رواية منتحر بيد غير يده
الفصل الاول1بقلم اسلام الامير
"من/تحر بيد غير يده" سلسلة ما تخبئه الأرواح بقلم اسلام الامير….
بعد يومين من حضوري جلسة النطق بالحكم في قضية مريم كلمني الضابط ايمن بدران وبلغني أنه تم تنفيذ حكم الإعد*ام في الجناه اللي قت*لوا مريم واللي هما عثمان شحاته واحمد ابو المجد
وفي اليوم دا كانت نباطشيتي في المستشفي وكانت الساعه واحده بعد منتصف الليل وكنت لسه بحاول انام ويادوب ريحت جسمي على الكنبه اللي في المكتب وخلاص هروح في النوم ولكن تليفون المكتب يرن....
ايوه مين .؟!
انا محمود يا دكتور
-خير ياعم محمود
ببلغك أن في ج*ثه وصلت لشاب لقيوه مق*تول في شقتة ياريت حضرتك تنزل تستلم الج*ثة..؟؟!
قلت لنفسي شكلها مفيهاش نوم وشكل في حق جديد محتاج يرجع لأصحابه
تمام ياعم محمود انا نازلك
نزلت بعد ما قفلت مع عم محمود ولاحظت ان المستشفي كانت فاضيه والناس اللي نباطشيتهم انهارده مرهقين من برد الشتاء وتعب اليوم
نزلت للدور الأرضي ومن الدور الارضي اخدت السلم المؤدي للبدروم اللي فيه المش*رحه
نزلت لقيت عم محمود قاعد علي الكرسي ومو*لع سيجاره وفيه أمين شرطة كالعاده مرافق للج*ثه كعادة أي ج*ثه بتوصل
قلت في إرهاق: ها الحاله دي تخص مين
-امين الشرطه- دا شاب يا دكتور لقيوه مق*تول في شقته او بمعني ادق لقيوه منت*حر
منت*حر يبني ولا مق*تول متذاولنيش معاك
-والله يا دكتور معرفش حضرتك شوف الج*ثه وانت اللي تقول هل هو منت*حر ولا مق*تول ، ودا تقرير المعمل الجنائي لو سمحت استلم وامضي علي الاستلام
مسكت القلم وبالفعل مضيت على استلام الج*ثه وامين الشرطه اتحرك ناحيه الباب علشان يمشي لكن وقفته وسألته
هي الجريمه دي تابعة لقسم شرطه ايه..؟
-قسم المندره يا دكتور
ومين الضابط اللي كان متواجد في مسرح الج*ريمه وعمل المعاينه المبدائيه للج*ثه
-الرائد ايمن بدران
ابتسمت وقلت له تمام اتفضل انت
سبت عم محمود وطلعت مكتبي طبعا بعد ما طلبت منه يدخل الج*ثه التلاجه
دخلت المكتب وانا في ايدي التقرير الخاص بالج*ثة عملت لنفسي شاي وولعت سيجارة وطلعت تليفوني وطلبت الرائد أيمن
الو...ايمن بيه ايه الاخبار
الحمد لله يا دكتور انت اخبارك ايه
انا الحمد لله بخير معلش بكلمك في وقت متأخر حبيت بس ابلغك اني استلمت الج*ثه بتاعت الشاب اللي اسمه.؟!!
سكت وبصيت على اسم الشاب في التقرير وقلت ج*ثة "يوسف احمد عبد المجيد" انا سألت أمين الشرطة اللي كان بيسلمني الحالة وقالي انك انت اللي عاينت مسرح الجر*يمه
-اه فعلا بالظبط كدا انا اللي كنت في مسرح الجر*يمه والقض*يه دي انا اللي بحقق فيها
طيب انا هقرأ التقرير وهكلمك لو عندي اي استفسار
-تمام اقرأ التقرير وفي أي وقت كلمني او تعالي المكتب علطول انا مش بروح من هناك واهو فرصة نشرب القهوة مع بعض
تمام استأذنك واسف على الازعاج مره تانيه مع السلامه
قفلت السكة مع الرائد ايمن ومسكت التقرير بتاع الشاب وبدأت اقرأ
"يوسف احمد عبد المجيد" 25 سنة
تم العثور علي جث*تة في شقته بشارع سعد زغلول بمنطقة المندره
التقرير المبدئى للج*ثة
"كانت الج*ثة ملقاة في منتصف الصاله وكان هناك جر*ح في شرايين اليد اليسرى وقد تبين من معاينة مسرح الجر*يمة ان هناك شبهة جنا*ئية وهذا ما بينته أدلة المعمل الجنا*ئى، فقد تم العثور على بصمات غير بصمات الج*ثة في المكان، وقد تمت المعاينة من فريق البحث الجن*ائي وعلى رأسهم الرائد ايمن بدران وتم تحويل الج*ثة للطب الشرعي بمستشفى الإسكندرية العام وفي انتظار تقرير الطب الشرعي…"
قفلت التقرير وقررت انام لأني كنت تعبان شويه
وبالفعل نمت لحد الصبح وصحيت علي رنة تليفون مكتبي
رديت بصوت عميق لسه صاحي وقلت....
