رواية منتحر بيد غير يده الفصل الثالث3بقلم اسلام الامير
قفلت التليفون وهدير جابتلي القهوه وول*عت سيجارة وبدأت اشرب قهوتي وعدا الوقت وشويه ودخلت هدير وهي بتقول
في ظابط بره اسمه ايمن بدران عايز يدخلك يا دكتور
خليه يتفضل وهاتيلنا شاي ومتدخليش حد علينا
دخل الرائد ايمن وهو بيقول: صباح الخير يا دكتور
صباح الفل يا ايمن بيه
-كنت بتقولي ان في اخبار جديدة.؟
اه نتيجة المعمل الجنائي ظهرت
-طيب خير ايه الاخبار
تشرب ايه الاول .؟
-شاي
رنيت الجرس ودخلت هدير طلبت منها شاي وطلعت سيحارة قدمتها للرائد ايمن وانا ول*عت سيحارة وقلت: عينه الد*م وضحت ان يوسف مكنش بيتعاطي اي مخ*در، كان اخره سيجارة هو اه كان مفرط في التدخين ودا كان واضح من نسبة النيكوتين العالية اللي في الد*م ولكن زي ما قلتلك اخره سيحارة وبس
اما نتيجه الامعاء ف بينت ان يوسف اخد عقار لماده اسمها(الديبوميسين)
-ايه العقار دا يا دكتور مش فاهم؟؟
دا عقار بيفقد متعاطيه السيطره علي نفسه او حتي التحكم في اي عضو من اعضائه بمعني ادق، اللي بياخد العقار دا مش بيقدر يرفع ريشه من الارض
اعتدل ايمن في جلسته وهو بيقول ، وايه اللي يخلي يوسف ياخد حاجه زي دي.؟
باب المكتب يخبط وتدخل هدير بالشاي وسابت الشاي ومشيت وانا استأنفت الكلام وقلت: اظن ان يوسف شرب الديبوميسين بدون ما يعرف خصوصاً ان العقار دا ملهوش طعم مميز او حتي لون مميز هو زيه زي الماية يعني سهل جدا حد يدسهوله في الشاي او العصير او المايه حتي
-قصدك ان في جا*ني وهو اللي خدر يوسف وخلص عليه.؟!
بالظبط كدا ودا يأكد نظريه وجود الشبهه الجن*ائيه في الق*ضيه ويأكد ان دي مش مجرد قض*ية انت*حار عادية ودا تقرير بنتيجة المعمل يأكد كلامي
طيب دي معلومه ممتازه واهي مسكتنا طرف الخيط وهو في جا*ني في الي حصل
اعتدلت في جلستي وولعت سيجارة كمان وانا بقول: بس في حاجه تانيه...
-ايه يا دكتور قول
مسكت الاشعه والتقرير اللي بعتتهم ليا دكتوره هاجر وقتلت: اثناء فحصي لج*ثة يوسف لاحظت وجود كد*مه قوية علي ايد يوسف اليمين تحديداً منطقة المعصم ولما عملت اشعة للمعصم اكتشفت شئ غريب
اكتشقت ان في ك*سر مضاعف في معصم يوسف والك*سر دا بقالو كام يوم تحديداً من يوم الحا*دثة
رد ايمن وقال: معني كدا ان في حد اته*جم علي يوسف.؟
لا مش كدا وبس دا كمان من اثر الك*سر اكتشفت ان الضر*بة كانت بأ*له حدي*ده ادت لف*صل المعصم عن الساعد يعني مستحيل، مستحيل يوسف يقدر يمسك الة حا*ده ويق*طع شرايينه لأن بكل بساطه يوسف فقد ايده قبل ما يفقد حياته
-قال ايمن بأهتمام واضح علي ملامحة: طيب طالما الج*اني ادي يوسف عقار الديبوسمين علشان يفقده القدرة عن الدفاع عن نفسه ودا حصل بالفعل يبقي ايه لازمة ض*رب يوسف علي ايده بالشكل دا ..؟!!!!
رديت عليه وقلت: اكيد يوسف قا*وم...
