رواية شمعة الحب لا تنطفى الفصل الثالث عشر13 والرابع عشر14 بقلم جنات


 رواية شمعة الحب لا تنطفى الفصل الثالث عشر13 والرابع عشر14 بقلم جنات

مرت الايام والشباب والبنات بيجهزو كل حاجه للفرح وده مضايق توفيق وعزام وفريده وتارا اللى عايزة تعمل اى حاجه عشان تخرب الفرح 
===============
فى يوم الحنه اللى قبل الفرح بيومين
البنات عزمو اصحابهم فى الكليه وكانو فرحانين جدااا
حياه وكارما كل واحده كانت بتلبس فى اوضتها ولبسو فساتين شيك ووفردو شعرهم مع ميكب بسيط وكانو قمرات من الاخر 
فى اوضه حياه كانت خلصت لبس
فونها رن وكان يحيي بيكلمها فيديو كول 
حياه ردت عليه ويحيي انبهر بجماله 
يحيي:يابوووووى على الجمال
حياه ابتسمت بكسوف
يحيي:طب انا عايز اشوف الفستان ممكن
حياه قربت من المرايا ولفت الكاميرا ويحيي شافها:انا مش مصدق ان لسه يومين هتبقي فى حضنى
حياه:بطل يايحيي لو سمحت
يحيي:انا فرحان اوى ياحياه ومش قادر اعبر عن فرحتى حتى
حياه:يارب دايما ياحبيبي تبقي فرحان 
يحيي:طول مانتى معايا هابقي اسعد واحد فى الدنيا كلهااا
باب اوضه حياه خبط
حياه:هقفل معاك عشان الباب بيخبط
يحيي:ماشي ياقلبي
حياه فتحت وكانت ريم اللى لابسه فستان بلون البينك وفرده شعرها وكانت جميله
(بقلم الكاتبة جنات)
================
فى اوضه كارما اللى واقفه قدام المرايا وبتبص على نفسها
كارما كانت بتحط اللمسات الاخيرة من الميكب واتصدمت لما شافت زين واقف ساند  على باب البلكونه 
كارما لفت بسرعه:زين انت بتعمل ايه هنا
زين قرب منها وهو تايهه فى جمالها ورقتها
زين:انتى ازاى بالجمال ده ياكارما
كارما اتكسفت:زين امشي لو سمحت البنات هيجو فى اى لحظه
زين:طب مايجو هو انا غريب دانا جوزك يعنى
كارما ابتسمت
زين:وبعدين مش انا قولت بلاش تلبسي حاجه مكشوفه
كارما:ماهو واسع اهو يازين 
زين:بالنسبه لدراعاتك دى ايه
كارما:زين دى حفله بنات بس 
زين قرب عليها:هتصدقينى لو قولتلك بغير عليكى من نفسك
كارما ضحكت:لدرجه دى
زين:ورحمه امى
كارما ضحكت:لا كدا صدقتك
زين:صح جبتلك معايا حاجه يارب تعجبك
كارما:اى حاجه منك اكيد هتعجبنى
زين:لا كدا كتير مش هقدر استحمل
كارما ضحكت وزين راح ناحيه البلوكه وجاب بوكيه وعطاه لكارما اللى فرحت:بوكيه كاندى ... تعرف انى بحبها جدا
زين:عارف عشان كدا جبته اهو احسن من الورد وجبتلك حاجه كمان
زين طلع علبه وفتحها كان فيها سلسله وانسيال بحرف k♥️
كارما:حلوة اوى يازين .... بجد شكرا ربنا يخليك ليا
زين قرب منها عشان يلبسهم ليها وشاف السلسله اللى كان جيبها ليها مع البنات وابتسم
كارما:لبساها من يوم ماجبتهالى
زين:اول مرة اشوفها
كارما:كنت بدخلها جوا اللبس
زين لبسها السلسله الجديده والانسيال وباسها من خدها:ويخليكى ليا ياكرملتى
زين طلع فونه وفتح الكاميرا الاماميه:تعالى نتصور سوا 
كارما ابتسمت وزين صور اكتر من صورة وكانو حلوين اوى
كارما:ممكن بقي تمشي عشان انزل للبنات
زين:ماشي ياقمرى
زين رايح ناحيه البلكونه كارما شدته من دراعه:رايح فين
زين:هنزل زى ماجيت
كارما بخوف:لا يازين اخرج من الباب
زين:لا دانا كنت بنط من مسافات ابعد من كدا وبعدين متخافيش فى سلم يلا سلام ياقلبي واوعى تخرجى البلكونه كدا 
كارما:حاضر
زين نزل والباب خبط وكانو البنات اخدو كارما ونزلو تحت كان اصحابهم كلهم وصلو وهيصوو ورقصو وولعو الدنياا فى وجود تارا وفريده اللى كانو هيموتو من الغيظ
============
اما بقي الشباب كانو متجمعين فى الجنينه الخلفيه عند رعد ومعاهم اصحابهم ومولعنيها على الاخر رقصو وفرحو من قلبهم وقضو اليوم كله كدا 
=============
اليوم خلص والكل كانو فرحانين وطلعو وقررو ينامو مع كارما 
ريم:هجيب فونى من اوضتى واغير واجى 
حياه:وانا هغير واجى
كارما:وانا كمان هغير على ماتيجو
كل واحده دخلت اوضتها واتفاجأو ببوكس كبير مليان كاندى 
البنات فرحو وغيرو وراحو اوضه كارما واكلو الكاندى مع بعض 
ريم:هى الماسكات هتوصل امته
حياه:المندوب فى الطريق
كارما:مش فاهمه ايه لازمه الماسكات دى
ريم:اهو اى شكل وخلاص
البنات ضحكوو
(بقلم الكاتبة جنات)
==================
تحت كانت تارا خارجه من المطبخ وشافت فاطمه داخله وفى ايدها شنط
