رواية احببت قاتلي الفصل التاسع9بقلم مني الصاوي
وسط تجمع الموظفين ترفع شيرين يدها وتصفع علاء صفعه قويه يضع علاء يده موضع الصفعه ويسمع همهمات الموظفين وشهقاتهم
علاء... انت تضربيني انا يا بنت ال..... يسحبها من يدها
يوسف... اياك تلمسها انت هتضرب بنت فين الرجوله وانت يا شيرين ميصحش كده عيب اللي عملتيه
شيرين تدرك الخطأ التي وقعت فيه وتحاول تهدئت الموقف
علاء صرخ في الموظفين كل واحد علي شغله واقفين بتتفرجوا علي ايه
شيرين.. لا محدش يتحرك لو سمحتوا انا فعلا غلطت واللي حصل كان سوء تفاهم انا اسفه يا بشمهندس بس انت فاهم غلط علشان كده معرفتش عملت كده ازاي انا بتاسفلك قدام الشركه كلها ياريت تقبل اعتذاري
يوسف. انت فاهم غلط يا بشمهندس وياريت تقعد مع استاذه شيرين وتفهم منها ليه محتاجه شريك وانا هستاذن ولو وافقت علي الشراكه بينا تتصلوا بيا
علاء.. الكل يروح علي شغله مفيش حاجه زي ما قالت شيرين هو سوء تفاهم وانا قبلت اعتذارها
شيرين... متشكره جدا يا بشمهندس اتفضل نتكلم
علاء... عايز اعرف كل حاجه بالتفصيل وبلاش تنسي اني شريك في الشركه دي ومنفعش يبقي في اي قرار أنا مش متفق معاكي عليه
شيرين... انا هحكي لك كل حاجه بس ياريت الكلام اللي هقوله يفضل بينا حتي لو رفضته
علاء... اتفضلي قولي بس حساب القلم ده مش هسيبه يا شيرين
شيرين... هحكيلك بس بلاش تقاطعني
لما اتقتل عمر الدنيا اسودت في وشي مكنش في دماغي غير فكره الانتقام احساسي وكل حاجه حوالين عمر بتقول ان يوسف هو القاتل كان لازم اقرب منه عشان اعرف انتقم روحت النادي اللي بيتدرب في ورتبت كام صدفه يبانوا طبيعيه وفعلا اتعرفت عليه وقولتله اننا ممكن نتعاون سوي وقبلت مشروع المول رغم ازمه السيوله اللي الشركه بتمر بيها حاليا عشان ادخله شريك معانا ويطمن اني مش بفكر في الانتقام
علاء... ليه مصارحتنيش بكل ده قبل ما تفكرى في الانتقام وكمان ممكن يطلع برئ مفكرتيش انه ممكن يكون مظلوم فعلا
شيرين... انا متاكده انه هو اللي ق-ت-ل عمر حقده علي نجاح عمر كان هو الدافع للجريمه عمر مكنش ليه اعداء غيره لازم اقتله وبنفس الطريقه
علاء.. لاء يا شيرين ابعدي الانتقام هيضيعك شيرين انا بحبك اتمنيتك ليا من اول يوم شوفتك فيه كنت بغير من عمر لما بيمسك ايدك قدامي تعالي نتجوز وننسي كل ده انا خايف عليكي
شيرين... انت بتقول ايه يا علاء انت اتجننت انا محبتش والا هحب غير عمر انا هروح وياريت توافق علي تعاونا مع يوسف لازم تساعدني لو زي ما بتقول انك بتحبني ساعدني
تخرج شيرين من الشركه تحت انظار علاء وحيرته من كل ما حدث
في مكان اخر يجلس يوسف وعمار
يوسف.... بس يا سيدي وسبتهم مولعين في بعض ومشيت تفتكر اتصل بيها اشوف عملت ايه والا استني لما هي تتصل
عمار... هههههه والله انت مشكله يا يوسف ولعت الدنيا ومشيت وبوظت سمعه البت دي زمان الشركه كلها بتتكلم عليكم وكمان بتسال تتصل والا لا يابني اتصل شوف اخره المصيبه دي ايه
يوسف... تفتكر اللي عمله علاء ده طبيعي والا بينهم حاجه وعشان كده غار عليها مني اصل شكله كان واضح انه موضوع غيره
عمار... اه ممكن جدا بحكم شغلهم مع بعض يكون حاطط عينه عليها البت جامده صراحه ويبقي حمار لو حاولش معاها
يوسف... ايه القرف اللي بتقوله ده انا هفضل اقولك حسن الفاظك يلا قوم خلينا نروح
تليفون يوسف يعلن عن اتصال
يوسف... ايه ده دي بتتصل خد المفاتيح انت سوق عشان ارد عليها
عمار.... حقك يا عم عشان تعرف تكلم المزه
يوسف... هشششش اسكت شويه
الووو. ازيك يا شيرين حصل ايه طمنيني انا كنت قلقان عليكي ايه ده بجد طيب كويس عرفتي تقتعيه ازاي برافو عليكي
خلاص تمام هكون عندك في الميعاد ان شاءلله مع السلامه
عمار... ايه يا عم الرومنسي السناره شبكت شكلها طمنيني عليكي يا واد يا جامد
يوسف... عارف شكلي فعلا حبيتها اول ما بسمع صوتها بحس بسعاده كبيره وفعلا انا مشيت عشان لو كنت استنيت شويه كنت ضربت الواد الرخم ده بس تفتكر بعد ما ضربته قدامي وقدام الشركه كلها اقنعته ازاي تفتكر فعلا بينهم حاجه
عمار... الحقيقه الموضوع يحير عموما هتعرف مع الايام مش وافقوا علي الشغل ده كويس هتقرب منها وهتفهم كل حاجه بس عايز اقولك علي حاجة انا قلقان من موضوع الشراكه ده عايزين نركز معاهم لحد ما نتاكد
يوسف... معاك حق مع ان كلامك ده قلقني بصراحه
عمار.. المهم دلوقتي لازم اكون معاك بكرهيوسف... اكيد لازم ندرس المشروع كويس
في منزل الالفي
ايمان... وبعدين يا عزت تعبتني معاك مش عايز نكلم الدكتور ليه مش كفايه اتحرمت من عمر كمان عايز تحرمني منك عشان خاطرى وافق نروح للدكتور
عزت......
ايمان...صراحه انا قولت لشيرين عشان تكلم الدكتور وزمانها جايه
عزت يزووم بغضب.. اممم ل أ
ايمان... شوفت يا عزت قدر ربنا شيرين هي اللي وقفت جنبنا شيرين اللي قتلت ابوها عشان الفلوس وطمعنا حرمناها من فلوسها واهلها ودلوقتي كل حاجه بقت ليها
عزت دموعه تنزل في صمت
ايمان... اكيد ده انتقام ربنا لينا اخد مننا اغلي حاجه وكمان الفلوس رجعت لها ياريت كل ده محصلش يا عزت ياريت ماق-تل-ت
فجأه تدخل شيرين
ايه اللي بتقوليه ده يا ماما انا مش قادره أصدق
ياترى ايه رد فعل شيرين علي الكلام اللي سمعته
ياترى علاء هيسكت ويسيب شيرين تضيع منه للمره التانيه
وليه عزت رافض الحياه