رواية شمعة الحب لا تنطفى الفصل الاول1والثاني2 بقلم جنات
»»الشخصيات والفصل الأول والثاني ««
←توفيق الحديدى
كبير عيله الحديدى
شخصيه جاده وصعبه جداا واهم حاجه عنده مكانه العيله وسمعتها
ويمتلك شركه خاصه بالهندسه والمنشأت ولها اكتر من فرع فى محافظات مصر وخارج مصر
زوجته متوفيه
عنده ٣ ولاد وبنت
==========================
(1)
الابن الاكبر لتوفيق
عزام الحديدى
ـ نفس شخصيه ابوه جبروت
ـ مسؤل عن شركات والده
ـ اهم حاجه عنده الفلوس ومكانته فى المجتمع
ـ متجوز من صفاء اتجوزها عشان اسم عيلتها قلبها مافيش اطيب منه
ـ عنده ولد وبنت
•••••••••••
= ابن عزام الكبير
يحيي الحديدى
ـ ٣٠ سنه
ـ درس هندسه
ـ وبيشتغل فى شركه جده مع والده
شاطر جدا فى شغله وجده بيثق فيه جداا
ـ بيكره طريقه والده وطمعه وبيحب مامته جداا
بيعشق حياه بنت عمه واللى هى خطيبته
•••••••
=بنت عزام الصغيرة
ريم الحديدى
ـ ٢٣ سنه
ـ بتدرس فى كليه هندسه
ـ نفس شخصيه مامتها طيبه وحنينه ورقيقه جدا ومرحه ولما بتتعصب بتبقي شخصيه تانيه خالص
ـ وقريبه جدا من اخوهاا
============================
(2)
الابن التانى لتوفيق
يوسف الحديدى
متوفى
ـ كان عكس شخصيه اخوه عزام مش بيفرق معاه الفلوس
•حب واحده من طبقه متوسطه واتجوزها رغم اعتراض والده لكنه اتمسك بيها جداا واتجوزها وجابها وعاشو فى القصر وكان الكل بيعاملوها معامله سيئه لانها مش من نفس طبقتهم
ـ واتوفت وهى بتولد بنتها الصغيرة لانها كانت مريضه قلب يوسف زعل عليها جداا وبعدها ب٥ سنين اتوفى
ـ عنده ولد وبنت
•••••••••••
= ابن يوسف الكبير
زين الحديدى
ـ ٣١ سنه
ـ كان رتبته مقدم لكنه قدم استقالته ومسك مكان والده فى شركات جده لانه عارف عمه اد ايه طماع وعايز يستولى على كل حاجه
ـ بيكره عيلته بسبب معاملتهم السيئه لوالدته
ـ شخصيتها جد جدا ومش بيهمه حد ولا بيخاف ومافيش عنده اهم من اخته الصغيرة اللى كان مسؤل عن تربيتها بعد وفاه والدته وهى بتولدها
ـ بيسهر وبيشرب وبيعمل اللى على باله ومش بيفكر فى اى حد
•••••••••
= بنت يوسف الصغيرة
حياه
ـ ٢٣ سنه
ـ فى كليه هندسه مع ريم وتقريباا هما سوا ومش بيسيبو بعض ابدااا
ـ مخطوبه ليحيي ابن عمها اللى هو حب طفولتها
ـ مرحه وخفيفه جدااا كيوته بس فى نفس الوقت مجنونه
ـ بتحب اخوها وبتعتبره كل حاجه فى حياتها
===========================
(3)
البنت التالته لتوفيق
فريدة الحديدى
ـ شخصيه كل همها اسم العيله والفلوس
ـ كانت متجوزه وجوزها اتوفى ومن وقتها وهى عايشه فى قصر ابوهاا اللى بياخد برايها فى كل حاجه
ـ كانت بتكره مرات يوسف اخوها لان مش من نفس طبقتهم وكانت بتعاملها معامله وحشه جداا
ـ عندها بنت واحده
••••••••
بنت فريده الوحيده
تارا
-٢٤ سنه
ـ فى كليه تجارة لانها ماجبتش مجموعه هندسه زى باقى احفاد العيله وده ضايق امها جدااا وضايقها هى كمان لانها مش بتحب حد يكون احسن منها
ـ نفس شخصيه والدتها ومش بتحب بنات اخوالها ابداا
ـ عكس بنات العيله اللى كلهم محجبين وبيصلو دايماا لكن هى مش محجبه ولبسها مش كويس
ـ بتعشق زين ابن خالها وبتتمنى تكون مراته
============================
(4)
الابن الاصغر لتوفيق
جمال الحديدى
ـ متوفى
ـ نفس شخصيه اخوه يوسف اللى كان صديقه الوحيد
ـ كان بيحب واحده من عيله فقيرة وهى كمان كانت بتحبه جدااا وماكنتش بيهمها ابدا فلوسه
ـ ابوه لما عرف خاف انه يتجوز زى يوسف اخوه واجبره يتجوز من واحده من عيله معروفه جدااا
ـ بس جمال هرب يوم فرحه وسافر واتجوز سمر حب حياته وعاشو سواا فى سعاده وحب وسمر جابت بنت زى القمر نسخه منها
بس للاسف سعادتهم مادامتش لما سمر عرفت انها مريضه سرطان واتوفت وكانت وصيتها قبل ماتموت ان بنتها تعيش وسط عيلتها
وجمال كان حزين جدا على فراقها وكمان كارما زعلت على فراق والدتها اللى كانت صديقتها الوحيده وجمال خاف انه يموت ويسيب بنته وحيده من غير عيله وقرر يرجع وسط عيلته واعتذر منهم ووالده سامحه بس ماكنش حد بيهتم ببنته
ومرت الايام وجمال اتوفى وساب بنته وحيده وبسبب صدمه وفاه والدتها وبعدها وفاه ابوهاا كارما اتعرضت لصدمه شديدة ومن وقتها وهى فقدت صوتها وبتتعالج من اكتر من سنتين ولسه زى ماهيه مش بتتكلم
