رواية احببت قاتلي
الفصل السابع7بقلم مني الصاوي
شيرين... ايه قله الذوق دي مش عيب نادي محترم زى ده يحصل فيه قله الادب دي
يوسف... انت اتجننتي يا بت انت مش عارفه بتكلمي مين
شيرين... هتكون مين واحد قليل الادب بتعاكس ولازم اوقفك عند حدك وترفع شيرين يدها كي تضرب يوسف وفجأه
المدرب... انسه شيرين ما ينفعش كده بشمهندس يوسف راجل محترم واكيد ميقصدش اللي فهمتيه
شيرين.. يا كابتن انت مشفتش هو عمل ايه
يوسف.... عملت ايه انا بتشبه عليكي مش اكتر انت اللي تفكيرك وصلك لكده
المدرب.. خلاص يا جماعه حصل خير
شيرين... حصل خير انا شكلي فهمت غلط فعلا
يوسف... مفيش حاجه خلاص اتشرفت بمعرفتك يوسف علام
شيرين.. الشرف ليا استاذ يوسف انا شيرين محسن
يوسف... ممكن اعزمك علي حاجه بما اننا اعلناالهدنه
شيرين... هههههه ليه هو احنا كنا في حرب الموضوع كله سوء تفاهم
يوسف.. انت بتشتغلي ايه يا انسه شيرين انا حاسس شوفتك قبل كده
شيرين... انا بشتغل في شركه الالفي للانشاء والتعمير
يوسف... ايه ده معقول يبقي انا شوفتك فعلا انت مهندسه
شيرين.. لا انا محاسبه في قسم الحسابات في الشركه بس بحاليا انا بدير الشركه حاليا بعد وفاه زوجي
يوسف.. انت مرات عمر الالفي
شيرين... الله يرحمه
يوسف.. الله يرحمه الحادثه كانت صعبه وكلنا زعلنا عليه البقاء لله
شيرين... ونعم بالله
عمار... صباح الخير
يوسف وشيرين صباح الخير
يوسف..... اتاخرت ليه كده انا مستني من بدرى اعرفك الاستاذه شيرين
عمار... اهلا وسهلا اتشرفت بمعرفه حضرتك
يوسف.. تمام فرصه سعيده استاذه شيرين اكيد هنتقابل تاني وياريت يبقي في بينا تعاون في الشغل
شيرين... ميرسي جدا اكيد ده شئ يسعدني فرصه سعيده
عمار.... اوبااا بقيت لعيب اهو وبتعرف تشقط انت لسه شايفها امبارح شقطها ازاي يا معلم البت شكلها ميبنش عليه انها تتشقط بسهوله
يوسف... اخرص خالص انت عارف دي كانت مرات مين
عمار... اخص هي طلعت متجوزه باظت الشغلانه
يوسف... يابني نظف دماغك دي من القرف اللي فيها بقولك كانت كانت متجوزه ياغبي وبعدين تعتبر متجوزتش لان العريس مات يوم الفرح
عمار... لا متقولش دي مرات عمر الالفي
يوسف... تخيل الصدفه الغريبه دي
عمار... انت متاكد انها صدفه ما يمكن مدبره الصدفه دي هي اللي كانت شاكه فيك وقالت كده في النيابة وقتها
يوسف.. مش عارف يا عمار بس البنت دي صعبان عليا بجد حتي لو هي اللي قالت اني ق-تل-ت-ه اكيد من الصدمه واكيد بحكم شغلها معاه عرفت ان كان بينا عداوه واكيد اتاكدت من برائتي لما النيابه اثبتت ده
عمار... ايه الحنيه اللي حطت عليك دي والا البت عجبت الجنرال
يوسف... بلاش هرى كتير اتاخرنا علي الشغل انت لازم تعمل حوارات انا بتكلم عن حكيتها عموما لكن كشخصيه انا معرفهاش كل الحكاية ان موقفها نفسه صعب الله يكون في عونها
بعد مرور بعض الوقت وداخل شركه الالفي
علاء... ممكن ادخل
شيرين.. انت فعلا دخلت بس مفيش مشكله اتفضل
علاء.. سورى اصل الموضوع مستعجل صاحب الشغل الجديد جاي دلوقتي ولازم نتفق علي نقط معينه في الشغل
شيرين.... اه ده اللي عايز يعمل مول
علاء.... اه هو تقريبا كده المول ده هيقلب الدنيا هو عايز استايل معين يلفت النظر غير انه هيخدم منطقه مهمه في البلد
شيرين... ومين هيصمم المشروع
علاء... للاسف المشروعات المهمه اللي زي دي كان عمر بيصممها بنفسه بس دلوقتي هنجتمع بالمهندسين في الشركه ونشوف اللي افكاره هتعجبنا يبقي هو اللي يصمم
شيرين... لا احنا مش لسه هنشوف افكار احنا هنشوف طلبات العميل والمهندسين يحضروا الاجتماع وكل واحد يعمل تصميم ونعرضهم كلهم علي العميل واللي يعجبه هو اللي يتنفذ
السكرتيره...العميل اللي حضرتك مستنيه وصل يا استاذ علاء
علاء... خليه يدخل فورا
العميل... السلام عليكم
شيرين وعلاء وعليكم السلام
علاء... اهلا مصطفي باشا نورت الشركه
شيرين... اهلا وسهلا اتفضل حضرتك ارتاح
مصطفي.. الشركه منوره باصحابها مشكر جدا يا استاذه
شيرين.تضغط علي الجرس تستدعي السكرتيره
شيرين... شوفي مصطفي بيه يشرب ايه وجهزي غرفه
الاجتماعات واستدعي كل المهندسين بعد ربع ساعه يكون بدايه الاجتماع
السكرتيره... اوك ربع ساعه ويكون الاجتماع جاهز تشرب ايه حضرتك
مصطفي.. قهوه مظبوط يا انسه
في شركه يوسف علام
عمار.. علي فكره انا مش مرتاح للبت دي وخايف عليك حاسس ان مقبلتكم مش طبيعيه
يوسف... هههههه تعرف انك بقيت خيالي اوي هي هتخطط ليه انت مسمعتش عن الصدف بجد مخك باظ والا علشان اتبهدلت مع البلوه اللي كنت معينها جسوسه علي عمر واتحبست لك يومين
عمار.. اه متفكرنيش يا يوسف دي بت هبله ومن اول كلمه اعترفت بكل حاجه لولا اني قولت ان كان في بينا مشروع خطوبه كنت روحت في داهيه
يوسف... اهو ده اكبر دليل لغبائك
عمار.... غبائي مش غبائي ده اللي مكسبك مناقصات كتير دلوقتي بقيت غبي عموما افتكر اني نبهتك منها وهترجع تقول عمار قال يلا اطير انا عندي ميعاد مع عصفوره جديده
يخرج عمار ويترك يوسف لافكاره يحدث نفسه في شرود
معقول الوش البرئ والعيون الحزينه دي تكون بتعرف تخدع وتعمل مؤامرات وكمان تفكر في الانتقام
ياترى عمار يكون صح