رواية شمعة الحب لا تنطفى الفصل الخامس عشر15 والسادس عشر16 بقلم جنات
عدى اكتر من اسبوعين
البنات والشباب عايشين فى سعاده
وريم لسه محبوسه فى اوضتها واللى بيهون عليها ان البنات كل يوم ينزلو يسهرو فى بلكونه كارما معاها وبيختارو تصاميم الڤيلا الجديده سواا
مراد لسه مرجعش ومحدش عارف يوصله
عزام اللى مضايق ان مراون لسه مجاش عشان يكتب كتابه على ريم بسبب تراكم الشغل عليه وكل مايحددو معاد يتأخر
(وطبعا الشغل ده من زين ويحيي بحجه المناقصه الجديده وهما بيحاولو يشغلو مراون لحد ما مراد يظهر)
زين اللى عرف سر علاقه عزام بمراون مش عارف يقول لحد حتى يحيي
==================
يوم جديد فى مكتب عزام الباب خبط ودخل مروان
عزام بعصبيه:انت ازاى متجيش امبارح
مراون:انت عارف الشغل كتير اوى الفترة دى بسبب المناقصه ولا انت عايز تخسرها
عزام:انت مجنون نخسر ايه دانا دخلت بفلوسي كلها
مروان:ماشي وانا لازم اركز فيها لان الشركات اللى داخله قدامنا قويه جدااا وكمان الشركه المجهوله اللى بتاخد مننا كل الصفقات الجديده داخله قدامنا وانا بصراحه خايف منهم
عزام:لسه معرفتش اى معلومات عن الشركه دى
مروان:مافيش اى حد يعرف عنها حاجه بس شركه قويه جدااا
عزام:انا عايزك تحدد معاد تيجى تكتب على ريم لان اللى اسمه مراد ممكن يرجع فى اى لحظه
مروان:تمام خلينا اول الاسبوع
عزام:كمان ٣ ايام
مروان:ايوا
عزام:تمام
مروان:هروح اكمل شغلى
عزام:روح
===================
فى مكتب زين اللى قاعد بيفكر ازاى يقول ليحيي على موضوع مروان
فون زين رن وكان برقم مش متسجل والرقم ده بيرن عليه من امبارح وهو مش بيرد
زين:الو
مراد:والله شكراا لكرم حضرتك
زين:مراد
مراد:ايوا ياخويا مراد ... مش بتتنيل ترد ليه
زين:انا قولت تبع الشغل عشان كدا كنت بطنش ... انت عامل ايه
مراد:سيبك منى ... ريم تلفونها مقفول ليه مش عارف اوصلها حتى على النت
زين:ابوها اخده منها
مراد:اخده منها ازاى .... هو عمل فيها حاجه يوم الفرح
زين:من وقتها وهو حابسها فى اوضتها ومش بتخرج منها وكمان...
مراد بعصبيه:كمان ايه يازين انطق
زين:عايز يجوزها لمروان
مراد:وانت ويحيي لازمتكو ايه
زين:لو ماكنتش انا كان زمانها مكتوب كتابها من اسبوعين يااستاذ .... دانا اللى بخلق شغل من تحت الارض للى اسمه مروان عشان مايقدرش يروح المعاد بتاع كتب الكتاب ... انت هتيجى امته
مراد:انا خلصت المأموريه وخلال يومين او تلاته هكون عندكوو
زين:تمام واااه انا عرفت علاقه مروان بعزام
مراد:علاقتهم ايه
زين:عزام متجوز واحده تانيه اللى هى تبقي عمه مروان
مراد:ويحيي عرف
زين:مش عارف اقوله ازاى
مراد:بس لازم يعرف
زين:هحاول اعرفه على ماتيجى
مراد:زين انا عايز اكلم ريم حاول باى طريقه لما ترجع القصر تخلينى اكلمها
زين:حاضر يامراد
مراد:انا لازم اقفل الوقت وابقي رن عليا على نفس الرقم
زين:تمام
(بقلم الكاتبه جنات)
==================
عند البنات فى القصر قاعدين فى بلكونه كارما وبيتكلمو مع ريم بصوت واطى وفجاه باب اوضه كارما اتفتح ودخلت فريده:والله عال يعنى كلمه عمكو مابقتيش تتسمع
حياه:احنا بنسلى ريم مش اكتر
كارما:احنا مش بنغلط
فريده بصت لريم:ادخلى جوا واحترمى كلام ابوكى شويااا .. وانتو تحت ولما يجى عمكو هيبقي فى كلام تانى
كارما بغيظ منها:انا راحه اوضتى ياحياه
حياه:وانا كمان
فريده اضايقت منهم وخرجت من الاوضه
==================
بليل عزام وصل وكانت فريده وتارا وصفاء قاعدين
عزام:مساء الخير
الكل:مساء النور
فريده:عزام بنات اخواتك مش محترمين كلامك
صفاء:مالوش لزوم الكلام ده
عزام:اسكتى انتى .... فى ايه يافريده
فريده حكتله لما شافت البنات بيكلمو ريم
عزان بعصبيه نادى على داده فاطمه:اطلعى نادى على كارما وحياه
بعد شويا البنات نزلو
كارما:خير ياعمى
عزام:وهيجى منين الخير طول مانتى فى البيت ..... علمتى الكل قله الذوق والاحترام اللى انتى اتعلمتيهم من امك