••••••••••••
بنت جمال الوحيده
كارما
ـ ٢٣ سنه
ـ كان حلمها تدخل كليه طب بس بعد وفاه والدها عمتها فريده اصرت انها تدخل هندسه زى باقى احفاد العيله ودخلت هندسه وبقت مع ريم وحياه اصدقاء واخوات وقريبين جدا من بعض
ـ شخصيتها مرحه جداا وبتحب الحياه ورقيقه فوق الوصف وبتتكسف من خيالها
ـ رغم اهتمام صفاء بيها وبتحبها جدا والبنات دايما معاها ويحيي اللى بيعتبرها زى ريم بظبط الا ان معامله الجافه لعمتها وعمها عزام وجدهاا ليها بتزعلها جدااا
ـ كارما اتعملت لغه الاشارة والبنات وصفاء اتعلمو معاها عشان يقدرو يتواصلو معاها ومايسببوش اى احراج ليها حتى يحيي كمان لانه بيعتربها زى اخته
ودايما عمتها شايفاها انها مش مناسبه للعيله بسبب ان والدتها كانت من عيله فقيرة وان العيله ماكنتش موافقه على جوازهم من الاساس ودايماا مش بتنادى عليها غير ياخرسه وده بيأثر فيها جامد
ـ بتحب زين من اول ماشافته بس محدش يعرف السر ده ابدااا ولانها عارفه انه مش بيحبها ويمكن مش شايفها اصلا
(بقلم الكاتبه:جنات)
=======================
مراد
•٣١ سنه
•صديق زين ويحيي المقرب
•رتبته مقدم
•ودخل شريك مع زين فى اسهم الشركه وده ضايق عزام وتوفيق جداا
•نفس شخصيه زين وبيسهرو دايما سوااا وبيشرب
ـ والده متوفى ووالدته اتجوزت وسافرت مع جوزها ومش بتهتم بيه
ـ وهو بيكن لوالدته كره وده لسبب هنعرفه سواا على عكس علاقته اللى كانت قويه جداا بوالده
الفصل الاول
تدور احداث روايتنا فى محافظه الاسكندريه عروس البحر المتوسط
وتحديداا فى قصر عيله الحديدى عيله معروفه فى محافظات مصر كافه وليها مكانتها الكبيرة جدااا
تعالو نتعرف سواا على قصر عيله الحديدى
القصر اللى بيتميز بفخامه والرقى وهو قصر بيتكون من ٣ ادوار وسطح
وليه حديقه واسعه جدااا وحمام سباح كبير
وفى الجنينه الخلفيه فى مكان خاص كلب زين (رعد) واللى محدش بيقرب منه غير زين واوقات يحيي
==============
لما ندخل الدور الاول بيكون موجود ريسبشن واسع جداا وسفرة حوليها عدد كبير من الكراسي وسلم فخم بيطلعنا على الدور التانى
والدور الاول كمان فيه المطبخ الواسع جدااا وداخل المطبخ فى باب بيخرج منه الخدم عشان يوصلو للملحق اللى بيعيش فيه الخدم كلهم وكمان فى مكتب الخاص بتوفيق الحديدى
=============
نطلع بقي لدور التانى اللى فيه اوضه توفيق الحديدى واوضه فريده واوضه عزام ومراته صفاء وفى اوضه جمال واوضه يوسف ولسه زى ماهما بس محدش بيدخلهم وفى اوضه تارا بنت فريده
==============
اما بقي الدور التالت
وده مقسوم لجانبين
جانب اليمين وده فيه ٣ اوضه بتوع البنات اللى بنفس اللون مع اختلاف الشكل وكل اوضه فيها حمام وبلكونه صغيرة
والجانب الشمال وده خاص بالشباب ولكل شاب فيهم جناح كبير فيه اوضه وريسبشن وحمام وبلكونه كبيرة ودريسنج روم (اوضه لبس)
=================
الدور الرابع والاخير وهو السطح اللى البنات بيتجمعو ويذاكرو فيه
================
اما بقي بالنسبه لمراد كان عنده الفيلا بتاعه والده لكن باعها بعد وفاه والده وعايش فى شقه فى عمارة راقيه جدااا وهى عبارة عن شقه فى دور عالى جدا فى العمارة والشقه عبارة عن دورين
الدور الاول فيه الريسبشن ومطبخ وسفرة وحمام وفى اوضه نوم صغيرة
وفيه سلم صغير بيطلع على دور تانى وفيه اوضه نوم وحمام
والشقه دى اللى بيسهر فيها هو وزين دايمااا
دى بقي حياه ابطالنا خلونا نبدا سوا الروايه ي قمرات
(بقلم الكاتبه:جنات)
&&&&&&&&&&&&&&&
اشرقت شمس يوم جديد على قصر عيله الحديدى
الخدم شغالين بسرعه فائقه عشان يجهزو الفطار قبل ماينزل توفيق الحديدى وعزام وفريده اللى بيترعبو منهم لانهم ببساطه ماعندهمش قلب واللى بيغلط بيمشي من القصر
كبيره الخدم فاطمه بتشرف على البنات اللى بيجهزو الفطار:يلا يابنات كل حاجه جاهزة وتمام خروجو الاكل على السفرة لسه دقيقتين وينزل البيه الكبير
البنات:حاضر
الكل جهزو السفرة وبعدها فى المعاد المحدد لتوفيق الحديدى نزل وقعد على السفرة
نزلت فريده:صباح الخير يابابا
توفيق:صباح الخير يافريده متأخرة ليه مش عادتك يعنى
فريده:كنت بصحى تارا
توفيق:اومال اخوكى فين
فريده:بيعمل مكالمه ونازل
