رواية بين زوجتين الفصل الثالث3بقلم رويدا راشد
معتصم ثاني يوم الصبح قرر يمشي لأهل وفاء باش يصكر ع موضوع جيتها عندهم.
عماد: اخ حواء الثاني واصغر من معتصم خيرك انت فوتها حرام حواء قالت مسكينه.
معتصم: راهي البنت مسؤولية وانت للي تمد في رجليك جنب امك زي المرأه المحنيه يقصرلك هذا كله تتقيد.
عماد:😒 مسكين انت انا نتقيد ضحك 🤣😂 والله مامتغيره فيا حاجة .
معتصم:صح وجهك زي الزينقو البنت مش محرم لينا 😠 كيف بتخش للحوش.
عماد: عادي نحرم انا وياها ونتزوجها 😂 وامي تعطينا دار وتمت المشكله كلها.
معتصم: بالله فاضي انا نكلم فيك برا اشرب قهوة باش تصحصح شكلك تمشي في نومك😴.
مؤيد: صباحو ياغبي 😂.
عماد: ناقصك انا يافرخ توا اقلب وجهك من قدامي خلي نستوعب كلام خوك .
مؤيد: قتلك غبي خش ع Googl اكتب شن قلك معتصم وانشالله بإذن الله تتطلعلك الترجمه.
عماد: حذفه بالهاتف متعه 📱 يارب ارزقني بي وحدة محرم 🤲🏻 باش نرتاح منهم.
مؤيد:😂🤣 حلق اللحيه وبرا خود وشاح من اختك وانشالله تحصل المحرم يابنت.
ناجيه: مش عارفه امتا تعقلوا للي من عمركم بصغارهم وانتم 24 تناقرو في بعض.
حواء: 😏 محرومين في طفولتهم خلي يعوضوا توا.
عماد: قولي لفرختك اهيا ضم فمها 😤 خير
مانجبد لسانها ونخليها بكوشه .
مؤيد: وين الفطور وقت ع المحاضرة 📔 امتا بنلحق.
معتصم: اسكت بلا جو وانت اليوم كله في الكفتريا متع الكليه وتراقب في البنات وبس.
علي: وين ماشي يامعتصم قعمز سلم ولدي نبيك في كلمتين.
معتصم: كان ع موضوع البنت للي بيقتلها خوها فوته احنا مش الردع باش نحموها .
علي: انت هكي تقول يامعتصم ياشيخ نربحوا فيها الأجر سلم ولدي لمن بنخلوها لكلاب الشوراع .
معتصم: درت اتصالاتي وعرفت انه عنده عم بنمشيله ونتفاهم معاه.
ناجيه: ولو عمها رفض يدير حل البنت بتروح معايا مرات قطوس تسخف بيها مش ابن آدم .
معتصم:😒 وقتها ساهل لكل حادث حديث .
طلع معتصم طول بسيارته 🚗 لحوش عم وفاء وكان ياروحي يحساب بيلقى شخص طبيعي.
معتصم: وقف يضرب في المنبه لين طلعه مفتاح عم وفاء.
مفتاح: تفضل ياخوي من تبي .
معتصم: في خاطره مصح وجه وهوا من عمر بوي بيرد روحه شاب نبي مفتاح ...
مفتاح:🤨 تبيني انا خير انشالله انزل نحكو في المربوعه.
نزل معتصم وخش معاه لحوشه كان حوش ضخم وحلو عكس حوش خالد وفاء.
معتصم: كيف حالك وكيف حال صحتك وحال العيلة.
مفتاح: تمام الحمد لله.
معتصم: مانبيش نطول عليك خلي نخش في صلب الموضوع طول.
مفتاح : تفضل نسمع فيك لكن خلي نضيفك حتى فنجان قهوة ☕.
معتصم:لالا صحيت ياعمي شربت قبل مانجيك خلي نخش في الموضوع طول
انت عندك ولد خوك اسمه خالد صح.
مفتاح: صح واخد بنتي ملاك واخته توا مدايرتلهم مشاكل .
