رواية شمعة الحب لا تنطفى الفصل التاسع عشر19 والعشرون20 بقلم جنات
عدى اسبوع على الكل
الكل فرحو بخبر حمل حياه وخصوصااا يحيي اللى طاير من الفرحه
زين وكارما ... ريم ومراد عايشين حياه رومانسيه جميله
عزام وفريده وتوفيق اللى بيستنو الحفله على احر من الجمر عشان يعرفو مين الشركه المجهوله اللى دمرتهم
تارا اللى اتعرفت على شله جديده وكل يوم بتسهر معاهم لحد الصبح
وصفاء اللى مش بتخرج من اوضه ريم ابداا والبنات والشباب دايما معاهااا
كوثر اللى اتغيرت من وقت عزام ماخسر فلوسه فى المناقصه
ومراون اللى قالب الدنيا على مراد وريم وبردو مش عارف يوصلهم
زين ويحيي خلصو شركتهم وبيجهزو كل حاجه عشان الحفله
================
واخيرااا جه يوم الحفله اللى الكل بيستناه
الكل وصلو الشركه اللى كان قدامها حديقه واسعه وكانت متزينه بالانوار وفيها كم كبير من التربيزات للمعازيم والكل فى انتظار وصول مدراء الشركه المجهوله
عزام وفريده وتارا وكوثر ومروان كانو قاعدين على تربيزة وسط الضيوف
اتكلم مقدم الحفله:اهلا بكل الضيوف اللى شرفونا فى حفل افتتاح شركه ﴿ زد ام واى ZMY ﴾ والوقت هنرحب بمدراء الشركه العظماء
وصلت ٣ عربيات ووقفو ورا بعض وابواب العربيات اتفتحو سواا ونزلو فى نفس اللحظه زين ومراد ويحيي وكانو لابسين بدل بلون الاسود وقميص ابيض وببيون بلون الاسود وشوز بلون الاسود وكانو قمه فى الوسامه
اللى بظهورهم كانت صدمه لكل الموجودين الشباب نزلو ولفو وفتحو باب العربيه ومدو ايديهم للبنات اللى نزلو من العربيات باحلى طله خطفت قلوب كل الموجودين وكانو لابسين دريسات بلون الاسود
الشباب دخلو الحفله ومعاهم البنات ووقفو فى المسرح
عزام وفريده كانو مصدومين
كوثر:مش دول ولاد اخوك ياعزام
مروان:يعنى كل ده كانو بيخدعونا وبيلعبو من ورانا
عزام.....
فريده:زين نفذ تهديده وانتقم على حق
تارا:عشان كدا طول الفترة دى سيبنا فى القصر لانه بقي بتاعهم
مروان:مراد جاي بقلب جامد ومش همه حد
عزام:سيبهم يفرحو شويا .... وانا مش هنسي اللى عملوه .... خصوصا اللى اسمه مراد ورحمه امى موته على ايدى
عند الشباب
زين مسك مايك:اهلا بكل الحضور .... شرفتونا فى افتتاح شركتنا المتواضعه .... الكل كانو منتظرين يعرفو مين اصحاب الشركه المجهوله .... انا ويحيي ابن عمى ومراد صديقنا احنا اصحاب شركه ZMY .... هسيبكو تستمتعو بالحفله
الكل سقفو ليهم بقوة والصحافه اخدو صور كتير ليهم
البنات كانو فرحانين بنجاح الشباب
ريم عينيها جت على ابوها وشافت نظره كلها غل وغضب وخافت وضغطت على ايد مراد اللى حس برعشتها
مراد:مالك ياريم
مراد شايفها بتبص على عزام:ريم .... بصيلى
ريم بصتله:نعم
مراد:خليكى معايا او مع البنات سمعانى بلاش تركزى معاه ومتخافيش احنا معاكى
زين:تعالو نقعد البنات ونشوف العملا ياشباب
ريم بخوف:لا مراد ونبي متسبنيش لوحدى
يحيي:متخافيش ياريم الحرس معاكو ومحدش هيقرب منكووو ...تعالو
الشباب وصلو البنات لحد التربيزة الخاصه بيهم وكان واقف قريب منهم ٢ من الحرس
حياه:متتخليش كنتى وحشانى اد ايه ياريم
ريم:وانتو كمان وحشتونى اوى .... مبروك على البيبي
حياه:الله يبارك فيكى
كارما:هترجعو تانى ولا هتفضلو هنا
ريم:مراد قال هنرجع لحد اجازته ماتخلص
كارما:لسه اد ايه وتخلص
ريم:اسبوعين
حياة:امته بقي ترجعى عشان نعيش سوا فى الڤيلا
ريم:كلها اسبوعين
البنات فضلو يتكلمو كتير وريم نست خوفها من ابوهااا وفرحت لما شافت صفاء داخله الحفله وقربت منهم وفضلت معاهم وكانت فرحانه بنجاح الشباب
=============
زين قرب من التربيزة اللى قاعد عليها عزام وعيلته:اهلا اهلا عزام باشا ... يارب تكون الحفله عجبتكوو
عزام:بقي كل ده بتلعب من ورايا ياواطـــ
زين:لااااا كدا ازعل .... وانا زعلى وحش اوى .... واديك شوفت بنفسك
فريده:بتنصب على عيلتك يازين
زين ضحك اوى:بنصب ..... هو الشغل والنجاح بقي اسمه نصب اليومين دول ولا ايه ..... انا واحد اشتغلت وتعبت وحبيت استقل بشغلى فيها حاجه دى
عزام:بتقوى ابنى عليا ... بيخليه يلعب على ابوه بتجبره يمشي بدماغك ولاغى شخصيته
زين:ابنك مش عيل صغير عشان اجره ورايا فى كل حاجه.... اظن ابنك راجل وبيعرف يقرر لحياته بنفسه
يحيي جه من ورا زين:معلش ياصاحبي اصل ابويا شايفنى عيل برياله ماشي وراك من غير ماافكر .... للاسف معندوش ادنى ثقه فيااا
عزام:لما تخون ثقه ابوك وعيلتك كلها ده اسمه ايه
