رواية احببت قاتلي الفصل الثامن8بقلم مني الصاوي
بعد تفكير كتير يوسف يقرر يتصل بشيرين مش عارف هو بيتصل بيها ليه
يوسف... الو استاذه شيرين
شيرين... ايوه مين معايا
يوسف... انا يوسف علام لحقتي تنسي صوتي والا ايه كنت قولتلك ياريت يبقي في بينا تعاون في الشغل
شيرين... اه طبعا ليا الشرف خلاص تمام تقدر تشرفني هنا في الشركه في اي وقت اوكي سلام
يارا... بتكلمي مين يا شيرين سمعاكي بتقوتلي يوسف
شيرين.. اه ده يوسف علام صاحب شركه علام اكيد عرفاه
يارا... ايوه طبعا عرفاه يا شيرين وانت عرفتيه منين
شيرين... اتعرفت عليه في النادي واتفقنا نعمل مشروع كبير بين الشركتين
يارا... انت اتجننتي يا شيرين يوسف ايه اللي تشركيه انت ناسيه انه كان من ضمن اللي مشكوك فيهم بقتل عمر
شيرين... وطلع برئ النيابه ايدت القضيه ضد مجهول احنا مش هنعرف اكتر منهم لازم شركه عمر تكبر حتي لو هنحط ايدينا في ايد اعداءه
يارا... خلاص اللي تشوفيه انا راجعه شغلي عايزه حاجه
شيرين... لا يا حبيبتي انا كمان هنزل اشوف ماما ايمان وعمو عزت هطمن عليهم وارجع
يارا.. ماشي ياحبيبتي لما ترجعي كلميني سلام
تنزل شيرين من الشركه وهي تتحدث مع نفسها هو يوسف
اتصل بيا ليه ممكن يكون وقع في الفخ وقدرت الفت
انتباهه ليا والا يكون عايز يتعرف عليا عشان يتسلي والا
حاسس بالذنب هعذب نفسي ليه بكره كل شئ هيبان.
داخل فيلا الالفي
ايمان... شيرين اتصلت وقالت جايه في السكه ممكن تبطل عياط شويه انا تعبت كفايه اللي انا فيه
عزت... ششش... عوومر
ايمان.. اتكلم يا عزت اتكلم يا حبيبى بشويش اهدي وحاول تتكلم
احمدك يارب لازم اكلم الدكتور
عزت.. لا. أاا
ايمان.. طيب خلاص اهدي يا حبيبي
شيربن.. السلام عليكم
ايمان.. وعليكم السلام تعالي يا شيرين عمك اتكلم ااقصد بيحاول يتكلم
شيرين... كويس هتصل بالدكتور لازم نقوله ان في تطورات في حالته الحمدلله
ايمان... خلاص ماشي كلمي الدكتور عشان هو رافض اني اكلمه
شيرين... حاضر يا ماما هكلمه وانا في طريقي للشركة
ايمان... انت لسه جايه اقعدي اتغدي معانا
شيرين...... معلش يا ماما عندي ميعاد شغل مهم
بعد مرور بعض الوقت وداخل شركه الالفي
السكرتيره.... استاذه شيرين البشمهندس يوسف علام بره
شيرين... خليه يتفضل اهلا اهلا شرفت يا بشمهندس
يوسف... الشرف ليا يا استاذه شيرين
شيرين.. مش ملاحظ اننا بايخين اوي ايه بشمهندس واستاذه دي خليها شيرين والا ايه رايك
يوسف.. انا كنت عايز اقول كده برضو بس خوفت تزعلي
شيرين.. ازعل ليه احنا بقينا اصدقاء
خلينا نتكلم في الشغل عندك عرض حلو لشركتنا والا عايز تستغلنا اعترف
يوسف.. لو قولت عايز استغل شركتك هتعملي ايه هترفضي التعاون بينا
شيرين.. ليه ما يمكن انا اللي عايزه استفاد منك وهديك
فرصه حلوه لشركتك عرض مش هتعرف تقول لاعليه
يوسف... ياريت انا اكيد يسعدني ابقي شريك معاكم شركتكم ليها اسمها وعمر الله يرحمه كان ليه اسم في السوق
شيرين... لا انا مقولتش شراكه انا قولت نتعاون في مشروع واحد ولو نجحنا ممكن نكرر التجربة
يوسف... وانا موافق بس ممكن اعرف ايه هو المشروع
شيرين.. بص يا سيدى تعرف رجل الاعمال مصطفي عثمان
ده عامل مشروع كبير مجموعه مولات ضخمه يعتبر سوق
تجارى المشروع عملنا دراسه الجدوي بتاعته لقيتها هتتكلف كتير جدا وحاليا مفيش سيوله تكفي لان لسه مخلصناش مشروع عمر الله يرحمه
يوسف.. تمام ممكن اشوف دراسه الجدوي اللي عملتوها والا ممنوع
شيرين... لا ازاي ممكن تشوفها لازم يبقي في ثقه بينا ثواني
تضغط شيرين علي جرس تدخل السكرتيره
السكرتيره.. افندم استاذه شيرين
شيرين.. لو سمحتي كلمي بشمهندس علاء يجبب كل اوراق مشروع المول ويجي فورا
السكرتيره.. اوك يا فندم
بعد وقت قصير يدخل علاء بدون استاذان
علاء.. ازيك يا ش....
ايه ده مين جاب الزف-ت ده هنا
يوسف... احترم نفسك ايه زف-ت دي
شيرين.. لو سمحتوا بطلوا خناق
يوسف.. انا مش هتكلم عشان خاطرك يا شيرين
علاء.. شيرين كده من غير القاب
يوسف.. لا انا مش هدخل في الاسلوب السوقي ده احنا في مكان محترم
علاء.. كان محترم بس الظاهر اني كنت غلطان الهانم شكلها نست اللي راح ونسيت انك متهم ب-قت-له
شيرين... بسسس خلاص مش عايزه كلام اتفضل بره يا
بشمهندس علاء وللمره المليون قولتلك ابقي استاذن قبل ماتدخل
علاء.. تمام يا شيرين بتبعيني عشان ده انا هندمك علي اليوم اللي دخلتي فيه الشركه دي وضحكتي علي عمر ومش بعيد تكوني عشقته من البدايه واتفقتوا ت-قت-لوا عمر الله يرحمه
فجاه يتجمع عدد كبير من موظفي الشركه.
شيرين ترفع يدها وتضرب علاء صفعه قويه علي وجهه
اخررررررس.....