رواية شمعة الحب لا تنطفى الفصل الحادي والعشرون21والثاني والعشرون22 بقلم جنات
صباح يوم جديد فى جناح زين اللى نايم وكارما فى حضنه وصحى لما فونه رن وكان برقم غريب
زين اخد الفون ورد:الو
زين قام قعد بسرعه:ايييييه ... انا جاى حالا
كارما صحت على صوته:مالك يازين فى حاجه
زين وهو بيلبس بسرعه:مشكله فى الشغل ياحبيبتى
زين رن على يحيي وقاله يجهز وينزله بسرعه
زين خلص لبس وخرج كان يحيي خارج من جناحه
يحيي:فى ايه يازين
زين:امشي بسرعه هقولك فى الطريق
حياه كانت واقفه على باب الجناح وكارما خرجت:متعرفيش فى ايه
كارما:زين بيقول مشكله فى الشغل
حياه:ربنا يستر
كارما:يارب ... هدخل اغير وننزل لصفصف
حياه:وانا كمان
=============
فى عربيه زين اللى سايق باقصي سرعه
يحيي:فهمنى فى ايه يازين ... احنا رايحين فين
زين:مكرم كلمنى وبيقولى ان ڤيلا مراد لاقوها محروقه
يحيي بصدمه:ايه .... ازاى ده
زين:مش عارف الشرطه هناك وبيحققو
يحيي:ومراد وريم
زين:مش عارفين مش موجودين
يحيي بخوف:يعنى ايه يازين
زين:اهدى كلها كام ساعه ونوصل ونفهم كل حاجه
(بقلم الكاتبه جنات)
=============
فى اوضه صفاء
حياه:يعنى قالك هيدخل يطمن عليه
كارما:اه والله قالى هاجى معاكى الصبح بس اديكى شوفى حصل مشكله وخرجوو
صفاء:زين قلبه ابيض ربنا يحميه
حياه وكارما:يارب
صفاء:ايه رايكو ناخد الفطار ونروح نفطر مع عمى
كارما:فكرة حلوة واهو نهى كمان تفطر معانا
حياه:يلا
صفاء وكارما وحياه اخدو الفطار وطلعو اوضه توفيق اللى فرح بوجودهم وفطرو كلهم سواا ومعاهم نهى الممرضه
وخلصو فطار واتكلمو كتير والجو كان جميل
الباب اتفتح ودخلت فريده واستغربت لما شافتهم
فريده:صباح الخير يابابا ... انا شايفه انك نسيتنا خالص بوجود احفادك جمبك
توفيق:كتر خيرهم بيجو يسلونى ويطمنو عليا
فريده:ده واجبهم ودى الاصول على فكرة وكويس انهم بيعملو بيها
صفاء:هما متربين وعارفين الاصول كويس جداا ... الدور والباقى على بنتك اللى مش معبره جدها
فريده اضايقت منها:انا مش فاهمه انتى بتدخلى ليه اصلا وعماله راحه جايه فى القصر .... اللى اعرفه ان الواحده لما جوزها يطلقها وبتمشي تروح لاهلها ... فى الاخر انتى ضيفه
حياه:بس صفصف قاعده فى ملك ابنها على فكرة ولا حضرتك ناسيه
كارما:هى هنا ست البيت مش ضيفه
فريده:والله وبقي ليكى صوت وبتردى يابنت سمر
كارما:مش هرد عليكى عارفه ليه ... عشان سمر ربتنى كويس جدااا وعرفتنى انى عيب ارد واهين واحده اكبر من امى
فريده اتغاظت منها وخرجت وقفلت الباب بقوة
حياه ضحكت:جدعه ياكوكى
كارما بصت لجدها:انا اسفه ياجدو بس هى اللى ضايقتنى
توفيق:حقك يابنتى حقك
صفاء:طب احنا هنروح ونسيبك ترتاح ياعمى يلا يابنات
================
فى اوضه تارا اللى مانامتش اصلا من التفكير والقلق كانت قاعده على السرير ومطلعه كل المجوهرات بتاعتها عشان تبيعهم
الباب اتفتح ودخلت فريده وبصت على المجوهرات:ايه ده انتى مطلعه الحاجات دى ليه
تارا:مافيش يامامى كنت زهقانه وبشوفهم عادى