تارا:ايه ده يادادا
فاطمه:دول حاجات البنات طالبنها
تارا:طب هاتى وانا هطلعهم 
فاطمه:اتفضلى يابنتى
تارا اخدتهم وطلعت وفتحت الشنط وكانت عبارة عن ماسكات ومجموعه اسكين كيير وكل مجموعه عليها اسم حد من البنات
تارا ابتسمت بشر وراحت اوضتها وطلعت حاجه كارما وفتحت دولابها وجابت ازازة صغيرة 
تارا:انا كنت ناويه احطلك الماده دى يوم الفرح بس خلينا النهارده فرصه مش هتتعوض .... لما نشوف بقي هتعملى ايه فى وشك الجميل لما يلتهب ويتحرق كله
تارا فتحت عليه كريم  وحطت فيها من الماده اللى معاهاا وخرجت من اوضتها وحطت الشنط قدام اوضه كارما وخبطت ومشت عشان محدش يشوفها
حياه فتحت وشافت الشنط اخدتهم ودخلت
حياه:الحاجه وصلت اهى
ريم:مين اللى جابهم
حياه:معرفش باين حد من الخدم حطها ونزل
ريم:طب يلا نعمل 
كارما:انا بجد مش حابه اعمل حاجه 
حياه:انا عارفه ياحبيبتى اننا مش محتاجين وجمالنا ربانى ... بس عمرك شوفتى عروسه مش بتعمل ماسك قبل فرحها
ريم:سبب مقنعه بردوو
البنات حطو الماسكات على وشهم 
حياه:هو مراد دخل اوضتك ازاى
ريم:مش عارفه يمكن حد من الشباب
كارما:انا عايزة انام اوى
حياه:فاضل ربع ساعه ونشيله ونام 
بعد نص ساعه البنات شالو الماسك وحطو نوع كريم مرطب على وشهم
بعد شويا كارما:وشى بيحرقنى اوى
حياه:فى ايه ماحنا حاطين زيك
كارما بوجع:ااااه وشى بيحرقنى انا حاسه بنار
ريم:طب اهدى يمكن عشان اول مرة
كارما عيطت من الوجع:لالا مش قادرة استحمل
حياه:طب اغسلى وشك ياكارما بسرعه
كارما دخلت غسلت وشها والميا كانت بتزود النار اللى فى وشهاا 
كارما بصت فى المرايا وفجاه صرخت والبنات دخلو الحمام واتصدمو من منظر وشها اللى كان احمر وملتهب جدااا
ريم:كارما ايه اللى حصل فى وشك
كارما كانت بتبص على وشها وبتعيط
حياه:احنا عاملين زيك ومش حصلنا كدا اشمعنا انتى
ريم:كارما اهدى ياحبيبتى اهدى اكيد فى حل
كارما كانت بتبص فى المرايا ومش بتتكلم ولا بتتحرك
فون كارما رن وكان زين حياه ردت عليه:زين تعالى اوضه كارما بسرعه
زين:فى ايه
حياه:تعالى بس
ريم لبست الاسدال عشان زين وشويا الباب خبط وحياه فتحتله شاف كارما قاعده على السرير وحاطه ايدها على وشها 
زين:فى ايه مالكو....كارما انتى كويسه
ريم:يازين احنا كنا بنعمل ماسكات عادى وفجاه هى حست بحرقان فى وشها ولما غسلته لقيناه احمر اوى وملتهب
زين قرب وقعد على ركبته قدام كارما اللى مش طالع منها غير صوت شقهات
زين:كارما بصيلى كدا
كارما هزت راسها بلا
حياه شاورت لريم وخرجو وقفلو عليهم الباب
زين:كارما بصيلى عشان خاطرى 
زين شال ايدها وكارما كانت بتعيط وزين اتصدم من منظر وشهاا:معقول ماسك يعمل كدا فى وشك
كارما عيطت اكتر
زين قام وقعد جمبها:طب اهدى هنطلب دكتورة وان شاء الله هتبقي كويسه
كارما:وشي نااار يازين وجع صعب اوى
زين:طب اهدى ياحبيبتى اهدى 
زين طلع فونه ورن على دكتورة كارما وسالها عن احسن دكتورة جلديه وهى قالتله على واحده وزين كلمهااا 
زين:اهدى بقي وبطلى عياط الدكتورة جايه اهى 
كارما وهى بتعيط:لسه يوم واحد على الفرح يازين
زين ضحك:انا مش فارق معايا الفرح اد مافارق معايا تكونى كويسه
كارما بصتله:يعنى هتلغى  الفرح
زين:اكيد لا واكيد انتى هتبقي كويسه بس انا عايز افهم ريم وحياه عملو زيك اشمعنا انتى وشك التهب كدا
كارما:اعمل ايه حظى بقي
زين:وبعدين ياكارما انتى مش محتاجه تعملى حاجه من دى عشان تبقي عروسه الحلوة
كارما عيطت:مانا قولتلهم كدا وهما اللى اصرو
الباب خبط وزين قام يفتح كانت حياه ومعاها الدكتورة
زين:اتفضلى 
الدكتوة قعدت قدام كارما وبدات تفحص وشها:اشرحيلى ايه اللى حصل بظبط ياكارما
كارما حكتلها والدكتورة طلبت تشوف العلبه اللى هى حاطه منها
الدكتورة اخدت حته من الكريم وحطتها على ايدها وفجاه مسحتها بسرعه وايدها كانت حمرة جدا
الدكتورة:الظاهر الكريم ده فيه حاجه
زين:ممكن يكون خلصان الصلاحيه
الدكتورة:لا ده بيحرق معنى كدا ان فيه ماده بتسبب الالتهاب القوى ده ... ممكن تتاكد بنفسك
زين اخدت من الكريم وحطه على ايده ومسحه وايده التهبت مكان الكريم
حياه:احنا عملنا زيها ومش حصلنا حاجه
الدكتورة:استعملتو من نفس العلبه
