رواية احببت قاتلي
الفصل الثالث عشر13 بقلم مني الصاوي
تدخل شيرين الغرفه تجد يوسف لازال فاقد الوعي تتحدث مع نفسها
يا خسارة لسه عايش بس كويس انك عايش علشان اعرف اخد طارى بايدي لازم احر*ق قلب اللي بيحبوك زي ما حرقت قلبي عليه وحرمتني منه
فجأه يستيقظ يوسف
يوسف.... انا فين ااااه
شيرين... ماتتحركش انت في المستشفى
يوسف.... مستشفي ليه انا مش فاكر حاجه بس حاسس جسمي كله مكسر
شيرين.... متقلقش مفيش كسور والا حاجه الدكتور طمنا
بس قولي بقي للدرجه دي بتحبني علشان ترمي نفسك وكان ممكن تم*و*ت علشان تحميني
يوسف.... ولو كنت مو*ت مكنتش هندم يا شيرين
شيرين.... انا موافقه على فكره
يوسف.... موافقه علي ايه معلش اصل الظاهر الحادثه دي اثرت علي تفكيرى شويه
شيرين.... موافقه اتجوزك وحتي قولت للدكتور اني خطيبتك علشان يسمح اني ادخل
يوسف... حبيبتي انا مش مصدق اخيرا وافقتي. اااه
شيرين.... قولتلك متتحركش في كدمات في جسمك كله هتاخد وقت عايز ايه وانا اعمله
يوسف.... تعالي جنبي عايز اتاكد اني مش بحلم عايز المسك علشان اعرف إني صاحي انا بحبك اوي يا شيرين من اول يوم شوفتك حسيتك مختلفه عن كل اللي عرفتهم انت حقيقي معايا انا اسعد واحد في الدنياشيرين... وانا كمان حبيتك او حبيت حبك ليا وقولت يمكن انت تكون عوض ربنا ليا
يوسف... شيرين يلا نطلع علي الماذون حالا انا بقيت كويس
شيرين... لا يا يوسف في حاجات كتيره لازم نعمل حسابها قبل اي قرار نعلنه
يوسف.... حاجات ايه انت هترجعي في كلامك تاني ولا ايه
شيرين.... لا طبعا مش هرجع في كلامي بس اولا لازم تبقي كويس بجد ونطمن عليك ثانيا انت ناسي عيله عمر وانهم مسوالين مني كمان لسه عمي عزت تعبان بسبب صدمته بوفاه عمر الله يرحمه هما ليهم حق عليا ولازم اجيب الموضوع بالتدريج
يوسف.... انت من حقك تتجوزي والا هتعيشي راهبه
شيرين... ممكن يكون من حقي بس مش دلوقتي عمر لسه معداش علي وفاته وقت طويل ولازم احترم مشاعرهم
كمان علاء طلب ايدي وانا رفضت بحجه اني هعيش علي ذكرى عمر
يوسف..... علاء انا كان قلبي حاسس ان عينه عليكي واضح اوي عشان كده لازم يعرف اننا مرتبطين
شيرين... لا يا يوسف انا هقوله في الوقت المناسب
يدق باب الغرفه
يوسف... ادخل
عمار...... اسف يا جماعه انا مضطر ادخل بس علاء طالع انا شوفته من الشباك وقولت اعرفكم
يوسف... هادم اللاذات ومفرق الجماعات حضر
شيرين.... خلاص يا يوسف احنا علي اتفقنا
عمار.. ايه 😂مش هنقول مبروك
يوسف... لا يا عمار كانك متعرفش حاجه وانا هحكيلك بعدين
عمار.... تمام انا بس كنت عايز افرحلكم
يدخل علاء
علاء.... اخبارك ايه يا بشمهندس
يوسف.... الحمد لله تمام
علاء... اظن كده اطمنتي والا ناويه تباتي هنا
شيرين... ايه كلامك ده لو سمحت اتكلم معايا احسن من كده اتا مش مضطره ابرر لك كل تصرفاتي
علاء... ايه يا شيرين كنت بهزر بتقفشي كده ليه يلا تعالي اوصلك الوقت اتاخر
شيرين.... اوكي مفيش مشكله حمد الله على سلامتك يا بشمهندس وشكرا علشان عرضت نفسك للخطر عشاني
يوسف.... مفيش حاجه انا عملت اللي اي راجل ممكن يعمله
علاء... اتفضلي سلام عليكم
_____&&&&&__________&&&&
رنا.... نفذتي كل اللي خططتي ليه يا شيرين الانتقام ده هيدمرك انت قبل اي حد ازاي هيطوعك قلبك تعملي كده
شيرين.... انا جيت ابات معاكي عشان احكيلك وارتاح من همي مش عشان تزودي همي انا تعبانه يا يارا خوفت اروح كده عمي ومرات عمي تعبوا معايا اوي مش عايزه احسسهم اني لسه زي ماانا هما فكروني انشغلت في الشغل ونسيت مفيش حد حاسس بالن*ار اللي جوايا ا*لن*ار دي ممكن تح*ر*ق كل حاجه حواليه واولهم يوسف
يارا..... خلاص اهدي انا اسفه انا خايفه عليكي يا حبيبتي خايفه وانت بتنتقمي تضيعي نفسك الانتقام صعب اوي يا شيرين
شيرين..... متخافيش عليا محدش هيشك فيا الحوار هيتعاد بنفس الطريقه بس المره دي العريس هيكون يوسف