معتصم: والله قالولي لكن ماتوقعتش هكي ايصير الكلام للي تقول فيه غلط وبنت خوك في ملوحه في العيادة ومش عارفه وين تمشي.
مفتاح: ياريته قتلها وريحنا منها جابت العار للعيله.
معتصم:😠 والله العار كلامك وتصرفات بنتك للي فقلت العيله.
مفتاح: اطلع من حوشي بلا مطرود وقاعد
تتكلم قليل ادب.
طلع معتصم وفات ع الحوش متعهم اخد امه معاه وطول للعيادة🏥.
ناجيه: وين ماشي بيا فهمني بس شن فيك سلم ولدي علاش تشغل فيا.
معتصم:مش تبي تجيبي البنت معانا للحوش
خلاص انا راضى تروح معانا.
ناجيه:😒 هكي فجأة مش كنت تقول احنا مش محرم ليها شن صار توا.
معتصم:الصبح ⛅ اول ماطلعت من الحوش
طول مشيت لعمها كلمته نحسابه زي البشر يفهم لقيته كلب زي خوها.
ناجيه:😔 ربي ياخد الحق في كل ظالم يما منهم بنات ناس وضعوا بسبب اهلهم.
وفاء: خلاص روح وانت قعدت موقف خدمتك وحياتك ع خاطري انا توا وضعي تمام.
يزن: لالا مازال لين ندبرلك في مكان تقعدي فيه ماينقصك شئ لعند مانعرف كيف نتصرف.
وفاء: لالا لعند هنيا وياسر كفيت وفيت انا بنروح مع صاحبتي وامها.
وهما يحكو وتجيهم ملاك زي القدر المستعجل .
ملاك: ياسلام ع الحقارة للي انتى فيها 😠
راقدة في العسل وخوك ملوح في الحبس.
يزن: اطلعي بكرامتك خير مانجيب من يطلعك بي اما وجه تتكلمي انت.
ملاك: بنفس الوجه للي تقابل بيه انت مسيب مرتك وحوشك وتجرى وراها .
ناجيه: طول كف ع وجها اطلعي الله لاتربحك ولا تختملك للي خليتها تحتاج
لحسنة الناس.
معتصم: اوه يزن شن دير هنيا ياراجل منين تعرفها البنت .
يزن: مشالله بفضل هبال صاحبك محمد البنت قريب ماتت ظلم ضروري نصلح الغلط للي صار.
ملاك: انا مش طالعه لين تعطي التنازال لي خالد وانتى انشالله تنحرقي اخر همي.
وفاء:😤 حياتي كلها فاتت وانا ساكته وكامدة في قلبي لكن توا لالا لا .مفيش تنازال كان نموت.
ملاك: مشالله يومين طلعلك فيهم لسان كان شهر شن بيصر.
وطلعت ملاك وناجيه تجر فيها برا يزن فهم معتصم القصه كلها للي كان مش عارفها.
خديجة: الو السلام عليكم .
صفاء: وعليكم السلام كيف حالك ياعمتي كيف حال صحتك.
خديجة: لو يهمك حالي راك تسألي مش هكي حالك استاحشت نشوف البنات ويزن كل مانتصل بيه يقول مشغول شن صاير بزبط.
صفاء: انا ويزن متعاركين لينا اسبوع وانا والبنات في حوش امي.
خديجة:😱 هكي يصير وانا اخر من يعلم صحيتوا .
صفاء: اليوم انجيك ياعمتي ونفهمك ع كل شئ .
خديجة:😭 تعاليلي اليوم ماتخلينيش مشغولة عليكم .
سكرت صفاء وحكت لي امها الكلام كله وطبعا تستنى في الأوامر منها.
زينب: هاذي فرصة وجاتك لعندك بري ابكي واشكي قدام عجوزك.
آلاء: ايه كيف ماقتلك امك وتوا توقف معاك هيا ولا نقولك خودي ملابسك انتى وصغارك واقعدي عندها.