عزام نزل ووراه صفاء مراته:صباح الخير يابابا
توفيق:صباح الخير
صفاء:صباح الخير
توفيق وفريده:صباح النور
توفيق طبعااا قاعد على راس السفرة وعلى يمينه عزام وجمبه مراته وعلى شماله فريده
عزام:الشباب والبنات لسه نايمين
صفاء:البنات صحو وبيجهزو عشان الكليه
توفيق:وزين ويحيي
صفاء:يحيي بيلبس ياعمى ... بس زين
توفيق:بايت برا البيت مش كدا ... الولد ده بيعمل اللى فى دماغه ومش فارق معاه حد
فريده وهى بتاكل:حضرتك اللى ساكتله يابابا وهو ماصدق وساق فيها اوى
البنات نزلو سوا
ريم وحياه:صباح الخير ياجدو
توفيق:صباح الخير
البنات معادا كارما:صباح الخير ياعمتو
فريده:صباح الخير ليه التاخير ده كله
ريم:كنا بنجهز عشان الكليه ياعمتو
البنات قعدو مكانهم جمب فريده بس سابو كرسي اللى جمبها لانه مكان تارا
فريده:تانى مرة بلاش تاخير على الفطار
حياه:ماهى تارا لسه مانزلتش ياعمتو
فريده بصتلها بغضب وشويا يحيي نزل وصبح على الكل وباس راس صفاء وقعد مكانه جمبها وبص لحياه اللى ابتسمتله
عزام:زين فين يايحيي
يحيي:مش عارف يابابا اخر مرة شوفته امبارح وقت الاجتماع وبعدها خرج معرفش راح فين
فى الوقت ده دخل زين وهو قالع الجاكيت وماسكه فى ايده:بتجيبو فى سيرتى ليه على الصبح
توفيق ضرب بايده على السفره:انت مش ناوى تتظبط بقي يازين
زين:لو ناوى تدينى محاضرة زى كل يوم فمعلش خليها لوقت تانى لانى مصدع موت
عزام:زيــــــن احترم نفسك انت بتكلم جدك
زين:هو انا كنت غلط مثلا ... بقولكو ايه انا جاى تعبان وطالع ارتاح فى اوضتى
زين مشي وقرب من اخته وباس راسهاا:خدى بالك من نفسك ياحياه
حياه ابتسمت على حب اخوها:حاضر يازيزو
زين طلع اوضته
ريم للبنات:يلا عشان منتاخرش
يحيي:استنو هوصلكو فى طريقى
البنات خرجو مع يحيي
فريده بصت لابوها:شايف طريقه زين يابابا
توفيق:الولد ده عايز يتعدل وانا عارف انا هعدله ازاى
عزام:تمام يابابا احنا لازم نتحرك عشان فى اجتماع مهم جداا
توفيق:لما هو فى اجتماع مهم اللى طلع فوق ده مش هيحضر
عزام:سيبك منه يابابا يلا
توفيق وعزام خرجو وركبو مع السواق
وفريده فضلت قاعده وبعدها بشويا نزلت تارا وهى لابسه فستان اسود قصير وعامله ميكب اوفر:جود مورنينج مامى
فريده:انتى لسه فاكرة تنزلى جدك لولا ان زين عصبه ماكنش هيسكت على تاخيرك ده
تارا:يوه بقي يامامى انتى عارفينى مش بحب اصحى بدرى .... مع علينا انا راحه الكليه باااى
فريده:باى
فريده قامت تكلم صحابتها عشان يتقابلو فى النادى زى كل يوم
====================
فى عربيه يحيي اللى بيسوق وحياه قاعده جمبه وكارما وريم قاعدين ورا واخيراا وصلو الكليه البنات نزلو وفضلت حياه اللى يحيي مسك ايدها
حياه:يحيي سيب ايدى البنات هتيجى
يحيي:مايجو انا ماسك ايد خطيبتى
حياه ابتسمت:طب ممكن تسبنى عشان كدا هتاخر على المحاضرة
يحيي باس ايدها:اتفضلى ياحياتى
حياه نزلت بسرعه وراحت للبنات ودخلو الكليه ويحيي راح على الشركه
(بقلم الكاتبة:جنات)
===============
فى شركه الحديدى
توفيق الحديدى مترأس تربيزة الاجتماعات ومعاه عزام ويحيي وعدد كبير من الموظفين
توفيق مضايق جدا من زين انه محضرش الاجتماع
الباب اتفتح ودخل مراد صاحب زين:صباح الفل
عزام:اهلا وسهلا اخيرا شرفت وبعدين بالعاده بتحضر مع صاحبك جاى ليه لوحدك
زين دخل:ومين قال انه لوحده ياعزام باشا
مراد:هو بردو البيج بوص ممكن يفوت اجتماع مهم زى ده
يحيي ابتسم لانه كان متاكد ان زين مش هيفوت الاجتماع
زين قعد على راس التربيزة قدام جده لان ده كان مكان والده ومراد قعد على يمينه
زين:يلا نبدأ
بدا الاجتماع والكل بيتشاورو فى امور كتير تخص الشركه وزين كل اللى عليه بيعترض على اى قرار بيقوله عزام واللى كان مضايق جدا من زين واللى ضايقه اكتر ان الموظفين كان بينحازو لصف زين
بعد وقت طويل الاجتماع خلص وقرارات زين هى اللى اعتمدت والموظفين كلهم خرجو وفضلو افراد العيله ومراد
عزام:انت قاصد اللى بتعمله مش كدا
زين:معلش قصدت ايه
توفيق:بتعترض على اى قرار بياخده عمك ومش هعملنا اى اعتبار
زين:لا ازاى العفو ياتوفيق بيه بس انا بعتمد اللى بتناسب مع مصلحه الشركه ولا ايه
مراد:صح جدااا يابوص وبعدين بصراحه قراراتك كلها غلط ياعمى
