضعك ده "

اجابه ادم بمزاح"بقولك ايه يا هشام انا مش ناقص هات الورق بقولك" 

هشام" تعالى كافيه .بيت القهوة. هستناك هناك و معايا الأوراق و كل حاجة "

ذهب ادم إلى بيت القهوة كما اخبره هشام و وجده جالسا هناك فجلس أمامه قائلا" حضرة الظابط المعفن اللي مش بيسأل غير علشان مصلحته و بس"

هشام" لأ المرادي مش انا اللي عايزك ده أسر "

ادم" اه عرفته مش ده ابليس برضه "

هشام" عليك نور اهو أسر ده بقى هو ابليس و قتل سعد و امجد" 

ادم "بس كده سهلة اوي دي تكاد تكون من أسهل القضايا اللي اخدتها بي قولي امجد ده قتل قبل كده "

هشام" اه قتل حياة "

ادم" حلو اوي و سعد ايه الجرايم اللي عملها "

هشام" قتل رئيس المافيا چاك و قتل راجل تاني علشان اتسسبله في حادثة ده غير تجارة الأعضاء و المخدرات" 

ادم" طيب بص يا هشام.. اولا دلوقتي أسر يستحيل يكون سليم نفسيا و ده اللي احنا متأكدين منه... ثانيا امجد و سعد لو كان اتقبض عليهم كان القاضي هيحكم عليهم بالإعدام... ثالثا أسر ظابط من حقه يقتل في حالات معينة و بكده هو استعمل حقه القانوني مش اكتر "

هشام" بس ده مهما حصل قتل برضه و لازم يتعاقب "

ادم" شهر او اتنين بالكتير ده لو القاضي حاطه في دماغه "

هشام" طيب تمام تعالى بقى قابل أسر بس بقولك ايه حد حذرك منه و من علاء "

في قصر الشهاوي 

سمعت ميرا الاخبار و لكنها لم تبكي حتى الدمع لم تدمع عيناها قط 

و لكن كل ما فعلته انها قامت بمهاتفة علاء قائلة "دلوقتي انت رئيس المافيا و علشان تثبت ولاءك لينا لازم تقتل أسر او على الاقل تجيبله حبل المشنقة "

علاء" بس كده يا ميرا هانم سهلة اوي دي" 

أنهت كلامها معه ثم صعدت إلى غرفة مريم التي كانت تتحدث في الهاتف و مجرد ان راتها اردفت "طيب يا حبيبتي هكلمك تاني" 

ميرا" كنتي بتكلمي مين يا مريم "

مريم"كنت بكلم صاحبتي يا ماما "

ميرا" عرفني الاخبار "

مريم" لأ بس واضح من جمودك ده انه مش حاجة مهمة "

ميرا "سعد ابوكي مات و اللي قتله كان أسر" 

هبت مريم من مكانها قائلة "أسر اخويا هو اللي قتله" 

ميرا" هو انتي صدقتي الكدبة و لا ايه أسر ده احنا كنا خاطفينه"

لم يظهر على وجه مريم اي اهتمام و نظرت إلى ميرا و اردفت "ايوة يعني فيها ايه يعني ما انتوا خطفتوه لازم طبعا ينتقم روحي شوفي امجد قوليلي "

ارتفع صوت ميرا التي نظرت إلى مريم بغضب قائلة" لأ يا حياتي مهو أسر قتل امجد هو كمان "

مريم" هو انتي زعلانة و لا ايه يا ماما اصلا انتي و سعد معملتوش لينا حاجة نحبكم علشانها دايما فلوس و خلاص تصدقي احسن برضه ان بابا و امجد ماتوا روحي بقى امسكي انتي المافيا و سيبيني اكمل كلام في التليفون"

ميرا "انتي صح انا هروح اقتل أسر و نمسك المافيا انا و علاء و اولعي بقى "

مريم" متشكرين يا ست المافيا ميرا "

خرجت ميرا من غرفة مريم 

و فتحت مريم الهاتف مرة أخرى و هاتفت ذلك المدعو حمادة فهي لم تكن تحدث صديقتها و اردفت حينما اتاها الرد

" حمادة مش هعرف أقابلك هنا في البيت علشان ابويا اخويا اتقتلوا و انا مش ناقصة امي شوف كده اي شقة من اللي انت تعرفهم و عرفني المكان و المعاد"

حمادة "خلاص بصي استني كده كمان ساعة هكلمك اعرفك كل حاجة"

مريم "ماشي يا حبيبي هستنى"

في القسم ذهب كل من ادم و هشام إلى أسر في زيارة خرج أسر من السجن كالعادة حاملا كتابه و جلس امام ادم و هشام قائلا" ازيك يا هشام عامل ايه و مين ده "

هشام" اعرفك ده ادم عمرو"

أسر "اه عارفه أكبر محامي في البلد و هيعرف يخرجني من القضية"

ادم" حلو اوي كويس انك عارفني يا أسر حابب اعرف منك بعض المعلومات علشان الخيوط كلها تكون في أيدي"

اجابه أسر ببرود "و انا مش هتكلم انا غلطان اني قتلتهم و لازم اتحمل نتيجتة غلطي و اللي هي الإعدام و بكده انا هكون روحتلها و ارتاحت "

نظر ادم إلى هشام و اردف" عايزك ثواني يا هشام "

أسر" ياريت تروحوا و مترجعوش لأني عند قراري "

ذهب كلاهما إلى الزاوية في الغرفة بعيدا عن أسر و شرع هشام في الحديث" في ايه يا ادم "

ادم" أسر فعلا مريض نفسي يا هشام و لازم يتعالج "