يحيي:اسمه بشوف مصلحتى بعيد عنكو .... وبعدين مش كفايه اللى عملته فى امى وجوازك من وراهااا عايز ايه تانى .... بس عارف اجدع حاجه عملتها عشان انت متستهلش تتجوز واحده زى امى اخرك اللى قاعده جمبك
زين:تؤ تؤ عيب كدا يايحيي دى بردو مرات بابا
عزام:هتندمو على اللى بتعملوه ده واولهم صاحبك اللى جاي ايده فى ايد بنتى ولا همه حد
يحيي:ولادك اختارو حياتهم بعيد عنك وياريت انت كمان تبعد عن حياتنا .... يلا يازين
زين ويحيي مشوو وعزام قام وسابهم
=================
عند البنات
حياه:انا جوعت اوى هما مش هياكلونا ولا ايه
صفاء وكارما ضحكو اوى
ريم:مالكو بتضحكو على ايه البت حامل وجعانه
كارما:دى لسه فى اول شهر وقربت تاكلنا مش عارفه فى الاواخر هتعمل فيا ايه
حياه:بتتريقى والله لاقول لزيزو حبيبي لما يجى
الشباب قربو منهم وكل واحد وقف جمب مراته
زين:انا سامع سيرتى جايه فى الموضوع
حياه:يرضيك يازيزو مراتك بتتريق عليا
زين بص لكارما اللى بتضحك:ايه اللى حصل
كارما:ابدا والله هى دايما جعانه بقولها دى لسه فى اول شهر هتعمل ايه فى الشهور الاخيرة هتاكلنا
حياه:شوف بتقولها تانى ازاى فى وشي
يحيي:ماهى عندها حق ياحياه والله
حياه اتصدمت من رده وكلهم ضحكووو
حياه:يازين سامع بيقول ايه
زين قرب من حياه وحضنها:محدش يدخل ... حياتى تعمل اللى يريحهااا .... وياحبيبتى لو جعانه كلى دراع يحيي عادى
حياه ضحكت
ريم بصت لمراد:هروح الحمام يامراد
مراد:طب تعالى هاجى معاكى
ريم:لا ياحبيبي متخافش .... ده قريب مننا
مراد:حاضر ياحبيبتى
ريم راحت الحمام ودخلت وبعد شويا خرجت واتفاجت بعزام واقفلها برااا
ريم خافت من نظراته اللى مش بتدل على خير ابدااا
عزام:بقي تغفلينى وتهربي وتتجوزى من ورايا ياقليله الربايه
ريم كانت بتبص حوليها بتدور على مراد وكمان سابت شنطتها وفونها على التربيزة
عزام:بدورى عليه ..... هخليكى تندمى على اللى عمليته ياريم ..... وهحرق قلبك على حبيب القلب
ريم قلبها ارتجف من الخوف بسبب تهديد عزام وبصتله اوى:هتعمل ايه
عزام:لا خليها مفاجاه .... وصدقينى هبهرك .... وبعدها هشوف حسابي معاكى
ريم عيطت وكانت مرعوبه على مراد
عزام قرب منها ومسكها من دراعها:صدقينى هندمك على اللى عملتيه
مراد:طب ورينى هتندمها ازاى
ريم بخوف:مراد
مراد قرب من عزام وزق ايده اللى ماسكه دراع ريم بقوة ورجعها ورا ضهرها
عزام:هتشوف ياسياده المقدم
مراد:وانا مستنى لما اشوف وتانى مرة ايدك ماتتمدش على مراتى عشان متوحشكش ياحلو
مراد مسك ايد ريم ووقفها جمبه وحواطها بحمايه:يلا ياحبيبتى
مراد وريم مشو وعزام كان مضايق من بروده جداااا
مراد وريم لما بعدو عن عزام ريم بصتله اوى:مراد تعالى نرجع الغردقه انا خايفه اوى .... هو هددنى انه هيأذيك ونبي تعالى نمشي
مراد حضنها:هششش اهدى متخافيش هو بيتكلم من غيظه ومش هيقدر يعمل حاجه
ريم:لا لا تعالى نمشي وحالا ونبي يلا ريحنى ونبي يامراد .... مش هقدر اكمل الحفله
مراد:طب اهدى وتعالى نقول الشباب
مراد قرب من تربيزة الشباب والبنات:شباب احنا هنمشي بقي
زين بص لريم اللى بتعيط:مالك فى ايه
حياه:ريم انتى كويسه
صفاء:مالك يابنتى
ريم:حاسه نفسي تعبانه شويا ياماما مش اكتر
يحيي:طب تعالى نوديكى لدكتور
مراد:لا هى هتروح ترتاح متقلقوش عليها
زين بص لمراد واللى شاورله بطرف عينه على عزام وزين فهم ان عزام ورا خوف ريم
زين:طب نامو فى الڤيلا وسافرو بكرة
ريم بسرعه:لالا انا عايزة ارجع الغردقه
مراد:خلاص يازين هنمشي احنا
يحيي:تمام وخدو بالكو من نفسكوو
مراد:تمام
مراد قرب من زين:عينك عليه .... لاحسن يجى ورانا
زين:روح متخافيش
مراد وريم ودعو الكل وركبو عربيتهم ومشووو وزين عينه على عزام اللى قاعد مع العيله وهو ومروان ومتحركوش واستغرب هدوءهم ده
بعد وقت طويل الحفله خلصت والكل رجعوو على القصر
(بقلم الكاتبه جنات)
===================
فى قصر الحديدى
دخل عزام وفريده وكان توفيق قاعد مستنيهم على ناار
توفيق:حمدلله على السلامه .... ايه كل التأخير ده
عزام وفريده قعدو وتوفيق مستغرب حالتهم
توفيق:مالكو فى ايه .... شوفتو اصحاب الشركه
عزام بصله:شوفناهم
توفيق:اتكلمتو معاهم وحليتو الوضع ولا ايه
فريده:احنا اتغفلنا يابابا ... وطول الفترة اللى فاتت كان بيضحك علينا واحنا زى الاطرش فى الزفه
توفيق مستغرب طريقه فريده لانها مش بتتكلم كدا:ايه الطريقه دى يافريده فهمونى عملتو ايه.... ومين اصحاب الشركه حد نعرفه
عزام:نعرفهم جدااا ياتوفيق بيه واوى كمان
توفيق:مين هما