عزام بعصبيه:انت مال اهلك بتدخل ليه
مراد:لااا كدا ازعل وانا زعلى وحش اوى
زين:مراد يتدخل زى ماهو عايز وبراحته كمان انت ناسي انه شريك ولا ايه
توفيق:انت اللى دخلته شريك غصبن عننا
زين قام وقف:عن اذنكو بقي اصلى مش فاضى الصراحه
زين خرج وراه مراد ويحيي خرج وراهم
عزام بعصبيه:الواد زودها اوى يعنى
توفيق:سيبه انا عايز اعرف اخره ايه
====================
فى مكتب زين قاعد ومعاه مراد
مراد:ياعم مش عارف انت بتطيق عمك ده ازاى
زين ضحك:ومين قالك انى بطيقه اصلا
مراد ضحك اوى
دخل يحيي وقعد معاهم:ياعم مش ناوى تبطل طريقتك دى
زين:اظن ده انا ودى طريقتى من زمان مش لسه بتتعرفو عليها
يحيي:بس ماتنساش ان اللى بتقلل منه قدام الموظفين ده عمك وحما اختك
زين:اهو الموضوع ده بذات بلاش تفكرنى بيه لان كل مابفتكره بتعصب
مراد:يعنى خاف بقي يايحيي باشا جوازتك ممكن تتفشكل فى اى لحظه
زين:اهو قالك اهو
يحيي:ليه وانا مالى باللى بيحصل بينك انت وعمك
زين:انت ناسي انه ابوك ولا ايه
يحيي قام وقف:بردو انا مالى هو اللى بينى وبينك متوقف على علاقتك بعمك لدرجه دى يعنى ممكن فى اى لحظه تبعد عنى وتبعد حياه كمان واكيد عشان كدا رافض فكرة كتب الكتاب صح ... تمام ياصاحبي
يحيي خرج وزين اضايق انه زعل يحيي
مراد:شكلنا عكناها
زين:هابقي اتكلم معاه بعدين....عايزك تفتح اليومين وعينك على عزام
مراد:لا تقلق يامعلم .. انسي الشغل شويا هنسهر النهارده
زين:اكيد
مراد:هطير انا بقي سلام
زين:سلام
================
فى الكليه عند البنات اللى قاعدين فى الكافتيريا
ريم:مالك ياكوكى سرحانه ليه من وقت ماخرجنا
كارما هزت راسها بمعنى مافيش
حياه:هو احنا مش عارفينك يعنى مالك
كارما اتكلمت بلغه الاشارة:(عمتو وعمو النهارده محدش فيهم اتكلم معايا)
ريم:المفروض دى حاجه تفرحك مش تزعلك
كارما بلغه الاشارة:(ربنا يستر من باقى اليوم)
حياه:سيبك من عمتك ياكوكى والمفروض كلنا اتعودنا على طريقتها
كارما حركت ايديها بحزن:(بس طريقتها معايا غير معاكو)
ريم:حبيبتى بلاش تفكرى كتير عشان انتى اللى هتتعبي فى الاخر
حياه:صح ريمو معاها حق وبعدين انتى اخدتى برشامتك الصبح ولا لأ
كارما هزت راسها بلا
ريم:وعماله تفكرى طب قومى ياختى خلينا نروح عشان تاخديهاا
كارما حركت ايدها بملل:(انا زهقت من الادويه)
حياه:كارما انتى عارفه انتى بتتعبي ازاى لما مش بتاخدى برشامه الضغط وكل شويا بيغمى عليكى
كارما بلغه الاشارة:(مش هتحصل تانى يلا نرجع البيت)
البنات خرجو وكان السواق اللى بيوصلهم موجود ركبو معاه ورجعو على القصر
==============
البنات وصلو القصر وفى نفس الوقت وصل يحيي اللى نازل وشكله مضايق
ريم وكارما دخلو وحياه قربت من يحيي اللى ساند على عربيته
حياه:مالك يايحيي
يحيي ابتسم:انا كويس ياحياه
حياه:حياه...لا تبقي مش كويس خالص
يحيي:شديت مع اخوكى مش اكتر
حياه:بسبب الشغل ولا بسبب ايه
يحيي:اخوكى بيربط علاقتى بيه وبيكى بعلاقته مع بابا
حياه:انت عارف زين يايحيي بيتعصب بسرعه وبيرجع يهدى تانى وبعدين انت متاكده انه لا هيبعد عنك ولا هيبعدنى عنك صح ولا لأ
يحيي:مابقيتش عارف حاجه ياحياه والله وزى مابتقولى اخوكى عصبي وجدااا كمان وممكن فى لحظه غضب يهد كل حاجه
حياه:بص انت بلاش تتدخل بين زين وعمو عزام اتفرج من بعيد لان اللى هيقرب هيتاخد فى الرجلين
زين من وراهم:والله البت دى بتقول حكم اسمع منها
زين قرب وحاوط كتف اخته:الواد ده كان بيشتكيلك منى ولا ايه
حياه:هو مش محتاج يتكلم على فكرة انا بعرف انه مضايق يعنى ممكن تقول كدا بحس بيه
زين:ااااااه بحس بيه ... ماشي ياست الحساسه وابقي حسي باخوكى شويا مش كله لسي يحيي
حياه:الحب وعمايله بقي يااخ
زين:اخ
يحيي ابتسم:عارفه والله العظيم انتى احلى حاجه حصلت فى حياتى
حياه ضحكت
زين زقها براحه:ادخلى يابت جواا لما اشوف اللى بيعاكس اختى قدامى ده
يحيي:خطيبتى ياعم الله
حياه:سلاموزززز
حياه دخلت ويحيي عينه عليها
زين:لسه زعلان
يحيي بصله:مش قصه زعلان يا زين انا مش عارف بتربطنى ليه مع ابويا انا ماليش دخل باللى بينكو ولا عايز ادخل
زين:وانت عارف انى مش باخدك بذنب ابوك وانك اخويا وصاحبي ومقدرش استغنى عنك