كارما:انا الحمدلله متربيه كويسه جداا وحضراتكو عارفين كدا كويس وبدليل انى استحملت منك كتير وماكنتش بنطق
فريده:وانتى هتنطقى ازاى مانتى كنتى خرسه
كارما:حتى لو كنت خرسه بس كان ممكن اخد رد فعل ... بس كنت بحترمكو مش عشانكو لا عشان خاطر بابا الله يرحمه وبس
عزام بعصبيه:وكمان بتردى علينا ياقليله الربايه
حياه:احنا مغلطناش ياعمو .... كل الحكايه اننا كنا عايزين نسلى ريم مش اكتر
عزام:بس انا قولت محدش يقرب ولا يتكلم معاها صح ولا لأ
كارما:واحنا متعودناش نسيب بعض ياعمو
عزام اتعصب وضرب كارما بالقلم
حياه زعقت:انت ازاى تمد ايدك عليها
عزام ضرب حياه كمان بالقلم:عشان انتو متعلموش الادب
فى اللحظه دى دخل زين ويحيي
يحيي:فى ايه مالكو
فريده بصت للبنات بتحذير:مافيش حاجه كنا بنادى على البنات عشان نتعشي سواا
زين بص للبنات ومش مصدق كلامها
حياه عيطت:محصلش يايحيي ابوك مد ايده عليا وعلى كارما
زين بصوت عالى:مد ايه .... انت ضربت اختى ومراتى
عزام:اه ضربتهم عشان متعلموش الادب
زين اتعصب وقرب من عزام ومسكه من ياقه قميصه:انت اتجننت ... دانا اقطعلك ايدك اللى اتدمت عليهم دى
صفاء قربت من زين وبعدته عن عزام:خلاص يابنى ونبي امسحها فيا المرة دى
عزام:بنات اخويا وبربيهم
يحيى:لا يابابا مالكش الحق تمد ايدك على واحده فيهم انت سامع
عزام:بترد على ابوك
يحيي:ابويا اللى مش محترم مراتى وبيمد ايده عليها .... مش كفايه اللى بتعمله فى ريم
عزام:وانا هستنى ايه منك مانت ماشي ورا ابن عمك .... على العموم اختك كتب كتابها اول الاسبوع والمرة دى مافيش تأجيل
زين قرب من عزام وبصله بتحدى:هنشوف ياعزام باشا
زين قرب من كارما ومسك ايدها وطلع ويحيي نفس الكلام
زين وقف عند اوضه كارما القديمه:استنى ياكارما
زين دخل بلكونه اوضه كارما ونادى على ريم
ريم لبست الاسدال وخرجت:نعم يازين
زين مد ايده بالفون:خدى رنى على اخر رقم
ريم قلبها دق: ده مراد
زين:ايوا اتكلمى وانا هستناكى هنا بس وطى صوتك عشان ابوكى
ريم بفرحه:حاضر
ريم دخلت والفون كان مفتوح ورنت على اخر رقم وجالها صوت مراد:كل ده ياعم مش قولت هتروح على طول
ريم:مراد
مراد اتنهد لما سمع صوتها:وحشتينى ياقلب مراد
ريم:انت عامل ايه
مراد:بقيت بخير لما سمعت صوتك ... طمنينى انتى كويسه ابوكى عمل فيكى ايه
ريم عيطت:حبسنى فى الاوضه وعايز يجوزنى اللى اسمه مروان
مراد:متقلقيش ياريم انا كلها يومين او تلاته وهاجى
ريم:بجد
مراد:جد الجد كمان ياريم .... عايزك تاخدى بالك من نفسك وبطلى عياط عشان خاطرى
ريم:حاضر .... بس لو بابا موافقش على جوازنا هنعمل ايه
مراد:هاخدك ونهرب ونتجوز ياريم
ريم:لا يامراد .... انا مش عايزة اهرب انا عايزة اتجوزك ونعمل فرح ونفرح زى ماقولتلك قبل كدا لو سمحت
مراد زعق بعصبيه:ماهو ابوكى دماغه جزمه قديمه اعمله ايه ده ولا اسيبك تتجوزى مروان باشا
ريم عيطت
مراد حاول يهدى:انا اسف ياريم ... بس ابوكى عمره ماهيوافق عليا هو اصلا مش بيطيقنى من وقت مادخلت شريك فى الشركه وعمره ماهيوافق يجوزك ليا افهمى بقي
ريم:سيبها على الله يامراد وخد بالك على نفسك
مراد:حاضر ياحبيبتى .... انا لازم اقفل وهابقي اكلم زين واطمن عليكو
ريم:حاضر
مراد قفل وريم خرجت البلكونه كان زين لسه واقف عطيته الفون ودخلت
وزين خرج لكارما مسك ايدها وطلعوو
(بقلم الكاتبه جنات)
=================
فى جناح حياه ويحيي
يحيي اخدها فى حضنه:حقك عليا ياحياتى انا اسف
حياه:انت مالكش ذنب يايحيي
يحيي:انا بجد مش عارف هو بيتصرف كدا ليه كاننا اعدائه مش عيلته
حياه:ربنا يهديه
يحيي:انا وزين طلبنا بيتزا عشان نتعشي سواا
حياه:بس مش هنعرف ننزل لريم
يحيي:ومين قال كدا هننزل وهتاكل معانا كمان يلا قومى اغسلى وشك على مااكل مايجى
حياه:حاضر
===============
فى جناح زين اللى دخل وشد كارما لحضنه:متزعليش ياكارما
