رواية شمعة الحب لا تنطفى الفصل السابع عشر17 والثامن عشر18 بقلم جنات
فى قصر الحديدى
كانت فريده وتارا وتوفيق وصفاء اللى جت القصر قبل الشباب قاعدين
الشباب والبنات دخلو وهما بيضحكو
يحيي:مساء الخير
فريده بغضب:انتو كنتو فين
زين:طب ردى المسا طيب
توفيق:انتو ازاى تختفو وتقفلو تلفوناتكو كدا
يحيي:فى ايه ياجدى
توفيق:فى مصيبه خسرنا المناقصه
زين بانفعال متصنع:اللى هو ازاى ده يعنى.....مش المناقصه دى كانت مهمه ابنك والنانوس اللى معاه اللى اسمه مروان ..... وقولتلنا محدش فيكو يدخل
يحيي:انت عارف ياجدى الشركات خسرو اد ايه بخسارة المناقصه دى
فريده:ملايين ..... انا غلطانه انى سمعت كلامك ياعزام .... قالى استثمرى فلوسك فى الشركه وهيبقو اضعاف مقاليش انى هخسرهم خالص
صفاء:اهدو ياجماعه ان شاء الله خير
فريده:اخرسي انتى خالص
يحيي بعصبيه:عمتى ... امى خط احمر مفهوم
فى الوقت ده عزام ومروان دخلوو
زين بصله:اهلا وسهلااا
عزام:لا ده اهلا بيكو انتو .... فين ريم
زين:انت السبب فى خسارة المناقصه
عزام:وانا بقولكو فين ريم .... اختك فين يايحيي بيه
يحيي:ريم مع جوزها
عزام بعصبيه:جوزهااا .... انتو عملتو اللى فى دماغكو وجوزت اختك لصايع مراد
يحيي:مش احسن من الصايع اللى جمبك ده
عزام:احترم نفسك ووطى صوتك وانت بتكلم ابوك
زين بسخريه:صح يايحيي عيب تعلى صوتك على ابوك ... وكمان بتغلط فى قريب مرات ابوك
الكل بصو لزين بصدمه
توفيق:ايه الكلام الفارغ ده
يحيي:لا مش كلام فارغ ياجدى ... عزام بيه متجوز كوثر هانم اللى هى عمه مروان
الكلام نزل زى الصاعقه على صفاء والبنات قربو منها
حياه:اهدى ياطنط ونبي
زين:ابنك متجوز من وراك ومن ورا العيله كلها من سنه وعاطى اهميه للبيه اللى جمبه ومسلمه حسابات الشركه لحد ماضيعنا
مروان:ده مش ذنبي يازين الشركه اللى داخله قدامنا قويه جدااا
زين:انت عرفت حاجه عن الشركه دى ... اسمها ... اصحابه .... طب ممولين بكام للمناقصه .... طبعا لا ... خبير حسابات اازاى بقي
مروان بعصبيه:يعنى انت اللى عارف
زين:لو حبيت اعرف هعرف من بكرة .... بس كنت سايب المهمه دى ليك عشان اثبت لجوز عمتك عزام بيه انك فااااااشل
توفيق:انت بجد اتجوزت على مراتك ياعزام
عزام:اه اتجوزت واظن ده شرع ربنا لا هو عيب ولا حرام
يحيي:ايوا شرع ربنا بس لازم يكون بعمل مراتك الاولى وولادك مش فى السر
صفاء قربت من عزام :طلقنى
عزام:انتى اتجننتى
صفاء بعصبيه:بقولك طلقنى انا مستحيل افضل معاك اكتر من كدا .... انا استحملت منك كتير اهانه وقرف وكمان بتتجوز عليا .... انا مش هفضل معاك ثانيه واحده بعد الوقت
يحيي:اهدى ياامى وكل اللى انتى عايزاه هيعمله
عزام:انت اتجننت انت كمان
يحيي:طلقهااا
توفيق:اهدى يايحيي اهدى ياصفاء يابنتى الامور ماتتحلش كدا
صفاء:خليه يطلقنى بذوق احسن ياعمى
يحيي:انت سامع هى قالت ايه
عزام بص لصفاء:انتى طالق
صفاء بصت ليحيى:انا هطلع الم حاجتي عشان امشي يابنى
عزام:احنا كلنا لازم نمشي من هنا
زين:مش فاهم
عزام:انا كنت راهن القصر فى المناقصه
توفيق:انت اتجننت ياعزام حتى القصر
عزام:كنت لازم اضمن نفسي اننا نكسبها
زين بسخريه:وكسبتها ماشاء الله مش كدا .... احنا هنفضل هنا لحد مااحل المصيبه دى وارجع القصر على الاقل وانتى ياصفصف هتفضلى هنا معانا ومحدش ليه دخل بيكى
زين نهى كلامه وهو بيبص لعزام
عزام:واختك
يحيي:افهم بقي اختى مع جوزها خلاص الحكايه خلصت افهمها بقي
زين:يلا يايحيي خلينا نروح الشركه نشوف الحكايه دى
يحيي وزين خرجو والبنات طلعو مع صفاء وفريده كانت مضايقه من عزام وطلعت وتوفيق كمان دخل اوضته
عزام بص لمروان:عايزك تقلب الدنيا على مراد وريم فاهم