صفاء: نخاف يكردني يزن راهو مش طايق يشوف لوجهي بكل.
زينب: امتصي غصبه حتى يعيط انتى اسكتي وقوليله حقك عليا.
محمد: السلام عليكم شكله اجتماع القمة الإفريقية شن المخطط الجديد اعطونا علم ياسر صدمات.
آلاء: كاكاك كاكا هذا فاش فالح المشاكل كلها من تحت رأسك ياوجه النحس.
محمد: والله مافي نحس وانتي عايشة ياآلاء راجل.
صفاء: مرح فرح هيا ياماما بنروحوا حلوا
مشاكلكم بروحكم .
معتصم: هذا كله صاير معاك وانا اخر من يعلم والحيوان خالد هذا كيف هكي يدير.
يزن: وين نعرف انك اخ صاحبتها ربي يسهل
الأمور وخلاص وكل شئ يخص وفاء انا رقبتي سدادة.
معتصم: عيب عليك ياراجل نديرو في الخير في الغريب يابال للي لينا.
يزن: تمامانا ماشي نخلص العيادة🏥 وبنمشي لصاحبي في المركز نخلي خوها يوقع تعاهد انه اي شئ يصير معاها هوا المسؤول قدام القانون.
معتصم: فعلا هذا الصح وقتها ختي يطلع مانخافوش عليها منه.
وفاء روحت مع ناجيه ويزن لحوشهم 🏠
صعب لما تحس روحك عايش بلا سند.
حواء:😭 الحمدلله ع سلامتك ياروحي طهورا.
وفاء: حضنتها وتبكي فرحانه انها طلعت من الموت وتبكي ع خوها للي ظالمها.
معتصم: تفضلي اختي هذا حوشك الثاني واي شئ يلزمك مايردك غير لسانك طول اطلبي.
وفاء: شكرا انشالله في ميزان حسناتك.
ناجيه: عيب عليك راك زي بنتي حواء وانتى تعرفي غلاوة امك عندي.
عماد: معتصم تعالى نبيك كلمتين في المربوعه 😏.
معتصم:شن تبي مني هذا وين شفتني يعني جايك اليوم.
عماد: اسمع الفرخه طلعت طرف 🤤 وانا مانوعدكمش بشئ الشيطان شاطر زيتنا في دقيقنا زوجوني 😁.
معتصم:😤 مؤيد تعالى قبل مانقتله شوفه شن يقول .
مؤيد: رقبتك توجع فيك ضروري ماتحصل الضرب وقته كلامك اهو وخفت دمك.
عماد:😁😁 تغيرت جو ياراجل .
معتصم: كلمتين ماليهمش ثالث الحوش معاش ينخش الحمام متع المربوعه نستخدموه .
مؤيد: باهي لو نبي ملابسي ولا حاجة من المطبخ كيف ايصير.
معتصم: مفكر لكل شئ المخزن الخارجي غدوا نجيب عمال ونديروه مطبخ نمشوا بيه.
عماد: ملحق 😁 نقدر نتزوج فيه انا والبنت.
مؤيد: ربي يصبرني انا عندي قرايه نمشي نقرأ كلمتين خير.
يزن: الو محمد اسكع انا مروح للحوش باهي خليك في السوق ابصر شن صاير فيه.
محمد: وانت شن بدير توا قصة وفاء وتمت
شن في رأسك .
يزن:😏 غالط هذا وين بدت قصتها وفاء من قال تمت.
محمد:😱 شن قصدك اكيد تبصر.
يزن: خلي نروح امي من بكري تتصل بيا شويه نشوفها وانجيك.
محمد:ربي يستر منك وخلاص.
وصل يزن لحوشهم وكانش يعرف انه صفاء عندهم.
خديجة:😠 شن للي مدايره هكي انا ربيتك
والله والله تفكر طلق صفاء ترحم عليك جنازتي .
يزن:😲 خيرك يما شن فيك شن مداير باش هكي نسمع .
خديجة: ماشي تحب وتعشق وضارب مرتك ومامخلي ماداير فيها وتتكلم.