ريم:لا كل واحده فينا ليها حاجاتها 
الدكتورة:بصي ياكارما انا هكتبلك مجموعه كريمات عشان تهدى حرارة وشك وكمان هتهدى الاحمرار والالتهاب ده 
حياه:كارما فرحها بعد بكرة ازاى هتحط ميكب كدا
الدكتورة:مافيش اى مشكله انتى هتستعملى مجموعه الكريمات دى النهارده وبكرة ويوم الفرح وان شاء الله هتهدى الالتهاب.... قبل ماتحطى ميكب الفرح هتحطى من الكريم ده على وشك هتكون زى طبقه عازله عشان الميكب ... والف مبروك ياعروسه
كارما:الله يبارك فى حضرتك وشكراا جدا ليكى
الدكتورة:العفو ياحبيبتى ده واجبي عن اذنكو
زين نزل يوصل الدكتورة وراح جاب العلاج 
وبعد شويا جه وساعد كارما ودهنلها الكريم على وشها وسابها تنام والبنات كمان نامووو
عدى تانى يوم وكارما قاعده فى اوضتها وبتستعمل الكريمات زى الدكتورة ماقالت عشان وشها يهدى وفعلا الالتهاب خف 
=============
نيجى بقي ليوم الفرح 
البنات بيستعدوو بفرحه كبيرة 
حياه اللى اخيرااا هتتجوز حب طفولتها والفرحه مش سيعاها وكانت لابسه فستانها الابيض اللى بتحلم بيه من زمان
اما كارما اللى حست بالفرح لما الالتهاب اللى فى وشها خف وعملت الميكب وكانت ايه من الجمال بفستانها الرقيق
وريم لبست فستان بلون الاحمر مع طرحه بنفس اللون وكانت جميله جداا
امااا عند الشباب فكانو متألقين ببدل بلون الاسود وقميص بلون الابيض وببيون بلون الاسود 
ومراد اللى لبس بدله بلون البيج 
الشباب راحو عند اوضه البنات وزين خبط على الباب
وفتحت صفاء:بسم الله ماشاء الله ربنا يحفظكو ياحبايب قلبي
زين ويحيي سلمو على صفاء وباسو ايدها
وكل واحد دخل وقرب من عروسته 
يحيي باس حياه من راسها وعطاها البوكيه الابيض 
اما زين اللى قرب من كارما وحضنها وبعد عنها وعطاها البوكيه ورفع كفه ايدها وباسهاا بحب 
وكل واحد اخد عروسته ونزلوو 
ومراد اللى غمز لريم ونزل ورا الشباب
=================
فى الجنينه اللى متزينه بشكل ولا اروع 
الشباب كل واحد اخد عروسته وقعدو فى المكان المخصص ليهم 
وبعد شويا طلب الشاب اللى واقف على الدى چى ان العرسان يرقصو رقصتهم الاولى 
زين ويحيي اخدو البنات للمكان المخصص للرقص واشتغلت اغنيه رومانسيه 
يحيي:مش مصدق ان واخيرااا جه اكتر يوم كنت بحلم بيه ياحياتى
حياه:حبيبي ربنا يخليك ليا ونفضل سوا العمر كله
يحيي:تعرفى انك النهارده جميله لدرجه انى خايف عليكى من عيون الناس
حياه ابتسمت ويحيي باس راسهاا بحب
اما عند زين اللى كان تايه فى جمال وسحر كارما 
زين:ماكنتش متخيل ان هيجى يوم اتجوز واعمل فرح 
كارما بصتله
زين:بس انتى خليتى المستحيل واقع ياكارما
كارما:يعنى ندمان 
زين:كنت هندم لو مسمعتش كلام جدك انى اتجوزك ...... انا قولتلك النهارده انى بحبك
كارما بصتله وابتسمت:لا ماقولتش
زين:اخص عليا بجد .... انا مش بس بحبك ياكارما انا بعشقك يااجمل بنت شافتها عينى
زين صفر ويحيي بصله وفجاه الاتنين شالو البنات ولفو بيهم كتير جدااا والبنات كانو طايرين من الفرحه
===============
ريم كانت بتتفرج على البنات وفرحانه جدا عشانهم وقرب شاب منها:الجميل اسمه ايه
ريم:وانت مالك امشي من هنا يلا
الشاب:لا بلاش تفهمينى غلط انا بجد معجب بحضرتك ياانسه  وغرضي شريف والله
مراد من وراه:لا شريف ولا هانى يلا اتوكل من هنا
الشاب:وحضرتك مين
مراد:جوزها ياعم
ريم ابتسمت والشاب اعتذر ومشي وريم ضحكت
مراد:الهانم مبسوطه 
ريم:وانا مالى يامراد كنت قولتله عاكسنى
مراد:ماهو لازم يعاكس امك باللى انتى لبساه ده
ريم:مالو لبسي بقي معلش فهمنى
مراد:يعنى من بين الالوان اللى موجوده مالقتيش غير الاحمر تلبسيه ياريم
ريم:ماله الاحمر يعنى انت مش بتحبه
مراد:مش قصه مش بحبه ... بس ياحبيبتى الاحمر ده تلبسيه فى اوضه نومنا لما نتجوز باذن الله
ريم كشرت
مراد:مالك قلبت وشك ليه
ريم:انت مش ملاحظ ان كلامك قليل الادب اوى ومش مراعى ان انا بنوته وبتكسف
مراد ضحك:والبنوته مش هتتجوز يعنى
ريم:عيب كدا بقي يامراد الله
مراد:عيون وقلب وروح مراد
ريم ضحكت وبصت على البنات:شكلهم حلو اوى 
ريم بصت لمراد:عقبالنا
مراد:ايه البت الواقعه دى 
ريم برقت:تصدق بالله انا غلطانه انى بتكلم معاك اصلا امشي من وشي .... دانت تعصب بلد بحالها والله العظيم