عزام:احفادك
توفيق اتصدم:احفاد مين
فريده:احفادك يابابا احفادك
عزام:شركه ZMY يعنى زين ومراد ويحيي
توفيق نزل عليه الخبر زى الصاعقه:معقول
عزام:ضحكو علينا وغفلونا وخسرونا ملايين .... حفيدك نفذ تهديده وانتقم لامه على حق ... واخد ابنى فى صفه
فى الوقت ده دخل زين ويحيي مع كارما وحياه وصفاء وشافو حاله توفيق وعرفو انه عرف كل حاجه
توفيق بص لزين:انت ازاى تعمل كدا فى اهلك .... بتخسرنا ملايين عشان تنتقم .... انت عارف اننا كدا هنعلن افلاسنا قريب جدااا
زين:والله مش مشكلتى ان عزام بيه مشغل واحد حمار مش فاهم حاجه
يحيي:الخساره كلها كانت بسبب مروان ياجدى .... احنا ملناش علاقه .... احنا اشتغلنا وتعبنا وحبينا نستقل بشغلنا وعشان كدا محدش فينا ادخل فى موضوع الصفقات والمناقصه .... واللى كان مسؤل عنهم عزام بيه ومروان
عزام:انت بتبرر عملتكو السودا
فريده:وعلى كدا هتطردونا من القصر امته .... مش بعيد تشغلونا خدم عندكو
زين:ليه هو انا واطى زيك يافريده هانم
فريده بعصبيه:انت ازاى تتكلم معايا كدا
زين بعصبيه:الحقيقه بتوجع مش كدا ... مش انتى اللى شغلتى امى خدامه فى قصر جوزها وهى حامل فى حياه ... كنتى بتهنيها وبتذليها قدام ضيوفك .... لو نسيتى انا بقي مش ناسي وفاكر كل كلمه قولتيلها لامى ..... ومتخافيش امى ربتنى انى احترم الكبير حتى لو ميستحقش الاحترام.... وبالنسبه للقصر هتفضلو عايشين فيه واحنا اللى هنمشي
توفيق:تمشو تروحو فين
زين:هنبعد عنكو ياتوفيق بيه
زين مسك ايد كارما وطلعو ويحيي نفس الكلام وصفاء طلعت وراهم
عزام كان بيبصلهم بحقد كبير
توفيق حس فى اللحظه دى انه ماكنش صح لما قسي على احفاده وانه بعدهم عنه وخسرهم لنهايه وراح اوضته
فريده بصت لعزام:انت السبب فى كل حاجه حصلت لينا ..... انا عايزة كل جنيه اخدته منى ياعزام ..... فااااااهم
عزام:واجبلك المبلغ ده منين انتى مش سامعه ابوكى بيقول هنفلس
فريده:مش مشكلتى انا .... انا عايزة فلوسى وبس
فريده سابته وطلعت وعزام كلم مروان وفضل يتكلم معاه وبعدها طلع اوضته
================
فى بيت جديد اول مرة نزوره
كانت تارا نايمه فى حضن شاب من الشله اللى اتعرفت عليها
تارا:وهنفضل كدا لحد امته
رائد:مش فاهم هنفضل كدا ازاى
تارا:بنتقابل فى السر يارائد لحد امته مش قولت هتيجى تتقدملى
رائد:اه اكيد ياحبيبتى هتقدملك بس انا قولتك على المشكله اللى حصلت مع بابا.... اوعدك اول مايحلها هاخد معاك مع اهلك على طول
تارا حضنته:حبيبي يارائد
رائد:سيبك بقي من الكلام ده وتعالى لانك وحشانى جدااا
تارا ضحكت اوى وغاصو فى بحور الحرااام
================
مراد وريم وصلو الڤيلا فى الغردقه وريم كانت لسه خايفه من تهديد ابوها
مراد:ممكن تهدى بقي شويا
ريم:خايفه اوى يامراد .... افرض بعت حد يراقبنا
مراد:مافيش حد كان بيراقبنا متخافيش انا كنت متابع الطريق كويس ياريم .... اطلعى غيرى عشان ننام بقي اكيد تعبانه
ريم:حاضر
ريم غيرت ونامت فى حضن مراد وفضلت تفكر فى كلام عزام لحد مانامت من التعب
ومراد اخدها فى حضنه ونام هو كمان
(بقلم الكاتبه جنات)
==================
صباح يوم جديد فى شقه رائد
تارا صحت لاقت نفسها لوحدها لفت نفسها بملايه وقامت دخلت الحمام اخدت شاور وغيرت وخرجت تشوف رائد ماكنش موجود فى الشقه فضلت ترن عليه ماكنش بيرد ولاقت مكالمات كتير جداا من فريده
تارا رنت على امها اللى ردت بعصبيه
فريده:انتى فين ياهانم بايته برا البيت
تارا:اوف يامامى كنت سهرانه مع واحده صاحبتى
فريده:سيبى اصحابك وتيجى القصر فى ثانيه
تارا:حاضر يامامى
تارا قفلت مع فريده واخدت شنطتها ونزلت من الشقه وسالت البواب على رائد قالها انه نزل من بدرى
تارا ركبت عربيتها وراحت على القصر
=====================
فى قصر الحديدى وتحديداا فى جناح زين اللى صحى وبيتأمل فى جمال ورقه كارما اللى نايمه فى حضنه
كارما بدات تفتح واول ماشافت زين ابتسمت وزين باسها من خدها:صباح الجمال ياكرملتى
كارما:صباح النور ياحبيبي
زين:روح وقلب حبيبك ... يلا هقوم انا عشان رايح الشركه
كارما:حاضر ياحبيبي هحضرلك هدومك
زين:حاضر
زين دخل الحمام وكارما حضرتله هدومه وزين خرج ولبس هدومه وقف قدام المرايا يسرح شعره وحط من البرفان اللى بيحبه وقرب من كارما ولسه هيبوس راسهاا زى كل يوم قبل مايخرج
كارما حطت ايدها على بوقها وجرت على الحمام وزين راح وراها واستغرب حالتها ومسك شعرها كويس وبعد ماخلصت فتح الميا وغسلها وشهاا