ايوه مين..؟؟
-انا محمود يا دكتور كنت بسألك في حاجه تحب اعملها علشان هستأذن ساعتين
اه ياعم محمود دخل ادوات التش*ريح للتعقيم وكمان طلعلي ج*ثة امبارح من التلاجه
-انهي ج*ثة يا دكتور
ج*ثة يوسف ياعم محمود صحصح معايا شويه
-اوامر يا دكتور
قفلت المكالمه مع محمود وصحيت ودخلت غسلت وشي وطلبت قهوه وشربتها ونزلت للمش*رحة وكانت الساعه عشره الصبح
بالفعل كان عم محمود طلع الج*ثة وحطها على السرير
بدأت اقرب من الج*ثة وكشفت وشها وبدأت أدقق في كل التفاصيل كعادة أي طبيب شرعي
بدأت اخد عينة د*م من الشاب علشان ابعتها للمعمل علشان تتحلل ولو كان الشاب بيتع*اطي اي نوع من أنواع المخد*رات نعرف
وبدأت افتح فتحة في جانب البطن الأيسر بطول 8 سنتي علشان اخد عينه من الام*عاء واعرف هل الشاب تعرض لأي عقار س*ام ولا لا
بدأت ابص للج*رح اللي في ايد الشاب واللي كان في كف اليد اليسرى وكان بعمق 4 سنتي وقد تم ق*طع الشرايين وكادت أداة الجر*يمه ان تصل للعظم من شدة التعمق
رجعت للبطن وأخذت العينات وخيطت الغرز ومشيت طلعت علي المعمل بعد ما فضلت ساعة ونص تحت
وقتها قررت اني مكتبش التقرير الخاص بالج*ثة دلوقتي لأني كنت حاسس ان لسه محتاج اشتغل عليها اكتر
وصلت المعمل وخبطت على الباب ودخلت وكان دكتور التحاليل دكتور طه قاعد بيفطر فول وطعمية ومشغل اغنيه (انا مصمم) لبهاء سلطان
مصمم على ايه بس هو انت لسه مصالحتش خطيبتك يا طه.؟!
-دكتور علي تعالي اتفضل ، لا مصالحتهاش يا دكتور انا سبتها
ابتسمت من اسلوب طه التلقائي في الكلام وقلتله يلا معلش ربنا يعوضك
-لا لا انا زي الفل كده بعيد عنك دي كرهتني في الصنف كله، معلش بقي علي الكركبة دي الجوع بقي يعمل اكتر من كدا تعالي تعالي كل معايا
لا يا سيدي شكرا خد بقي العينات دي افحصها
دي عينة د*م عايز اعرف هل صاحبها كان بيتعا*طي اي عقار مخ*در ولا لا
ودا جزء من الامعاء لاحظت أن طه لما قلت كده قرف وساب الاكل لكن كملت وقلتله معلش بقى شغلنا وكملت كلامي وقلت دا جزء من الأمعاء حابب اعرف هل تعرضت الحالة لأي عقار سا*م ولا لا
-طيب يا دكتور عنيا
استلم النتيجه امتي.؟
بكره مش قبل كدا طبعا
-تمام هسيبك انا
طلعت مكتبي وكان في أكتر من تقرير لحالات انا شغال عليهم وبالفعل بدأت اقرأ في التقارير فضلت كدا فتره طويله محستش بالوقت وماخدتش بالي ان خلاص اليوم خلص والمغرب هيأذن
قفلت التقارير وقررت انزل المش*رحة اشتغل على حاله وصلتني من يومين لسيده زوجها قت*لها
وبالفعل نزلت للمش*رحة دخلت لغرفة عم محمود حارس المشر*حة علشان اخليه يطلع الحاله ولكن مكنش لسه رجع من بره مع انه مستأذن ساعتين بس وعدي اكتر من كدا بكتير ولسه مرجعش
قلت يمكن رجع وبيجيب حاجة من بره، دخلت قاعة التش*ريح وفتحت التلاجه وتحديداً درج رقم 24 واللي فيه الست اللي ناوي اشتغل على جث*تها النهارده
ولكن بمجرد ما فتحت الدرج اترعبت لما شوفت ج*ثة الست مش في الدرج ولقيت مكانها ج*ثة الشاب يوسف
طيب ازاي وانا متأكد ان يوسف في درج رقم 17 والست في درج 24
قلت يمكن عم محمود بدل اماكنهم ورحت ناحية درج 17 واللي فيه ج*ثه يوسف وقلت طالما ج*ثه يوسف في درج 24 يبقي اكيد ج*ثه الست في درج 17
وبمجرد ما فتحت الدرج اتص*بت بالرعب ورجعت خطوات لورا ...