يزن: هنيا فهمت انه صفاء كذبت عليها قررت نتصرف بنفس طريقتها.
صفاء: جت تجري لحضني سامحني انا مش قصدي للي صار لكن غيرتي عمت عيوني.
يزن: هيا تهالي انتى والصغار بنروحوا للحوش ياسر مشاكل .
صفاء:😍 تمام شويه وجايه انا وياهم .
معقولة يزن حق سامح صفاء ع كل شئ صار بسببها .
...... متابعه لحسابي
#بين زوجتين
صفاء:حطت يدها ع يد يزن وهوا يسوق حبيبي سامحتني بجد انا مش مصدقه.
يزن: علاش مش مصدقه 😏 مش قلتي هذا للي صار كله لانك تغاري عليا.
صفاء: اكيد نغار عليك انت حب حياتي ومستحيل نخلي اي وحدة تاخدك مني.
يزن: خليني توا نعرف نسوق مش وقت الرومنسيات اهيا .
صفاء:😔 معناها قاعد مضايق مني مش طبعك تقولي هكي.
يزن: قدامه مق قهوة كبه ع الأرض تقدري ترجعي القهوة مكانها.
صفاء:🤨 اكيد لا انكبت تحت مستحيل نقدر نرجعها.
يزن: هذا للي صار بيني وبينك كنت ملكك بين ايديك وانت فرطتي فيا .
صفاء: نعرف اني غلطتت وهلبا مش شويه 😭 لكن ع خاطر الحب والعشره للي بينا سامحني.
يزن: انا قتلك نوصلوا الحوش ونحكو ومتخافيش مش مطلقك ومازال نصرف عليك زي قبل واكثر.
صفاء: اخر همي الفلوس همي انت لو ضعت مني انت شن فايدت الفلوس .
وصلوا بعد شويه للحوش والطريق كلها وهوا يكلم في بناته وهيا كانها مش موجودة.
يزن: الدار هاذي انتي بتقعدي فيها والدار الخاصة بي مبيت الضيوف وحمامها انا بنقعد فيها.
صفاء: بالله يايزن ماتقسى عليا هكي والله ندمت ومستعدة ندير كل شئ تطلبه.
يزن: مرات معاش ينفع الندم في شئ بعد يكون الغلط اكبر من كل الحدود.
خالد:وربي مافي واحد قاتلها غيري لكن غير توا تفوت فترة وتوا تشوف.
ملاك: كانك شفتها كيف راقدة وهوا واقف فوق رأسها تقول مرته .
خالد: بصوت عالي ملاك ضمي فمك معاش نبي نسمع شئ عليهم .
ملاك: اه نسيت كيف بتتصرف وانت كنت تخدم عنده وتوا بعد مصيبة اختك صاعب تقعد معاه.
خالد: انا همي أكبر من موضوع العمل وانتى تفكيرك غير في الفلوس .
معتصم: صباح الخير حواء اطلعي شويه قدام الباب بنعطيك بضاعه اعطيها لي صاحبتك.
حواء:😴 اه توا الساعة سبعة تحلم انت يامعتصم ولاشن .
معتصم: نوضي ياحمارة بمن بنتصل معدنيش حد ثاني قبل ماتفيق البنت مرات
تطلع.
حواء: جايه جايه مكتوب عليا التعب والشقاء
الله غالب.
وفاء:😪 خيرك يافرخة فايقة بكرى قوليله بعدين نكلمك مش وقتك توا.
معتصم:😲 ع من تحكي هاذي شن قصدها في من تكلمي انتى.
حواء:😖 تحلم هاذي من يومها هكي قتلك مازال مبكرى مانبيش نفيقها.
عماد: ياسلام 😏 الراجل جايب الخير كله باش بيطلع فالح قدام الطرف.
معتصم: نبي نفهم انت امتا اتجئ وامتا تمشي معاش عرفت شئ زي الجن وشن هذا للي جايبه معاك.
عماد: حاجات لزوم النظافة الشخصية للبنت
ماهوا عندها طلبات خاصه.