زين:مالك ياكارما
كارما:مش عارفه ايه اللى حصل
زين:طب تحبي نروح لدكتورة او اطلبها تجيلك
كارما كانت مضايقه من ريحه البرفان بتاع زين بس مقالتش:لا ياحبيبي انا كويس يمكن شويا برد
زين:خدى بالك من نفسك ولو تعبتى كلمينى
كارما:حاضر يازين
زين باسها من راسها وخرج وكارما ابتسمت بحب:معقول اكون حامل
كارما كلمت دادا فاطمه وطلبت منها ان حد يجبلها اختبار حمل ومتقولش لحد
بعد شويا دادا فاطمه جابتلها الاختبار وكارما عملته وطلع ايجابي كارما كانت طايرة من الفرحه وقررت تفاجأ زين لما يرجع
وراحت اوضه صفاء وكانت حياه قاعده معاها
كارما:صباح الخير
حياه وصفاء:صباح النور
كارما:انا حامل
الاتنين بصولها بصدمه وكارما ضحكت
حياه:بجد
كارما هزت راسها باه
حياه حضنتها بحب:مبروك ياروح قلبي هابقي عمتو اخيرااا
كارما:الله يبارك فيكى ياحياه
صفاء:مبروك ياحبيبتى
كارما:الله يبارك فيك ياصفصف
حياه:زين عرف
كارما:لا انا لسه عارفه بعد ماخرج .... وعايزة اعمله مفاجأه لما يرجع اعمل ايه ساعدونى
حياه:تعالى اقولك
(بقلم الكاتبه جنات)
=================
عد اليوم كله وتوفيق مخرجش من اوضته خالص حتى اكله كان بياكل فى اوضته
وفريده اللى حذرت تارا انها ممنوع تنام برا القصر مرة تانيه
وتارا كانت هتجنن لان رائد ماكنش بيرد عليها وبعدها قفل فونه
حياه اللى ساعدت كارما عشان تفاجأ زين
زين ويحيي اللى راحو شركتهم وكان فخورين بشغلهم وبالموظفين اللى معاهم
عزام اللى على تواصل مع مروان وبيخططو لحاجه
================
فى نهايه اليوم زين ويحيي رجعو القصر وكان هادى جدااا وكل واحد راح على جناحه
يحيي دخل اوضته وكانت حياه مجهزاله عشا واول مافتح الباب جرت على حضنه
يحيي:تعرفى حضنك ده اللى بينسينى كل تعب اليوم ... ربنا يخليكى ليا ياحياتى
حياه:ويديمك فى حياتى ياحبيبي ... ادخل خد شاور عشان ناكل سواا
يحيي:هواااا
يحيي اخد شاور وغير وقعدو ياكلو سواا فى جو رومانسي وبعدها نامو فى حضن بعض
==============
فى جناح زين اللى فتح الباب واستغرب ان الجناح ضلمه وكارما بتخاف منها جداا
فتح النور واتفاجأ بكارما اللى لابسه فستان لحد الركبه بلون البينك والاوضه متزينه بالبلالين والورد وفى عشا على تربيزة
زين دخل وقرب من كارما وضمها لحضنه:ده ايه الجمال والحلاوة دى
كارما:يعنى عجبتك مفاجأتى
زين باسها من خدها:فوق ماتتخيلى
كارما حاوطت رقبته وكانت مضايقه من برفان بتاعه:طب ممكن حبيبي يدخل ياخد شاور عشان ناكل قبل الاكل مايبرد
زين:ضرورى يعنى العشاا
كارما:يازين بقي يلا
زين ضحك:حاضر
بعد شويا زين خرج من الحمام وكان لابس بنطلون بس وقرب من كارما اللى شدته وقعدته على الكنبه قدام الاكل ولسه هتقعد جمبه وزين شدها وقعدها فى حضنه
كارما:زين مش هتعرف تاكل
زين:هو انا كنت اشتكيتلك
كارما ابتسمت وبداو اكل وكانو بياكلو بعض بحب وبعد ماخلصو الاكل كارما لسه هتقوم
زين:على فين ياقمرى
كارما:هجيب حاجه بس
كارما قامت وجابت بوكس حجمه وسط واديته لزين
زين:يعنى وجه حسن وعشا رومانسي وهديه كمان دانا امى دعيالى بقي
كارما:افتحها بس وقولى رايك
زين فتح البوكس وطلع سالوبت بيبي لونه ابيض واختبار الحمل وبص لكارما اوى:ايه ده
كارما:انت شايف ايه
زين:كارما اللى انا فهمته صح
كارما هزت راسها باه وزين قام وحضنها بقوة ورفعها عن الارض ولف بيها وكارما كانت فرحانه برد فعله
زين نزلها على الارض ولسه محاوطها:مبروك ياكرملتى
كارما:الله يبارك فيك يازين
زين:انتى عرفتى امته
كارما:بعد ماروحت الشركه
زين:يعنى الصبح انت تعبتى بسبب الحمل
كارما:ايوا ... فى طلب صغير جداا هطلبه منك ممكن
زين:اطلبي ١٠٠ مش طلب
كارما:بلاش تحط من البرفان بتاعك ده تانى لو سمحت
زين باستغراب:ليه ماله
كارما:بصراحه مش طايقه ريحته يازين وهو اللى تعبنى الصبح
زين ضحك:عشان كدا طلبتى اخد شاور
كارما ضحكت وزين بعد عنها وقرب من التسريحه ومسك ازازه البرفان وحدفها من البلكونه وكارما ضحكت عليه
زين:ايه رايك بقي انتى اللى تختاريلى برفان جديد
كارما:موافقه جدااا
زين لسه هيقرب على كارما اللى بعدت عنه
زين:مالك
كارما بخجل:لا ماهو مش هينفع يازين عشان لسه فى اول الحمل
زين:اممم
كارما:صح انا لازم اروح لدكتورة عشان اتابع معاها
زين:اكيد لازم
كارما:هتيجى معايا اول مرة يازين
زين حض*نها:طبعااا ياقلب زين .... طب ممكن حبيبي بقي ينام فى حضنى
كارما:طبعااااا
زين اخد كارما فى حض*نه ونامو ......