مروان:حاضر
(بقلم الكاتبه جنات)
===============
صباح يوم جديد عند مراد وريم اللي فتحت عينيها وماكنش مراد جمبها ريم قامت دخلت الحمام اخذت شاور وغيرت لبست قميص بيتي لحد الركبه باللون الاحمر بحملات رفيعه وقعدت قدام التسريحه رفعت شعرها على هيئه كحكه عشوائيه ونازل منها خصل على وشها
ونزلت تشوف مراد اللي كان في المطبخ بيحضر الفطار واول ما شافها ابتسم: يا صباح الفراوله
ريم: صباح الفل .... انت بتعمل ايه
مراد: بحضر الفطار لاحلى فراولايه في حياتي
ريم: طب كنت صحيني
مراد:تؤ
ريم بدلع: على رايك في حد يلاقي الدلع ومايدلعش
مراد: ادلع براحتك يا جميل ...... يلا عشان نفطر برا على البحر
ريم: هطلع البس اسدال
مراد:لا ياقلبي محدش بيجى هنا متخافيش يلا
الاتنين طلعو وفطرو سوا فى جو جميل مليان رومانسيه وحب
مراد:ماتيجى ننزل البحر
ريم:فى الشمس دى يامراد شكلك عايزنى اسمر
مراد:فى كل حالاتك هتبقي قمرايه قلبي
ريم:خلينا لما الشمس تخف شويا
مراد:ماشي ياقلب مراد
================
فى قصر عيله الحديدى وتحديدااا فى جناح زين وكارما
زين بيلبس عشان ينزل الشركه وكارما قاعده على السرير بتبص عليه اوى
زين شايف انعكاسها فى المرايا:مالك ياكارما بتبصيلى اوى كدا ليه
كارما:هو انا ليه حساك مش زعلان ولا متأثر انكو خسرتو المناقصه
زين ضحك:وهو ده اللى شغال بالك اوى
كارما:بصراحه اه الخسارة مش قليله ابداا انتو تقريباا هتفلسو يازين وكمان القصر هيروح منكو وانت ويحيي مش فارق معاكو حاجه
زين ضحك وقرب وقعد جمبها:طب بلاش تفكرى كتير ياقلبي
كارما ضيقت عينيها وهى بتبصله:هو انت ليك ايد فى اللى حصل .... بصراحه انا وحياه شاكين فيكوو
زين ضحك:انتى وحياه .... طب على العموم ريحي نفسك انتى وحياه وبلاش تفكرو كتير
كارما:زين بجد بقي انت ازاى مش فارق معاك
زين:لان ببساطه الخسارة ليهم هما مش ليا
كارما:ازاى والمصلحه واحده مش دى شركتكو وتعبكو انت ويحيي وكمان القصر ده اكيد فى ذكريات كتير ليك انت واهلك
زين بحده:لا ياكارما مافيش ذكريات عدله عدت عليا فى القصر مع اهلى
كارما:مش فاهمه
زين قام وقف:لان ببساطه امى كانت بتتعامل فى القصر ده على انها خدامه مش من اهل القصر ياكارما وده لانها كانت بسيطه واهلها مش ناس اغنيا زى اهل القصر طبعااا
كارما قامت وقربت منه:زين اهدى ياحبيبي .... انا مش قصدى اضايقك والله
زين:مش مضايق ياكارما ..... يلا انا هنزل وانتى خدى بالك من نفسك
زين نهى كلامه وباسها من راسهاا وخرج من الجناح
(بقلم الكاتبه جنات)
===================
فى جناح حياه ويحيي اللى كانو بيتكلمو فى نفس الموضوع
يحيي ضحك:ماخلاص ياحياتى
حياه:مانا بصراحه مش مصدقاك .... انا متاكده ان زين ليه ايد لكن انت معقول تعمل كدا
يحيي:ممكن تهدى شويا وبعدين ياستى انا وزين بنحاول على اد مانقدر عشان نرجع القصر
حياه:ده على اساس انه فارق معاكو .... مانتو بتجهزو الڤيلا عشان ننقل فيها
يحيي:لا الڤيلا مش هننقل فيها حاليا ... نحل موضوع القصر ومراد وريم يرجعو والدنيا تتظبط وهننقل فيها سوا
حياه:ان شاء الله
يحيي:احنا رغينا كتير واخوكى مستنينى تحت وهيولع فيا
حياه ضحكت ويحيي باسها من خدها وخرج من الجناح ونزل كان زين واقف
زين:مالسه بدرى ياخويا
يحيي:ماهو كله من اختك اللى عملالى فيها المحقق كونان
زين ضحك:هى استلمتك بردو
يحيي:هى كارما استلمتك هى كمان ولا ايه
زين:من الصبح وحياتك
يحيي وزين ضحكووو وفى الوقت تحت نزل توفيق وعزام
عزام:الله الله شايفكو رايقين ومزاجكو عنب
زين:واحنا مزاجنا هيكون متعكر ليه
عزام:هو انت ملاحظ المصيبه اللى احنا فيها