كارما بعدت عنه:مش زعلانه لانى لاول مرة ارد عليه
زين:ايوا كدا عايزك قويه ومتسبيش حقك
كارما:حاضر
زين:يلا عشان ننزل نتعشي مع ريم
كارما:وعمو
زين:سيبك منه ... وبعدين انا بحب احرق دمه
كارما ضحكت
زين:دانا طالبلك البيتزا اللى بتحيبها يلا
فون زين رن:الاكل وصل اهو هنزل اخده وانتى روحى بلكونه اوضتك
كارما:حاضر
كارما وحياه راحو ونادو على ريم وقعدو يتكلمو
وزين نزل لاقى واحده من الخدم مستلمه الاوردر:انا كنت نازل استلمه
البنت واسمها آيه:دادا فاطمه اللى قالتلى
زين:تمام
زين اخد الاكل وقابل يحيي ودخلو للبنات
يحيي:نسينا نجيب حاجه نشربها
حياه:هنزل اجيب
زين:لا خليكى انتى تعالى يايحيي ننزل نجيب عشان لو قابلنا ابوك ولا عمتك نعرف نرد عليهم
الشباب نزلو
حياه:انا جعانه تعالو ناكل على مايجو
ريم:وكمان انا ميته من الجوع
البنات طلعو البيتزا وبداو ياكلوو
===============
تحت عند الشباب دخلو المطبخ وكانت البنت اللى اسمها أيه واقفه فى المطبخ ولما شافت الشباب اتوترت ووقعت منها ازازة صغيرة
زين بض للازازة بصدمه وقرب اخدها وزى مااتوقع كانت سم
زين مسك البت من ايدها بقوة:السم ده بيعمل معاكى ايه
أيه:ولا حاجه يابيه
يحيي:اومال معاكى ف المطبخ ليه
زين افتكر ان هيا اللى استلمت الاكل:انتى حطيتى منه فى الاكل
ايه خافت
زين بصوت عالى:انطقى
ايه عيطت:هى اللى طلبت منى
يحيي:هي مين
أيه:فريده هانم
زين ويحيي بصو لبعض بصدمه وزين نادى على دادا فاطمه وقالها تحبس البت دى فى اوضه الخدم وممنوع تخرج منها وهى عملت كدا والشباب طلعو جرى عشان يلحقو البنات ومياكلوش بس اتصدمو لما سمعو صوت صريخ جامد وكانو البنات
زين:يحيي اكسر باب اوضه ريم بسرعه وانا هشتال كارما وبعد كدا حياه بسرعه
زين شال حياه ونزل حطها فى العربيه وطلع شال كارما وفى الوقت ده يحيي كسر باب اوضه ريم وشالها ونزل حطها فى عربيته وراح ورا زين اللى اخد كارما وحياه فى عربيته
===============
فى المستشفى
زين ويحيي واقفين على اعصابهم
خرجت الدكتورة من الاوضه اللى فيها البنات
زين:طمنينا عاملين ايه
الدكتورة:الحمدلله انكو جبتوهم فى الوقت المناسب قبل السم ماينتشر فى كل جسمهم .... احنا عملناهم غسيل معده والوقت متعلق ليهم محاليل والمفروض يفضلو هنا النهارده عشان نطمن ان مافيش اى مضاعفات من السم وحمدلله على سلامتهم
يحيي:الله يسلمك
زين:ورحمه امى ماهسيبها
يحيى:ناوى على ايه يازين
زين:الرد هيكون بالمناقصه ... ودى اقوى خسارة ممكن يتعرضو ليها
يحيى:بس كدا الخسارة هتكون لينا كمان
زين:خسارة قليله احنا مدخلناش بفلوس كتير الفلوس كلها لعزام وفريده وتوفيق .... اما المكسب الكبير لينا ولشركتنا المجهوله
يحيي ابتسم:انت دماغك سم بس مش ندمان انى سمعت كلامك وشاركت معاك انت ومراد
زين:هما لسه شافو حاجه دانا هخليهم على الحديده
يحيي:تعالى ندخل للبنات
زين ويحيي دخلو وكانو البنات نايمين وفضلو معاهم فى الاوضه
===============
عدى اليوم والبنات والشباب لسه فى المستشفى اللى زين اصر يفضلو فيها بحجه ان البنات تعبانه رغم انهم فاقو وبقو احسن
مراد كلم زين وعرف اللى حصل
عزام اللى اتعصب لما عرف باللى حصل وامر يحيي يجيب ريم عشان كتب الكتاب
وصفاء اللى راحت زارت البنات فى المستشفى واطمنت عليهم بس محدش يعرف بان فريده اللى عملت كدا حتى البنات
زين خلى الحرس يجبرو الخدامه اللى اسمها ايه انها تقدم استقالتها لفريده بجحه انها خايفه ان حد يعرف باللى عملته وفريده رحبت جداا عشان تبعدها عن القصر
والبنات والشباب رجعو القصر
(بقلم الكاتبه جنات)
===============
عدى اليومين وجه اليوم اللى عزام جهز القصر كله عشان كتب كتاب ريم ومروان
فى اوضه ريم اللى قاعده سرحانه وبتفتكر لما مروان جه يزورها فى المستشفى
••فلاش بااااااك••
ريم كانت لوحدها فى الاوضه وزين ويحيي اخدو حياه وكارما يمشوهم شويا وهى رفضت تروح معاهم