-قاوم ازاي وهو واخد ماده مخ*دره.؟
قلت: الديبوسمين ممكن تأثيره يقل لو اللي اخده مفرط في شرب القهوه والسجاير وواضح ان يوسف كان بيدخن كتير وبيشرب قهوه اكتر وقتها الديبوسيمين مشتغلش بنفس المفعول المتوقع ولما الج*اني دخل علي يوسف لقاه فايق وكمان بيدافع عن نفسه فمكنش قدامه غير حل من اتنين
يا اما يهرب بعد ما ف*ضح نفسه ويوسف عرفه ومش بعيد يوسف يلم الناس عليه
ويا اما يحسم امره ويخلص علي يوسف بأي شكل علشان سره يتد*فن معاه
وواضح ان الجاني اختار الحل التانى علشان كده ضربه علي ايده ودا سبب التك*سير والصوت اللي سمعه جار يوسف اللي بلغ الشرطة
-كدا احنا اتأكدنا من ان يوسف اتق*تل منت*حرش، علي فكره انا اتكلمت مع صديق يوسف واخوه واخته كمان
صديق يوسف اسمه سامح شكري ودا انا مش مستريح ليه ولما سألته عن يوسف قالي انه مشافهوش من قبل اللي حصل بيومين
واخو يوسف اسمه حسام ودا كان طبيعي جدا ولكن ات*هم يوسف بالجنون وكمان قال ان سبب انت*حار يوسف هي حاله نفسيه سي*ئه كان بيمر بيها قبل انت*حاره
ولكن لما اتكلمت مع ريهام اخت يوسف انكرت ان يوسف كان بيمر بأي حاله نفسيه وكمان قالت انه قبل وفا*تة كان مبسوبط وهيخطب وكمان بيجهز شقتة علشان هيتجوز قريب
ولكن قالتلي ان يوسف وحسام اتخا*نقوا مع بعض بسبب الشقه وكان في بينهم مشكله قبل الحا*دثة
مكملش ايمن كلامه وكان تليفونة بيرن
-الو....ايوه يا هاشم خير.؟
طيب حلو جدا انا جايلك في الطريق متتحركش
خير يا ايمن بيه في حاجه.؟؟
-دا الملازم هاشم بيبلغني انه تم تفريغ كاميرات المراقبة بتاعت العمارة وان في حاجه لازم اشوفها، وانا دلوقتي رايح افرغ كاميرات المراقبه بتاعت العماره والشارع اللي حصلت فيه الجر*يمة
طيب حلو جدا استأذنك اجي معاك
-تمام مفيش مشاكل يا دكتور مع اني بدات اشك ان عندك ميول للمباحث اكتر من الطب
احنا بنحاول نساعد يا ايمن بيه
-ضحك وهو بيقول ماشي يلا بينا
نزلنا من المستشقي وايمن ركب عربيته واتحرك وانا ركبت عربيتي وطلعت وراه
وصلنا للعماره واستقبلنا البواب واللي بدوره جري ناحيتي وهو بيقول خير يا بيه في حاجة تانية
ايمن بص للبواب وقاله انت تعرف دكتور علي
البواب: دكتور ايه.؟!! دا ظابط مباحث وكان هنا امبارح
بصلي ايمن وقال للبواب طيب روح انت
تداركت الموقف وقلت: انا جيت امبارح للعمارة وقعدت مع البواب قلتله اني مباحث وسألته كام سؤال بس موصلتش لحاجة
ايمن: ومعرفتنيش ليه .؟
منا موصلتش لأي معلومة تفيدنا
لاحظت ان ملامح ايمن بدات تكون جادة وقالي: لو سمحت يا دكتور اي خطوه تخطيها بخصوص القض*ية تديني علم مسبق بيها كمان مينفعش تمتحن شخصية ظابط شرطة دا غلط، لو سمحت خليك مركز في شغلك وخلينا احنا نركز في شغلنا
حسيت بأحراج شديد من كلامه وقلت: محصلش حاجة لكل دا ولكن تمام يا ايمن بيه انا بس بحاول اساعد
-تمام يا دكتور
دخلنا غرفه الامن
استقبلنا شاب قدام باب الغرفة وادى التحية العسكرية للرائد ايمن، وعرفت بعد كده ان دا هو الملازم هاشم مساعد الرائد ايمن
ايمن: ايه يا هاشم كل حاجة جاهزه
هاشم: كله تمام يا ايمن بيه اتفضل
دخلنا غرفة فيها شاشتين وجهاز تحكم كانت شاشة جايبة الشارع وشاشة جايبة مدخل العمارة
هاشم: كلم فرد الامن وقاله مشي الشريط يبني
بدأنا نتفرج علي شريط اليوم اللي حصلت فيه الجر*يمة بهدوء وتمعن ومكنش في اي جديد لحد لما ايمن قال ..... وقف وقف هنا.!!!؟
لاحظنا وجود سامح قدام العماره وكان بيتلفت حوالية
ايمن: مشي يبني الشريط بس ببطئ شديد
لاحظنا ان سامح دخل العماره الساعه 11:8 صباحاً، بالظبط زي ما قالي البواب ان في حد من صحاب يوسف جاله يوم الجري*مة الصبح
دخل الساعة 11:8ولكن خرج الساعه 12:10 معني كده انه فضل فوق حوالي ساعة
ايمن: ايه اللي يخليه يكذب ويقول انه مشافش يوسف من قبل الحادثه بيومين .؟!