مراد ضحك اوى:عارفه انا بتمنى اليوم ده النهارده قبل بكرة ... بس شكل ابوكى مش هيجبها لبرا
ريم لسه هترد اتخضت لما سمعت صوت عزام:انتى واقفه معاه بتعملى ايه
مراد بهمس سمعته ريم:ابوكى بيجى على السيرة
عزام:انت بتقول ايه ياحيوان انت
مراد وشه اتحول للغضب:انا هعديلك الكلمه دى عشان ريم وعشان ماكسفش راجل فى سنك قدام الناس .... بس ورحمه ابويا لو اتكررت تانى ماهعمل اعتبار لاى حد
عزام اتعصب من طريقته وبص لريم:انتى وافقه تتكلمى معاه ليه انطقى
ريم:يابابا مافيش حاجه والله 
ريم شافت البنات خلصو الرقصه:انا هروح للبنات عن اذنك
ريم مشت بسرعه ولفت بصت لمراد وعينيها بتترجاه انه مايعملش مشاكل وهو هز راسه بتمام
عزام:وحضرتك مش ناوى تمشي
مراد:والله انا موجود فى فرح صحابي ولما يبقي يخلص ابقي امشي ... عن اذنك ياحمايا
مراد مشي وعزام كان هاين عليه يفجره 
اما بقي الشباب والبنات ولعو الفرح مع اصحابهم ورقصو وكانو فرحانين من قلبهم 
والكل فجاه وفقو لما الاغانى وقفت وكلهم بصو عل مكان دى چى وكان مراد واقف وماسك المايك
مراد:النهارده يوم مش عادى ده فرحه اخواتى .... وانا ناوى اولعها ناااار ... من الاخر هنعمل كدا  انفجار ...... والاغنيه دى مني ليكووو ياعشرة عمرى ...... ولعها يامعلم
وفجاه طلعت صواريخ كتير والسما بقي شكلها تحفه واشتغلت اغنيه صاحبي ياصاحبي 
ومراد نزل وقرب من زين ويحيي ورقصو سواا وكان شكلهم قمر 
والبنات كمان رقصو سوااا 
وفى نهايه الاغنيه الشباب حضنو بعض والبنات نفس الكلام 
واشتغلت مهرجانات كتير والكل كان فرحان وماحدش عايز الفرح يخلص 
(بقلم الكاتبة جنات)
==============
ريم بترقص مع البنات وكانت ماسكه فونها فى ايدها وحست بيه بيتهز وكان مراد وبعتلها مسدج تقابله فى الجنينه الخلفيه 
ريم بصت على ابوها وامها وباقى العيله ومشت بين الناس عشان محدش يشوفهاا 
================
ريم راحت ولاقت رعد واقف وبيقرب منها
ريم:نهار مش فايت ابعد ونبي ماتقرب 
ريم بترجع لورا اتخبطت فى حد لفت وكان مراد استخبت وراه بسرعه 
مراد ضحك:اهدى ياريم هو مربوط
ريم بصت عليه لقيته مربوط بسلسله طويله
ريم:دانا قلبي كان هيقف من الخوف
مراد:بعد الشر عليكى ياقلبي
ريم بصت حوليها:مراد مش هينفع افضل معاك كتير عشان بابا لو سمحت
مراد:عارف ياحبيبتى ... وبعدين انا ناديت عليكى عشان اشوفك قبل مااسافر
ريم عينيها لمعت بدموع:انت هتسافر كمان ساعتين صح
مراد:صح ياحبيبتى .... ومش عايزك تزعلى ولا تعيطى وانا هحاول اكلمك
ريم:خد بالك على نفسك يامراد .... واياك تبص على المزز اللى هناك سامعنى
مراد:ومين قالك ان هيبقي فى مزز
ريم:مش رايح الغردقه واكيد فى اجانب هناك ....اللهى يامراد لو بصيت على حد فيهم تتحول
مراد:واهون عليكى ابقي مراد الاحول
ريم:اايوا عشان متشوفش حد غيرى
مراد قرب عليها:مانا صحيح مش قادر اشوف حد غيرك ياريم .... مش مصدق ان مراد وقع على بوزه فى فخ حبك
ريم ابتسمت:ودى حاجه حلوة ولا وحشه
مراد:دى احلى حاجه حصلتيلى فى حياتى
ريم:صح شكراا على الكاندى ..... هو انت دخلت اوضتى ازاى
مراد:لا دى كانت مهمه يحيي
ريم:هو يحيي عرف
مراد:اه عرفته كل حاجه يعنى مش عايزك تخافى زين ويحيي معاكى 
ريم:حاضر
مراد:صح كنت جيلك هديه ويارب تعجبك 
مراد طلع علبه صغيرة وعطاها لريم اللى فتحتها وكان فيها خاتم بحرفها وحرف مراد
ريم:حلو اوى يامراد بجد ... بجد نفسي البسهم دايما بس انت عارف
مراد:هيجى وقتهم ياقلبي تلبسيهم ومستحيل تشيلهم من ايدك
ريم:يارب بقي يامراد
مراد:هرجع من المأموريه وهشوف حل مع ابوكى ولو رفض هاخدك ونهرب فى اى حته ونتجوز
ريم ضحكت
مراد بجديه:مش بهزر على فكرة
ريم:مراد انت عارف انه مينفعش صح احنا لازم نتجوز قدام الناس كلها ونعمل احلى فرح ونفرح ونرقص .... ولا انت مش عايز تشوفنى بالفستان الابيض
مراد مسك ايدها وباسها:دى بقيت امنيه حياتى ياريم
ريم:سيبها على الله واكيد ربما هيقف معانا
مراد بص فى ساعته:ريم انا لازم امشي .... بصراحه نفسي اعمل حاجه قبل ماامشي 
ريم:ايه
مراد:مش هتزعلى صح
ريم:مراد انت ناوى تعمل ايه
مراد قرب واخدها فى حضنه 
ريم:مراد ماينفعـ...