الباب خبط وريم لبست طرحه الاسدال:ادخل
الباب اتفتح ودخل شاب وماسك بوكيه ورد
مروان:حمدلله على سلامتك ياريم
ريم:مين حضرتك
مروان قعد قدامها وحط البوكيه جمبها:معقول مش عارفه اللى هيبقي جوزك
ريم استوعبت الكلام:انت مروان
مروان:ايوا انا
ريم:طب اتفضل امشي وخد الورد بتاعك مش عايزة حاجه منك
مروان مد ايده ومسك ايد ريم اللى شهقت بخوف وحاولت تشد ايدها ومش عارفه:سيب ايدى انت اتجننت
مروان:مراتى وماسك ايدها
ريم:مرات مين انت صدقت نفسك ابعد ايدك دى
مروان:بكرة تبقي مراتى وفى بيتى وفى حضنى ووقتها محدش هيحوشنى عنك يامزة ... اصلك بصراحه من نوعى المفضل النوع الشرس
ريم كانت مصدومه من وقاحته:سيب ايدى بدل مااصوت والم عليك المستشفى كلها
مروان ساب ايدها وقام وقف:ماشي ماقمرى باى اشوفك بعد يومين يازوجتى المستقبليه
مروان خرج وريم عيطت جامد والباب اتفتح وهى اتخضت بس كان مراد
ريم لما شافتها قامت من على السرير بتعب وجرت على حضنه وعيطت كتير جدااا
مراد:لدرجه دى كنت واحشك ولا ايه
ريم:متسبنيش تانى يامراد لو سمحت
ريم بعدت عن حضنه وهى بتعيط:تعالى نهرب زى ماقولتيلى ونتجوز ... بس متسبنيش ونبي انا مستحيل اتجوز البنى ادم الحقير ده يامراد
مراد اخدها فى حضنه:اهدى ياحبيبتى انا مستحيل اسيبك ابدااا
مراد بعدها عن حضنه:اهدى وتعالى اقعدى
مراد ساعدها تقعد على السرير وعينه جت على الورد:مين اللى جبلك الورد ده
ريم مسكته وحدفته فى الباسكت:ده الحقير اللى اسمه مروان
مراد:هو جالك
ريم:يدوب خرج وانت جيت
مراد بعصبيه:عمل فيكى ايه انطقى
ريم عيطت ومراد اتعصب اكتر:انطقى ياريم عملك ايه
ريم بدات تحكى لمراد على اللى مروان قاله
ومراد اتعصب والباب اتفتح ودخل زين ويحيي والبنات
مراد:انتو ازاى تسبوها لوحدها فى الاوضه
زين:فى ايه يامراد ... وبعدين انا سبناها عشان انت جايلها
مراد:الحقير اللى اسمه مروان جالها وضايقها
يحيي:عملك ايه ياريم
مراد بعصبيه:ورحمه ابويا ماهسيبه
زين:اهدى ..... بلاش تبوظ الللى بنخططله
يحيي:زين معاه حق .... ريم هو عملك ايه
مراد حكالهم كلام ريم
زين:وقتهم قرب
مراد:يحيي عرف
زين بصله بحده ومراد فهم انه عك الدنيا
يحيي:عرفت ايه
مراد:يحيي لازم يعرف يازين ده الصح
يحيي:ماتفهمونى فى ايه
زين:انا عرفت علاقه مروان بابوك
يحيي:عصام قال انه موصلش لحاجه
زين:انا اللى قولته يقولك كدا ..... مروان يبقي قريب مرات ابوك
الكل اتصدمو ماعدا مراد اللى كان عارف والصدمه الاكبر كانت من نصيب يحيي وريم
ريم:يعنى ايه بابا متجوز على ماما
زين:ايوا ومن سنه كمان والست دى تبقي عمه مروان
يحيي:ازاى يعمل كدا
زين:اهدى ومش لازم حد يعرف اننا عرفنا ولا حتى والدتك يايحيي خلى الخطه ماشيه تمام ... احنا الوقت هنرجع القصر يلاا
ريم بصت لمراد
مراد:متخافيش ياريم مش هتتجوزى حد غيرى
ريم هزت راسها
••بااااااك••
ريم عيطت لان مش عارفه هما بيخططو لايه وابوها اللى بيجهز لكتب كتابها والشباب والبنات مختفين من وقت ماجم من المستشفى
=============
بليل وصل مروان ومعاه عمته اللى هى مرات عزام والماذون
مروان سلم على الكل وشاور على عمته:دى مدام كوثر عمتى
الكل رحبو بيها
عزام قرب من فريده:العيال دول خرجو راحو فين
فريده:معرفش وبعدين انت قلقان ليه عدم وجودهم احسن
عزام:على رايك
عزام نادى على صفاء وقالها تطلع تجيب ريم
صفاء طلعت ونزلت بسرعه وكانت متوترة
عزام:فى ايه مالك والبت فين
صفاء:ريم مش فى اوضتها
عزام:ازاى الكلام ده
فريده:مش انت قافل عليها
عزام:ايوا وقفلت اوضه كارما وحياه عشان ميعرفوش يدخلو ليها
مروان سمع كلامهم وقرب من عزام:يعنى ايه الكلام ده
عزام:اهدى انا هعرف هى فين
توفيق نادى على الحرس وقالهم يدورو على ريم فى القصر كله
بعد شويا واحد من الحرس دخل:مش موجوده ياعزام باشا
عزام اتعصب وبقي يكسر فى كل حاجه قدامه.......