يارا.... يا خبر اسود انت هت*قت*ليه بنفس الطريقه ويوم فرحك مش خايفه اللي هتجبيه ينفذ يغلط مثلا ويض*ربك انت
شيرين.... متقلقيش كل حاجه مدروسه مفيش غلط هيحصل لازم اح*رق قلب كل اللي بيحبوا زي ما ح*رق قلبي وقلب اهل عمر
يارا.... مش عارفه اقولك ايه ربنا يهديكي يا شيرين طب يوسف مش صعبان عليكي شاب في اول حياته مش هتبقي حسه بالذنب
شيرين تبكي... لو كنتى قولتيلي الكلام ده زمان كنت قولت استحاله اعمل كده بس انت عارفه اللى حصلي اللي حصل خلي قلبي حجر
يارا...... ربنا يصبر قلبك ويهديكي ياشيرين يلا تصبحي على خير
شيرين... وانت من اهل الخير حبيبتي
________&&&_________&&____
في صباح يوما جديد
شيرين..... صباح الخير
يارا....... انت منمتيش والا ايه
شيرين.... نمت ساعه وقلقت قولت اعملك الفطار
يارا... ايه الدلع ده ايقي تعالي كل يوم انا مش بفطر غير واحمد هنا شوفي بقي بينزل اجازه يومين في الشهر ومن ساعه ما ماما وبابا اتوفوا وهو مش بينزل غير قليل
شيرين.... معلش يا حبيبتي وبعدين اخوكي مش هنا انا معاكي اهو والا مش ماليه عينك يا بنت يلا نفطر انا م*وت من الجوع
يارا.... يلا نفطر هتفضحينا
هننزل الشركه علي طول والا هتروحي في حته تانيه
شيرين.... اه هروح المستشفى اشوف يوسف حصل معاه ايه وانت هتيجي معايا وننزل بسرعه
يارا.... لا معلش انا عندي مديره رخمه ممكن ترفضني 😂
شيرين.... اااه مديره رخمه طلبتيها ونولتيها تعالي هنا وتجرى وراها
يارا.... لااا خلاص اسفه يلا هنتاخر
شيرين... انقذتي نفسك لو مكناش هنتاخر كنت عضيتك بس يلا كله بثوابه
____&_&____________&&_____
شيرين..... وصلنا
يارا..... هي دى المستشفى يلا يا شاطره اطلعي وانا هستني في العربيه بس متتاحريش
شيرين...خلاص تمام هشوف حصل ايه وانزل بسرعه
يارا... تمام اباشا هههههه
تجلس يارا داخل السياره تنتظر شيرين تجد شخص يخبط علي زجاج السياره
يارا.... نعم في ايه حضرتك
عمار... ايه ده بجد مش فاكراني والا بتستعبطي يا مزه
يارا.... ايه قله الذوق دي يا بني ادم انت
عمار... انت اسمك ايه بقي كل مره نتقابل ومنتعرفش علي بعض انا اسمي عمار
يارا.... عرفاك كويس طبعا
عمار... عارف اني مشهور بس عرفاني منين يا مزه
يارا.... بلاش قله ادب ايه مزه دي
عموما حنان كانت زميلتي وطبعا حكايتك معاها الشركه كلها تعرفها
عمار..... اخص حنان لازم تفكريني
يارا... اخص ده جزائها فعلا جنس نمرود ضيعتها بكدبك وجاي دلوقتي تقول اخص بس هقول ايه هي تستاهل عشان امنت لراجل زيك
عمار... ايه يا حجه انت ايه راجل زيك دي انت تعرفيني بتحكمي عليا بايه وانتوا اللي اسم الله عليكم اوي ما انتوا اكتر مننا
يارا.... باسسس انت هتتخانق معايا اتفضل يلا امشي من هنا
عمار... تصدقي انت بنت قليله الادب ومش مزه والا نيلا انا بس بجبر بخاطرك
شيرين.... في ايه مالك يا عمار في ايه يا يارا
عمار.... يارا مش لايق عليكي الاسم لسانك اطول منك يا اوزعه انت
يارا.... لم نفسك احسن والله الم الناس عليك واقول بيعاكسني
شبرين... بس يا بنتي في ايه فهميني في ايه يا بشمهندس
عمار.... مفيش كنت بعاكسها فعلا القمر ده مش كداب يلا سلام يا حلوين
شبرين.... هههههه ايه الجنان ده يخربيتك ده مجنون رسمي
يارا... بتضحكي ده مستفز ورخم
شبرين... صراحه مش رخميارا.... والله مش رخم طب يلا يا اختي اتاخرنا
شيرين.... يوسف بقي كويس بس عايزه اعترفلك اعتراف يا يارا
يارا.... اعتراف انا بحب الاعترافات قولي ياختي
شبرين... رخمه بس هقولك
انا واحنا جايين كنت قلقانه علي يوسف واول ما طلعت دخلت للدكتور عشان اطمن وفرحت اوي لما عرفت انه كويس
يارا.... تبقي السناره غمزت ياجميل
شبرين.... سناره ايه انت هبله لا طبعا
يارا... يا حبيبتي انسي الانتقام يوسف انسان كويس صارحيه بكل حاجه ولو عنده دليل براءته وافقي اتجوزيه يا شبرين وعيشي حياتك