زين:والله المصيبه دى بسبب سوء اختيارك للموظفين مش بسببنا احنا
توفيق:سيبكو من الكلام ده .... قدرت توصل لحل عشان القصر يازين
يحيي:بنحاول ياجدى الموضوع مش سهل
عزام:وعرفتو مين الشركه المجهوله دى
يحيي:لا ... بس فى ناس بيقولو انهم هيعملو حفله قريب لفوزهم بالمناقصه وكمان عشان يعلنو عن نفسهم
عزام:واحنا هنحضر الحفله دى
يحيي:كل الشركات اللى مشتركه فى المناقصه هتحضر
زين:يلا يايحيي
زين ويحيي خرجو وفريده نزلت
فريده:عزام باقى فلوس تحولها على حسابي تانى فى اسرع وقت
عزام:احنا فى ايه ولا فى ايه
فريده بعصبيه:مش مشكلتى فلوسى ترجع حسابي تانى .... انا ندمانه انى مشيت ورا كلامك
توفيق:اهدى يافريده
فريده:انا هاديه جدا يابابا لمااشوف اخرت ابنك ايه ..... انا خارجه
فريده مشت وتوفيق بص لابنه:كل اللى بيحصل لينا من ورا دماغك .... بدانك مش قد الشغل قولتلك متدخلش وسيب زين يعمل كل حاجه .... بس ازاى البيه يتنازل اديك ضيعتنى
توفيق سابه ودخل المكتب وعزام اتعصب وخرج من القصر
==================
فى اوضه صفاء اللى قاعده فى اوضه ريم
الباب خبط والبنات دخلو وقعدو جمبها
كارما:عامله ايه ياصفصف
صفاء:بخير يابنات
حياه:امانه عليكى ياصفصف بلاش تزعلى نفسك وبعدين هو اللى خسران واهو بيتعاقب على اللى عمله فيكى
صفاء:الحمدلله ياحبايبى .... كلمتو ريم
كارما:لا زين قال محدش يكلمهم خالص
صفاء:ليه
حياه:زين ويحيي خايفين ليكون عمو عزام مراقب تلفوناتنا ويعرف مكانهم
صفاء:عزام مش هيسكت عن الموضوع ده وربنا يستر انا خايفه عليهم
كارما:ماتقلقيش عليهم ان شاء الله ربنا هيحميهم وبعدين مراد مع ريم ومستحيل يسمح ان حد يأذيها
صفاء:يارب يابنتى والله
الباب خبط وحياه قامت تفتح وكانت دادا فاطمه ومعاها صنيه الفطار
فاطمه:عامله ايه ياهانم
صفاء ضحكت بحزن:هانم ايه يافاطمه يعنى انا ماكنتش بوافق تقوليلى هانم وبعد ماخلاص مابقيتش من اهل القصر بتقوليلى هانم
فاطمه:انتى هانم وست الهوانم ياست الكل
صفاء:حبيبتى يافاطمه
فاطمه خرجت من الاوضه
حياه:يلا بقي عشان تفطرى ياصفصف انتى من امبارح ماكلتيش حاجه
صفاء:والله يابنات ماليا نفس
كارما:هناكل بردو سوااا يلا
البنات قعدو مع صفاء لحد ماااكلت وقررو يقضو اليوم معاها عشان متحسش انها لوحدها
(بقلم الكاتبه جنات)
==================
عند مراد وريم اللى واقفين قدام البحر
مراد:انا عايز افهم انتى خايفه من ايه
ريم:ليه ننزل البحر تعالى ننزل البيسين احلى
مراد شالها فجاه:لا هننزل البحر ياقلبي
ريم:يامراد بقي
مراد داخل البحر:عيون مراد بقي
ريم ضحكت وحوطت رقبته بايديها
مراد دخل كتير وريم خافت:خلاص خلاص كفايه كدا مش بعرف اعوم يامراد
مراد:بس انا بعرف ياقلب مراد
مراد نزلها وريم حاوطت وسطه برجليها
مراد بغمزة:بس بصراحه المايوه هياكل منك حته جامد اخر حاجه
ريم:بطل قله ادب .... انا مش عارفه سمعت كلامك ازاى ولبسته
مراد:سمعتى كلامى لانى جامد ومسيطر
ريم:ماشي ياعم المسيطر
مراد خلى ريم تمسك فى ضهره وهو بيعوم وريم نست خوفها وكانت مبسوطه جداااا
وبعد وقت كبير خرجو من البحر ونامو على الرمل وباصو لسماا
ريم:مراد انت مصدق كل اللى حصل
مراد:هو ايه اللى حصل
ريم:يعني هروبي من القصر وجوازنا واننا الوقت سواا .... عارف لما صحيت النهارده كنت خايفه يكون حلم
مراد نام على جمبه وبصلها:ولو كان حلم كان هيبقي حلو ولا وحش
ريم نامت على جمبها قدامه:كان هيبقي احلى حلم فى حياتى
مراد قام وشالها ودخل الڤيلا
ريم:رايح فين يامراد خلينا شويا
مراد:هثبتلك انه مش حلم
ريم اتكسفت وخبت وشها فى حضنه
بعد شويا ريم كانت نايمه فى حضن مراد
ريم:اكيد ماما عرفت بموضوع جواز بابا مش كدا