الفصل السادس عشر16
صباح يوم جديد
ريم فتحت عينيها وكانت فى اوضه فى احدى الفنادق
ريم ابتسمت لما افتكرت اللى حصل
••فلاش باااك••
ريم قاعده فى اوضتها سمعت صوت فى بلكونتها لبست اسدال وخرجت تشوف فى ايه لاقت سلم كبير محطوط على سور البلكونه بصت تحت كان زين ويحيي
يحيي شاورلها تنزل ريم فرحت انها هتهرب وطلعت على سور البلكونه ونزلت براحه على السلم لحد ماوصلت للارض
زين:يلا يايحيي خرجها وانا هشيل السلم
يحيي اخد ريم وراحو عند رعد وكان فى سلم صغير:ريم اطلعى ومراد مستنيكى برا يلا
ريم حضنت يحيي:ربنا يخليك ليا
ريم طلعت السلم وقعدت على السور
مراد اول ماشافها ابتسم وشارولها تنط
ريم هزت راسها بلا
مراد بهمس:يلا ياريم
ريم غمضت عينيها ونطت ومراد اخدها فى حضنه
ريم فتحت عينيها:اللى بيحصل ده بجد
مراد باسها من خدها:بجد ياقلبى
ريم ضربتها ونزلت من على ايديه:انت قليل الادب على فكرة
مراد:طب اركبي العربيه بدل ماادخلك لابوكى تانى يلا
ريم ركبت بسرعه ومراد مشي بالعربيه
وزين ويحيي دخلو القصر وكل واحد اخد مراته وخرجو على اساس انهم مش موافقين على اللى بيحصل وهيخرجو من القصر
مراد اخد ريم وراحو الغردقه ونزلو فى فندق والشباب والبنات راحوليهم بردوو
••بااااااك••
ريم كانت فرحانه جداا وخصوصاا ان النهارده كتب كتابها على مرادها
الباب خبط وريم قامت لبست اسدال بسرعه وفتحت كانو البنات حضنو بعض بقوة
حياه:صباح الفل ياكسلانه
كارما:كل ده نوم
ريم:مانا ماكنتش بنام الاسبوعين اللى فاتو كويس وماصدقت انى انام مرتاحه
حياه:يلا عشان تلبسى زين ويحيي راحو يجيبو المأذون
كارما:هتلبسي ايه
ريم:مراد جابلى سوت لونها ابيض
حياه:طب يلا ادخلى البسي وبسرعه
ريم دخلت لبست وخرجت وبدات تعمل ميكب بسيط ولبست طرحه بلون الابيض وكانت رقيقه جداا
والبنات كانو لابسين دريسات بسيطه جداا
الباب خبط ودخل مراد ويحيى وزين ومعاهم المأذون اللى بدا يكتب الكتاب
ريم كانت سرحانه كان نفسها فى فرح وناس كتير يحضرو ويفرحو معاهااا وفاقت على جمله الماذون الشهيرة﴿بارك الله لكما وبارك عليكما وجمع بينكم فى خير﴾
مراد قام وقرب من ريم ومسك ايدها وقامت وقفت قدامه وباس راسهاا وحضنها بقوة:مبروك ياروح مراد
ريم:الله يبارك فيك يامراد
الشباب والبنات باركو ليهم
فون مراد رن ورد عليه:حاضر ثوانى وهكون عندك
مراد قفل وبصلهم:معلش ياجماعه طلبنى فى الشغل هروح اشوفهم عايزين ايه واجى
ريم بصتله وهى بتفكر معقول هيسيبها ويمشي فى يوم زى ده
مراد:ريم اوعى تزعلى
ريم ابتسمت بحزن:لا مش زعلانه
مراد خرج والبنات والشباب كمان مشوو
ريم قعدت تعيط ماكنتش متخيله انها تكون زعلانه كدااا
ريم نامت مكانها وهى بتعيط
================
فى قصر الحديدى
عزام كان واقف ومعاه الحرس كلهم وتوفيق وفريده وتارا قاعدين
عزام:يعنى ايه الكاميرات مش جايبه حاجه
واحد من الحرس:الكاميرات كانت مفصوله الوقت ده ياباشا وللاسف مش عارفين مين عملها
توفيق:اهدى ياعزام
فريده:بابا معاه حق لازم تهدى عشان نفكر واظن انت عارف هى فين مش محتاجه تفكير ....وبعدين ازاى تسمح لمراتك انها تسافر لاختها وازاى اصلا تسافر وبنتها مش موجوده .... مش يمكن تكون ريم عند خالتها
عزام:لا مش عندها انا اتاكدت واختها صحيح تعبانه وفى المستشفى من يومين وشكلها بتودع عشان كدا بعتها
مروان دخل وهو متعصب:ملهاش اى اثر كأن الارض اتشقت وبلعتها
عزام:انا متاكده ان اللى اسمه زين هو اللى عملها
توفيق:وابنك كمان مختفى ومعاهم البنات
عزام:بس انا سالت وعرفت ان اللى اسمه مراد لسه مسافر برا مصر
فريده:معقول يسفرو بنتك ليه ويتجوزو
