رواية احببت قاتلي الفصل السادس6بقلم مني الصاوي
دي كانت حكايتي وبدل ما ادخل دنيا جديده خرجت من
الدنيا انا بقالي فتره مش بخرج من بيت عمي غير علي بيت
عمر اطمن علي باباه ومامته باباه من الصدمه اتشل
ومبقاش لهم حد غيري بس التهارده قررت اني لازم اعرف كل
حاجه عن يوسف علام اه نسيت اقولكم ان النيابه برئته من
التهمه بس انا متاكده انه هو اللي عمل كده وحرمني من حب
عمرى وقررت اني لازم اخد بتارى وتار عمر اللي حرمني منه
عرفت انه بيسهر كل يوم في النادي اللي بالصدفه انا كمان
عضوه فيه لازم اتعرف عليه بطريقه طبيعيه هو بيلعب تنس
قررت انا كمان العب تنس خليه يشوف اللعب الصح علي ايدي
شيرين... صباح الخير يا ماما صفيه
صفيه.. ايه ده يا شيرين انت لونتي
شيرين... اه يا ماما اظن الحزن مش باللبس ومفيش حد هيحزن علي عمر قدي
صفيه.. خلاص يا حبيبتي اسفه انا مصدقت بطلتي عياط يقطعني
تمسح شيرين دموعها وتحضن صفيه بعد الشر عنك يا ماما
ربنا يخليكي ليا انا مش هبطل عياط والا حزن علي عمر بس
لازم اعيش زي ما مامته قالت يلا انا هنزل اتمشي شويه
صفيه... ماشي يا حبيبتي خلي بالك من نفسك
شيرين تضع قبله علي خد صفيه حاضر يا ست الكل هخلي بالى من نفسي بس علشانك
في فيلا عمر
يجلس عزت علي كرسيه المتحرك في ثبات ودموعه تنهمر علي خديه
ايمان... كفايه يا عزت مكنتش متخيله انك يحصلك كده كان لازم تكون اقوي مني وتقويني علي وجع قلبي علي عمر عارفه ان دنيتنا مكنش فيها غيره عملنا كل حاجه عشان نحقق احلامه بس مكناش نعرف ان عقاب ربنا قوي كده وتبكي بحرقه
عزت...........
ايمان... اتكلم انطق انت السبب انت اللي قتلتهم عشان طمعك وربنا سقانا من نفس الكاس
يرن جرس الباب تخرج الخادمه من المطبخ تجاه الباب وتفتح
شيرين.. صباح الخير
الخادمه... صباح النور يا ست شبرين انت اتاخرتي ليه الست
ايمان عماله تصرخ والبيه حالته تصعب علي الكافر شوفيهم
الله لا يسيقكشيرين.. ماشي ادخلي انت شوفي شغلك
ماما ايمان عامله ايه يا حبيبتي
ايمان... تعبانه يا شيرين انا خلاص مبقتش قادره استحمل يارتني موت قبل ما اشوف اليوم ده
شيرين.. اهدي يا ماما متعمليش في نفسك كده ارجوكي اهدي
عنايات يا عناياااااات
الخادمه.. ايوه يا ست شيرين
شيرين.. ايمان هانم اخدت علاجها النهارده
عنايات.. والله يا ست شيرين غلبت معاها من بدرى مش مش راضيه
شيرين... طيب خلاص هاتي العلاج انا هديهولها
كده يا ماما انا زعلانه منك مش اتفقنا تاخدي علاجك عشان خاطري
ايمان... ايوه يا حبيبتي هاخده عشان خاطرك يا حبيبه الغالي
شيرين.. ورحمه عمر لاخد بتاره من اللي حرق قلبنا وبايديه
يلا خدي الدوا يا حبيبتي عشان انزل وانا مطمنه عليكي
بعد مرور ساعتين من الوقت تدخل شيرين النادي وتتجه
نحو ملعب التنس تنظر من بعيد تشاهد يوسف يلعب الرياضه الخاصه بيه وهو لعب التنس وتتذكر عمر وتنظر له نظره حقد وغل
تتجه نحو مكان تغيير الملابس وترجع للملعب تجد يوسف انتهي من تدريبه
شيرين.. ايه ده هو روح والا ايه تجد من ينده عليها