الفصل العشرون
عدى اكتر من شهر
ريم اللى خوفها انتهى وده بفضل مراد اللى وافق انهم يفضلو فى الغردقه وده لرغبه ريم اللى رافضه ترجع اسكندريه خوفا من تهديد ابوها ونقل شغله فى الغردقه وعاشو سوا احلى ايام وفرحتهم زادت لما ريم عرفت انها حامل وفرحه مراد كانت لا توصف
حياه اللى بقت فى الشهر التالت ومطلعه عين يحيي على الاخر اللى دايما بيحسد زين ان كارما مش مطلعه عينه فى حملها
زين ويحيي اللى مستغربين هدوء عزام ومروان واستغلو ده فى تطوير شغلهم وشركتهم بقت من اقوى الشركات فى البلد تقريباااا
تارا اللى اكتشفت انها حامل واللى هيجننها ان رائد مختفى تماما من اخر مرة كانو سواا وفونه مقفول
فريده اللى مستغربه هدوء بنتها تارا وانها دايما فى اوضتها ومش بتخرج وده على عكس طبيعتها
عزام بقي اللى مضايق من فريده اللى بتزن عليه دايما عشان عايزة فلوسها وكمان كوثر اللى اتغيرت معاه من وقت خسارته
توفيق بقي اللى حابس نفسه فى اوضته ومش بيخرج منها وتعب جامد ولما الدكتور كشف عليه قالهم ازمه قلبيه وحالته صعبه بس هو رفض يروح المستشفى وفضل انه يفضل جوا بيته وبقي فى ممرضه معاه عشان مواعيد علاجه وكمان عشان تتابع حالته وصفاء والبنات مش بتسيبه ودايماا معاه
(بقلم الكاتبه جنات)
===================
فى جناح حياه ويحيي
يحيي صحى وحياه ماكنتش جمبه قام دخل الحمام وبعد شويا خرج سمع صوت فى ريسبشن الجناح وخرج اتفاجأ لما شاف حياه قاعده وجمبها طبق كبير مليان فاكهه وبتاكل
حياه شافته:تعالى كل معايا ياحبيبي
يحيي:الناس بتقوم تقول صباح الخير ياحبيبي مش تعالى كل معايا ياحبيبي
حياه:فى ايه يايحيي صحيت جعانه الله
يحيي:انتى فى الشهر الكام ياحبيبتى
حياه:فى التالت ليه
يحيي:يعنى لسه ٦ شهور
حياه:اه
يحيي:الله يكون فى عونى والله
حياه:فى عونك ازاى يعنى ... قول الله يكون فى عونى انا ... انا اللى حامل على فكرة
يحيي:صح ياحبيبتى .... انا رايح الشركه ياحياه
يحيي دخل يلبس وخرج وحياه لسه مكانها بتاكل
==================
اما بقي فى جناح زين وكارما اللى صحت ودخلت الحمام غيرت وخرجت كان زين قاعد على السرير:صباح الخير ياحبيبي
زين:صباح الجمال ياروح قلب حبيبك
كارما قعدت جمبه:مش هتقوم تجهز عشان الشركه ولا ايه
زين:قايم اهووو .... هو انتى احلويتى اوى فى الحمل ولا انا بتهيئلى
كارما كشرت:يعنى انا كنت وحشه قبل الحمل
زين:انتى دايما قمر
كارما:طب يلا قوم هروح احضرلك هدومك
زين:انتو ناويين تنزلو الكليه ولا هتأجلو السنه دى على ماتولدو
كارما:لا نأجل ايه هننزل ان شاء الله وبعدين لسه بدرى على الولاده يازين
زين:تمام
زين قام دخل الحمام وخرج لبس ونزل هو وكارما
كان يحيي قاعد على السفرة لوحده
زين:صباح الخير
يحيي:صباح النور ياخويا
زين:مالك
يحيي:اختك فضلها ثانيه وتاكلنى انا شخصيااا يازين
زين وكارما ضحكوو اوى
زين:معلش استحملها شويا
حياه نزلت:بتجيبو فى سيرتى ليه
كارما:متقلقيش كل خير ياحياه
حياه بصت ليحيي:اشك الصراحه .... هما محضروش الفطار ليه انا جعانه
يحيي:جعانه .... وطبق الفاكهه اللى لسه اكلاه فوق ده ايه نظامه
حياه:لا دى كانت تصبيرة
كارما وزين ضحكوو جامد ويحيي وحياه كمان ضحكو ونزل عزام وفريده
عزام:بتضحكو .... مانتو اللى كسبانين
زين بص للبنات:احنا هنروح الشركه وانتو خليكو مع صفصف ... انا اصلا مابقيتش مأمن اسيبكو فى البيت ده لوحدكو
فريده:قصدك ايه حضرتك اننا هنموتهم مثلا
زين ببرود:مثلا ... ماحضرتك عملتيها قبل كدا ولا ناسيه
فريده اتوترت ومرديتش عليه
يحيي:اطلبو من دادا فاطمه الفطار واطلعو افطرو مع ماما ياحياه
حياه:حاضر
الشباب خرجو والبنات طلعوو بعد ماطلبو الفطار من دادا فاطمه
فريده:عملت ايه فى قصه فلوس ياعزام
عزام:فلوس فلوس ... كل ماتشوفى خلقتى تطلبي فلوس
فريده:دى فلوسى ياعزام ومش هيحصل طيب لو مرجعتليش فلوسي
عزام:حاضر حاضر.... ابوكى عامل ايه
فريده:الدكتور امبارح كان عنده ... عايزه يروح مستشفى وهو رافض