يحيي:عارف يازين وانت عارف غلاوتك عندى
زين:يبقي تعالى فى حضن اخوك
الاتنين حضنو بعض بحب ودخلو سوااا القصر
صفاء:حمدلله على السلامه ياولاد
يحيي باس ايدها:الله يسلمك ياست الكل
زين:الله يسلمك ياصفصف ياقمر انتى
صفاء:يلا اطلعو غيرو وانزلو عشان نتغدى كلنا سواا
الشباب طلعو وقابلو البنات وهما نازلين
ريم:حمدلله على السلامه انجزو بقي عشان احنا جعانين
حياه:موت الصراحه
يحيي:وانتى ياكوكى مش جعانه زيهم
كارما هزت راسها بمعنى شويا
يحيي ضحك:انزلو هنغير ونيجى
البنات نزلو وقعدو مكانهم على السفرة وبعدها الشباب نزلو وتوفيق وعزام خرجو من المكتب وانضمو ليهم وفريده كمان
توفيق:بنتك فين يافريده منزلتش على الفطار ومش موجوده على الغدا
فريده:اكيد عندها محاضرات يابابا زمانها جايه
حياه بهمس للبنات:اقطع دراعى لو كانت بتروح الكليه اصلا
ريم وكارما بيحاولو يكتمو ضحكهم
وبعد شويا خلصو اكل وكل واحد راح على اوضته الا فريده اللى كانت بتنسي تارا اللى الساعه بقت ١١ وهى لسه ماجيتش
وسمعت خطوات عينها جت على الباب كانت تارا فريده قامت وقربت منها بعصبيه:انتى كنتى فين لحد الوقت ومش بتردى عليا ليه
تارا:يووه يامامى كنت مع اصحابي ومسمعتش الفون وبعدين انا جايه تعبانه وطالعه انام باى
تارا طلعت وقابلت زين كان نازل وقربت منه:هاى يازين
زين:هاى
تارا:رايح تسهر
زين بسخريه:اكيد مش رايح الشركه يعنى
تارا مسكت دراعه بدلع:طب ماتاخدنى معاك
زين قرب منها اوى وتارا فرحت لانها بتحاول معاه كتير وهو مش بيعبرها اصلا
زين بهمس:للاسف ياتارا مش هينفع
تارا بنفس الهمس:ليه
زين همس جمب ودنها:لانك مش من نوعى المفضل
تارا اضايقت منه وسابته وطلعت وقابلت كارما كانت نازله وزقتها جامد:ابعدى من وشي
كارما كانت هتقع من على السلم لولا دراع زين اللى صدهاا
زين:انتى كويسه
كارما بعدت عنه بسرعه وهزت راسها باه
كارما نزلت جرى ودخلت المطبخ وزين نزل وقرب من المطبخ ووقف على الباب:فطوم
فاطمه اللى كانت واقفه مع كارما:نعم يابنى
زين:حد راح النهارده لرعد
فاطمه:ايوا يازين احمد الجناينى راحله وحطله اكل متقلقش عليه
زين:تمام يا فطوم
زين خرج من القصر وركب عربيته ومشي راح عشان يسهر مع مراد فى شقته كالعاده........
الفصل الثاني
الساعه ٣ بليل فى شقه مراد اللى سهران هو وزين وقدامهم تربيزة عليها ازايز خمرة وتسالى
مراد:مالك ياعم ساكت من ساعه ماجيت
زين:النهارده سياده اللوا كلمنى
مراد بصله اوى:ليه فى حاجه
زين:عايزنى ارجع شغلى
مراد:ده حاجه كويسه
زين:انا لو رجعت شغلى جدى وعمى هياخدو راحتهم فى الشركه وانا مش عايز كدا
مراد:مانت ليك عيون جوا وبرا الشركه يعنى بسهوله هتعرف كل اللى انت عايزه
زين:سيبك الوقت انا مصدع ومش عايز اتكلم فى شغل وبصراحه مش حابب ارجع الشغل ده تانى
مراد:بص بقي احنا ننزل نسهر سواا سهرة انما ايه
زين:ماليش فيه
مراد:بقولك سهرة جامده وصحابنا كلهم موجودين
زين:لا انا همشي
مراد:ماشي ياعم الملل
زين ضحك:ماشي
==================
زين رجع على القصر وطلع على اوضته بس سمع صوت البنات بتضحك على السطح
طلعلهم كانو بيذاكرو ولابسين اسدالات
زين:انتو ايه اللى مسهركو لحد الوقت
حياه:زى مانت شايف بنذاكر يازيزو الامتحانات قربت
زين:بتذاكرو .... وصوت الضحك اللى مالى القصر دى مذاكرة بردو
ريم:ماحنا لازم نفصل شويا يازين عشان منزهقش
زين بحده:لا والله....يلا ابت انتى وهى كل واحده على اوضتها
البنات لمو حاجاتهم ونزلو الا حياه اللى قربت منه:وحضرتك كنت فين بقي
زين:مع مراد
حياه حطت ايدها على مناخيرها:اوووف يازين
زين شم هدومه:فى ايه يابت انتى شامه ايه
حياه:ريحه القرف اللى بتشربه ده ..... والله حرام عليك نفسك يازين
زين:حـيـــاه
حياه عنينها لمعت بدموع:بلا حياه بلا زفت ... يعنى ياحبيبى انت لو مش خايف على نفسك خاف عليا يعنى لو بعد الشر حصلك حاجه انا هيبقالى مين يازين
زين حضنها:سيبها على ربنا .... وبعدين انا معاكى اهو ومش هسيبك ابداا وحتى لو سبتك فى حبيب القلب اللى بتحسي بيه
حياه ضحكت:انت غير يازيزو
زين باسها من خدها:روح قلب زيزو انتى ... يلا روحى عشان تنامى
حياه:تصبح على خير ياحبيبي