فريده:زهقانه ... انتى ايه الل مصحيكى بدرى انا استغربت لما شوفت اوضتك منورة
تارا:اصل نمت امبارح بدرى
فريده:فى ايه يابت حالك مش عاجبنى اليومين دول
تارا:يوووه يامامى انا كويسه قدامك اهو
فريده:ماشي ياتارا
فريده خرجت من الاوضه وتارا حطت المجوهرات فى شنطتها وقامت تلبس عشان تروح تبيعهم
(بقلم الكاتبه جنات)
===================
بعد وقت طويل زين وصل عند ڤيلا مراد
زين ويحيي كانو مصدومين من شكل الڤيلا
اللى ملامحها اتختفت بسبب الحريق
زين قرب من مكرم(صديق مراد وزين ورتبته رائد)
زين:مكرم ايه اللى حصل والحريق بسبب ايه
مكرم:الحريق بفعل فاعل
يحيي:ازاى
مكرم:التحقيقات اثبتت ان فى اثار بنزين فى المكان
يحيي:ومراد ومراته فين
مكرم:للاسف مافيش اثر لاى حد فيهم
زين:يعنى ممكن يكونو خرجو من الڤيلا قبل الحريق
مكرم:مش عارف بس احنا لسه شغالين والتحقيقات شغاله
يحيي وزين بصو لبعض
=================
فى القصر وتحديداا فى اوضه عزام
ريم بدات تفوق والرؤيه مغششه فضلت تفتح عينها وتقفلهم تانى لحد الرؤيه ماوضحت ولاقت نفسها فى اوضه ابوهاا وافتكرت اللى حصل
ريم عيطت:مراد
ريم قامت براحه وراحت تفتح الباب لاقيته مقفول عليهاا فضلت تخبط جامد على الباب وتعيط وكانت بتصرخ باعلى صوت
=================
عند البنات قاعدين فى اوضه صفاء وبيتكلمو سمعو صوت صريخ وخبط جامد
صفاء:ايه ده
كارما:مش عارفه
حياه:ده صوت ريم
كلهم قامو بسرعه وراحو مكان الخبط اللى كان فى اوضه عزام
صفاء:ريم انتى بتعملى ايه
ريم بعياط:خرجونى من هنا ابوس ايدكم ... انا عايزة مراد
كارما:اهدى ياريم فهمينا انتى جيتى هنا ازاى
ريم:بابا اللى جابنى وحرقو الڤيلا ومراد كان فيها افتحولى الباب
حياه:ريم اهدى بس واحنا هتتصرف
فريده جت على الصوت:ايه اللى بيحصل هنا
صفاء بعصبيه:اخوكى فين... عزام فين يافريده
فريده:معرفش وبعدين مين اللى كان بيصوت
ريم:افتحولى الباب بقي حرام عليكم
فريده:دى ريم ايه اللى جابها هنا
صفاء:اخوكى اللى جابها
حياه:انا هكلم يحيي
كارما:بسرعه يلا
حياه فضلت ترن على يحيي مش بيرد وكارما كمان رنت على زين وبردو مش بيردو
(بقلم الكاتبه جنات)
===============
عند زين ويحيي رجعو عربيتهم وماكنوش عارفين يتصرفو
يحيي مسك فونه:ده حياه رنت عليا كتير
زين اخد فونه اللى كان ناسيه فى العربيه:وكارما ... معقول فى حاجه حصلت
يحيي:تعالى نكلمهم ونشوف
زين:هكلم كارما
زين رن على كارما وفتح الاسبيكر اللى ردت عليه:فى حاجه ياكارما
كارما:انت فين يازين .... ريم هنا فى اوضه عمو عزام وقافل عليها بالمفتاح وبتقول ان هو اللى جابها وحرق الڤيلا ومراد كان فيها
يحيي وزين بصو لبعض
زين:طب اهدو واحنا جايين فى الطريق اهو
كارما:حاضر
زين قفل مع كارما وبص ليحيي:ابوك مش هيجبها لبرا بس قسما بربي لو كان اذى مراد هيشوف منى وش عمره ماشافه
يحيي:معقول يأذى جوز بنته
زين:انت ناسي ان الجوازة كانت من وراه
يحيي:طب اتحرك يلا عشان منتاخرش عليهم
زين ساق باقصي سرعه
=================