معتصم: وانت ياأبو العريف تفهم في الحاجات هاذي وريني خلي نشوف شن جايب.
عماد:😒 مافيش لين نشوف شن جايب انت باش نخليك تشوف شن جايب انا.
معتصم: هات بلا جو فروخ واخد البضاعه منه وهوا يشوف 😱😱 حمار وين عقلك انت.
حواء: كيف تفتح في باب الحوش والمربوعة
جنب باب الحوش بزبط.
معتصم للي لاقها طالعها وحذفها في المربوعة جت ع وجه مؤيد وهوا راقد.
معتصم: هاك هاذي حاجات للبنت وأي شئ ينقصها اطلبي طول.
حواء: مشالله ع الحن للي انتم فيه حتى عماد الفاشل مكلف نفسه.
عماد:😤 ضمي فمك ياحيوانه مقيولة من قبل أسود رأس مافيش خير.
حواء: كان مشكلتك معاي لون الشعر نغيره أصفر أحمر أخضر 😂🤣.
معتصم: خلاص بري خشي توا تفيق البنت وماتلقاش حد معاها.
حواء: معتصم خوي انا اختكم راهو يعني نطلع ونخش في حوشنا ع كيفي مش بتقيدني ع خاطر وفاء .
خشت حواء وهيا راقيلها من خوتها للي رابطينها بي وفاء وهيا تبي ترجع للعمل ومش عارفه كيف تقولها .
مؤيد: فتح عيونه لاقى القطن النسائي ملوح ع وجه 😲 هذا شن من فيكم دار عملية تحول .
معتصم: اسكت هذا خوك الحنين بيدير الواجب مع البنت جايب هذا شن بتقول علينا ياحمار .
عماد: هاذي سنة الحياة ومافيش عيب .
مؤيد:🙊 لالا مش عيب جريمه اهو للي جبته شن خليت انت.
حواء: وفاء نوضي اغسلي وجهك وتعالي جربي التوتات والملابس للي جابها معتصم.
وفاء:😳 ليا انا منين عرف مقاسي غريبه
وعلاش مكلف روحه اهو نلبس معاك وماشية الأمور.
حواء: اه سألني انا وعطيته مقاسك منين بيعرف يعني.
ناجية: وفاء حواء هيا تعالوا باش تاكلوا الفطور جاهز.
وفاء: شوفي حواء محلاها التوتة هاذي كيف جت عليا تهبل تعالي ألبسي انت الثانيه ☺.
حواء: الله انا اصلا عجبتني 😚 تسلمي ياروحي انتى.
وفاء: خلي نشوف للي جابه عماد ☺ ياروحي شامبو وبلسم ولوشن واقي شمس لالا هلبا هكي ربي يحفظهم .
حواء:😁 مش عارفه منين جتهم الحنيه هاذي انا مصدومة فيهم.
محمد: الو حبي❤.
حواء: باهي للي خطرت ع بالك نحسابك نسيتني الحق.
محمد: معقوله ننساك وانتى وليتي نبضي كيف حالك وحال وفاء توا.
حواء: مش تمام حالي ليا ثلاثة أيام مانعرف شئ عليك وانت مش هكي عودتني .
محمد: تعرفي الوضع كيف وكنت مع يزن 24 ساعه وضعه مش عاجبني.
حواء: ذكرتني شن صار في المريضة بنت عمتك للي دارت الفيلم هذا كله .
محمد: روحت لحوشها مع راجلها وانا هزبت آلاء لين شبعت لانها السبب.
حواء:😠 معقولة تم كل شى وسامحها بالساهل هكي .
محمد: هاذي اسمها مرته تعرفي شن معناها ام بناته ومهما كان الغلط للي دارته يزن قام بالواجب وزيادة.
حواء: وفاء وقعدتها برا حوشهم وخوها للي قريب قتلها كله من تحت رأسها الغجيره هاذي.
محمد: مش موضوعنا توا وفاء ويزن وصفاء متصل باش نقولك انا مجهزلك مفاجأة .