زين:وانتى من اهل الخير
حياه نزلت وزين كمان نزل وراح على جناحه ودخل اخد شاور ونام
===================
صباح تانى يوم
الكل صحو وفطرو سواا وتوفيق وعزام وزين ويحيي راحو الشركه
والبنات ماكنش عندهم محاضرات فقضو اليوم فى البيت بيذاكروو على السطح
وبعد اكتر من ٤ ساعات البنات بيذاكرو
حياه قفلت الكتاب:انا زهقت كفايه بقي
ريم:لسه جزء صغير بس
حياه:احنا اصلا مش فهمينه .... دكتور غبي
كارما ابتسمت
ريم:ايه رايكو نخلى يحيي يشرحو لينا زى ماكان بيعمل
حياه:فكرة قمر الصراحه
ريم:الفكرة اللى قمر ولا يحيي
البنات ضحكو
حياه:يحيي مش هيجى غير بليل احنا هنعمل ايه لحد مايجى بقي
ريم:تيجو نخرج
حياه:نخرج نتغدا ونشترى شويا حاجات ونيجى ايه رايك ياكوكى
كارما افتكرت اخر مرة لما خرجت عمتها بهدلتها وقالتلها ممنوع تخرج مرة تانيه
كارما هزت راسها بلا
ريم:انتى خايفه من عمتو صح طب هنعمل ايه
حياه:عندى فكرة
ريم:قولى
حياه طلعت فونها:استنو
حياه رنت على زين وفتحت الاسبيكر
زين:عايزه ايه ياقمر
حياه:زيزو حبيب قلب اختك
زين:اااه عرفها انا الدخله دى عايزة ايه من الاخر مش فاضي
حياه:عايزين نخرج انا والبنات
زين:تخرجو تروحو فين يعنى
حياه:هنتغدى سوا فى المطعم اللى جم المول وبعد كدا هنروح نشترى شويا حاجات من المول
زين:طيب روحو وانا هكلم السواق يبقي معاكو
حياه:لا ماهو فى مشكله
زين:انجزى ياحياه مش فاضي
حياه:عمتو مش هترضي تخلى كارما تخرج معانا واحنا مش هنخرج من غيرها
زين:وهى مش هترضي ليه بقي
حياه:لا دى حكايه طويله اوى
زين:وانا مطلوب منى ايه
حياه:انا هقولها ان احنا خارجين معاك قشطااا
زين:ماهى اكيد هتعرف انى فى الشركه ياذكيه
حياه:طب اعمل ايه بقي الوقت عايزين نخرج
زين:بصى البسو وانزلو ولو قالت حاجه قوليلها ان انا عازمكو على الغدا هتروح انتو المطعم وانا هاجى وراكوو اخرجو وخلصو كل اللى وراكوو وكلمينى اجى اخدكم حلو كدا
ريم بصوت عالى:تسلم يازين بجد
زين:عدو الجمايل بقي
حياه:هنعدها حاضر
كارما كانت بتبصلهم ونفسها تتكلم زيهم معاه هى مش بتتكلم معاه خالص حتى بالاشارة لانه مش بيفهمها وهى بتتحرج
حياه:سلام يازيزو
ريم:يلا نلبس بقي
البنات كل واحده راحت على اوضتها عشان تجهز
(بقلم الكاتبة:جنات)
=================
فى الشركه
مراد وصل الشركه متاخر
البنت اللى فى الاستقبال:مستر مراد
مراد قرب وسند على مكتبها:صباح الجمال ياسلمى
سلمى:مستر عزام سال عليك اكتر من مرة وقالى اقولك انه عايزك ضرورى
مراد لنفسه:وده عايزنى ليه ده
مراد:تمام هو فى مكتبه
سلمى:ايوا
مراد راح على مكتب عزام وهو مستغرب هو عايزه ليه دى اول مرة تقريبا يطلب يشوفه من وقت ماشارك بفلوسه فى الشركه
مراد خبط على الباب وسمع صوت عزام:ادخل
مراد فتح الباب ودخل:صباح الخير
عزام وهو باصص فى الورق اللى قدامه:اتفضل
مراد اضايق منه بس ماتكلمش وقعد على كرسي قدام المكتب:خير ياعزام بيه قالولى انك سالت عليا كتير
عزام بصله:اه سالت عليك وعرفت ان الباشا بيجى كل يوم متاخر وبيمشي بمزاجه كمان وكل اللى بيعمله عمال يعاكس فى الموظفات وبس وطلبتك علشان اعرفك ان الشركه مش للعب يامراد بيه وانا اساسا كنت رافض الشراكه دى من الاول
مراد:اولا انا داخل شريك بفلوسى ياعزام باشا ولولا انى دخلت شريك كانت الشركه هتقع وانا طبعاا معملتش كدا غير عشان زين وبس مش عشان خاطركو ولا حاجه.....اما بقي بالنسبه اجى متاخر وامشي بدرى ده بمزاحى وكيفى ..... لو كنت ناسي افكرك انى المقدم مراد يعنى شغلى الاساسى مش هنا ....ممكن تقول انى باجى هنا اتسلى واعاكس الموظفات زى مانت بتقول كدا.... عن اذنك ياعزام بيه
مراد قام خرج وعزام اضايق منه جداا
=================
زين قاعد فى مكتبه والباب اتفتح ودخل مراد وقعد قدام زين ومتكلمش
زين بصله اوى:هما اخترعو ام الباب ده ليه
مراد:بقولك ايه انا على اخرى
زين:مالك
مراد:انا كان فضلى تكه بس وهقتلك عمك
زين:ليه ايه اللى حصل
مراد حكاله اللى حصل
زين:سيبك منه هو عايزك تعمل مشكله عشان يمشيك من الشركه لانك تبعى....وبعدين انت مضايق ليه مانت رديت عليه كويس زمانه هيتشل الوقت وهيكلم ابوه واخته