مراد:زين ويحيي قالو هيعرفو الكل اول مايوصلو
ريم:ياترى عامله ايه الوقت ... مراد هو انا ممكن اكلمها
مراد:مش هينفع ياريم .... ممكن ابوكى يكون مراقب التلفونات بتاعتهم عشان كدا مش هينفع نكلم اى حد فيهم .... وبعدين زين قال هيبقي يتواصل معايا وقتها خليكى تتطمنى على والدتك
ريم حضنته بقوة:اكيد البنات مش هيسبوها لوحدها
مراد:اكيد ياحبيبتى وبعدين يحيي وزين معاها
ريم:صح
مراد:بقولك ايه ماتيجى نعمل عشا حلو ونخرج ناكل على البحر
ريم:انا عايزة انام
مراد:نوم ايه ياكسلانه يلا قومى
ريم:هى الفكرة حلوة والجو اصلا حلو طب خلينا ننام شويا ولما نصحى نسهر برا
مراد:ماشي ياقلبي نامى شويا
ريم دفنت وشها فى حضن مراد ونامت وهو كمان نااام
======================
فى مكان جديد اول مرة نزوره وهى ڤيلا متوسطه
دخل عزام وكانت كوثر مراته قاعده فى الريسبشن
عزام:مساء الخير
كوثر وهى وشها فى فونها:مساء النور
عزام قعد جمبهاا:هو مروان مجاش
كوثر:لا قال هيسهر برا .... مروان قالى انك طلقت مراتك
عزام:امممم
كوثر:وعرفت كل حاجه خلاص
عزام:ايوا ياكوثر عرفت
كوثر:ناوى تاخدنى القصر امته
عزام بصلها:اخدك القصر ليه
كوثر:انت مش قولتلى لما الكل يعرفو هتاخدنى اعيش معاكو فى القصر
عزام:قصر ايه بقي ماالقصر راح مع الفلوس اللى راحت
كوثر:ابنك وابن اخوك مش هيخلو يروح وانا متاكده .... وبعدين ازاى طليقتك تفضل عايشه فى القصر وانا عايشه هنا
عزام:هو انت عايشه فى الشارع ياكوثر مانتى قاعده فى ڤيلا
كوثر:بس مش زى القصر ياعزام وبعدين انا مش هفضل مراتك فى السر كدا كتير.... لازم فى اسرع وقت تعلن جوازنا
عزام:ربنا يسهل ياكوثر انا جاى تعبان وعايز انام شويا ممكن
كوثر:هخلى الخدم يحضرو العشا وبعد كدا ابقي نام
عزام:تمام
(بقلم الكاتبه جنات)
================
بليل عند مراد وريم
مراد صحى ماكنتش ريم جمبه قام عشان ينزل يشوف هي فين
سمع صوت فى المطبخ ووقف سند على الباب ويتأملها بحب كانت ريم لابسه شورت قصير بلون الازرق وبدى بحمالات رفيعه بلون الابيض وعليه بعض الرسومات بلون الازرق ورافعه شعرها على هيئه ديل حصان وكانت بتزين كيكه بفراوله
مراد قرب منها وحضنها من ضهرها وريم اتخضت
ريم:خضتنى يامراد
مراد باسها من رقبتها:سلامتك من الخضه ياقلب مراد ... الجميل بيعمل ايه
ريم:انت شايف ايه
مراد:شايف فراولايه بتزين كيكه بالفرواله
ريم ضحكت:انا خلصت هحطها شويا فى التلاجه على مانتعشي
مراد:وكمان فى عشا ... ده ايه الهنا اللى انا فيه ده
ريم:طبعا اومال ايه
مراد:هاتى احطها فى التلاجه
ريم:اتفضل
مراد حطها فى التلاجه:عملالنا عشا ايه بقي
ريم:عملتلك بيتزا بالفراخ
مراد:ايوا بقي
ريم:استنى هطلعها من الفرن
مراد:لا خليكى هطلعها انا
مراد طلعها وريم اخدت الاطباق وكوبايات عصير وخرجو ياكلو على البحر
مراد اخدها فى حضنه وبقي ياكلها بنفسه والاتنين كانو مبسوطين جدااا
ريم:هو احنا هنرجع اسكندريه امته يامراد
مراد:زهقتى ولا ايه
ريم:لا طبعا المكان هنا تحفه .... بس اكيد مش هنفضل هنا العمر كله
مراد:هنرجع ياقلبي بس اجازتى تخلص
ريم:انت اخد اجازة اد ايه
مراد:شهر .... احنا هنروح اسكندريه كمان اسبوع كدا فى حفله هنحضرها وهنرجع هنا تانى ولما الشهر يخلص هنرجع نعيش مع الشباب والبنات فى الڤيلا
ريم:عجبتنى حكايه الڤيلا اللى هنعيش فيها سوا دى
مراد:طب تمام انك مبسوطه
ريم:طبعا مبسوطه جدااا انى هكون مع البنات ... انت مش متخيل انا بحبهم اد ايه يامراد وبجد وحشونى اوى
ريم بصتله:عارف لما بابا كان حابسنى فى اوضتى كانو بينزلو كل يوم يقعدو فى بلكونه اوضه كارما لانها قريبه من بلكونه اوضتى والشباب يجيبو اكل ونتعشي سوااا ..... كانو بيعملو كدا عشان عارفين انى مش باكل اى حاجه طول النهار