فى القصر ريم كانت منهارة ومش بتبطل عياط
كارما:اهدى ياريم انتى حامل ياحبيبتى ... زين ويحيي جايين وهيتصرفو
ريم بعياط:انا عايزة اروح لمراد .... ضربوه جامد ومروان ضربه بالمسدس وكان بينزف جامد وبعدها حرقو الڤيلا هو مخرجش منها
صفاء عيطت:اهدى ياحبيبه قلبي عشان خاطرى اهدى
البنات فضلو يحاولو يهدو ريم اللى كانت منهارة حرفيااا
بعد شويا وصل عزام اللى فريده كلمته وقالتله اللى بيحصل فى القصر وجه بسرعه
عزام:انتو واقفين بتعملو ايه هنا يلا كل واحد على اوضته
صفاء قربت منه:انت ايه ... مش بنى ادم اللى جوا دى بنتك ازاى تفكر تأذيها وتأذى جوزها كدا .. ده انت شيطاااااان شيطان ياعزام
عزام:خلصتى يلا امشي من هنا
صفاء:مش همشي غير لما تفتحلها خرج بنتى ياعزام احسنلك
عزام:مانا جاى عشان اخرجها واخدها معايا
كارما:تاخدها فين ريم مش هتمشي من هنا قبل زين ويحيي مايوصلو
عزام:انتى تخرسي خالص
حياه:لا مش هتخرس ولا احنا هنسكت وافتحلها يلا بقى
عزام طلع المفتاح من جيبه وفتح الباب وريم خرجت بسرعه بس عزام مسكها من دراعها وشدها وراه وهى بتقاومه على قد ماتقدر
وصفاء وكارما وحياه نزلو وراه
صفاء:ابعد عنها انت اخدها فين ياعزام سيب البنت .... حرام عليك بنتك حامل
عزام وقف مرة واقف وبص لريم:انتى حامل من الحيوان اللى اسمه مراد
عزام ضربها بالقلم بقوة وريم وقعت على الارض والبنات جرو عليها وكانت منهارة
فى الوقت ده وصل يحيي وزين
زين قرب من عزام بعصبيه وضربه بالبوكس وعزام وقع فى الارض وزين لسه هيقرب منه يحيي مسكه:اهدى يازين
ريم قامت جرت على يحيي:ودينى لمراد يايحيي ابوس ايدك انا عايزة جوزى
ريم راحت لزين:عشان خاطرى يازين ودينى لجوزى خلينا نلحقه ونبي
يحيي اخدها فى حضنه وهى كانت منهارة
زين قرب من عزام:ورحمه امى هتشوف انا هعمل فيك ايه وهندمك على اللحظه اللى فكرت فيها تقرب من مراد
زين بعد عنه ومسك ايد ريم وطلع ويحيي والبنات وصفاء طلعو وراه ونهى كانت واقفه وسامعه كل الكلام ودخلت الاوضه لتوفيق اللى كان قلقان ومش قادر يخرج ليهم
توفيق اول ماشافها:فى ايه يابنتى وايه الزعيق اللى برا ده
نهى:تقريبا فى مشكله وفى بنت اسمها ريم بتعيط وعايزة تروح لجوزها
توفيق:ريم هى جت امته
نهى:شكل ابن حضرتك جايبها هنا بالغصب وشكله كدا عمل حاجه فى جوزها
توفيق:عمل حاجه فيه ازاى
نهى قالتله الكلام اللى سمعته منهم
توفيق اتنهد بتعب:عملت ايه ياعزام
نهى:حضرتك لازم ترتاح عشان ماتتعبش
توفيق:حاضر يابنتى
(بقلم الكاتبه جنات)
===================
زين اخد ريم وراح على اوضتها القديمه اللى قاعده فيها صفاء
زين قعدها على السرير وكارما جبتلها كوبايه عصير عشان تهدى
زين:اهدى ياريم واحكيلى كل حاجه حصلت
ريم بدات تحكيله كل اللى حصل
ريم عيطت:مراد كان بينزف جامد يازين وبعدها ولعو فى الڤيلا انا خايفه عليه اوى
يحيي:اهدى ياحبيبتى
ريم قامت وقفت:خلينا نروح الڤيلا ونبي عشان خاطرى
زين:احنا كنا هناك ياريم وعرفنا بالحريق اللى حصل
