رواية ما بين اللقاء والدعاء الفصل الرابع4بقلم سارة عبدالباري
في المساء كانت تجلس نور امام جهاز التلفزيون تتناول كأس من الشاى.
سمعت صوت غلق الباب فعلمت انه مصطفى لان هذا موعد رجوعه من العمل.
مصطفى بابتسامه مساء الخير.
نور مساء النور يا مصطفى اجهزلك العشاء.
مصطفى بابتسامه بعد ان جلس ياريت والله انا ميت من الجوع.
نور حالا خمس دقايق ويبقي الاكل على السفرة.
ذهبت نور الى المطبخ واعدت العشاء ثم وضعته على السفرة.
مصطفى مش هتتعشي.
نور بالهنا انت انا سبقتك تعشيت معاهم.
تناول العشاء بصمت حتي قطع هذا الصمت صوتها هو انا ممكن أسأل سؤال.
مصطفى بابتسامه اكيد طبعا يانور ثم اكمل ممازح وبعدين متى متى الاحترام دة يابنتى.
نور. ياعنى هو انت لى كل شويه بتعمل معايا مشاكل بالرغم انى والله مابكون قاصدة ازعلك.
نظر لها مصطفى بحزن وبدأ يتحدث
انا يانور بعمل معاكى مشاكل.
بالعكس انتى اللى مش بتستحملى
كلامى ودة مزعلنى جدآ عارفه من
يوم ماجيتى سكنتى عندنا وانا
بعزك وبعتبرك زى ريم ربنا يعلم
غلاوتك عندى ومش بكون قاصد
ازعلك انتى بتاخدى الموضوع من
زاويه وحدة وبتتسرعي وانا
بصراحه بكرة الغباء. وعموما
ياستى انا اسف على كل حاجه
واوعدك انى مش هزعلك تانى ابدا يا ست البنات.
نظره له بابتسامه رضا عن حديثه فبدأت الحديث بارتباك انا اللى اسفه .تحب اعملك شاى .
مصطفى بابتسامه لا هدخل انام تسلمي يانور تصبحي على خير.
نور بابتسامه وانت من اهله.
---
يوم الجمعة – في بيت عائلة ريم بعد صلاة العصر
الجو في البيت مختلف… هدوء
يشبه وقار المناسبات الكبيرة.
ريم كانت في غرفتها ترتدي عباءة بلون بيج هادئ وطرحة من الشيفون تغطي شعرها بالكامل ومكياج خفيف جدًا لا يكاد يُرى.
قلبها يدق ليس خوفًا بل خجلًا وحياءً.
طرقت الام الباب ودخلت.
يلا يا ريم ياسين وصل وقاعد مع
بابا لما تجهزي تعالي معايا.
ريم بصوت مرتعش حاضر يا ماما
قبل أن تنهض وقفت أمام المرآة وقالت في نفسها:
يا رب اجعلني سببًا لسعادة عبدٍ من عبادك واجعل منه سكنًا ولباسًا لي."
نظرت لها نور بابتسامه صافيه ماشاء الله يا ريم شكلك زى القمر
نظرت لها ريم بفرحه تسلمي يا نور انتى اللى جميله ماشاء الله عقبالك يا رب.
نظره لها نور بفرحه يارب يا حبيبتي يا رب.
في الصالون – بعد دقائق
كان ياسين يجلس على كنبة بسيطة بجواره والده وعيناه إلى الأسفل
في وقار. سمع صوت حركة في
الغرفة فرفع بصره للحظة ثم
خفضه بسرعة وعيناه لمعت دون مبالغة.
ريم تدخل بخطوات خفيفة تجلس بجوار والدتها في صمت تام.
الأب مبتسمًا.
ممكن تتكلموا شوية لو تحبوا طبعًا في وجودنا بس علشان ترتاحوا لبعض.
نظر ياسمين إلى ريم نظرة سريعة متأدبة، ثم قال
أنا مش هطول بس حبيت أقولك يا
ريم إني من أول مرة شوفتك فيها
حسيت إنك دعوة قديمة كنت بدعيها وربنا خبّاها لوقتها.