عزام:مش عارف هو بيعمل ليه كدا انا زهقت انا رايح الشركه
عزام خرج وفريده طلعت لبنتها
===============
فى اوضه تارا اللى مازالت بتحاول توصل لرائد بتتواصل مع شلته والكل ميعرفوش هو فين
الباب اتفتح ودخلت فريده اللى مستغربه حالتها وقعدت جمبها على السرير:انتى مالك ياتارا حابسه نفسك فى الاوضه ومش بتخرجى وتسهرى زى الاول وحالك مش مظبوط هو فى ايه بظبط
تارا:مافيش يامامى انا بس مضايقه من كل اللى بيحصل
فريده:هو ايه اللى بيحصل ومضايقك
تارا:الفلوس اللى خسرناها وتعب جدى
فريده:والمفروض انى اصدقك مش كدا
تارا اتوترت:براحتك يامامى
فريده:ماشي ياتارا انا هسيبك لما اعرف اخرك ايه واعرف ايه اللى مخبياه عليا
تارا:حاضر
فريده خرجت وراحت اطمنت على توفيق وبعدها راحت اوضتها
(بقلم الكاتبه جنات)
===================
فى الغردقه عند ريم اللى كانت واقفه فى المطبخ بتحضر الفطار واتخضت لما حست بايد على خصرهاا
ريم:يووه يامراد كل يوم تخضنى كدا
مراد باسها من رقبتها:المفروض انك تتعودى بقي
ريم:لا معلش ابقي زمر ولا طبل
مراد بسخريه:هابقي اجيب الزفه معايا وانا داخل لمراتى المطبخ
ريم:اتريق براحتك
مراد ضحك وحط ايده على بطنها:حبيبه ابوها عامله ايه
ريم:انت ليه دايما بتتكلم بضيغه المؤنث مايمكن يكون ولد
مراد:لا انا حاسس انها بنوته وقمرايه زى امها كمان
ريم لفت وحاوطت رقبته:لا انا عايزة ولد ويبقي وسيم زى باباه
مراد:طب مااحنا نخليهم تؤام ومنزعلش حد
ريم ضحكت:تصدق فكرة بردو
مراد:احنا هنعرف امته نوعه
ريم:انا لسه فى اول شهر يامراد لسه شويا
مراد:ماشي
ريم:يلا عشان نفطر
ريم ومراد فطرو سواا وبعدها مراد راح على شغله وريم قامت تحضر الغداا
===================
صفاء والبنات فطرو وراحو يطمنو على توفيق
صفاء دخلت اوضه توفيق والممرضه كانت قاعده
صفاء:صباح الخير يانهى
نهى الممرضه:صباح النور ياهانم
صفاء:مش قولنا بلاش هانم دى قوليلى ياصفصف زى البنات
نهى:حاضر ياصفصف
صفاء:صباح الخير ياعمى
توفيق بتعب:صباح الخير
البنات:صباح الخير ياجدو
توفيق بصلهم وابتسم لانهم دايما بيجو يطمنو عليه:صباح النور
صفاء:حالته ايه الوقت يانهى
نهى:الحمدلله بقت مستقرة عن الاول بس هو محتاج يشوف ناس اكتر ... يخرج يقعد فى وسطكو
كارما:ايه رايك ياجدو لو تسهر معانا النهارده
حياه:صح ياجدو والله هتنبسط صدقنى
توفيق:سبونى براحتى
صفاء:هنسيبك ترتاح ياعمى
توفيق هز راسه باه وصفاء والبنات خرجو
=================
بليل تارا قاعده فى اوضتها ومش بتطبل عياط فونها رن برقم غريب ردت عليه:الو
رائد:مساء الجمال
تارا:رائد ... انت فين انا بحاول اوصلك من زمان
رائد:انا موجود ياجميل
تارا:رائد انت لازم تيجى تتقدملى فى اسرع وقت ... انا حامل
رائد:نعم حاامل من مين بقي ان شاء الله
تارا بصدمه:من مين ازاى ... انا محدش لمسنى غيرك
رائد:وانا ايه اللى يخلينى اصدقك .... على العموم انا كنت طالبك عشان عندى ليكى مفاجأه
تارا:ايه هيا
رائد:شوفى كدا المسدجات اللى وصلتلك
تارا لاقت اكتر من مسدج وصلها وفتحتهم وكانت فيديوهات وصور ليها هى ورائد لما كانو بيتقابلو فى الشقه
تارا:ايه ده ... مين اللى صورنا كدا
رائد:هو كان بيبقي فى حد معاكى غيرى ياحلوة .... انا عايز مليون جنيه ولو الفلوس مابقتيش عندى فى اسرع وقت الصور دى العالم كله هيشوفها
تارا:انت اكيد اتجننت عايز تفضح نفسك وتفضحنى معاك
رائد:ومين قالك ياحلوة انى هفضح نفسي تعديل بسيط جداا وشى مش هيبان والفضيحه هتكون ليكى انتى وعيلتك ياحلوة... الفلوس تكون عندى فى اسرع وقت ... باى ياتارا هانم
تارا لسه هترد بس كان قفل فضلت تعيط ومش عارفه تعمل ايه وخصوصا ان امها خسرت فلوسها وفضلت تعيط كتير جدااا
(بقلم الكاتبه جنات)
==================
فى جناح زين
كارما كانت قاعده بتستنى زين يرجع من الشركه
باب الجناح اتفتح ودخل زين وكارما جرت عليه واخدها فى حضنه