ريم:ومراد كان معاكو شوفتوه
زين بص ليحيي ومتكلمش
ريم:هو مراد ماكنش هناك اكيد خرج من الڤيلا مش كدا
يحيي:مراد ماكنش هناك ياريم ومالوش اثر والڤيلا كانت محروقه بالكامل
ريم بصتلهم بصدمه:يعنى قصدك ايه ... هااا قصدك انه مات فى الحريق ... مراد مات يعنى ده قصدك ماترد عليا ..... مش بتردو ليه مراد لسه عايش انا متاكده هو مش هيموت ويسبنى .... زين انت عارف صاحبك ده مش هيخلف بوعده معايا هو وعدنى مش هيبعد عنى افهمو بقي هو عايش
زين:اهدى ياريم انتى حامل وكدا هتتعبي
ريم:لا مش ههدى ولا هفضل هنا انا هروح الڤيلا اكيد مراد هناك ومستنينى ابعدو عنى خالص
يحيي:ريم اهدى الشرطه هناك فى الڤيلا وبيحققو فى اللى حصل
ريم:مانا قولتلكو اللى حصل اللى ولع فى الڤيلا واتهجم علينا عزام ومروان روحو بلغو عنهم وسلموهم لشرطه
زين:اهدى ياريم وحقك وحق مراد هيرجعلكو بس نطمن الاول على مراد ونعرف هو كان جوا الڤيلا ولا لأ
يحيي:ريم مش انتى بتقولى انكو فضلتو واقفين عشان تشوفو مراد خرج ولا لأ
ريم:ايوا
يحيي:يعنى مراد مخرجش من الڤيلا
ريم قعدت على السرير:يعنى ايه ... محدش فيكم يقنعنى انه مات مراد عايش انا متاكده
زين:طب اهدى ياريم ... كارما خليكو معاها واحنا هنروح نشوف ايه الجديد
الشباب خرجو والبنات فضلو مع ريم اللى فى عالم تانى مش متخيله ان مرادها ممكن يمشي ويسيبها معقول هتقدر تكمل من غيره
==================
زين ويحيي نزلو كان عزام قاعد ومعاه فريده
عزام:بلاش تتعبو نفسكو صاحبكم مات وانا اتاكد بنفسي انه مخرجش من الڤيلا
زين:طب ادعى انه يكون عايش لانه لو مات هتكون نهايتك ياعزام
زين قال كدا وخرج ويحيي وراه وكلمو مكرم اللى قالهم ان مافيش اى جديد
============
واليوم عدى وريم حالتها بتسوء ورافضه تاكل اى حاجه والبنات بيحاولو معاها بس بردو بترفض الاكل
فى منتصف الليل
زين ويحيي راحو ڤيلا مراد وماكنش فى شرطه كلهم كانو خلصو تحقيقات ومشوو
زين دخل الڤيلا اللى كانت متفحمه ومعاه يحيي
يحيي:احنا جاين هنا ليه يازين
زين:تعالى بس معايا
زين دخل المطبخ وكان بيعد الخطوات اللى مشيهم ومد ايده فى مكان فى الارض وفتح باب
يحيي:ايه ده يازين
زين:ده بابا سري مراد عمله وكان معرفنى عليه
زين ويحيي نزلو المكان ده وكانت اوضه وفيها شاشه كبيرة جايبه اكتر من ركن فى الڤيلا
يحيي:مش انت قولت مافيش كاميرات فى الڤيلا
زين:مراد كان عامل كاميرات سريه وحميهم كويس عشان ميتأثروش باى حاجه عشان كدا حتى لما الڤيلا ولعت متأثروش
يحيي:طب ليه مقولتش لمكرم عليهم
زين:عشان انا عايز اعرف ايه اللى حصل بظبط .... وبعدين انتقامنا من عزام مش هيبقي بحبسه
زين قعد على الكرسي قدام الشاشه بدأ يرجع فى الكاميرات وجاب الكاميرا اللى فى الصاله وجاب اول ماعزام ومروان دخلو الڤيلا وطفو النور وبعدها مراد وريم نزلو وشافو كل اللى حصل فى مراد ولما كبو البنزين فى كل مكان وخرجووو وفضلو يشوفو ايه اللى هيحصل
زين ويحيي كانو متابعين بتركيز كبير وبعدها بصو لبعض بصدمه........