أنا راجل بسيط حياتي لله وبدور
على زوجة مش بس تعيش معايا
لكن تعينني على طاعة ربنا ونربي سوا جيل صالح.
ريم (بصوت خافت وعينين خجولتين):
وهو ده اللي كنت بدور عليه بيت نبدأه برضا ربناونبني فيه السكينة والمعنى.
أنا شخصية هادئةومش دايمًا بتكلم كتير بس قلبي مليان نية طيبة.
ياسين بابتسامه
قال تعالى:
"وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا، وَجَعَلَ بَيْنَكُم مَّوَدَّةً وَرَحْمَةً"
وإن شاء الله تكوني سكني ومودتي.
نظر الاب لريم
تحبي نكمل في الإجراءات ونحدد كتب الكتاب؟
ريم (بنظرة خجل وسكون):
لو ده رضا ربنا يبقى رضايا فيه.
دعا لهم الاب .
"اللهم اجعل هذا اللقاء بداية خير
وارزقهما السكينة في الدنيا والجنة في الآخرة."
في يوم كتب الكتاب.
في قاعة بسيطه مزينه بالورود في كل مكان وكانت العزومة تقتصر على العاءلتين فقط بناء على رغبه العروسين.
كانت ريم ترتدي فستان بسيط من اللون الابيض وطرحه من التل وتاج زادها جمالا مع بعض لمسات الميكب الخيف وكان ياسين يجلس بجوارها مرتدى حله من اللون الاسود.
المأزون موجه الكلام لريم تقبلى الجواز من الشيخ ياسين على سنه الله ورسوله.
نظرت له ريم بحياء نعم قبلت.
ثم نظر الى ياسين تقبل الزواج من ريم على سنه الله ورسوله.
هز رأسه بموافقة نعم قبلت.
اكمل المأزون الإجراءات مختتم بجمله بارك الله لكما وبارك عليكما وجمع بينكما في خير.
صوت الزعاريد يملأ المكان في بهجه وسرور. نظر لها ياسين ثم ابتسم بوقار مبارك عليا وجودك في حياتي يا ريم.
نظرت له ريم بابتسامه صافيه وخجل الله يبارك فيك يا ياسين.
بينما كان مصطفى يمر سمع صوت شهقات في زاويه القاعه نظر وجدها تبكى بحرقة كالاطفال انفطر قلبه لأجلها ثم اقترب منها وبدأ في الحديث.
مصطفى بحزن نور مالك بتبكى ليه كدا حصل حاجه حد دايقك.
نور بحزن ببكى علشان ريم خلاص كلها شهرين تلاته بالكتير وهتمشى من البيت وانا هفضل لوحدى.
مد لها مصطفى منديل ثم بدأ الحديث. طيب ممكن تهدى وتمسحى دموعك. اولا اى بنوته مصيرها تتجوز وتسيب بيت اهلها ثانيا انتى مش لوحدك انا معاكى ومش هسيبك ابدا. نظر لها بارتباك مصححا حديثه قصدي كلنا معاكى انا وبابا وماما.
نظرت له نور بابتسامه شكرا يا مصطفى. وشكرا على المنديل.
نظر لها ممازحا العفو يا ستى ويلا بقي احسن حد يلاحظ انك بتبكى وكدا ريم ممكن تزعل تعالى نبارك ليهم وعقبالك.
هزت راسها بموافقة. وعقبالك انت كمان.
ذهب مصطفى بجوار اخته وبارك واحتضنها بكل حب مبارك يا ست البنات.
نظرت له ريم بفرحه وابتسامه الله يبارك فيك يا مصطفى وعقبالك يارب يا حبيبي.
تسلمي يا قمر. ثم اقترب من ياسين وبارك له وتمنى لهم السعادة.
اقتربت نور من ريم واحتضنتها. مبارك يا حبيبتي ربنا يسعدكم يارب. شكلك زى القمر.
ريم بفرحه الله يبارك فيكي يا حبيبتي وعقبالك يارب.