مراد:انا بجد مش مصدق ان يحيي ابن الراجل الاستغلالى ده
زين:يحيي غيره تماما اومال انا وافقت انه يخطب حياه ليه....هتعمل ايه الوقت
مراد:ولا اى حاجه هروح اعاكس فى الموظفات المزز
زين ضحك:امشي ياض من قدامى
مراد قام وقف:ماشي ياعم متزقش سلام
مراد خرج وزين كمل شغله
==================
البنات لبسو ونزلو وقابلتهم فريده:على فين
ريم:خارجين هنتغدى برا
حياه:وبعدها هنروح نجيب حاجات من المول
فريده:تمام روحو انتو كارما مش هتخرج
كارما بصتلها بحزن
حياه:سورى ياعمتو بس زين اللى عازمنا كلنا
فريده باستغراب:زين
ريم:ايوا
فريده:وهو من امته زين بيخرجكو
حياه:لحظه لو مش مصدقانا
حياه طلعت فونها ورنت على زين وفتحت الاسبيكر
زين:خلصتو ياحياه
حياه:ايوا يازيزو احنا هنروح على المطعم
زين:قشطا انا حجزت التربيزه وهخلص واجيلكو ياحبيبتى خدو بالكو على نفسكو
حياه:حاضر ياحبيبي
حياه قفلت وبصت لفريده:صدقتى ياعمتو
فريده:بماانكو خارجين خدو تارا معاكو هى كمان
البنات بصو لبعض لانهم مش بيحبوهااا
فريده نادت على تارا اللى نزلت بفستانها القصير وفرحت انها هتخرج مع زين
البنات خرجو وركبو العربيه وحياه بعتت مسدج لزين تعرفه ان تارا معاهم
بعد شويا البنات وصلو المطعم ودخلو وقعدو على تربيزة اللى زين حجزها
حياه:هناكل ايه
ريم:استنو نشوف المنيو
تارا:انتو مش هتستنو زين مش المفروض هو اللى عازمكو
البنات بصو لبعض هما نسو زين اصلا
حياه:اكيد هنستناه هنطلب على مايجى
الجرسون جابلهم المنيو والبنات لسه هيطلبو اتفاجأو بزين اللى قعد جمب حياه
زين:اتاخرت عليكو
حياه:لا خالص يازيزو... يلا شوف هتاكل ايه
زين:اطلبيلى زيك ياقمرى
حياه:من عيونى
تارا بدلع:اعتقد زين مش هياكل اللى انتو طلبينه ده
حياه:ليه يعنى
تارا:لان زين بيلعب رياضه وبيهتم بجسمه ومش هياكل كل الاكل ده
ريم:ده على اساس اننا طالبين المنيو كله
تارا:زين انا هطلبلك زيي ممكن
حياه بعصبيه:لا انا اللى هطلب لاخويا انتى فاهمه
زين:اهدى ياحياه ويلا اطلبى لانى جعان
حياه بصت لتارا بانتصار وطلبو الاكل
زين:هتروحو المول بعد ماتاكلو
حياه:اه يازيزو
بعد شويا الاكل جه والكل بدأ ياكل وتارا كانت مضايقه منهم وكانت حابه تضايقهم وهى عارفه انهم بيحبو كارما جدا فحبت تضايقها فبتالى هما هيضايقو
تارا:ماكنتش اعرف انك بتعرفى تاكلى بشوكه والسكينه ياكارما
كارما بصلتها اوى
حياه:اشمعنا يعنى
تارا:لا اصل مامى دايما بترفض تاخدها اى حفله او اجتماع خاص بالعيله بتخاف تكسفنا
كارما اتصدمت من كلامها وعينيها جت تلقائيه على زين اللى مركز معاهم
ريم:تارا احنا خارجين نغير جو لو ناويه تضايقنا اتفضلى امشي مش مرحب بيكى اصلا
تارا بسخريه:مش مرحب بيا .... اومال مين اللى مرحب بيها كارما بنت سمر
كارما دموعها نزلت وقامت بسرعه وريم قامت وراهاا
حياه:انتى بنيأدمه مستفزة عارفه لو مكناش فى مكان عام كنت جبتك من شعرك غبيه
حياه قامت ورا البنات
تارا بصت لزين:كويس انهم مشو وسابونا لوحدنا
زين قام وقف وطلب الحساب:اخرجى برا واركبي اى تاكسي وارجعى على القصر
زين دفع الحساب وراح ورا البنات وتارا كانت مضايقه جدااا وخرجت من المطعم ورجعت على القصر
(بقلم الكاتبة:جنات)
===============
ريم جرت ورا كارما اللى دخلت شارع جمب المطعم ومسكتها:اقفى بقي ياكارما
كارما كانت بتعيط وريم اخدتها فى حضنها:اهدى عشان خاطرى حقك عليا
حياه خرجت من المطعم وشافتهم وراحتلهم وحضنت البنات وعيطووو كلهم على عياط كارما
حياه:متزعليش نفسك هى بت غبيه والله
ريم:امسحى دموعك بقي ويلا عشان نكمل يومنا
كارما هزت راسها بلا
حياه:لا هنكمله وهنتبسط ياكارما ومش هنفكر فى الغبيه دى يلا
البنات هيخرجو من الشارع شافو زين واقف وساند على الحيطه وبيبص عليهم والبنات قربو منه
حياه:ممكن افهم حضرتك كنت قاعد بتعمل ايه ... ماكنتش عارف تديها قلمين على وشها يازين
ريم:صح او كنت اديها بوكس طبقلها وشها ده
زين ضحك اوى:نفسي اعرف بتجيبى الشجاعه دى منين ياريم فجاه كدا بتتحولى من بنت رقيقه لقطه شرسه بتخربش
ريم:اللى زى تارا عايزة تاخد على قفاها عشان تتظبط
زين بص لكارما اللى وشها فى الارض:كارما
كارما رفعت راسها وبصلته