الفصل الثاني والعشرون
صباح يوم جديد فى ڤيلا كوثر
عزام قاعد ومعاه مروان
مروان:وانت ناوى على ايه
عزام:انا لسه عند وعدى ليك
مروان:هتجوزنى ريم ... طب واللى فى بطنها
عزام بخبث:هخلصك منه متقلقش
مروان:حلو الكلام
كوثر نزلت:قاعدين كدا وبتخططو لايه
عزام:بنتكلم فى الشغل
كوثر:شغل والله .... هو انتو بعد مافلستو بقي عنكو شغل
مروان:فى ايه ياعمتو مالك
كوثر:فى انى زهقت وزى ماقولتلك ياعزام انا عايزة فلوسي وورقه طلاقى
عزام:انتى اتجننتى
كوثر:ده انا عاقله جداا ... انا مش هفضل على ذمه راجل ماشي يقتل فى خلق الله ويأذى بنته ... اصل بعد عمايلك دى ماتتعرف حضرتك هتعفن فى السجن وانا مش ناويه استناك الصراحه
مروان:ايه الكلام ده ياعمتو
كوثر:انت تسكت خالص خليك ماشي ورا لما هتعفن معاه فى السجن انت كمان
كوثر سابتهم وخرجت من الڤيلا
مروان:سيبك منها هى بس متعصبه ... لما تهدى هتنسي كل اللى قالتله
عزام:انا همشي الوقت سلام
مروان:سلام
=================
فى القصر وتحديدا فى جناح زين
كارما فتحت عينيها كان زين واقف بيظبط هدومه قدام المرايه
كارما قامت:صباح الخير ياحبيبى
زين قرب وقعد جمبها وباس راسها:صباح النور ياكرملتى
كارما:انت جيت امته امبارح فضلت استناك كتير وفى الاخر نمت
زين:كنت فى مشوار كدا مع يحيي
كارما:مافيش اخبار عن مراد
زين:لا ياكارما مافيش .... ريم عامله ايه
كارما:حالتها صعبه اوى رافضه تاكل اى حاجه ومش بتبطل عياط
زين:ربنا يصبرها
كارما:يصبرها عن ايه هو مراد
زين:مالوش اثر ياكارما وسألنا فى المستشفيات اللى قريبه منهم بردو مش موجود
كارما:يعنى ممكن يكون كان فى الڤيلا بجد
زين:الظاهر كدا انا هروح الشركه ياحبيبتى
كارما:خد بالك على نفسك
زين:حاضر ياحبيبتى
(بقلم الكاتبه جنات)
=================
فى جناح حياه ويحيي
حياه:لا حول ولا قوة الا بالله .... ريم مش هتستحمل حاجه زى دى يايحيي
يحيي:ربنا يصبرها ياحياه وانتو خليكو معاها دايمااا
حياه:اكيد مش هنسيبها ابداا متخافيش ياحبيبي
يحيي:زين رن عليا هنزل انا بقي
حياه:حاضر
==================
البنات راحو لريم وحاولو معاها كتير عشان تاكل اى حاجه واخيرا وافقت بس اكلت بسيط جداا وفضلو معاها وهى دايما بتسال على زين ويحيي
الباب خبط وكارما قامت فتحت كانت نهى مسنده توفيق وكارما سندته معاها
صفاء:حضرتك تعبان ياعمى
توفيق:جيت اطمن على ريم
كارما ونهى ساعدو توفيق يقعد على كرسي قريب من السرير
توفيق:عامله ايه ياريم
ريم بصتله:الحمدلله
توفيق:احكيلى يابنتى ايه اللى حصل معاكى ... عزام عمل معاكو ايه