مراد باسها من خدها:ربنا يخليكو لبعض ويخليكى ليا ياقلبي
ريم:بجد يامراد انت احلى حاجه حصلت فى حياتى انا بحبك اوى
مراد:وانا بعشقك .... بقولك ايه
ريم بصتله:ايه
مراد:انا عايز اجيب منك دسته عيال ولا اقولك نجيب اتنين او تلاته يعنى على حسب
ريم:على حسب
مراد ضحك:اممم
ريم:وحيات مامتك
مراد ملامحه اتغيرت ١٨٠ درجه للغضب وقام وبعد عن ريم اللى استغربت وقامت قربت منه كان واقف قريب من البحر:مالك يامراد
مراد لف وبصلها واتكلم بحده:تانى مرة سيرتها ماتيجش على لسانك فاهمه
ريم باستغراب:سيرة مين يامراد مش فاهمه ....انا بقولك وحيات مامتك يعــ
مراد بعصبيه:ريـــــــم
ريم اتفزعت من عصبيته اول مرة تشوفه متعصب كدا واتكلمت بخوف:مراد انا مش قصدى ... بس دى مامتك
مراد بحده:قصدك او لا قولت ماتجبيش سيرتها كلامى يتسمع وبس ..... وبلاش تسألى عن حاجه متخصكيش
ريم خافت اكتر منه وعينيها اتملت دموع:حاضر انا اسفه
ريم دخلت بسرعه الڤيلا وطلعت الاوضه ونامت على السرير وعيطت كتير اوى مستغربه ازاى مراد اتحول كدا وليه مش عايزها تتكلم عن مامته .... معقول حياته متخصهاش .... لدرجه دى مش عايزها تعرف حاجه عن عيلته
ريم فضلت تعيط لحد مانامت ومراد فضل قاعد قدام البحر بيحاول يهدى عصبيته بس مش قادر لما بتيجى سيرة امه بيتغير ١٨٠ درجه
مراد نام على الرمل قدام البحر وباصص لسما لحد مانام مكانه هو كمان.......
الفصل الثامن عشر18
اشرقت شمس يوم جديد
مراد بدا يفتح عينه لما الشمس جت على وشه وقام قعد وافتكر اللى حصل وبص على الڤيلا واستوعب اللى حصل امبارح وان ريم متعرفش حاجه عن امه وماكنش لازم يزعلها كدا
قام ودخل الڤيلا كانت هاديه جدا عرف انها اكيد لسه نايمه
دخل المطبخ وطلع الكيك اللى ريم عملتها امبارح وقطع قطعتين واخد كوباتين عصير فراوله معاهم وطلع دخل الاوضه كانت نايمه على السرير وفى اثر دموع على خدها
مراد حط الصنيه على الكمدينو وقعد جمب ريم وحط ايده على وشهااا
مراد:ريم .... ريم اصحى ياحبيبتى
ريم فتحت عينيها وبصتله اوى وقامت قعدت
مراد:عارف انك زعلانه منى وجدا كمان بس غصبن عنى ياريم وعشان خاطرى لو بتحبينى بلاش سيرتها تيجى بينا لانها هتسبب مشاكل
ريم:متخافش مش هجيب سيرتها ومش هدخل فى حاجه متخصنيش يامراد
ريم قامت ودخلت الحمام ومراد غمض عينيها هو عارف انه غلط انه قسي عليها بس غصبن عنه
بعد شويا ريم خرجت من الحمام ودخلت اوضه اللبس ولبست دريس طويل وخرجت ولسه هتخرج من الاوضه مراد مسك ايدها:ريم عشان خاطرى متزعليش بقي
ريم:مش زعلانه يامراد .... انا بس عرفت انى مش المفروض ادخل فى حياتك .... ماكنتش اعرف ان حياه جوزى متخصنيش
مراد:ريم خلاص بقي انا عارف انى غلط لما اتعصبت عليكى بس قولتلك غصبن عنى ياريم انا اسف
ريم:ماشي يامراد ممكن انزل بقي
مراد:تنزلى فين
ريم:مخنوقه يامراد وعايزة انزل اتمشي شويا ممكن
مراد بصوت عالى:وحيات ابوكى تنزلى تتمشي ولوحدك كمان
ريم:وفيها ايه
مراد:فيها كتير ياريم واتعدلى بقي .... اقولك على حاجه انا هسيبلك المكان وهمشي
مراد خرج من الاوضه وهو متعصب وريم قعدت على السرير وفضلت تعيط
(بقلم الكاتبه جنات)
===================
فى شركه الحديدى كان يحيي وزين قاعدين سواا
زين:ظبطت كل حاجه للحفله
يحيي:انا مش مطمن للحفله دى يازين
زين:خايف من ابوك
يحيي:لا طبعااا ..... بس اكيد هو مش هيعديها كدا عادى
زين:يعمل اللى يعمله مش فارق معايا ..... انا بستنى اللحظه اللى هيعرف اننا اصحاب الشركه المجهوله اللى دمرته
يحيي:انا خايف على جدك مش هيستحمل الصدمه