وقتها شوفت ج*ثة يوسف قدام عنيا في درج 17.?!!!
طيب ازاي وانا لسه شايف ج*ثة يوسف في درج 24 ازاي اشوفها في درج 17 دلوقتي
رجعت بعيني ناحية درج 24 واللي كان لسه مفتوح ولقيت ان اللي في الدرج ج*ثه الست مش يوسف وان ج*ثه يوسف مكانها زي ما هيا في درج 17
سبت كل حاجه من ايدي ورجعت قعدت علي الكرسي وانا مش فاهم حاجه قلت لنفسي اكيد بيتهيألي
ولكن رجعت وقلت او يمكن ج*ثه يوسف عايزاني اشتغل عليها وبتلفت انتباهي لحاجة تماماً كده زي ما حصل في ج*ثة مريم قبل كدا
وقتها مكنش عندي اعصاب اشتغل وقفلت الدرجين وطلعت المكتب فوق وكنت حرفيا مرعوب وفضلت لحد الساعه 10 مساءاً في مكتبي لحد ما كلموني في الأستقبال وطلبوا مني انزل اساعدهم لأن طبيب الأستقبال مش ملاحق على المرضى هنا
ونزلت وفضلت تحت لحد الساعه 12 بعد منتصف الليل وبعدها طلعت مكتبي ونمت لحد الصبح
صحيت الساعه 9 صباحا دخلت الحمام غسلت وشي وطلبت من الممرضه تجيب ليا قهوه وولعت سيجارة وقعدت شويه بعدها طلعت تليفوني وكلمت الرائد ايمن….
ايمن بيه ايه الاخبار.؟
لو مش هزعجك هعدي عليك في المكتب دلوقتي….
قفلت ونزلت من المستشفى وركبت العربية وشغلت الكاسيت على اذاعة (نجوم FM)
عدت نص ساعه ووصلت لقسم شرطة المندره تحديداً مكتب الرائد ايمن بدران
كان في عسكري واقف على الباب
لو سمحت بلغ ايمن بيه ان دكتور علي الطيب بره
-تمام يا دكتور لحظة واحدة
دخل العسكري ومغبش كتير وخرج وقالي: اتفضل يا دكتور
ايمن بيه ايه الاخبار
-الحمد لله يا دكتور ، ايه مينفعش نشوفك الا لو في قض*يه جديدة
ضحكت وانا بقول معلش بقى مهو ضابط مباحث وطبيب شرعي هيتقابلوا في ايه غير في القض*ايا
-بدأ يضحك وهو بيقول عندك حق والله دا انا بقالي يومين مروحتش ، قولي تشرب ايه
قهوه ساده
-رفع ايمن سماعه التليفون وقال هات يبني فنجان قهوه ساده وواحد شاي
ها يا ايمن بيه ايه موضوع ج*ثة الولد اللي وصلتني امبارح
-مفيش امبارح وصل للقسم بلاغ عن وجود ج*ثة لشاب في شقة في شارع سعد زغلول وقتها اخدت قوة ورحت للعنوان، كانت الشقه مفتوحة وفي ناس كتير في المكان والج*ثة كانت مرميه على الارض في نص الصالة
طيب هو مين اللي بلغ وعرف اللي حصل ازاي اصلا.؟؟
-اللي بلغ جار يوسف اللي ساكن في الشقة اللي قصاده، وقال في الاستجواب أنه كان خارج يحط كيس الز*باله بره الشقه ولكن سمع صوت لوح زجاج بيتك*سر في شقه يوسف ف راح فوراً علي الشقه وبدأ يخبط ويرن الجرس علشان يتطمن علي يوسف ولكن أثناء التخبيط سمع برضوا صوت حاجه بتقع على الارض وصوت رجلين بتتحرك وكأن حد بيجري في الشقة
بعدها نادي علي البواب علشان يفتح الباب معاه ولما البواب وصل بدأوا يك*سروا في الباب لحد ما اتك*سر ولقيوا يوسف واقع علي الارض وبي*نزف
قلت: طيب تقرير الفحص الجن*ائي المبدئي لمسرح الجر*يمه بيقول ايه.؟!