ريم عيطت:اخدنى غصبن عنى وخلى رجالته ضربو مراد وحرقو الڤيلا وهو جواها ياجدو
توفيق قام وقعد جمبها على السرير واخدها فى حضنه:اهدى يابنتى اهدى .... وحقك هيجيلك
ريم:انا مش عايزة غير مراد ياجدو مراد وبس
توفيق:ربنا يطمن قلبك عليه ياحبيبتى
ريم:يارب ياجدو يارب
توفيق فضل قاعد معاهم شويا وبعدها نهى رجعته اوضته
وعدى اليوم وعزام ويحيي وزين محدش فيهم رجع البيت
بالليل البنات قاعدين مع ريم وفجأه الباب اتفتح ودخل عزام وريم بصتله بكره كبير ودخل معاه واحده كبيرة فى السن ومعاها بنت تانيه
حياه:فى ايه ياعمو ومين دول
عزام:اخرجو برا انتو الاتنين
كارما:لا مش هنسيب ريم لوحدها وبعدين مين دول
عزام:مالكيش فيه
عزام شد كارما وحياه وخرجهم من الاوضه بالعافيه وقفل الباب بالمفتاح
وكارما رنت على زين وعرفته باللى حصل وقالها انهم جايين
وريم كانت مرعوبه ومش فاهمه هو عايز ايه ولا مين اللى معاه دول
عزام:ماتخفيش ياريم دى دكتورة جايه تكشف عليكى بس .... يلا يادكتورة شوفى شغلك
ريم قامت من على السرير :محدش هيكشف عليا امشي اطلع برا انت وهمااا
عزام مسك ريم وساعدته الممرضه والدكتورة طلعت حقنه من الشنطه اللى معاها وسحبت كميه من الدواا واديتها لريم اللى كانت بتحاول تقاوم ومش قادرة وعزام ماسكها بقوة
عزام:كدا انا خلصت من مراد وابنه
ريم اتصدمت لما قال كدا:ابنى انت عملت ايه
عزام:الحقنه دى هتخليكى ترتاحى منه انتى هتحسي بوجع كبير بس عادى واهو عقاب ليكى انك هربتى واتجوزتى الحيوان ده
عزام زقها بقوة على السرير
وكارما وحياه سامعين صريخ ريم وبيخبطو على الباب بقوة وصفاء كانت فى المطبخ وسمعت صوتهم وطلعت
صفاء:فيه ايه
كارما:عمو عزام جايب معاه اتنين ودخلو عند ريم وخرجنا من الاوضه
صفاء خبطت بقوة على الباب:افتح ياعزام الباب ده افتح
عزام فتح الباب وخرج ومعاه الدكتورة والممرضه وقفل على ريم بالمفتاح
صفاء:ابعد هات المفتاح ده عملت ايه فى البت
عزام:محدش ليه دعوة انا بقولكو اهووو
عزام مشي والدكتورة كمان وريم بدأ الوجع يظهر وكانت بتصرخ باعلى صوت وصفاء والبنات هيتجننو برااا
فى الوقت ده وصل زين ويحيي وسمعو صوت ريم وكسرو الباب ودخلو بسرعه كانت ريم واقعه على الارض ووشها كله غرقان عرق
كارما:هو عمل فيها ايه
صفاء:اشتال اختك بسرعه يايحيي هنوديها المستشفى
حياه جابت اسدال وساعدو ريم تلبسه اللى تقريبا فقدت الوعى والبنات لبسو بسرعه وكلهم راحو المستشفى مع ريم
(بقلم الكاتبه جنات)
===========
فى المستشفى
الكل بيستنو الدكتورة تطمنهم واول ماخرجت كلهم جرو عليها
صفاء:طمنينا يابنتى
الدكتورة:للاسف هى اخده حقنه ....