زين:متزعليش نفسك وبلاش تفكرى فى كلامها وبعدين يلا عشان تكلمو يومكو انا مشيتها
حياه:بجد
زين:اه اخدت تاكسي ومشت
ريم:احسن بردو بنت فقر يلا بقي
البنات دخلو المول وزين معاهم واشترو حاجات كتير على عكس كارما اللى كانت زعلانه وماشيه ساكته
زين:بقولكو ايه
حياه:ايه
زين:بما انى انا اللى مخرجكو يعنى انا عايز اجبلكو حاجه هديه عشان تفتكرو اليوم ده بيها لانه مش هيكرر تانى
حياه:موافقين جداا بس هتجبلنا ايه
زين:انتو اختارو يلا ندخل محل ايه
ريم:اكسسوار
حياه:صح مش كدا ياكوكى
كارما هزت راسها بمعنى معرفش
زين:يلا تعالو معايا
البنات دخلو محل مع زين وريم وحياه بداو يختارو وكارما بتتفرج فى صمت
البنات فضلو كتير يختارو ومش عارفين يختارو ايه
زين بملل:هو الموضوع صعب اوى كدا
حياه:اصبر بس يازيزو
زين:بت انتى وهى يلا على برا
ريم:انت غيرت رايك ولا ايه
زين بحده:يلا على العربيه اخلصو
البنات خرجو من المول كله ووقفو جمب عربيه زين على مايجى
بعد شويا زين نزل وماسك شنطه كبيرة وفتح العربيه وحياه ركبت جمبه وريم وكارما ورا
زين طلع ٣ علب قطيفه بلون الاحمر وبدا يفتح واحده واحده ويديها للبنات
كانو سلسله بحرف كل بنت والبنات حبوهم اوى وطلع ٣ دباديب بلون البينك وعطى لكل بنت دبدوب
ريم:واحنا اللى قولنا انك بخيل ومش هتجبلنا حاجه
حياه:الصراحه ظلمانك جامد
زين:يلا بلكى يطمر فيكم ... نمشي بقي
حياه:يلا
======================
فى القصر
تارا:هو ده اللى حصل يامامى والله بهدلونى وزين خلانى امشي كل ده عشان خاطر الخرسه
فريده:متزعليش ياقلب مامى انا هجبلك حقك من الخرسه اللى اسمها كارما
تارا:حبيبه قلبي يامامى
فريده:اطلعى ارتاحى يلا
تارا:حاضر
البنات وصلو مع زين وحياه وريم داخلين بيضحكو ويهزرو سوا وكارما مش بتشاركهم
فريده:اهلا وسهلاا
حياه وريم:مساء الخير ياعمتو
فريده بتبص لكارما بغضب وكارما خافت من نظرتها:كل ده كنتو فين ..... اظن مافيش بنات محترمه ترجع بيتها فى وقت متاخر كدا .... بس اقول ايه من وقت دخول كارما هانم البيت وانتو بقيتو قمه فى قله الاحترام طبعااا ماهى تربيه واحده من الشارع
كارما اتصدمت من كلامها
حياه:وايه دخل كارما ياعمتو اننا راجعين متاخر
ريم:وبعدين كارما محترمه جداا ومش زى ماحضرتك بتقولى حتى احنا كمان عارفين حدودنا كويس
فريده:لا ماهو واضح واقفين بتردو عليا بقله ذوق .... انا بكرة هعرف جدكو انكو راجعين متاخر ولوحدك
زين دخل وكان سامع كل كلامهم:ومين قال انهم كانو لوحدهم يافريده هانم البنات كانو معايا وانتى عارفه كدا كويسه
فريده:وبردو مش مسموح ليهم يرجعو متاخر انت عارف الساعه كام الوقت
زين:والله على الاقل راجعين مع راجل ... الدور والباقى بقي على اللى بنتها بترجع نص الليل ولوحدها ... ياترى توفيق باشا وعزام باشا يعرفو بكلام ده
فريده اتوترت:تارا كانت بتذاكر عند صاحبتها
زين:والله اول مرة اعرف ان بنتك وصحابها بيذاكرو فى نايت كلوب
فريده اضايقت منه ومعرفتش ترد عليه
زين:يلا يابنات اطلعو ارتاحو
البنات طلعو وزين كمان طلع اوضته
==================
فى اوضه كارما اخدت شاور وغيرت وقعدت على السرير بتفتكر كلام تارا وفريده عن والدتها وفضلت تعيط واتفزعت لما باب الاوضه اتفتح بقوة ودخلت فريده وقفلت الباب
كارما قامت وقفت بخوف
فريده:بقي بسببك انتى ياخرسه تهينو بنتى واللى اسمه زين يرجعها على البيت لوحدهاا وكمان البنات يقفو يردو عليا وتكمل بزين باشا كله بسببك
كارما بتهز راسها بلا
فريده قربت منها ومسكتها من شعرها بقوة:انا اصلا مش بطيقك لا انتى ولا ابوكى ولا امك تربيه الشوارع وبتمنى اخلص منك النهارده قبل بكرة وهعملها عشان ارتاح منك اصل اللى زيك متلقيش تعيش فى قصر الحديدى
فريده زقت كارما بقوة وقعت على الارض وخرجت من الاوضه
كارما فضلت تعيط كتير لحد مااغمى عليها مكانها على الارض
===============
فى جناح زين اخد شاور ونام على السرير وفتح لما فونه رن وكان مراد
زين:عايز ايه
مراد:مش هتيجى ولا ايه الكل متجمعين هنا وقاعده جامده
زين:لا انا عايز انام مش هاجى
مراد:غريبه اول مرة متسهرش انت كويس
زين:اه كويس بس دماغى مصدعه وعايز انام
مراد:ماشي يامعلم سلام
زين:سلام
زين قفل ونام......