رواية احببت قاتلي الفصل العاشر10بقلم مني الصاوي
شيرين.... ايه اللي بتقوليه ده يا ماما انا مش قادره اصدق مين ق-ت-ل ومين اللي ات-ق-تل فهميني في ايه
ايمان.... ايه ده ششششيرين جيتي امتي
شيرين... فهميني لو سمحتي انت بتتكلمي عن مين انا سمعتك بتقولي لعمي ياريتك ما ق-تل-ت يا عزت قوليلي عمي اتورط في جريمه ق-تل واللي اتق-ت-ل ده اهله خدوا بتاره من عمر
ايمان... ايه يا شيرين اللي بتقوليه ده الفتي حكايه وصدقتيها يا بنتي انا مقصدتش كده خالص
تنظر خلفها شوفت يا عزت شيرين بتقول ايه عزت حصلك ايه
عزت فوق الكرسي المتحرك مغمي عليه
ايمان... الحقيني يا شيرين اطلبي الدكتور بسرعه
يصل طبيب عزت يقوم بالكشف عليه
ايمان... طمني يا دكتور عزت ماله
الدكتور... عزت بيه عنده انهيار عصبي شكله اتعرض لضغط نفسي في الفتره الاخيره احنا هنستني يومين لو متحسنش هنضطر ننقله المستشفى
شيرين... اعمل اللازم يا دكتور
بعد مرور يومين في شركه الالفي
عمار.... ياسلام جه اليوم اللي ندخل شركه الالفي واحنا شركا ومترحب بينا ده لو كان عمر الالفي لسه عايش كان طق مات فيها
يوسف... هو انت هتفضل مدب كده كتير جاي تقول الكلام ده هنا افرض شيرين سمعت او حد وصلها كلامك تتطير مننا الشغلانه دي
علاء... اهلا اهلا بشركنا اللدود اتفضلوا معايا علي غرفه الاجتماعات
يوسف... اتفضل بس بلاش طلتيش في الكلام لو سمحت
علاء.. يلا ياخويه اتفضل
عمار... صبرنا يارب يلا يايوسف خلينا نخلص ونمشي
فجأه يصطدم بشخص يخرج من غرفه الاجتماعات
يارا... اااي مش تحاسب يا استاذ انت ايه ماشي نايم
عمار.. ما تلمي نفسك ايه نايم دي
يوسف.. هشش اسكت انت احنا اسفين يا انسه
يارا... خلاص يا بشمهندس مفيش حاجه اتفضلوا استاذه شيرين منتظره حضراتكم
عمار... ثواني الم معاكي الاوراق دي
يارا... متشكره جدا اتفضل حضرتك وانا هلمهم
عمار.. اوكي يلا يا يوسف الظاهر الشركه دي كلها قطط بتخربش
شيرين... اهلا وسهلا اتفضلوا ازيك يا بشمهندس عمار فرصه سعيده تعاونا مع بعض
عمار... اكيد احنا اسعد يا مدام
شيرين... واقف ليه يا يوسف اتفضل انت مبقتش غريب البشمهندس عمار اول مره يجي الشركه عشان كده بنرحب بيه
علاء... احنا هنتكلم دلوقتي عن المشروع اللي هنتعاون فيه مع بعض واي حد عنده نقطه مش مفهومه يسال واحنا هنفسر كل حاجه وبعدين تقرروا نمضي العقد او لا
يوسف ينظر لشيرين بابتسامه
اكيد هنمضي العقد وبكل الشروط اللي قالت عليها شيرين
علاء... والله ده تقرره بعد ما تقرا بنود العقد ونشوف
بعد مرور اكتر من ساعه
يوسف.... خلاص تمام كده اتفقنا علي كل بنود العقد نمضي بقي
علاء.. اه اتفضل امضي والبشمهندس عمار اتفضل
عمار... مبروك يا جماعه وان شاءلله مش يبقي اول تعاون بينا وننجح مع بعض
شيرين... ان شاءلله ممكن نطلب غدا ونتغدا سوي وقت الغدا جه وانتوا ضيوفنا
يوسف... لا خليها مره تاتيه الايام جايه
شيرين.. لا مينفعش تطلبوا ايه ما تتكلم يا بشمهندس علاء لازم نتغدا سوي
علاء.. سبيهم براحتهم زي ما قال الايام جايه
يوسف... اه اكيد يلا يا عمار
عمار... سلام
يخرج عمار ويوسف من الشركه
عمار... انا مش مصدق يا يوسف ازاي توافق علي حاجه زي كده
ازاي توافق اننا نشاركهم وندفع فلوس وتصميمات وتعب والاخر اسم عمر هو اللي يتحط علي المشروع يبقي استفادنا ايه
يوسف... اهدي يا عمار اكيد هنستفاد بحصتنا في المكسب المادي اما المعنوي ده بعدين لما نكسب ثقه شبرين
عمار... يابن الايه وانا اللي مستغربك وعمال اقول الواد ماله البت كلت عقله اتاريك داهيه
يوسف.... الحق هههههه القطه اللي عينك طلعت عليها خارجه من الشركه
عمار... تصدق هي مش بقولك الشركه دي كلها قطط
يوسف... رجعت ليه يا مجنون انت يا زف -ت بتهبب ايه هتعمل مشكله
عمار... يا انسه يا انسه
يارا.... افندم حضرتك بتنده عليا ليه عيب كده علي فكرة
عمار.. انت خايفه ليه كل الحكاية اني لقيتك ماشيه قولت اعتذرلك تاني حاسس انك مقبلتيش اعتذارى
يارا... لا حضرتك غلطان انا قبلت الاعتذار ومفيش اي حاجه خلاص
عمار... طيب لو قبلتي خلينا نوصلك كده هتاكد انك وافقتي
يارا... يووووه وبعدين معاك احترم نفسك
فجأه تقف سياره يركب فيها شاب
الشاب... في ايه يا يارا انت عايز منها ايه يا اخ انت وهو
يارا..... مفيش حاجه يا احمد دول زملائي في الشغل انت اتاخرت ليه كده يلا بينا
بعد اذنك يا بشمهندس
عمار... يا بنت ال...
البت ركبت مع الواد والا كاننا واقفين
يوسف... الله يخربيتك يا عمار كنت هتعمل مشكله انت مجنون ياعم انت احنا صغيرين لهبلك ده
عمار... خلاص خلاص بس تفتكر الواد ده خطيبها
يوسف... امشي يا عمااار
--------------------------------------------
علاء.. الووو انت بتتصل ليه دلوقتي مش قولتلك متحاولش تتصل بيا دلوقتى
مجهول... عايز فلوس القرشين اللي ادتهوملي خلصوا اجيب منين وانت منبه عليا اختفي لما القضيه تخلص
علاء... خلاص هبعتلك فلوس بس اياك يوزك عقلك تظهر دلوقتي خالصانا اللي هبلغ عنك واقول انك انت اللي قتلت عمر...