زين باسها من راسها:اهو انا كنت جاى هموت وانام بعد الحضن مستعد ارجع الشركه تانى
كارما بصتله وضحكت:يلا غير عشان نتعشي سواا
زين:حاضر
زين دخل الحمام اخد شاور وخرج كانت كارما طلبت الاكل وقعدو اكلو سواا وبعدها نامو على السرير فى حضن بعض وكارما كل شويا تبص لزين تبقي عايزة تكلمه وتسكت
وزين ملاحظ توترها ده:مالك ياكارما
كارما قامت قعدت قدامه وبصتله اوى
زين:فى ايه ياكارما انتى تعبانه
كارما:لا مش تعبانه بس عايزة اتكلم معاك ممكن
زين قام قعد هو كمان وسند ضهره على ضهر السرير:اتكلمى ياحبيبتى فى ايه
كارما:جدو تعبان اوى يازين
زين بضيق:اظن اتكلمنا فى الموضوع ده كتير ياكارما
كارما:عارفه انك رافض تشوفه بس بجد حالته صعبه اوى .... ورافض يروح المستشفى ومش بيخرج من اوضته ونفسيته وحشه اوى ... ادخله مرة واحده بس
زين:لا ياكارما وحتى لو مات مش هشوفه
كارما علت صوتها:انت بجد مافيش عندك قلب ازاى تقول كدا اصلاا
زين بحده:كاااارمااااا
كارما خافت من نبرة صوته:يازين كلنا بندخله كل يوم وبنطمن عليه وحتى يحيي بيشوفه كل يوم قبل مايروح الشركه ولما بيرجع وانت مافيش مرة فكرت تدخل تطمن عليه
زين بعصبيه وصوت عالى:ومش هدخل وقفلى على ام الموضوع ده عشان مش هيحصل طيب ... ده ايه الخنقه دى
كارما عينيها اتملت بدموع:انا اسفه انى خنقتك يازين
كارما قالت كدا ونامت واديته ضهرها ودموعها نزلت فى صمت
زين بصلهاا واضايق اكتر لما شاف دموعها:كارما
كارماا....
زين شدها من دراعها قعدها قدامه:ماكنش قصدى انا اسف .... متعطيش بقي لو مش عشانى عشان الصغنن اللى هنا
قال كلامه وهو بيحط ايده على بطنها
كارما مسحت دموعها وبصتله اوى
زين اتنهد:عايزانى اعمل ايه ياكارما .... الراجل ده هان امى وبهدلها وكان مشغلها خدامه فى قصره اللى هو بيت ابويا انتى متخيله ..... ولما تعبت مفكرش يروح يطمن عليها ولا حتى سال عليها
كارما:لو هو وحش انت مش زيه يازين .... انا كمان شوفت منه ومنهم كلهم كتير جداااا وانت عارف ده كويس .... بس انا مش وحشه زيهم وروحت واطمنت عليه .... وحياه كمان راحت شافته .... صدقنى هو ندمان جداا وده باين فى عينيه والله حالته صعبه اوى مش توفيق بيه اللى ليه هيبه ورهبه لا بجد بقي ضعيف جدااا ..... متعملش زيه يازين وروح اطمن عليه ولو مرة واحده عشان خاطرى انا
زين:حاضر ياكارما بكرة هنزل معاكى ونطمن عليه ... كدا مبسوطه
كارما ابتسمت وحضنته بقوة:انا بحبك اوى يازين
زين:وانا بعشقك ياروح وقلب وعقل زين .... ممكن ننام بقي لانك هتجنينى بالاحمر اللى انتى لابساه ده وانا ناوى اتهور
كارما بعدت عنه:تتهور ايه لا مش فينا مش كدا لو سمحت نام بادب
زين ضحك اوى واخدها فى حضنه وناموو
(بقلم الكاتبه جنات)
===============
فى الغردقه
مراد رجع الڤيلا كانت ريم محضره الاكل ومستنياه:ده ايه الجمال والطعامه والجمدان ده
ريم ابتسمت:يلا بقي لان بجد جوعت اوى
مراد:انتى مأكلتيش حاجه ياريم
ريم:لا قولت هستناك معرفش انك هتتاخر كدا
مراد:بعد كدا ياحبيبتى تاكلى وبلاش تستنينى متنسيش انك حامل
ريم:حاضر يلا غير بقي
مراد:لا اغير ايه تعالى ناكل وبعد كدا هطلع اغير
ريم:احسن بردو يلا
قعدو اكلو سوااا ومراد كان بياكل ريم بايده وكانت مبسوطه جدااا وبعدها مراد طلع ياخد شاور وريم بتشيل الاكل وشافت خيال حد على البحر
ريم قربت من الشباك وبصت حولين الڤيلا ماكنش فى حد وفكرت انها بتتخيل وخلصت شغل المطبخ وطفت النوم وطلعت كان مراد غير وقعد على السرير وقعدت جمبه
مراد شافها سرحانه:مالك ياريم
ريم:هو فى حد ممكن يجى هنا يامراد
مراد:يجى هنا ازاى
ريم:اصل وانا فى المطبخ شوفت خيال حد على البحر
مراد:اكيد بتهيئلك ياحبيبتى محدش بيجى هنا
ريم:ممكن
مراد اخدها فى حضنه
=================
عزام راح الڤيلا اللى عايشه فيها كوثر
دخل كانت قاعده فى الريسبشن بصتله بطرف عينها ولفت وشها تانى
عزام قعد جمبها:ممكن افهم مالك متغيرة ليه ومش طيقانى
كوثر.....