هاشم:مظنش سامح اللي عمل كدا لأن ببساطه هو مفضلش غير ساعه في العماره خرج الساعه 12 والحا*دثه تم الابلاغ عنها الساعه 8 مساءاً
ايمن: عادي جدا ممكن يكون عمل اللي عمله ومشي والجثه لم تكتشف غير في وقت البلاغ
هاشم: ازاي يا ايمن بيه والراجل اللي بلغ سمع صوت حد في الشقه وسمع صوت حاجات بتت*كسر معني كدا ان كان في حد مع يوسف في الشقه وقت اللي حصل
اردفت وقلت: انا بعد ما عاينت الجثه اقدر اقولكم ان الجريمه حصلت حوالي الساعه 7:30يعني قبل ساعه من نقل الجثه للمستشفي
ايمن: طيب الحد دا راح فين مع ان اللي بلغ قال انه مفارقش باب الشقه ومفيش اي حد خرج من الشقه
ولو افترضنا ان يوسف اللي اتحرك وك*سر الحاجات دي فمتنساش يا دكتور ان يوسف اتخدر بالديبوسيمين زي ما بتقول يعني مستحيل يقدر يتحرك بالسرعه اللي الراجل قال عليها دي
ايمن: هاشم حطلي سامح تحت المراقبه من دلوقتي
هاشم: تمام يا فندم
اتكلمت وقلت: ايمن بيه عندي اقتراح
اتفضل يا دكتور قول ايه هو
ليه منرحش لكل الصيدليات القريبه من المنطقه ونسأل هل حد جه الفتره الاخيره واخد ماده الديبوسيمين ولا لا وكمان نفرغ الكاميرات اللي في الصيدليات ونشوف هنلاقي ايه يمكن نوصل لحاجو
ايمن ابتسم وقال: مش بقولك يا دكتور عندك ميول للمباحث اكتر من الطب، هاشم اعملي كشف بأسماء كل الصيدليات اللي في محيط المنطقة
هاشم: تمام يا فندم 24 ساعه والكشف يكون علي مكتب سعادتك
ايمن: ومتنساش يا هاشم حراسة مشددة علي سامح ولو لاحظتوا اي حركة مش طبيعيه اقبضوا عليه فوراً
هاشم: اوامر يا فندم
قام ايمن وخرج وانا حصلته
ايمن: طيب يا دكتور انا هتحرك علي القسم ولو في جديد هبلغك
اتحرك ايمن هو وهاشم وانا كمان مشيت كالعادة علي المستشفي
واليوم خلص عادي جداً ومفيش اي جديد
تاني يوم الساعه 10 صباحاً "قسم شرطه المندره"
الرائد ايمن قاعد في مكتبه وكان بي*ولع سيحارة لما الباب خبط
ادخل
ايه يا هاشم في اخبار
-هاشم حط ملف علي المكتب قدام ايمن وقال: دا كشف بكل الصيدليات اللي في محيط العماره
بص ايمن في الملف وقال حلو جدا تعالي معايا ننزل نشوف موضوع الصيدليات دا
كان عدد الصيدليات 8 ودول اقرب حاجه للعماره
دخل الرائد ايمن اول صيدلية
صباح الخير: الرائد ايمن بدران مباحث
-اهلا يا فندم خير
كنت حابب اسألك هل في اي حد اخد منك ماده اسمها "ديبوسمين" في يوم 28 او 29 يناير
-لا والله حضرتك انا مش شغال في النوع دا
طيب لو سمحت ممكن نبص بصه علي تسجيلات كاميرات المراقبة
-تمام اتفضل
شغل الدكتور التسجيلات وطبعا سرع مرور الوقت ولكن بعد فتره محدش لاحظ اي حاجة غريبة
ونفس الكلام حصل مع تاني وتالت ورابع صيدلية
ولما وصلوا للصيدلية رقم 5 دخل ايمن
مساء الخير: الرائد ايمن بدران مباحث
-اهلا يا ايمن بيه خير في حاجة
كنت بسألك هل في حد اشتري منك ماده اسمها الديبوسيمين يوم 28 او 29 يناير .؟؟