زين:معتقدش انه هيحضر
يحيي:ياريت .... مكلمتش الواد مراد
زين:لا
يحيي:هو تلاقيه نايم فى العسل ومش فاكرنا اصلا
زين:طب يلا روح كمل شغلك بقي
يحيي:صح حياه عايزه تنزل التدريب تانى ... هنزلهم ولا ايه
زين:لا مش الوقت .... لما نفتتح الشركه بتاعتنا يبقو ينزلو معانا
يحيي:تمام ... ابقي قول انت لاختك بقي عشان زهقتنى
زين:ياعينى على الرجاله
يحيي:كله من اختك ياخويا .... انا ماشي
زين:امشي ياخويا
يحيي خرج وزين رن على مراد من خط جديد عشان لو عزام مراقبهم
مراد:ايه يازين
زين:اخباركو ايه
مراد:كويسين
زين:مالك بتقولها من غير نفس ليه .... انتو كويسين
مراد:كويسين يازين ... بس شدينا شويا
زين ضحك:هى عين يحيي هو اللى قر عليك
مراد:مش كفايه عليا ابوه ... انا هلاقيها منه ولا من ابوه
زين:طب قولى حصل ايه عشان تشدو ده انتو لسه مكملتوش اسبوع جواز
مراد حكاله اللى حصل
زين:مانت حمار هى ايه اللى هيعرفها انك مش بطيق سيرتها .... المفروض كنت فهمتها براحه يامراد مش بالعصبيه
مراد:مانا جيت اصالحها الصبح قلبتها نكد قمت سيبلها البيت وخرجت
زين:وهى المفروض تتصالح بسرعه مش كدا .... انت حيوان يابنى دانت زعقتلها واتعصبت عليها وسبتها تنام لوحدها ونمت برا الڤيلا
مراد:اهو اللى حصل بقي
زين:طب روح صالح مراتك لسه بدرى على النكد ده
مراد:مش هرجع غير لما اهدى خالص وتكون هى كمان هدت يازين
زين:تمام يامراد .... ومتنساش معاد الحفله
مراد:اكيد
زين:هتجيب ريم معاك
مراد:اكيد مش هسيبها لوحدها هنا يازين
زين:تمام ياصاحبي ... سلام
مراد:سلام
(بقلم الكاتبه جنات)
================
بليل فى قصر الحديدى
تارا خبطت على باب اوضه فريده اللى فتحتلها:عايزة ايه ياتارا
تارا:عايزة فلوس يامامى عشان خارجه مع اصحابي
فريده:هو كل يوم سهر ... انتى مش عارفه حجم المصيبه اللى احنا فيها
تارا:مش مشكلتى يامامى ... انتى غلطتى لما سمعتى كلام خالو عزام
فريده:دانا ندمانه انى وافقت ادخل معاه
تارا:طب ممكن بقي تدينى فلوس عشان اخرج
فريده طلعت فلوس وعطيتهم لتارا
تارا:باى
تارا خرجت من الاوضه ومن القصر كله
================
فى جناح زين
حياه وكارما قاعدين سوااا
حياه:انا اتكلمت مع يحيي عشان ننزل ندرب تانى
كارما:مش هينفع ننزل ونسيب صفصف لوحدها
حياه:عندك حق .... صح زين قالك على الحفله اللى هنحضرها معاهم
كارما:لا
حياه:يحيي قالى جهزى نفسك عشان هتحضرى معايا ....يمكن زين لسه هيقولك
كارما:ممكن ..... ريم وحشتنى اوى
حياه:وانا كمان ..... دى واطيه تلاقيها الوقت مش بتفكر فى حد ومش عندها غير مراد بيه
حياه وكارما ضحكوو والباب اتفتح ودخل زين
زين:ماتضحكونى معاكوو
حياه:ولا حاجه يازيزو بنقر على ريم مش اكتر
زين:هى عينيكو والله انا عارف
كارما:قصدك ايه
زين:ولا حاجه
حياه:صح يازيزو هو انت مش هتاخد كوكى معاك الحفله ولا ايه
زين:لا هتيجى معايا اكيد
حياه:اصلك لسه مش قولتلها لحد الوقت قولت يمكن تطنشها
زين قعد جمب كارما وشدها لحضنه:هو انا اقدر
حياه:اه ياخويا من يوم مااتجوزت وانت مش بتعبرنى اصلا
زين حضن حياه وبقو الاتنين فى حضنه:انتو اغلى اتنين على قلبي ومقدرش على زعلكو ابداا
كارما وحياه:ربنا يخليك لينا
زين باسهم من راسهم وحياه قامت:هروح اشوف زوجى قرة عينى بقي
كارما وزين ضحكووو وحياه خرجت من الجناح
زين بص لكارما:وحشتينى ياكرملتى
كارما ضحكت:طب ممكن تقوم تاخد شاور على مااخلى دادا فاطمه تجبلنا الاكل لانى بصراحه جعانه جداااا
زين:انتى ماكلتيش معاهم ليه
كارما:انا وحياه محبناش ننزل وكنا قاعدين مع صفصف واكلنا معاها حاجه بسيطه وقولت هستناك اكمل معاك
زين:طب اطلبي الاكل على مااخد شاور
كارما:حاضر