مراد همس:عشان خاطرى ياريم يمكن دى الحاجه الوحيده اللى هتصبرنى
ريم اتنهدت ورفعت ايدهاا وحضنته وحست اد ايه حضنه دافى وكله امان وحب ليهاا 
وفاقو هما الاتنين على حد بيشد ريم وفجاه ضربها بالقلم وقعت على الارض وكان عزام
مراد:انت اتجننت بتمد ايدك عليها
عزام زق مراد:وليك عين تتكلم يابجح بس العيب مش عليك العيب على السهله اللى سمحتلك تعمل كدا
صفاء جرت على بنتها واخدتها فى حضنها وريم كانت بتعيط
مراد مسك عزام من ياقه قميصه:انا نفسي اقتلك من زمان وانت اللى طلبتها
مراد لسه هيضرب عزام وقف لما ريم صرخت باسمه:مرااااد .... بلاش عشان خاطرى امشي  ونبي امشي ونبي
مراد بصلها ومش قادر يشوف دموعها كدا وزق عزام ومشي بعصبيه وعزام مسك ريم من دراعها ودخلو من الباب الخلفى للقصر 
==========
مراد راح لشباب كان الفرح خلص والكل بيبارك ليهم عشان يمشو
زين شاف مراد متعصب قرب منه:مالك
مراد:عمك شاف ريم معايا وضربها
يحيي من وراه:ضربها
زين:اهدى يايحيي ... وانت يامراد امشي عشان سفرك
مراد:انا هتجنن مش هعرف اسافر وهى كدا .... خدو بالكو عليها بلاش تخلو ابوها يأذيها 
يحيي:متقلقش احنا معاها يامراد 
زين حضن مراد:سافر انت وخد بالك على نفسك خلص مأموريتك وارجع بسلامه
مراد:ماشي ياصاحبي
مراد سلم عليهم وبارك للبنات ومشي .......

الفصل الرابع عشر14 
عزام دخل اوضه ريم وزقها بقوة على السرير
ريم كانت بتعيط:يابابـ
عزام ضربها بالقلم:اخرسي ... صوتك مش عايز اسمعه ... الظاهر انى معرفتش اربي .... بس وربي ومااعبد هربيكى ياريم ومش هتخرجى من الاوضه دى غير يوم كتب كتابك على مروان
ريم اتصدمت وقامت ومسكت دراع ابوها:لا يابابا ونبي ابوس ايدك متعملش فيا كدا عشان خاطرى مش عايزة اتجوزه
عزام مسكها من طرحتها:اومال عايزة تتجوزى مين يابت ... الصايع اللى اسمه مراد .... والله لو اخر راجل فى الدنيا مش هسيبك تتجوزيه اصلا
عزام زق ريم وقعت على الارض واخد فونها وخرج وقفل الباب عليها بالمفتاح واخد المفتاح معاه ونزل
عزام نزل قابلته صفاء:عملت فيها ايه ياعزام
عزام:مالكيش دعوة واطلعى منها انتى .... ماهى تربيتك ... بنت متعرفش يعنى ايه تربيه والتانى ماشي بدماغ ابن عمه
فى الوقت ده دخل زين ويحيي مع البنات
زين:وماله ابن عمه .... وبعدين ابنك راجل مش محتاج يمشي بدماغ حد ياعزام باشا
يحيي:ريم فين يابابا
عزام:اختك محتاجه تتربي من اول والجديد وانا اللى هربيها
يحيي:هى فى اوضتها
عزام:ومش هتخرج منها غير على كتب كتابها
يحيي:كتب كتابها على مين
عزام:على مراون
زين:الكلام ده مش هيحصل 
عزام بصوت عالى:انت تؤمر اختك مراتك لكن بنتى انا اللى ليا كامل الحق فى حياتها مش انت فااااهم 
زين بتحدى:ومش هيحصل حاجه غصبن عنها بردو 
عزام بصوت عالى:كل ده ليه عشان تجوزها لصاحبك الصايع
زين بصوت اعلى:على الاقل احسن من الصايع اللى عايزها تتجوزه
توفيق خرج من مكتبه:زين ... عمك حر فى حياه بنته
يحيي:لا مش حر ياجدى.... وانا هفضل مع اختى للاخر ولو مش عايزة تتجوز اللى اسمه مراون ده مش هتتجوزه
عزام:انت بتتحدانى ياواد
يحيي:انا اعمل اى حاجه عشان خاطر امى واختى حتى لو هقف فى وشك 
عزام:لما نشوف كلام مين اللى هيمشي 
عزام سابهم وطلع وتوفيق دخل اوضته 
صفاء قربت من الشباب والبنات:مبروك ياحبايب قلبي ... يلا كل واحد ياخد عروسته واطلعو
حياه:وريم
كارما:انا خايفه عليها
صفاء:ريم كويسه متخوفوش عليها وبعدين هى فى اوضتها يلا اطلعو 
زين:هو عرف منين انها مع مراد
صفاء:تارا شافتهم وجت قالتله
زين بغضب:لا دى تالت غلطه تعملها وانا ساكت
يحيي:وايه الغلطات التانيه
زين:هى اللى حطت الماده فى كريم كارما 
كارما:بجد 
حياه:وانت عرفت ازاى
زين:دادا فاطمه قالتلى انها اخدت الحاجه على اساس تطلعها بس اتفاجات لما اخدتها اوضتها الاول .... وتانى غلطه بقي
•• فلاش باااك ••
فستان كارما وصل وزين اخده فى جناحه عشان يفاجأها بيه ودخل الحمام ولما خرج شاف تارا واقفه وماسكه مقص ولسه هتقرب من الفستان زين شدها وضربها بالقلم وهى اتخضت كانت مفكراه برا
زين:بتعملى ايه هنا 
تارا بغل:مانا لازم احسرها مش لازم تفرح .... انا اللى بحبك هى لأ يازين ... سيبك منها وتعالى نهرب ونتجوز يازين