حواء:😲 شن فيه بديت نخاف منها مفجأتك اخر مرة قريب صارت بسببنا مجزرة.
محمد:😂🤣 وربي مجنونة نوعدك معاش فيه مشاكل وللي بنديره اليوم راحة ليك وليا.
حواء: باهي احكيلي علاش تخلي فيا مشغولة ونفكر 😖.
محمد: توا تسمعي شن فيه لكن مش مني من اهلك .
وسكرت الخط ومشت تفكر هيا وفاء وعقلها مع محمد.
يزن: صباح الخير ياوجه العمايل وين انت.
محمد: انا في السوق وين بنكون يعني تعالى اوقف ع رزقك مش ديرلي جو نفسيتي صفر ومش عارف شن.
يزن: نفسيتي قهرتك جايك ضروري نحضر اللحظة التاريخية.
محمد: والله ماني عارف كيف بتكون ردة فعله لكن ياجت معايا ياجت عليا.
يزن: ناقص يقولك لا. بعد للي صار ع خاطرك انت وياها.
محمد: باهي سكر الخط معتصم في الإنتظار خلي نقوله نتلاقو في السوق.
يزن: تم ياقلم جايكم طيار ✈️.
صفاء:🚪 يزن تعالى كان تبي تفطر نستنوا فيك .
يزن:فتح الباب وشافلها ع جنب 😒 ليا سنتين نطلع بلا فطور تعودت ع قلته كولي انتى والبنات.
صفاء: راني بشر اضربني اقتلني وماتكلمنيش هكي 😭.
يزن: امسحي دموعك توا البنات يشوفك اليوم بنفطر ع خاطرهم ومره ثانيه تعودي ع
عدم وجودي.
مرح وفرح: ثباح الحير بابا.
يزن: ههههه حير 🤣😂 اسمها خير ياروحي انتم صباحكم عسل زيكم شن طلباتكم بسرعه.
مرح : انا شكلاته فرح وانا شبسي واندومي .
يزن:🤨 شن جديدة الإندومي هاذي من امتا تاكلوا فيها.
مرح: ماهو لما كنا عند ماما زينب خالتي آلاء
ديما جايبلنا فيها.
يزن:مشالله 😤 هيا خشت حتى في حياتكم انتم .
صفاء: مش ديما مره مره كانت تجيب فيها عادي شن المشكلة.
يزن:انتى مستحيل تفرق معاك ماهو عندك كله عادي مش غير هاذي.
وطلع وخلا الفطور خلاص يابابا بوسه هيا بنطلع توا.
معتصم: اهلين بي الزعيم محمد شن امورك .
محمد: الحمدلله شن الوضع عندكم في الحوش بعد الضيفه الجديدة.
معتصم: اوه اهو المعلم يزن وصل خلي نسلم ونحكيلكم شن امورك تمام.
يزن: والله بعد مشيت وخليت خالد يوقع ع تعاهد توا اموري تمام.
معتصم: المهم خلي نحكيلكم اول ماامي قالت بتروح بيها انا قلت لا تعرفوا حوش فيه شباب واحنا مش محرم ليها.
يزن: والله هذا للي فكرت فيه حتى انا لكن بعد عرفت انه في حوشكم طمنت وهم وزاح.
معتصم: مشيت لحوش عمها وعرفت انه مرت خوها العقرب تكون بنت عمها في نفس الوقت.
محمد:😲 معقولة دمها بارد هاذي يجري في عروقهم نفس الدم كيف دير فيها هكي .
معتصم: القصة مش هنيا الكارثة الكبيره في عمها حكيتله وقتله البنت ملوحه في العيادة وعيب الغريب يوقف معاها وانتم لا.
يزن:😏 بالله شن رد عليك لو خوها فرط فيها متوقع عمها بيوقف معاها.
معتصم: قال ياريته قتلها وكفنا من العار للي دارته كأنه دارت جريمه.
محمد: ياودي موضوع طويل ويصعب شرحه ناس مريضه ومرات للي صار معاها لي صالحها باش تطلع وترتاح منهم.