المدرب... انسه شيرين اتفضلي هنبدء التدريب دلوقتي
شيرين.. اه اوك يلا وتنظر حولها بارتباك
المدرب... انسه شيرين انت مستعده لو مش مستعده نبدء بكره مفيش مشكله
فجاه يظهر يوسف وتنظر اليه شيرين وتبتسم لا يا كابتن جاهزه طبعا اتفضل
يوسف وعمار يجلسوا امام ملعب التنس
عمار... ايه الوجه الجديد ده يا معلم زي القمر بنت الايه دي
يوسف.. هو انت دايما كده كله عندك زي القمر دي عاديه جدا على فكره
عمار... لا حرام يا يوسف البت حلوه بجد
يوسف... تعرف ايه اللي حلو فيها
عمار... ايه يا فليسوف
يوسف... عنيها شايف نظره التحدي اللي في عنيها شكلها اول مره تلعب تنس بس عندها حماس رهيب
عمار.. اه مش بقولك فيلسوف بقي سبت الجسم النار ده وبتتكلم عن التحدي يابني فوق بقي تعبتني
يوسف... انت اللي سطحي ومش بتشوف غير شهواتك يلا خلينا نروح
شيرين تنظر من بعيد تجد يوسف يستعد للذهاب
شيرين... ترفع مضرب التنس وتضحك كفايه يا كابتن النهارده انا تعبت ممكن نكمل بكره
الكابتن.. اكيد طبعا كنتي ممتازه بكره نكمل سلام
شيرين... سلام
تذهب شيرين لغرفه تغيير الملابس
وتخرج من النادي تجد يوسف غادر النادي
شيرين... اووووووف هتروح مني فين يا ابن علام
تتجه شيرين لشركه الالفي والتي تركها لها عمر بعد وفاته وتباشر عملها مع علاء
شيرين... ازيك يا استاذ علاء اسفه اتاخرت عليك النهارده شويه
علاء... استاذ ايه بس خليها علاء بس
شيرين.. لو سمحت يا بشمهندس مينفعش اللي بتعمله ده
قولتلك مليون مره مش هشيل الالقاب ومش هحب بعد عمر ممكن نشوف شغلنا
علاء.. اه فهمت في مناقصه جديده لازم نعمل اجتماع لرؤساء الاقسام عشان نشوف هنقدر نكمل مناقصه عمر والجديدة والا نلغي الجديد
شيرين... لا مناقصه عمر لازم تتسلم في ميعادها كأن عمر موجود بالظبط اتصل بالمحاسبه عايزين تقرير بالمركز المالي للشركه وعايزه ميزانيه باللي اتصرف لحد دلوقتي في المشروع الاجتماع هيبقي الساعه اربعه
علاء... وليه اربعه عايزين نروح احنا هنبات هنا
شيرين.. لو حصلت نبات هنبات مش لازم مستوي الشركه ينزل بعد وفاه عمر
علاء يخرج من المكتب
ايه الحظ الزفت ده انا مصدقت خلصت من سي عمر تطلعلي دي كأنها نسخه منه
يمر اليوم في اجتماعات وتحضير للدخول في مشروع جديد
في صباح اليوم التالي شيرين تذهب للنادي تتقابل سياره شيرين وسياره يوسف امام النادي
يوسف.... يشير لشيرين لتعبر بوابه النادي قبله تبتسم بهدوء
داخل النادي وبالتحديد داخل ملعب التنس تتقابل شيرين مع يوسف
المدرب... سورى يا انسه شيرين التدريب هيتاخر شويه
شيرين... اوك مفيش مشكله اساسا انا قولت افطر الاول
تجلس شيرين علي تربيزه قريبه من تربيزه يوسف
فجاه يتقدم يوسف منها
يوسف.... انسه انا حاسس اني شوفتك قبل كده ممكن تفكريني بنفسك
شيرين... ايه قله الذوق دي مش عيب نادي محترم زي ده يحصل فيه قله الادب دي
يوسف... انت اتجننتي يا بت انت مش عارفه بتكلمي مين
شبرين... هتكون مين واحد قليل الادب بتعاكس ولازم اوقفك عند حدك وترفع شيرين يدها كي تضرب يوسف وفجأه تجد من يمسك يدها