زين زقها وضربها قلم وتانى:انا عديت اللى عملتيها وانك كنتى السبب ان وش كارما يلتهب لكن قسما بربي لو فكرتى تعملى حاجه تانيه مش هرحمك يابنت فريده .... اطلعى برااا
تارا خافت منه وخرجت من الجناح بسرعه
•• باااك ••
حياه:بت غلاويه زى امها
صفاء ضحكت:يلا اطلعو بقي انتو عرسان
زين ويحيي بصو لبعض وضحكو وشالو البنات اللى اتخضو
كارما بخجل:الفستان تقيل يازين نزلنى
زين:تؤ خفيفه على قلبي بردو
كارما ابتسمت وزين طلع
حياه:يايحيي هتوقعنى 
يحيي:الله يخربيت اللى يتعامل معاكى برومانسيه ياحياه
صفاء ضحكت وحياه ضربته بخفه فى صدره
يحيي:متخافيش ياحياتى مش هتقعى
حياه حاوطت رقبته:لما نشوف بقي
يحيي طلع 
صفاء:ربنا يسعدكو ياولاد ويحنن قلبك على بنتك ياعزام
(بقلم الكاتبه جنات)
==================
فى جناح زين دخل ونزل كارما ولسه محاوط خصرها وكارما ابتسمت بخجل
زين:نورتى جناحى وحياتى ياكرملتى مبروك عليا وجودك فى حياتى
كارما:الله يبارك فيك يازين
زين باس راسها بوسه طويله:ربنا يقدرنى واسعدك العمر كله 
كارما:صدقنى وجودك جمبي بالدنيا ومافيها
زين:اووووبااا بقاااا ايه الكلام العسل ده 
كارما اتكسفت 
زين:يلا ادخلى غيرى
كارما:زين عايزة اطلب منك حاجه ممكن
زين:اطلبى حاجات مش حاجه
كارما:نبدأ حياتنا بصلاه وتكون امامى ممكن
زين:دى احلى بدايه ياكارما والله ادخلى غيرى واتوضي وانا كمان هغير على ماتطلعى
كارما بفرحه:حاضر
كارما دخلت الحمام وخرجت تانى
زين:مالك
كارما:مش هعرف اغير فى الحمام .. ادخل غير انت جوا وانا هغير فى اوضه اللبس 
زين:حاضر
زين اخد هدومه ودخل وكارما دخلت اوضه اللبس ولبست بجامه ستان بلون الابيض عبارة عن بنطلون و بدى بحمالات ولبست فوقها اسدال وخرجت كان زين خرج من الحمام
زين:ادخلى اتوضي بقى
كارما دخلت الحمام غسلت وشها من الميكب واتوضت وخرجت وجابت سجادتين صلاه وزين وقف وهى وراه وصلى بيهاا 
وبعد ماخلصو زين حط ايده على راس كارما 
زين:(اللهم إنِّي أسألك خيرها وخير ما جبلتها عليه، وأعوذ بك من شرِّها وشر ما جبلتها عليه) ... بيقولو كدا صح
كارما:صح انت عرفت منين بقي
زين:بحثت على النت وانتى فى الحمام
كارما ضحكت
زين مسك ايدها وباسها بحب:كارما اوعدك مش هخلى اى حد يتجاوز حدوده معاكى .... بس عايزك انتى كمان تبقي قويه وماتسمحيش لحد يغلط فيكى ... تمام
كارما:حاضر 
زين:مش هنام بقي ولا ايه
كارما اتوترت:اه اكيد .... زين انت ناوى على ايه فى موضوع ريم بجد صعبانه عليا اوى
زين:المشكله ان مراد سافر بس هحاول اكلمه ونشوف حل فى الموضوع ده 
كارما:ان شاء الله خير .... هدخل اغير
زين:ماشي ياقمرى
كارما دخلت الاوضه وقلعت الاسدال وفردت شعرهاا وخرجت زين كان قاعد على السرير اول ماشافها صفر:ايه الجمال ده ياكرملتى
كارما وشها احمر:زين بقي 
زين قرب منها وحاوطها:دانتى جننتى زين ياروح زين
كارما ابتسمت وبصتله:انا بحبك اوى يازين ومن زمان اوى
زين:ربنا يقدرنى ياكارما واعيشك فى سعاده على طول 
كارما:ربنا يخليك ليا
كارما شهقت لما زين شالهاا فجاه:خضتنى يازين
زين ضحك:لا مانا ناوى اشيلك كتير فاتعودى بقي 
زين نيمها على السرير وقرب منها وكارما كانت مكسوفه جدااا لتسكت شهرزاد عن الكلام الغير مباااااااح لتصبح زوجته امام الله
====================
فى جناح حياه ويحيي اللى دخل يغير فى الحمام وحياه بتغير براا 
حياه لبست قميص بلون الابيض لحد الركبه وفوقه الاسدال ويحيي خرج من الحمام وقرب منها:ادخلى اتوضي يلا عشان نصلى سواا
حياه:حاضر
حياه دخلت غسلت وشها واتوضت وخرجت وصلو سوااا ويحيي مسك ايدها ودعى ان ربنا يديم السعاده فى حياتهم
يحيي:هتصدقينى ياحياه لو قولتلك خايف اكون بحلم
حياه:الحلم جميل اوى يايحيي بس الواقع احلى بكتير وانا معاك وانتى معايا 
يحيي باس ايدها:انتى حياتى ياحياه
حياه:وانا معنديش اغلى منك انت وزين والبنات ربنا يخليكو ليا ... بس انت ليك مكانه خاصه اوى فى قلبي
يحيي:يابوى على الكلام الحلو ده
حياه:انا خايفه على ريم اوى يايحيي
يحيي:احنا معاها متخافيش ياحياه
حياه:ريم بتحب مراد اوى يايحيي 