عزام بعصبيه:دانا كنت اقتلهم كلهم
تارا بملل:اووف يامامى القصر بقي لا يطاق انا خارجه باى
فريده:باى
عزام بص لمروان:حاولت تعرف من ارقامهم
مروان:للاسف كلهم مقفولين
عزام:ماشي ياريم وربي ومااعبد لو طلعت اتجوزتيه هيكون نهايته على ايدى
================
بعد اكتر من ٣ ساعات ريم صحت لما حست بايد على وشها
ريم فتحت كان مراد اللى قاعد قدامها وايده على وشها
ريم قامت قعدت
مراد:مالك ياريم انتى كويسه
ريم بصتله اوى:الحمدلله
مراد:مش قادر اوصفلك فرحتى ياريم
ريم:لا ماهو واضح
مراد كان عارف انها زعلانه منه:انتى زعلتى عشان سيبتك ومشيت
ريم:وهزعل ليه عادى يعنى دانت سايبنى يوم كتب كتابى يعنى عادى زى اى يوم مش كدا
مراد ضحك:قلبك اسود على فكرة
ريم:شكراا
مراد:يعنى انا جاى وعملك مفاجاه تقابلينى كدا
ريم:وايه هي المفاجاة بقي طالع مأموريه
مراد ضحك اوى:لا اخد اجازة ياقمرى
ريم:والله العظيم كتر خيرك
مراد مسك ايدها وشدها قومها من على السرير وفتح باب الاوضه وكان فى بوكس كبير جداا وفى شابين من عمال الفندق دخلوه جوا الاوضه
ريم:ايه ده يامراد
مراد شكر الشباب وقفل الباب وبص لريم:شوفى بنفسك
ريم قربت من البوكس وشالت الغطا بتاعه وبصت جواه بصدمه وبصت لمراد:ايه ده يامراد
مراد:انتى شايفه ايه
ريم:ده فستان فرح بجد
مراد قرب منها:وجد الجد كمان
ريم:يعنى ايه الكلام ده يامراد
مراد شدها لحضنه:يعنى اجهزى ياقلب مراد عشان بليل فرحنا
ريم:انت بتتكلم جد
الباب خبط ومراد راح فتح وكانو البنات اللى لابسين فساتين شبه بعض بالوان مختلف
ريم:وانتو كمان عارفين
مراد:ممكن تبطلى اسئله وتجهزى بقي
حياه:روح انت يامراد واحنا معاها
كارما:البنت اللى هتعملها الميكب وصلت يلا بقي
مراد خرج ودخلت البنت اللى بدات تعملها الميكب اللى ريم طلبت انه يكون رقيق وناعم جداا وبعد ماخلصت البنات ساعدوها تلبس الفستان والبنت لفتلها الطرحه وريم كانت ايه من الجمال بفستانها الابيض
الباب خبط ودخل يحيي وقرب من ريم وباس راسها:مبروك ياحبيبه اخوك
ريم:الله يبارك فيك ياحبيبي
يحيي:محضرلك مفاجااه هتعجبك اوى
ريم:ايه هيا
يحيي راح فتح الباب ودخلت صفاء وريم جرت عليها وحضنتها
صفاء:ياحبيبه قلبي الف مبروك
ريم:انا فرحانه اوى انك معايا ياماما
صفاء:انا كنت عارفه كل حاجه ياحبيبتى والشباب عرفونى وربنا يسعدك ياقلبي
ريم حضنتها بقوة:ربنا يخليكى ليا ياماما
يحيي:بس ريم طالعه جامده اخر حاجه ياماما مش كدا
ريم ضحكت
صفاء:طبعا طالعه احلى عروسه
الباب اتفتح ودخل زين:مبروك ياعروسه
ريم:الله يبارك فيك يازيزوو
زين:يلا لان مراد هيولع لو منزلناش واقف على اخره تحت
كلهم ضحكو
يحيي مسك ايد ريم:يلا عشان اسلمك لعريسك
ريم نزلت سلم الفندق مع يحيي ووقفو قدام باب القاعه الافراح اللى موجوده فى الفندق
شويا والباب اتفتح واشتغلت﴿ اغنيه فستانك الابيض لحسين الجسمي﴾
مراد قرب من يحيي وسلم عليه ويحيي باس راس ريم ونزل ومراد مسك ايد ريم وباسها وباس راسهاا وعطاها بوكيه ورد بلون الابيض
وحضنها بقوة:مبروك عليا انتى ياقلب مراد
مراد بعد عنها ووقف جمبها وريم كانت بتبص على كل الموجودين اللى متعرفش حد فيهم
ريم:مين دول يامراد...انا معرفهمش
مراد:ولا انا اعرفهم وحياتك
ريم:نعم
مراد همس جمب ودنها:عزمتلك كل نزلاء اللى فى الفندق نصهم سياح
ريم ابتسمت ومراد اتحرك بيها لحد المسرح ورقصو على الاغنيه بعشق ومراد شالها ولف بيهاا كتير جدااا
ريم:بجد فرحانه اوى يامراد
مراد:انتى متخيله انى هتجوزك من غير فرح
ريم:مانت رخم وزعلتنى الصبح جداا وخلتنى اعيط فى اكتر يوم كنت مستنياه