===============
فى جناح يحيي وحياه
حياه:طب وعملتو ايه فى موضوع القصر
يحيي:لسه بندور على حل ياحياتى
حياه:انا طلبت اكل من المطبخ عشان نتعشي سوا
يحيي:انتى بتقولى فيها دانا ميت من الجوع ... طول النهار شغل
حياه:طب خد شاور الاول
يحيي:حاضر
يحيي اخد شاور وخرج كان الاكل جه وقعدو اكلو سوااا
حياه:الحفله اللى انت قولتيلى عليها ... نلبس فيها ايه
يحيي:البسي اللى يريحك
حياه:يعنى سواريه ولا كلاسيك ولا ايه
يحيي:بصى هابقي اسال زين يتاكد واقولك اوكى
حياه:اوكى
يحيي:ممكن بقي قمرى تنام فى حضنى عشان هموت وانام
حياه:ممكن طبعااا
يحيي اخدها فى حضنه ونامو الاتنين
(بقلم الكاتبه جنات)
================
عند ريم اللى قاعده لوحدها ومش بتبطل عياط من وقت خروج مراد
ريم بصت فى الساعه اللى بقت ٢ بعد منتصف الليل ومراد لسه مرجعش قامت وخرجت من الاوضه ونزلت تحت وخرجت من الڤيلا اللى ماكنش حوليهم اى بيوت او ڤيلا خافت جداا ودخلت وقفلت الباب وقعدت على الكنبه وضمت رجليها لصدرها وكانت خايفه جداا عشان لوحدهااا ومش معاها فون عشان تتصل على مراد او اى حد
عدى ساعه وريم لسه مكانها مش بتتحرك من الخوف وخافت اكتر لما سمعت صوت برا الڤيلا
قامت بسرعه ومسكت ڤازة ومشت براحه وبصت من الازاز هى سامعه صوت لكن مش شايفه حد
ريم خرجت من الڤيلا وشافت حد واقف قريب من البحر واتنفست براحه لما لاقيته مراد والڤازة وقعت من ايدها ومراد سمع الصوت ولف وبص لريم اللى عينيها حمرا من العياط وباين عليها الخوف وجرت بسرعه عليه ودخلت جوا حضنه وعيطت كتير جدااا
مراد لعن نفسه لانه سيباها من الصبح لوحدهاا
ريم كانت بتعيط فى حضنه وبعدت عنه وبصتله وضربته فى صدره بقوة:انت ازاى تسيبنى لوحدى كدا .... انت عارف الساعه كام الوقت ..... انا كنت مرعوبه وانا لوحدى ومش معايا فون حتى اكلمك لو حصل حاجه
ريم ضربته فى صدره تانى بقوة:بابا كان معاه حق فى كل كلمه قالها عليك .... لما انت بتعمل معايا كدا من اول اسبوع جواز هتعمل فيا ايه بعد شهر او سنه هاااااا
مراد اتصدم من كلامها بس هى عندها حق وشدها لحضنه وهى عيطت اكتر:هشششش.....اياكى تقولى كدا مرة تانيه
مراد حس بتقل جسمها وبعدها عن حضنه لاقاها مغمى عليهاا شالها بسرعه وطلع الاوضه ومسك فونه وكلم المنتجع اللى هما فيه يبعتله دكتوره بسرعه
بعد شويا وصلت الدكتورة وكشفت عليها
مراد:طمنينى يادكتورة مالها
الدكتورة:شكلها مأكلتش اى حاجه من الصبح عشان كدا اغمى عليها .... انا هركبها المحلول ده عشان يقوى جسمها شويا وياريت تاخد بالك من اكلها شويا
مراد:تمام شكراا يادكتورة
الدكتوة ركبت المحلول لريم ومشت ومراد طلب اكل من مطعم قريب منهم وفضل قاعد جمبهااا
بعد شويا الاكل وصل ومحلول ريم خلص ومراد فكه من ايدهاا وفضل جمبها لحد النهار ماطلع وريم بدات تفتح عينيها وشافت مراد قاعد وماسك ايدها
مراد:حمدلله على سلامتك ياريم
ريم لفت وشها الناحيه التانيه
مراد:عارف انك زعلانه منى ياريم .... بس انا فضلت برا لحد مااهدى خالص ... ماكنتش عايز ازعق او اتعصب عليكى مرة تانيه ياحبيبتى .... صدقينى ياريم سيرة الست دى لما بتتذكر لاى سبب حتى لو هزار بتفكرنى بوجع كبير جدااا لو سمحتى لو بتحبينى بجد بلاش تفكرينى بالوجع ده
ريم بصتله وشافت وجع وحزن كبير فى عينيها وقامت قعدت:حاضر يامراد
مراد مسك ايدها وباسها:لو سمحتى بلاش كلامك العبيط اللى قولتيه ده تانى
ريم:كلام ايه
مراد:انتى مش فاكرة انتى قولتى ايه
ريم بتحاول تفتكر:مش فاكرة
مراد:قولتى ان كلام باباكى صح وانى مش بحبك ولما انا بعمل معاكى كدا من اول اسبوع هعمل ايه بعد سنه