يحيي:ان شاء الله هيبقو من نصيب بعض سبيها على ربنا
حياه:ونعمه بالله
يحيي:وبعدين احنا هنقضيها كلام عن ريم ومراد ولا ايه
حياه:هدخل اغير يايحيي
يحيي:ادخلى ياحيات يحيي
حياه قلعت الاسدال وفردت شعرها وخرجت ويحيي قرب منها:واخيراا جه اليوم اللى تنامى فيه فى حضنى
يحيي اشتالها ونيميها على السرير وقرب منهاا لتصبح زوجته قولا وفعلااا 
(بقلم الكاتبه جنات)
===================
صباح تانى يوم
ريم فتحت عينيها وكانت حاسه بجسمها كله بيوجعهاا لاقت نفسها نايمه على الارض بفستانها
قامت بتعب وافتكرت اللى حصل وعيطت وقامت واخدت هدوم ودخلت اخدت شاور وغيرت وقعدت على السرير 
ريم سمعت صوت مامتها برا الباب قامت وقربت من الباب
صفاء:ريم
ريم:نعم ياماما
صفاء:انتى كويسه ياقلب امك
ريم بصوت مخنوق:ايوا ياماما
صفاء:متعيطيش ياحبيبتى وسيبها على ربنا ياريم
صفاء اتخضت لما عزام جه من وراها:بتعملى ايه هنا مش انا قولت محدش يقرب من الاوضه
صفاء بقوة:بطمن على بنتى ولا دى كمان مش مسموح بيها ... وبعدين افتح الاوضه دى خلينى ادخلها اكل 
عزام:روحى هاتيلها الاكل وتعالى انا اللى هدخله ليه مع انه خسارة فيها قليله الربايه
ريم كانت سامعه الكلام وبتعيط فى صمت
صفاء نزلت جابت صنيه عليها اكل وطلعت وعزام فتح الباب كانت ريم قاعده على السرير
صفاء حطت الصنيه وحضنتها وريم عينها على ابوها مش متخيله ان فى اب ممكن يعمل كدا فى بنته 
عزام:يلا اطلعى برا وسيبها تطفح
صفاء بعدت عن ريم:كلى لقمه ياحبيبه قلبي اكيد جعانه 
ريم هزت راسهاا
عزام:يلا اخرجى
صفاء خرجت وعزام بص لريم:جهزى نفسك كلها اسبوع وهتبقي مرات مروان
ريم دموعها نازله فى صمت وعزام خرج وقفل عليها بالمفتاح 
ريم طلعت نامت على السرير وكانت لابسه الخاتم اللى جبهولها مراد وبتعيط:تعالى بسرعه يامراد
===============
فى جناح يحيي اللى صحى وابتسم لما شاف حياه نايمه فى حضنه
يحيي مشي ايده على خدها وحياه فتحت عينيها:صباح الخير
يحيي:احلى صباح على عيونك ياحياتى
حياه ابتسمت
يحيي:يلا قومى اجهزى عشان ننزل نفطر معاهم
حياه:مش عايزة انزل تحت وكمان ريم صعبانه عليا كلنا نتجمع ونفطر سوا وهى فى اوضتها لوحدها خلينا هنا
يحيي:حاضر ياحبيبتى ... ومتقلقيش على ريم انا وزين بندور على حاجه كدا واول مانعرف اصلها هنتصرف .... هكلم دادا فاطمه تجبلنا الفطار
حياه:حاضر
====================
فى جناح زين اللى فتح عينيه وملقاش كارما جمبه قام قعد وسند ضهره على السرير 
الباب الحمام اتفتح وخرجت كارما وابتسمت لما شافت زين صحى:صباح الخير يازين
زين شاورها تقعد جمبه وكارما قربت وقعدت قدامه على السرير
زين وباس راسها:تعرفى ان ده احلى صباح بالنسبه ليا
كارما:ربنا يخليك ليا يازين
زين:بس انتى عملتى غلط كبير واياكى تكرريه تانى
كارما باستغراب:غلط ايه
زين شدها لحضنه:تانى مرة متقوميش من حضنى ابداا الا لما انا اقوم تبقي وقتها تقومى
كارما ضحكت:يازين كنت عايزة ادخل الحمام فى دى كمان مقدرش اقوم
زين ضحك:سماح المرة دى .... احنا المفروض ننزل نفطر معاهم بس انا شايف اننا منزلش
كارما:بصراحه يكون احسن 
زين:بقولك ايه اجهزى وتعالى نفطر برااا عشان محضرلك مفاجاه
كارما:مفاجاه ايه
زين:قومى البسي وانا هقولك
كارما:حاضر
كارما لبست دريس بلون الابيض وفيه ورد بلون البينك وطرحه بلون البينك  وزين لبس بنطلون جينس بلون الازرق وقميص بلون الابيض وكوتشي ابيض
زين صفر اول ماشافها:حوريه قلبي
كارما:انا كدا هاخد على الدلع ده
زين:وماله ياقلبي يلا 
زين مسك ايدها ونزلو كان توفيق وعزام وصفاء وفريده وتارا قاعدين على السفرة
صفاء:صباح الخير ياحبايبى
زين وكارما:صباح النور
صفاء:انتو خارجين ياحبيبي
زين:اه ياصفصف 
صفاء:ربنا يسعدكو يارب
زين خرج هو وكارما
وبعد شويا وصلو قدام ڤيلا 
زين نزل وفتح الباب لكارما اللى مسكت ايده ونزلت
كارما:احنا جاين لمين يازين
زين:ايه رايك فى ڤيلا 
كارما:حلوة بس دى ڤيلا مين
زين حضنها من ضهرها:دى ڤيلتنا ياكارما
كارما:ڤيلتنا احنا
زين:ايوا .... هنعيش هنا انا وانتى ويحيي وحياه 
كارما بفرحه:يعنى هنسيب القصر
زين:ايوا هنبعد عن الحقد والغل اللى فى قلوبهم