مراد:حقك على قلبي ياقلب مراد
ريم:انت عملت ده كله امته
مراد:انا بحضر كل حاجه من وقت ماكنتى فى المستشفى ياريم
ريم:بجد احلى مفاجاه وفرحت جدا ان ماما جت ... بس افرض بابا عرف
مراد:مش هيعرف هى قالتلهم فى القصر ان اختها اللى عايشه فى الاقصر تعبانه وهتسافر تشوفها ومحدش سأل يعنى
ريم:طب الحمدلله
مراد:تعرفى انك طالعه حلوة اوى
ريم:وانت كمان حلو اوى ووسيم جداا
مراد بغرور:مانا عارف
ريم ضحكت
ومراد طلع من جيبه علبه قطيفه وفتحها وكان فيها خاتم حلو جداا ولبسه لريم وعجبها اوى
وبعدها طلعو شباب وبنات كتير من المعزومين ورقصو مع ريم ومراد والفرح كان يجنن
وزين وكارما وحياه ويحيي ومراد وريم رقصو سواا كان شكلهم حلو جدااا
بعد وقت كبير الفرح خلص والكل مشيوووو
وفضل الشباب والبنات وصفاء
زين بص لمراد:يلا روحو انتو واحنا هنفضل هنا فى الفندق وهنتحرك بعد الفجر باذن الله
ريم:ليه احنا مش هنفضل فى الفندق
مراد:لا ياريم
صفاء حضنت ريم وودعتها وبعدها مراد مسك ايد ريم وركبو عربيته واتحركووو
(بقلم الكاتبة جنات)
==============
زين وكارما وصلو اوضتهم
كارما:تعبت اوى ونفسي انام .... زين افتح النور
زين فتح النور وكارما انبهرت بجمال الاوضه اللى كانت متزينه بالورد الاحمر والبلالين وكان شكلها حلو اوى
كارما بصت لزين:انت عملت ده كله امته
زين حضنها من ضهرها:بقالنا فترة مشغولين بموضوع ريم ومراد وانتى بصراحه وحشتنى قولت اعلمك مفاجاه
كارما لفت وحضنت زين:احلى مفاجاه انا بحبك اوى يا زين
زين:وانا بعشقك ياقلب زين .... سيبك بقي من كل الكلام ده انتى وحشانى جداا
كارما اتكسفت وخبت وشها فى حضن زين اللى شالها واخدها لعالمه الخاص ليعلمها فنون عشقه
===================
فى اوضه يحيي وحياه اللى كانت متزينه بنفس الطريقه وكانو بيرقصو على موسيقى رومانسيه وهاديه وحياه سانده راسها فى حضن يحيي
يحيي:تعرفى ياحياه نفسى الحياه تقف على اللحظه دى وتفضلى فى حضنى كدا علطول
حياه رفعت وشها وبصتله:وانا نفسي نفضل هنا بعيد عن القصر ومشاكله
يحيي:ومين سمعك ... بس بكرة كل حاجه هتتظبط وهنعيش مع بعض فى سعاده
حياه:يارب
يحيي شالها فجاه
حياه:خضتنى يايحيي
يحيي:روح وقلب يحيي
يحيي نيمها على السرير وقرب منها لتسكت شهرزاد عن الكلام الغير مبااااح
(بقلم الكاتبة جنات)
=================
فى عربيه مراد
ريم:احنا رايحين فين يامراد
مراد:قربنا نوصل اهو
بعد شويا وقفو قدام ڤيلا صغيرة على البحر
مراد نزل ولف فتح الباب لريم وساعدها تنزل
وريم عينها على الڤيلا:مراد ده بيت مين ده
مراد:بيت الجيران ياريم
ريم بصتله ومراد ضحك:اكيد يعنى بيتى ياريم .... انا اشتريته عشان نعيش هنا
ريم:هو احنا مش هنرجع تانى اسكندريه يامراد طب وكليتى والبنات وماما
مراد:ايه ايه اهدى اكيد هنرجع بس مش الوقتى .... وبعدين اعتبرى نفسك فى شهر العسل
ريم ضحكت:اذا كدا اوكى
مراد ضحك:يلا مش عايزة تتفرجى عليها
ريم:يلا
مراد وريم دخلو الڤيلا اللى عجبت ريم جدااا
ريم بتتفرج على الڤيلا بصت لمراد اللى عينه عليها:مالك يامراد
مراد قرب عليها:هتصدقينى لو قولتلك انى مش مصدق انك بقيتى مراتى
ريم ضحك:لا صدق انا بقيت مراتك وانت جوزى حبيبي
مراد:بردو مش مصدق
ريم:طب انقنعك ازاى طيب
مراد قرب منها وباسها بعشق وحب وبعد عنها وريم كانت مكسوفها جداا
مراد:كدا انا صدقت
ريم ضربته فى صدره بخفه:انت قليل الادب على فكرة بابا كان معاه حق
مراد ضحك اوى:حق فى ايه بقي
ريم:لما قال عليك انك صايع ومقضيها .....صح ياسياده المقدم انت كنت مقضيها ايه بقي
مراد:دانا بريئ والله
ريم:صدقتك انا كدا ..... مراااااد