يحيي:دى حقنه ايه
الدكتورة:دى حقنه بتساعد على الاجهاض بس بيكون وجعها صعب وللاسف لان الجنين كان لسه فى الشهر التانى فقدناه وعملنا اللازم مع الام بس هى حاليا تحت تاثير المخدر لان الوجع كان صعب عليها وهى شكلها مش بتاكل كويس وجسمها ضعيف .... نطمن عليها وتخلص العلاج بتاعها وممكن تخرج بكرة ان شاء الله
زين:شكراا يادكتورة
الدكتورة:العفو
البنات كانو بيعيطو على ريم ويحيي وزين كانو فى اقصى مراحل الغضب وصفاء كانت بتدعى من قلبها على عزام
وكلهم دخلو وفضلو مع ريم اللى كانت نايمه فى عالم تانى
=================
صباح يوم جديد فى المستشفى
البنات نايمين فى الاوضه مع ريم اللى بدات تفوق
ريم بتعب:ااااااااه
كارما صحت على صوت ريم وقربت منها:ريم انتى كويسه ياحبيبتى
ريم:انا فين
كارما:احنا فى المستشفى ياحبيبتى
حياه وصفاء صحو على صوتهم وقربت من ريم: عامله ايه ياحبيبتى
ريم:تعبانه فى وجع صعب فى بطنى ياماما
كارما:طب اهدى ياحبيبتى وانا هنادى على الدكتورة
كارما فتحت الباب كان زين ويحيي قاعدين برا
زين:مالك ياكارما
ريم:نادى لدكتورة يازين ريم فاقت
يحيي:هروح اناديها
كارما دخلت تانى لريم اللى بدات تفتكر اللى حصل وحطت ايديها على بطنها:ابنى حصله حاجه ..... طمنونى ونبي
حياه وكارما بصو لبعض
حياه:اهدى ياريم عشان انتى لسه تعبانه
ريم عيطت:ابنى مات مش كدا هو قالى هيخلص عليه زى ماخلص على مراد
الباب اتفتح ودخلت الدكتورة ويحيي وزين
يحيي جرى على ريم واخدها فى حضنها بيحاول يهديها لانها كانت بتعيط بهستيريه
يحيي:اهدى ياحبيبه قلبي
ريم:موته يايحيي هو قتله
صفاء:اهدى يابنتى انتى لسه تعبانه
الدكتورة:ريم انتى اكيد اقوى من كدا لازم تهدى عشان متتعبيش اكتر
زين:هى ممكن تخرج يادكتورة
الدكتورة:ايوا ممكن تخرج النهارده بس تمشي على العلاج عشان حالتها تتحسن وكمان ياريت يكون فى راحه تامه
زين:تمام شكرا يادكتورة
الدكتورة:العفو
الدكتورة خرجت وريم لسه بتعيط فى حضن يحيي
زين:حقك علينا ياريم مقدرناش نحميكى بس ورحمه امى هجبلك حقك منه وده وعد منى
زين بص للبنات:يلا اجهزو عشان نمشي
ريم:انا مش عايزة ارجع القصر خدنى شقه مراد يايحيي عشان خاطرى ونبي
زين:لا ياريم لازم نروح القصر لحد مااخدلك حقك هنفضل فيه .... انا كان ممكن نروح الڤيلا الجديده بــ...
ريم عيطت اكتر:لا مش هدخلها من غير مراد احنا كنا بنختار كل حاجه سواا مش هقدر يازين
يحيي:اهدى ياحبيبتى عشان خاطرى
البنات وصفاء كانو بيعيطو على حاله ريم
وبعد شويا كانو بيجهزو عشان يرجعو القصر
(بقلم الكاتبه جنات)
==================
فى القصر
عزام قاعد ولا همه اللى عمله بس هو فرحان انه خلص على مراد وعلى ابنه ومستنى الوقت المناسب عشان يجوز ريم لمروان
فريده نزلت وقعدت جمبه:انت ازاى تعمل كدا فى بنتك
عزام:اطلعى منها انتى يافريده ومتتدخليش
فريده:ولا يهمنى اصلا كل اللى يهمنى فلوسي ياعزام انت فاهم
عزام:متقلقيش داخل صفقه جديده ولو تمت هتاخدى فلوسك وفوقيها بوسه كمان
فريده:لما نشوف ياعزام اخرتها معاك ايه
عزام:كل خير يافريده هانم
فى الوقت ده وصلو البنات والشباب وصفاء اللى كانت مسنده ريم هى وكارما
عزام:حمدلله على السلامه