كارما:بجد دى احلى مفاجأه يازين
زين مسك ايدها:تعالى نتفرج عليها
كارما:يلا
زين وكارما دخلو وكان فى ريسبشن كبير وواسع 
والدور الارضي كان فى اوضه نوم ومطبخ كبير وحمام 
والدور التانى كان فى ٤ اوضه نوم كبار وكل اوضه فيها بلكونه وحمام واوضه لبس والدور الاخير كان السطح اللى متجهز بشكل جميل عشان يسهرو فيه
والڤيلا كان ليها جنينه كبيرة وحمام سباحه كبير ومكان مخصص لرعد طبعااا .....الڤيلا كانت فاضيه طبعاا 
زين:ايه رايك بقي 
كارما:حلوة اوى ومريحه انا فرحانه اوى 
زين شدها لحضنه:طب مافيش حاجه كدا ولا كدا بمناسبه دى
كارما ابتسمت بخجل:عيب يازين كدا
زين:عيب مين والناس نايمين ياكارما 
كارما:وبعدين انت ضحكت عليا وقولتلى هفطرك وماجبتليش كوبايه ميا حتى
زين ضحك:انا طلبت فطار شويا كدا هيوصل وهنفطر هناا .... ولوقت مايوصل خلينا نختار اوض النوم وكل حاجه للڤيلا
كارما:هنختار اوضتنا وحياه وريم يختارو اوضهم 
زين:طب نختار المطبخ وباقى الحاجه
كارما:لا بردو هختارهم مع البنات
زين:ماشي ياستى وكمان هنحاول نخلصها فى اقرب وقت
كارما:مش عايزين نسيب القصر غير لما نشوف موضوع ريم
زين:اكيد ياكارما ... انا بس فى حاجه كدا يندور عليها واول مااعرفها عزام بيه مش هيقدر يعمل حاجه
كارما:يارب بقي لان ريم صعبانه عليا
زين:المشكله مراد لو عرف بموضوع جوازها ده هيهد الدنيا واحتمال يسيب الشغل ويرجع
كارما:بصراحه اكيد وجوده هنا هيفرق
زين:بس كمان شغله مهم بالنسبه ليه ياكارما
كارما:يارب يخلص ويرجع بسرعه
زين:ان شاء الله
بعد شويا الفطار وصل واكلو سواا وقضو وقت فى الڤيلا وبعدها رجعو على القصر
(بقلم الكاتبه جنات)
===============
بليل 
زين وكارما طلعو على السطح وكانو متفقين مع يحيي وحياه اللى كانو مستنينهم على السطح
حياه حضنت زين:وحشتنى يازيزو
زين:عامله ايه ياقلب زيزو
حياه:الحمدلله ياحبيبي
حياه وكارما حضنو بعض
يحيي:ده على اساس انكو بقالكو شهر مش شايفين بعض
حياه:ببساطه لاننا متعودين ليل نهار بنكون سوا
كارما:صح وريم كمان وحشتنى اوى
حياه:عايزين نشوفها
كارما:بقولك ايه تعالى ننزل بلكونه اوضتى القديمه وننادى عليها
حياه:فكرة بردو تعالى
زين:بلاش تنادو عشان عزام احدفو اى حاجه فى بلكونتها
كارما وحياه:حاضر
البنات نزلو ويحيي بص لزين:عصام كلمى وقال انه بيدور ورا مروان واكيد فى اسرع وقت هنعرف عنه كل حاجه 
زين:متكلمتش مع ابوك
يحيي:منزلتش من الاوضه اصلا من الصبح
زين:مش قولت هتنزل تتكلم معاه
يحيي:ياعم الواحد عريس وعايز اتبسط مش اعكر مزاجى ونبي سبنى كدا يومين دلع مع حياتى وبعد كدا نبقي ننكد عادى
زين:انت مش ملاحظ ان اللى بتتكلم عنها دى اختى
يحيي:ومراتى يامعلم 
زين:ماشي هعديها
===============
البنات نزلو ودخلوو اوضه كارما القديمه وجابو قلم ودخلو البلكونه وقفلو عليهم الباب وحدفوه فى بلكونه ريم اللى قريبه منهم 
ريم كانت نايمه على السرير وبتعيط سمعت صوت فى البلكونه قامت وفتحت باب البلكونه 
حياه بصوت واطى:ريمو
ريم اول ماشافتهم عيطت والبنات عيطو عشانها
كارما بهمس:عامله ايه ياحبيبتى
ريم وهى بتعيط:مش كويسه ياكارما مخنوقه اوى
حياه:حبيبتى سيبها على ربنا وزين ويحيي مش هيسمحو انك تتجبرى على حاجه
ريم:هو مراد مكلمش حد فيهم
كارما:زين كان معايا طول اليوم ومحدش كلمه
حياه:ويحيي بردو
يحيي دخل البلكونه:عامله ايه ياحبيبه قلبي
ريم عيطت اكتر
يحيي:مش عايز اشوف دموعك عشان خاطرى ممكن ... ادخلى البسي اسدال عشان زين عايز يشوفك
ريم دخلت لبست اسدال وخرجت كان زين واقف معاهم:عامله ايه ياريم
ريم:مش كويسه يازين وحاسه لو فضلت هنا لوحدى هتلاقونى مموته نفسي
زين:بلاش هبل وكلام عبيط واهدى كدا وكل حاجه هتتحل
يحيي:يلا بقي ناكل
ريم:ناكل ايه
كارما:زين طلب اكل عشان نتعشي سوا على السطح بس مقدرناش ناكل من غيرك عشان كدا نزلنا
زين فتح الاكل واداهم سندوتشات وعطى لريم واكلو كلهم سواا وريم كانت جعانه لانها رفضت تفطر وكمان لما صفاء جبتلها الغدا مرضتيش تاكل
بعد شويا خلصو الاكل وريم دخلت وهى فرحانه انها قضت وقت مع البنات والشباب كل واحد اخد مراته وطلعو جناحهم  
 

تعليقات