-تمت المعاينة واكتشفوا ان في بصمات لحد غير يوسف في المكان، كمان بالفعل كان في لوح زجاج متك*سر ودا كان محطوط زينة في الصاله وفي فاظه فيها ورد متك*سرة، وكان فيه بصمات علي اوكرة الباب وعلى زجاجة مايه وعلي ريموت التليفزيون
طلعت سيجارة وولعتها واديت الرائد ايمن سيجارة وانا بقول: معني كده ان اللي كان مع احمد حد مقرب ليه وكانوا قاعدين قعده رايقه مع بعض والزجاج المتك*سر دا يأكد كلام الشخص اللي بلغ عن الج*ريمة
يعني لو في شبهه جنائية يبقي اللي عمل كدا في يوسف حد مقرب ليه وكان قاعد معاه عادى يعني مفيش تهجم أو خناقه
-بالظبط كدا بس لو في حد فعلا عمل كده يبقي ليه يختار يق*طع شرايين الض*حيه ليه يختار الطريقه دي بالذات
علشان يوحي للجميع انها حاله انت*حار طبيعيه ومفيش حد ورا اللي حصل
اعتدلت في قعدتي وكملت كلامي وقلت : في عينات انا اخدتها من الج*ثه ودخلتها للفحص وهنشوف نتيجتها ايه هل الفحص هيأكد ان الحالة هي حالة انت*حار ولا هيأكد وجود شبهة جنا*ئيه..
بس هو حضرتك استجوبت اهل الولد.؟؟
رد الرائد ايمن وقال: اه استجوبتهم ، بص الولد ابوه متو*في من سنتين وامه عايشة وليه اخ اصغر منه بسنه واخت وهي أكبر من يوسف بأربع سنين
وانا بعت لحسام اخو يوسف علشان اتكلم معاه
كمان كلهم قالوا إن يوسف كان بيفضل ديما انه يقعد لوحده فى الشقه دي وأنه كان ناوي يجهز الشقه دي ويتجوز فيها ودي شقة ابوه اشتراها ليوسف علشان يتجوز فيها
الولد يا دكتور خريج كليه زراعه وكل الجيران بيشهدوا بحس اخلاقه وانه انسان محترم جدا ومتدين جدا ومحدش اشتكى منه قبل كدا
قلت: طيب طالما شاب متعلم وناجح والناس بتشهد انه متدين ومحترم ايه اللي يدفعه للانت*حار.؟!!
-دا اللى هنعرفه بأذن الله
طيب هو مكنش ليه اي اصحاب .؟
-يوسف كانت دائرة علاقاته محدودة اصحاب الشغل واهله واتنين من صحابه المقربين بس مفيش حد تاني
طيب يا ايمن بيه حضرتك اتكلمت مع صحابه.؟؟
أصحابه المقربين اتنين عمر ودا مسافر بره مصر من سنة وسامح ودا أمرت باستدعائه لأخذ اقوله
بمجرد ما ايمن خلص كلامه كان العسكري داخل ومعاه الشاي والقهوة وبعد ما حط الحاجة على المكتب أدى التحية العسكرية وخرج
بدأت اشرب القهوه وانا ساكت والرائد أيمن ول*ع سيجارة وقدم ليا سيجارة اخدتها منه وولع*تها وانا ساكت وفجأه رنة تليفوني قط*عت الصمت دا
بصيت في التليفون كان طه المتصل
ايوه يا دكتور طه
-يا دكتور نتيجه التحاليل ظهرت وانا في انتظارك في المعمل علشان اعرضها عليك
-تمام يا دكتور بس انا مش في المستشفى دلوقتي اديني ساعه وهكون عندك مسافة السكة
قفلت مع طه والتفت للرائد ايمن واللي كان بيطفي سيجارة وبيولع غيرها وقلت: واضح ان نتيجة تحاليل العينات ظهرت هروح اتطلع عليها وهبلغك بكل التفاصيل
سبت الرائد أيمن ونزلت وركبت عربيتي في طريقي للمستشفى وانا بفكر يا ترا نتيجة التحاليل طلعت ايه....؟؟!
يتبع انتظروا الجزء الثاني قريباً بأذن الله...
ومتنساش يامرعب ان القصه دي مكمله لقصه "همسات ج*ثه" فلو انت متابعتش قصه همسات جث*ه انصحك تقرأ القصه علشان تعرف الشخصيات وتعرف ادوارهم ايه وهسبلك لينك القصه في الكومنتات
ولو انت وصلت لحد هنا متنساش تتفاعل علي القصه باللايك والكومنت الجميل كمان اعمل شير للقصه عندك ومنشن لصحابك اللي بيحبوا الرعب وقولهم في عظمه بتحصل هنا