هشام" هنعالجه ان شاء الله بس هو عادي يعني يفضل كده لحد حكم القاضي "

ادم" اه ده اصلا الأفضل اصل خلي بالك ان مرضه ده في صالحنا "

ظهرت على ملامح هشام الحزن قائلا "بس ده حقه يتعب فعلا هو بيحب و صعب اللي بيحب واحدة يشوفها بتموت قدامه "

ادم" انت بتحب مين يا هشام"

هشام" هه لأ لأ لأ انا مش بحب حد "

ادم" يا ولد مش عليا الكلام ده ژ

هشام "هبقى احكيلك بس تعالى نروح لأسر دلوقتي"

عادا إلى اسر الذي اردف" شكلك منك ليه نسيتوا ان انا ظابط و بعرف اقرأ حركة الشفايف"

ابتلع هشام ريقه و نظر إلى ادم الذي نظر إليه أيضا و هو يتصبب عرقا من الخوف

قاطع أسر هذه النظرات بحزم قائلا "لأ بقولكم ايه مريض نفسي مش مريض نفسي كده كده مليش قعدة في الدنيا دي تاني ژ

هشام" طيب و مامتك سلوى و ماهر باباك و اخواتك أسد و چنى و ماما جنان هتعمل ايه "

أسر" ان شاء الله يسامحوني "

ادم" طيب يا أسر احكيلي ايه اللي حصل و انا مليش دعوة بالقضية نهائي "

أسر "اطلع برا يا استاذ ادم انت و حضرة الظابط هشام علشان انا زهقت"

هشام "انت قتلتهم يا أسر صح "

ابتسم ببرود قائلا" لو بصيت في الكاميرات اللي في المخزن هتعرف اني اللي قتلتهم اصلا "

نظر هشام إلى ادم الذي ابتسم بسخرية قائلا" هو في ظابط بيعلن بكل سهولة كده عن أسراره على العموم احنا ماشيين يا أسر "

ظهر التعجب على وجهه و لكنه أظهر اللامبالاة كالعادة و اشار للعسكري ثم اردف" مش عايز حد يجيلي هنا تاني و اه صح القضية بكرة يعني كده كده مش هتقدروا تعملوا حاجة"

ادم "عندك حق يا أسر احنا هنمشي "

مد أسر يده إليهما بالكتاب قائلا" هشام ادي الكتاب ده لماما حنان خليها تعينه مكان ما بيتعان و طمنني عليها هي عاملة ايه"

هشام "زعلانة يا أسر علشانك اوي و حاضر هخليها تعينه "

تنهد أسر بعمق قائلا "طيب طمنها عليا و قول ليها تسامحني "

هشام" حاضر يا أسر "

ذهب العسكري اليه و اعاده إلى السجن مرة أخرى و لكن هذه المرة كان ونيسه الوحيد ليس معه

نام أسر في انتظار القضية غدا

عاد هشام و ادم إلى منزل هشام و اردف هشام" ماما يا حنون "

حنان "ايوة يا هشام جاية اهو "

ذهبت اليه حنان و اردفت" ها وصلت لايه"

هشام" كل حاجة تمام و انا هعرف اجيب باقي الدلايل على براءته و هنخرجه"

حم حم ادم باحراج قائلا "احم احم ازيك يا طنط حنان فكراني"

حنان "اكيد فاكراك يا ادم طمنني عليك اخبارك ايه "

ادم" بخير الحمد لله انا معايا الخيوط كلها و متقلقيش هيخرج"

حنان "يا رب يخرج يا رب طيب انتوا مش عايزين اعمل ليكم حاجة "

هشام" اعملي قهوة لينا علشان مسهرين شوية و نامي انتي بقى "

حنان" حاضر يا حبيبي "

ذهبت حنان لتعد القهوة بينما فتح اتصل هشام بملك قائلا" ايوة يا ملك انتي فين دلوقتي "

ملك" انا في أمريكا بجهز حاجاتي و نازلة مصر "

هشام" طيب يا ملك ممكن تروحي موقع الجريمة هتلاقي كميرا دقيقة في مكان فيه انا محتاجها باي تمن"

ملك" تمام يا هشام هجيبهالك "

بعد مرور عدة ساعات كانت الرابعة فجرا تقريبا ذهبت ملك اليهم بالكاميرا قائلة" اتفضلوا اهي بس هي ايه دي دي دقيقة اوي "

هشام" مهو هو ده نوع أسر المفضل من الكاميرات "

ملك" طيب انا هروح بيتنا بقى سلام "

هشام" اجي اوصلك "

ملك" عيب سيادة المدير انا تدريبك برضه"

ادم "ايه ده هو انت مدير جهاز المخابرات يا هشام"

اجابه هشام بغرور "اه بس مبحبش اتكلم عن نفسي كتير.. ها قولتي ايه يا ملك"

ملك" لأ هوصل نفسي بنفسي "

عادت ملك إلى المنزل الخاص بسليم الرفاعي في مصر لتجد ان سليم مازال مستيقظا فاردفت" ايه يا بابا لسة صاحي ليه "

سليم" بحاول اوصل لمعلومات عن اسر ده "

ملك" انا معايا كل المعلومات هعرفهالك متقلقش.. بص اسمه أسر ماهر العراقي بن ماهر العراقي سلوى توأم مراتك يبقى رجل الأعمال المتخفي أسر العراقي و حضرة الرائد أسر العراقي"

سليم "يعني ايه يعني حياة اتجوزت بن خالتها و مش بس كده ده احنا عاملين معاها مشاكل كمان "