سكت الدكتور لحظات وبعد تفكير قال: ايوه، ايوه، في حد اشتري مني الماده دي وفعلا كان يوم 28
حلو جدا تعرف اسمه او شكله .؟
-لا معرفش اسمه ولكن اعرف شكله طبعاً
خرج هاشم وبص بره الصيدليه وقال: عندك كاميرات مراقبه بره
-ايوه يا فندم اكيد عندي
رد ايمن وقال: ممكن نبص بص عليها.؟؟
-اه طبعا ممكن
ايمن: هو الشخص اللي اشتري منك الماده دي جالك وقت ايه بالظبط.؟؟
حوالي 10 الصبح
طيب خلينا نشوف الكاميرات بتقول ايه
بدأ الدكتور يشغل الكاميرات بداية من العاشره صباحاً وفضل الشريط ماشي لحد ما ايمن قال
وقف وقف هنااا... رجع الشريط حته صغيره ...كمان...كمان... بس كده زي ما انت...
كان سامح واقف بره الصيدلية وبيتلفت حواليه
ايمن: كمل يا دكتور محتاج اشوف الكاميرا اللي داخل الصيدليه
وبالفعل اشتغلت الكاميرا اللي داخل الصيدليه وشافوا ايمن وهو بيشتري المادة دي وبيدفع تمنها للدكتور
ابتسم ايمن وقال لو سمحت يا دكتور محتاج نسخة من التسجيلات دي لأن الشخص اللي اخد منك الماده دي متهم في قض*ية قت*ل
وبالفعل طلع الدكتور نسخة من التسجيلات علي فلاشة وادها لأيمن
خرج ايمن وهاشم من الصيدلية واتحركوا علي قسم الشرطة
علي باب القسم وقف ايمن وقال: هاشم تطلع فوراً وتاخد اذن نيابه بالقبض علي سامح شكري وتجيبهولي علي مكتبي
-امرك يافندم
مشي هاشم واتحرك ايمن علي مكتبة ادي العسكري الواقف قدام الباب التحية العسكرية وكمل ايمن طريقة للمكتب ولكن وقفه شخص قاعد قدام باب المكتب وشايل علي كتفه كاميرا
تجاهل ايمن الشخص اللي قاعد قدام لمكتب وفتح المكتب ودخل ولكن سمع صوت بيقول
لو سمحت.. لو سمحت ....
رجع خطوات لورا وهو ببقول خير انت مين..؟؟
-احمد الدميري مصور افراح وعندي حاجه مهمه لازم حضرتك تشوفها تخص القض*ية بتاعت يوسف عبد المجيد
تعالي اتفضل
دخل ايمن ومعاه احمد
ايمن: اتفضل اقعد وقول عايز تقول ايه انا سامعك
قعد احمد وقال: حضرتك انا اعرف يوسف الله يرحمه وكان صديق ليا ايوه مش قريبين اوي بس كنا صحاب ووقت وقوع الجر*يمه كان في فرح في الشارع اللي في ضهر العماره اللي ساكن فيها يوسف الله يرحمه وانا كنت بصور بالكاميرا بتاعتي وبعد ما الفرح خلص كنت قاعد بفرغ الشريط بتاع التصوير ولما شوفت الفديو لاحظت شئ غريب
-لاحظت ايه..؟
لاحظت ان في حد بينزل علي مواسير العماره وكان طالع من شقه يوسف ولما دققت فيه اترعبت لأني اعرفه اعرفه كويس جدا حتي بص بنفسك
فتح احمد الكاميرا وشغل الفديو وفعلا لاحظوا وجود واحد خرج في البلكونه بتاعت شقه يوسف وفضل يبص حواليه يمين وشمال وبعدها نزل علي المواسير بتاعت العماره
وقتها احمد عمل تكبير للصوره تحديداً علي وش الشخص دا وقتها ايمن ذهل من اللي شافه لأنه مكنش يتوقع ان الشخص يكون ليه يد في اللي حصل ليوسف
الشخص دا مكنش سامح لا دا كان حد تاني خالص...!!!!