ريم افتكرت انها قالت كدا:انا كنت خايفه يامراد جداا وانا لوحدى ولما شوفتك ماكنتش عارفه انا بقول ايه
مراد:خلاص ياحبيبتى حصل خير وبوعدك مش هتكرر تانى ابدااا .... يلا انا طلبت اكل هنزل اسخنه وناكل سوا
ريم لسه هتقوم
مراد:راحه فين
ريم:هنزل اسخن الاكل
مراد:لا خليكى انا هعمل كل حاجه وانتى ارتاحى هنا
ريم:لا يامراد ماينفعش
مراد:لا ينفع اياكى تقومى من مكانك
ريم ضحكت:طب ممكن اخد شاور
مراد بغمزة:اساعدك
ريم:بطل يامراد بقي
مراد ضحك:طب خدى بالك من نفسك
ريم:حاضر
ريم دخلت الحمام اخدت شاور ولبست قميص بيتى لبعد الركبه وفردت شعرها ينشف ونزلت لمراد اللى كان فى المطبخ
مراد:نزلتى ليه ياحبيبتى
ريم قعدت على الكرسي اللى فى المطبخ:مش بحب نومه السرير يامراد انا كويسه والله
مراد:حاضر ياحبيبتى .... يلا الاكل سخن
ريم:تعالى ناكل برا ممكن
مراد:ممكن ونص كمان يلا
مراد وريم خرجو ياكلو قدام البحر ومراد كان بياكلها بايده وريم كانت مبسوطه بحب مراد ليها
ريم:خلاص يامراد بجد شبعت
مراد:بجد
ريم:شبعت الحمدلله والله
مراد:حاضر ياقلبي هدخل الصنيه واغسل ايدى واجيلك
ريم:حاضر
مراد دخل الصنيه وغسل ايده وجاب قطعتين كيك من اللى ريم كانت عملاه وعصير وخرجلها
مراد:الكيك اللى مش ناويه اننا ناكلها
ريم ضحكت:دى كيك نحس والله
مراد:طب يلا ندوقها قبل مايحصل حاجه تانيه بقي
الاتنين اكلو منها
مراد:بجد كيكه تحفه تسلم ايدك ياحبيبتى
ريم:بالف هنا يامراد
بعد شويا خلصو الكيك ومراد نام وحط راسه على رجل ريم اللى بدات تلعب فى شعره
مراد كان باصص لسمااا واتنهد بقوة وهو ناوى يحكى لريم عن امه
ريم:مالك يامراد حساك مضايق .... انت لسه زعلان منى
مراد بصلها:ابدا ياقلبي مش زعلان منك انتى مالكيش ذنب
ريم:اومال مالك سرحان فى ايه
مراد:ابويا كان اقرب حد ليا كان ابويا وصاحبي ... كان بيعلمنى كل حاجه فى حياتى هو اللى كان بيشجعنى انى ادخل كليه الشرطه .... لما اتوفى حسيت كأن الدنيا انتهت .... امى عمرها مااهتمت بيا من وانا صغير مش عندها غير الخروج واهم حاجه عندها شكلها ومظهرها قدام الناس والفلوس والمجوهرات لكن انا ولا كأنى ابنها .... بعد وفاه بابا استعجلت فى موضوع الوصيه ووقتها كانت صدمه ليها لان ابويا كتب كل حاجه باسمى انا وهى لأ....فى مرة كنت سهران مع اصحابي ورجعت البيت لاقيت راجل قاعد معاها ماشكيتش فى اى حاجه لانهم كانو قاعدين والخدم موجودين وطلعت اوضتى .... وبعدها زياراته كترت جداا وفى اوقات مختلفه .... وفى يوم واحده من الخدام قالتلى ان الراجل ده كان فى اوضه النوم معاها .... لما واجهتها عارفه قالتلى ايه
ريم:ايه
مراد:قالتلى انا عمرى ماحبيت ابوك ...اتجوزته عشان فلوسه بس هو طلع واطى وكتب كل حاجه باسمك انت وانا لأ وانها كانت بتخونه من قبل ما يموت كمان ....وقالت كلام كتير بشع عن ابويا .... وقتها كرهى ليها زاد اضعاف .... بعدها اتجوزت وقررت انها تسافر وقتها كنت فى اول سنه فى الكليه ومن وقت سفرها مافكرتش حتى مرة تسال عنى
ريم:ومرجعتش من وقتها
مراد:عرفت انها رجعت مرة من ٥ سنين بس مع جوزها واولادها
ريم:اخواتك
مراد:ولادها من جوزها بنت وولد
ريم:وسافرت تانى ولا لسه هنا
مراد:سافرت ومن وقتها مرجعتش بس عرفت ان جوزها اتنصب عليه وخسر كل فلوسه ومات بعدهاا
ريم باست راسه اللى على رجلها:متزعلش نفسك ياحبيبى وبلاش تفكر ف اى حاجه توجعك
مراد بص فى عينيها:عينيكى دول سحر ياريم اول ماابوص فيهم بنسي كل مشاكلى وتعبى
ريم ابتسمت
مراد قام وقف وشال ريم
ريم:هنروح فين يامراد خلينا شويا
مراد:تؤ انتى وحشانى اوى
ريم حاوطت رقبتها بايدها وحطت راسها على صدره وراحووو لعالم خاص بيهم كله عشق .......