معتصم: والله حتى انا هكي قلت ربي سخر يزن باش ينقدها من الموت وينكتبلها عمر جديد بعيد عليهم.
يزن: اسمع يامعتصم أي شى ينقصها والله مانسامحك لو ماتقولش .
معتصم: عيب عليك الكلام هذا شن قصدك معقوله نخليها لين تحتاج راهي توا سعرها من سعر اختي كون هاني.
محمد: اسمع يامعتصم انا كلمتك والله في موضوع بنقوله ومش عارف منين نبدا فيه.
معتصم: تكلم ياصاحبي والله مايردك غير لسانك لو نقدر رقبتي سدادة.
يزن: وهذا العشم فيك يامعتصم خلي نختصر عليكم المقدمات محمد شاف اختك في العيادة اول ليلة وعجباته ومن وقتها وهوا موجعلي رأسي.
معتصم: اوه صار بندأ نقولك ابونسيب هاذي الساعة المباركه وانا نلقى خير منك .
محمد: بارك فيك والفال ليك امتا يساعدك
نجيب امي.
يزن: بلا جو الرسميات اهو دق الحديد وهوا حامي خلوها العصر.
معتصم: تم والله كلمتك ماني مطيحها توا نتصل بي بوي والعيله نعطيهم علم.
محمد: خلاص ميه ميه والله كنت خايف تأجل واناالحق نبي ندير شئ رسمي.
يزن: قعمز يامعتصم مازال ماشبعنا من شوفتك وين ماشي.
معتصم: بنمشي نجيب بضاعه للحوش لزوم
الضيافه لي محمد واهله وتعالى انت معاه يايزن.
يزن: جاي بذون حتى ماتقولو ناقص غير انا تعزموني.
طلع معتصم وهوا طالع طول اتصل بي امه وقلها.
وفاء: الجو كساد واحنا تعودنا ع العمل زعمك شن صاير في المحل .
حواء: عمي خليفه كلم معتصم وقله توا بنجيب عمال يمشوا العمل لين تقرر وفاء شن بدير.
وفاء: كلمي خوك معتصم قوليله نبي نرجع للعمل بالله عليك ياحواء.
حواء: كلمته قلي خايف خوك ايجيك وتصير مشكله وبعدين كيف بيتصرف لكن توا نزيد نحاول معاه.
ناجيه: خشت تزغرت مبروك يابنتي وحضنت حواء.
حواء:🤨 شن فيه حتى القرايه مكملتها ع شن مبروك فهميني بس.
ناجيه: في ناس جايين العشيه يخطبو فيك الفال ليك ياوفاء الحمدلله.
حواء:😔 انشالله خير .
طلعت ناجيه تجري وتجهز وحواء مضايقة تفكر في محمد.
وفاء: خيرك معقولة هكي وجهك وانتى انشالله ربي يسهلك وتتزوجي .
حواء: نفكر في محمد ليا سنين عمرى مافكرت نحب ولا ندير علاقه وقت درتها ننخطب .
وفاء: علاش هكي تقولي اتصلي بي محمد وتاكدي قبل وبعدين ساهل.
حواء: حق وين الهاتف📱 شدت هاتفها وبدت تتصل بيه لين رد.
محمد: الو حبي خيرك شن ياروحي.
حواء: بنسألك انت جاي العشيه لحوشنا .
محمد: لالا مش انا علاش فيه حاجة احكي من بيجيكم.
حواء:😭😭 عرفتك مش انت مستحيل تكمل معايا في شئ في ناس جايين.
محمد:😏 امسحي دموعك حبي واغسلي وجهك باش تستقبلي ضيوفك وانتى قمر 🌝
منور.
سكرت حواء وقعدت تبكي سيبني ياوفاء طول قلي استقبلي ضيوفك .
وفاء: ياسرك بكاء عيونك تتورم نوضي اغسلي وجهك واضحكي ولو فيه الخير ليك
راهو ربي سخر الحال بينكم.