مراد:ايه ياريم مالك
ريم:يعنى عايزة تقنعنى انك ماكنش ليك تجارب قبل كدا مع بنات
مراد ضحك:تجارب .... لا ياستى ماكنش ليا تجارب قبلك ياريمو ... انا اخرى اعاكس بنت لكن حاجه تانيه لا انا محترم
ريم:بجد
مراد:جد الجد كمان ...انا اخرى اشرب واسهر لكن بنات مش سكتى زى زين كدا بظبط
ريم:لا ياحبيبي حياتك قبل الجواز دى تنساها .... انت الوقت هتبقي من البيت لشغل ومن الشغل للبيت بس
مراد:انا قولت انا مش بتاع جواز محدش صدقنى
ريم حطت ايدها فى وسطها:نعم ياعينيا بتقول حاجه
مراد:وانا اقدر بردو من عيونى ياريم
ريم:ماشي يامراد
مراد:روح وقلب مراد ..... يلا نطلع فوق
ريم اتوترت:نطلع فوق ليه لا هنا حلو انا هفضل هنا
مراد:ناويه تنامى هنا ياريم
ريم:اه الجو حلو
مراد:انا عارف ان الليله باصينلى فيها
ريم:ومين بقي اللى هيبصلك فيها
مراد:هما فى غيرهم يحيي وزين مع ان اكيد مقضينها الوقت
ريم:مقضينها ايه
مراد:ماتفتحى مخك معايا ياريم هيقضوها ايه يعنى بوس واحضان وحاجات كتير لوز اللوز
ريم:والله العظيم انت ماشوفتش بربع جنيه تربيه
مراد:ريم ياحبيبتى انتى ايه فكرتك عن الجواز معلش عشان نبقي على نور كدا سوااا
ريم:كل خير
مراد شالها فجاه وريم اتخضت:نزلنى يامراد لو سمحت انا همشي لوحدى
مراد:تؤ ... هشيلك لحد اوضه نومنا عشان اوريكى الخير كله
مراد طلع وزق الباب برجله ودخل والاوضه عجبت ريم جداا وخصوصا ان فيها شباك كبير ازاز بيطل على البحر
ريم:بجد الڤيلا حلوة اوى
مراد:مش احلى منك ياقلبي
ريم:حضرتك استحليتها ولا ايه نزلنى بقي
مراد نزلها وباس راسها:بحبك ياريم فوق ماتتخيلى
ريم:وانا كمان بحبك اوى ..... يلا عشان نصلى سوا
مراد:يلا ادخلى غيرى
ريم اخدت هدوم ودخلت الحمام غيرت لبست بجامه ستان بلون البينك وفوقها اسدال واتوضت وخرجت كان مراد لابس ترنج
ريم:ادخل اتوضي بقي
مراد:انا اتوضيت فى الحمام اللى تحت ... يلا نصلى
مراد صلى بريم ودعو ان ربنا يبعد عنهم كل شر ويسعدهم دايما سوااا
مراد قام ومد ايده لريم اللى مسكت ايده ومراد شدها وقامت وبقت فى حضنه:هو الاسدال عجبك اوى كدا يلا اقلعيه بقي
ريم بكسوف:يامراد بقي
مراد:اساعدك حاضر من عينيا
مراد قلعها الاسدال وشعرها نزل على ضهرها وبصلها بحب وقرب منها وشالها وراحوو لعالم خاص بيهم لتصبح زوجته امام الله
=====================
بعد الفجر
الشباب والبنات ومعاهم صفاء ركبو العربيات عشان يرجعو اسكندريه واتفقو انهم هيرجعو القصر بس مش سواا عشان عزام ميعرفش ان صفاء كانت معاهم
(بقلم الكاتبة جنات)
=====================
فى ڤيلا مراد اللى قاعد على السرير وريم فى حضنه
ريم:انا خايفه بابا يعرف مكانا يامراد وقتها اكيد هياخدنى منك
مراد:ليه متجوزة سوسن حضرتك عشان اسيبهم ياخدوكى
ريم ضحكت وبصتله:يعنى هتقف فى وشه
مراد:انا اقف فى وش الدنيا كلها عشانك ياريم
ريم حضنته بقوة:ربنا يخليك ليا .... مراد انا لو كنت اتجوزت اللى اسمه مروان ده كنت هموت نفسي
مراد:انتى متخيله انى كنت هسيبك تتجوزيه اصلا
ريم:ماما صعبانه عليا اوى لما تعرف ان بابا متجوز عليها
مراد:والله انا لو منها مزعلش هو ابوك ده حد يزعل عليه
ريم ضحكت اوى
مراد:بقولك ايه احنا هنقضي الليله فى كلام عن ابوكى وامك انتى وحشانى
ريم:هو انا اتحركت من مكانى يامراد وبعدين وحشاك ازاى دانا لازقه فيك اهو
مراد:حتى وانتى فى حضنى وحشانى ياقلب مراد
ريم:مراد
مراد:عيونه
ريم:انا عايزة انام تعالى ننام
مراد نزل ونام على السرير وهى فى حضنه:نامى ياقلبي
ريم نامت فى حضنه ومراد فضل يتأملها بعشق وبعدها نام هو كمان......