عزام:انا بكلمك ردى عليا
كوثر:بقولك ايه ياعزام انت متجوزنى عشان تصرف عليا مش انا اللى اصرف عليك
عزام:مانا يامااا اديتك فلوس .... محصلش حاجه لما اخدت منك مبلغ مانتى عارفه ظروفى
كوثر:لا دى ظروفك مش ظروفى ياحبيبي .... وانا مش ناويه اديك جنيه مرة تانيه
عزام:لدرجه دى ياكوثر
كوثر:اه لدرجه دى وبصراحه زهقت وعايزة اطلق
عزام:طلاق ايه انتى مجنونه
كوثر:اه مجنونه ياعزام
كوثر سابته وطلعت اوضتها وفون عزام رن وكان مروان
عزام:عملت ايه ..... تمام .... انا جيلك فى الطريق ..... ممنوع تتحرك من غيرى ... سلام
(بقلم الكاتبه جنات)
================
الفجر فى الغردقه
مراد نايم وريم مش عارفه تنام وخايفه وعماله تفكر مع نفسها:معقول كانت بتهيئلى .... بس انا متاكده انى شوفت خيال حد ماشي على البحر .... طب راح فين .... يوه بقي انا هقوم اصلى احسن
ريم قامت ودخلت الحمام واتوضت ولبست الاسدال وبدات تصلى وهى بتصلى سمعت صوت فى الدور الاول فى الڤيلا
ريم خلصت صلى وجرت على مراد:مراد اصحى ... مرااااد
مراد بنوم:ايه ياحبيبتى انتى كويسه
ريم:مراد فى حد فى الڤيلا
مراد:ياريم مين اللى هيكون فى الڤيلا ياحبيبتى
ريم:والله سمعت صوت تحت قوم بقي
مراد قام قعد:انتى متاكده
ريم:والله يامراد انا خايفه اوى
مراد قام ولسه هيخرج من الاوضه ريم مسكته:انت رايح فين افرض حرامى
مراد:متخافيش ياريم وخليكى هنا
ريم:لا متسبنيش ونبي
مراد:طب تعالى معايا
مراد مسك ايدها وفتح الباب
ريم بهمس:طب خد مسدسك
مراد:مش مستاهل ياريم انا نازل عشان اطمنك ان مافيش حد
مراد خرج من الاوضه وهو ماسك ايد ريم ونزلو السلم وكانت الڤيلا ضلمه
ريم بهمس:مراد انا طفيت نور المطبخ بس وكنت سايبه نور الريسبشن
مراد بصلها وحس بحركه فى الڤيلا بس محبش يقلق ريم
مراد بهمس:ريم اطلعى الاوضه
ريم هزت راسها بلا
مراد مسك ايدها ونزل وقرب من مكان المفاتيح النور وفتح النور
ريم ومراد اتصدمو لما شافو عزام ومروان ومعاهم ٥ رجاله جسمهم قوى جدا
ريم استخبت ورا مراد وكانت مرعوبه
عزام ضحك:مفكر مش هعرف اوصلك يا مراد باشا
مراد:انت عايز ايه
عزام:جاى اعرفك ان مش انا اللى حد ياخد حاجه منى بدون اذني
مراد:وياترى قصدك على المناقصه والخسارة ولا على جوازى من ريم
عزام:لا حسابنا الوقت على جوازك من بنتى .... لكن موضوع الخسارة لسه جاى حسابكو متقلقش
مراد:طب يلا خد اللى جايبهم معاك وامشي انا مش بتهدد
عزام وهو بيبص على ريم:وانت مفكر ان همشي من غيرها بعد ماوصلتلك
مراد:ومين قالك انك هتقدر تمس شعره منها
عزام:هنشوف
عزام شاور لرجاله اللى اتحركو فى اتجاه مراد وريم كانت خايفه عليه
مراد بقي يتفادى ضربتهم بمهارة وكان بيضربهم بس واحد منهم ضربه على راسه ومراد مسك راسه ووقع على الارض والرجاله بقت تضربه بقوة
ريم صرخت باعلى:مراااااااد
ولسه هتجرى عليه مروان مسكها من دراعها وزقها على عزام اللى ضربها بالقلم ومراد عينه عليها
ريم بانهيار:ابوس ايدك يابابا سيبه .... قولهم يسبوه ونبي .... هيموت فى ايدهم يابابا خليهم يبعدو عنه
عزام:اخرسي حسابك معايا بعدين انتى..... مروان خلص عليه
ريم:يخلص على مين لالا ونبي
مروان مسك مسدس وضرب مراد طلقتين واحده فى كتفه وتانيه فى بطنه وريم كانت بتصرخ باعلى صوت وعايزة تجرى على مراد بس عزام ماسكها وبعدها مروان جاب جراكن بنزين وبدا يكب منها فى اركان البيت هو الرجاله ومراد اللى واقع على الارض بينزف
عزام شد ريم اللى بتقاومه وبتصرخ باعلى صوت على مراد
كلهم خرجو من الڤيلا ومروان ولع الولاعه ورماها على الڤيلا اللى النار مسكت فيها وريم كانت منهارة وبتصرخ باسم مراد
عزام شاور لمروان اللى جابله منديله وحط عليه مخدر وحطه على بوق ومناخير ريم اللى بدات تتخدر ومقاومتها تقل وعزام شالها واخدها على العربيه واتحركو بعد مااتاكدو ان الفيلا كلها ولعت وان مراد مخرجش منها
=============
بعد وقت طويل عزام رجع على القصر وطلع ريم نيمها فى اوضته وكان فرحان انه خلص من مراد خلاص وقفل على ريم بالمفتاح وخرج ........