_في اليوم التالى.
كانت الشمس تميل للغروب والجو لطيف . ريم تمشي
بجانب ياسين في ممر الحديقة على استحياء، تتلفت أحيانًا وتنظر للأرض.
تحدث ياسين بهدوء
عارفة يا ريم وأنا جاي النهارده كنت حاسس كأني داخل على امتحان شفوي.
ابتسمت ريم بخجل
ليه؟ أنت اللي بتعلم الناس مش المفروض تكون متعود؟
ياسين
آه لكن ده أول امتحان قدام زوجتى اللي بدعي ربنا كل يوم تكون راحتي وسكني
نظرت له ريم بخجل
أنا كمان كنت متوترة بس طول الوقت بدعي "رب اجعلني له كما يحب واجعله لي كما أحب وبارك لنا."
ياسين بتأثر.
جميل قوي دعائك فعلاً
ثم يصمت لحظة ينظر حوله ويقول
شايفة الدنيا هادية إزاي؟
هو ده اللي كنت بحلم بيه هدوء في القلب في البيت وفي المرافقة.
ريم بابتسامه
يعني أنا مش بس زوجتك أنا كمان مرافقتك في طريق الطاعة؟
نظر لها ياسين بحب.
إنتِ المرافقةوالدعاء والنعمة اللي كنت بستناها
(ثم اضاف بهدوء.
قال النبي ﷺ:
"الدنيا متاع وخير متاع الدنيا الزوجه الصالحة."
وإنتِ خير متاع رزقني بيه ربنا.
شعرت ريم بفرحه عارمه.
وإنت نعمة كنت بستحي أطلبها. لكن ربنا أعطاني أكتر مما أتمنى.
ياسين بابتسامه
تفتكري أول مكان نزوره بعد الزواج فين الحرم ولا المدينة؟
ريم بدهشه وفرحه
تحب نبدأ حياتنا بعمرة؟
ياسين:
ليه لأ نبدأها بسجدة في الحرم. بين دموعنا ونقول: "اللهم بارك لنا في زواجنا واغفر لنا وارزقنا السعادة في الدنيا والآخرة."
ريم بفرحه
والله حلم جميل وأتمنى يتحقق.
نظر لها ياسين بحب ان شاء الله مع بعض هحقق لك كل أحلامك.
نظرت له نظرة رضا وان شاء الله ربنا يقدرني واسعدك يا ياسين.
_
في منزل ريم.
الأب خير يا ابنى مجمعنا ليه كدا مش عوايدك قلقتنى.
مصطفى بابتسامه خير ان شاء الله يا بابا متقلقش بص يا بابا بصراحه انا عايز اتجوز نور.
الام بفرحه وابتسامه يا الف نهار ابيض دة احلى خبر يا حبيبي.
نظر مصطفى لابيه بقلق جرا اى حاج مش هتقولى انت كمان يا الف نهار ابيض ولا اى.
الاب بضحك انا عن نفسي معنديش مشكلة يا ابنى بس الرأى الأول والاخير لصاحبه الشأن نور من ساعه باباها ومامتها ماتوفو وهى مسؤوله منى. انا هسالها واللى فيه الخير يقدمه ربنا.
بينما كانت نور تجلس في غرفتها سمعت طرقات على الباب. ادخل.
وماان راته ابتسمت نور بحنان اتفضل يا عمو.
جلس بجوارها ثم بدأ التحدث بحنان طمنيني عنك يا نور.
انا بخير الحمد لله يا عمو.
بصي يا بنتى بصراحه كدا مصطفى ابنى عايز يتجوزك بس انا قولت اخد رايك الأول صلى استخاره وقولى رايك وانا مش عايزك تتحرجى انتو الاتنين اولادى وحتى لو رفضتى ليكى حريه ال .
نور بابتسامه لا يا عمو أرفض اى قصدي ياعنى اللى حضرتك تشوفه.
استشعر من حديثها انها موافقه ياعنى نتوكل على الله.
هزت رأسها بموافقة اخدها في حضنه ثم ابتسم وتمنى لها السعادة.