يحيي قرب منه بغضب كبير ومسكه من رقبته وخنقه بقوة:انت مستحيل تكون اب ازاى تعمل كدا فى بنتك هااااااا
عزام كان هيموت فى ايد يحيي وزين بيكاول يبعده عنه
زين شد يحيي بعيد عن عزام اللى بيحاول ياخد نفسه بصعوبه
زين بص ليحيي:انت عايز تضيع نفسك عشان واحد زى ده
صفاء:صح يابنى متضعيش نفسك عشانه هو مايستهلش ياحبيبي
زين:كارما حياه خدو ريم على اوضتها
ريم كانت نظراتها لعزام كلها كراهيه وكانت بتتمنى تعمل زى يحيي بس تموته فى ايدها عشان تبرد النار اللى جواها
ريم طلعت مع البنات وصفاء قربت من عزام وضربته قلم بكل قوتها لدرجه ان عزام اتصدم
صفاء:طول عمرى بقول عليك شيطان ياعزام .... بس ده الشيطان يتعلم منك يااخى حسبي الله ونعمه الوكيل فيك ربنا ينتقم منك اشد انتقام على اللى بتعمله فينا
صفاء سابته وطلعت وزين ويحيي واقفين قدامه
زين:صدقنى هدفعك تمن اللى عملته وغالى جدااا وبكرة تقول ياريتنى ماوقفت فى وش زين الحديدى ولا قربت من صاحبي وخليك فاكر كلامى كويس ياعزام باشا
زين ويحيي خرجو من القصر وفريده بصت لعزام بحقد:تصدق فرحانه فيك وتستاهل اللى بيحصلك ياعزام
فريده سابته وطلعت اوضتها وعزام كان ماسك رقبته وبياخد نفسه بصعوبه
(بقلم الكاتبه جنات)
=================
فى اوضه تارا اللى قاعده تعيط لان المجوهرات بتاعتها ماجبوش المبلغ اللى رائد طلبه وخوفها بيزيد بسبب تهديداته ليها كل يوم انه هيفضحها وهينشر الصور والفيديوهات اللى معاه
وكمان لما راحت لدكتور عشان تنزل الجنين الدكتور قالها ان جسمها ضعيف ومش هتستحمل العمليه وممكن تخسر حياتها عشان كدا رفضت تعملها
وفى الوقت ده جالها مسدج من رائد وفتحته
"اتاخرتى عليا ياحلوة وعشان كدا هيكون فى غرامه عليكى والمبلغ هيزيد انا عايز ٢ مليون جنيه مش مليون واحد وكل ماتتاخرى كل ماهزود فى المبلغ واتصرفى بسرعه عشان مانزلش كل الصور والفيديوهات اللى معايا وافضحك ياتارا هانم بااااى "
تارا عيطت بقوة ومابقيتش عارفه تعمل ايه
==================
عدى اسبوعين على ابطالنا
حياه اللى بقت فى الشهر الرابع وعرفت انها هتجيب بنت وكارما بقت فى الشهر التانى بس مش قادرين يفرحو بحملهم بسبب حاله ريم اللى بقت صعبه من وقت غياب مراد اللى محدش يعرف عنه اى حاجه وكمان لما فقدت جنينها ودايما قاعده فى اوضتها ومش بتتكلم مع اى حد ودموعها اللى مش بتوقف والكل بيحاولو يخرجوها من حالتها دى
زين ويحيي اللى اقسمو على تدمير عزام وبالفعل بياخدو منه كل الصفقات المهمه لدرجه ان الشركه افلست وكل الشركات رافضه تشتغل معاه
عزام اللى هيتجنن بسبب عمايل زين وتفوقه عليه فى كل خطوه بياخدها وفريده اللى بتطلب فلوسها وهو مش قادر يجمعهم ليها
وكوثر اللى اصرت على الطلاق واجبرته يكتبلها الڤيلا اللى هى عايشه فيها مقابل الفلوس اللى اخدها منها وبالفعل عزام طلقها
توفيق بقي اللى حالته بتدهور كل يوم عن اليوم اللى قبله ومنع عزام يدخل ليه من وقت ماعرف اللى عمله فى ريم
اما بقي تارا اللى بقت فى الشهر التانى من حملها وتهديدات رائد بتزيد وهى مش قادر تجمعله المبلغ وفريده اللى هتجنن بسبب حالتها وخصوصا انها حابسه نفسها فى اوضتها وده مش من عادتهاا
اما بالنسبه لمراد اللى محدش عرف انه اى حاجه والتحقيقات وقفت وخصوصا انهم مش قادرين يوصلو لاى حاجه.....