رواية ضحية إمرأة الفصل الثاني عشر12 بقلم زينب سعيد ابراهيم
( حياة جديدة)
_أنا مش مصدق عينى إنك قدامى ولا قادر أستوعب إنى ماسك إيدك ودلوقتى حالا دبلتى هتحجزك ليا العمر كله إنتى حظى من الدنيا دى والحلو كله اللى فى حياتى إبتسامة أنا بحبك وتأكدى إنى هعمل المستحيل عشان أسعدك
إبتسمت وأنا بقول :
_أديك حققت حلمك فاكر لما قولتلى عقبالنا ؟
_هههههه وإنتى ساعتها إتريقتى عليا وقولتيلى إحنا بنحلم عشان نخسر أحلامنا ونتفرج عليها وهى بتروح مننا
_إنت لسه فاكر ردى ؟
_أنا عمرى ما بنسى حرف بتقوليه
_بس برضو مازال حلم جميل ممكن فى لحظة يتحول لكابوس
_مش هسمح بده تفائلى بقا وإطمنى
_بص يا نادر أنا عارفه إنه مش ذنبك تدفع تمن غلطه واحد غيرك وتعيش مع واحدة متعقدة بس إنت كنت عارف من البداية وإنت اللى صممت يعنى أنا مخدعتكش
_وأنا مش ندمان وثقى فيا هفكلك العقدة دى بس ساعدينى إدينى فرصتى وأنا هفاجئك
عادل جه هو ونيروز وقال :
_يا بنتى إنتى متشعلقة فى إيدى كده ليه هو إحنا بنعدى الشارع ؟ شايفه مجايبك يا ست هانم
ردت عليه نيروز وقالت :
_يا دولا بحبك ومبصدق أبقى معاك
_تقومى تخنقينى ده بنتى مش هتعمل معايا كده لما تخرج معايا
_طيب خليها تجرب كده عشان أقتلهالك
_شايفه التخلف هتقتل بنتها اللى حملت فيها 9 شهور
فى الوقت ده قولت :
_يا عم بتغيير عليك
أما نادر فقال :
_يا بختك عقبالى يا سيدى لما أختك تخنقنى كده هو حد طايل
_خلى بالك غيرة إبتسامة كافرة ده ممكن موقف تافه مش مستاهل تنكد عليك فيها لسنة قدام
_لأ وعلى إيه كده أحسن
رديت عليه :
_بقا كده
_بهزر يا حبيبتى هنبتدى النكد بدرى ولا إيه ؟
عادل قال لنادر :
_خلى بالك منها لو جت فى يوم وقالتلى إنك زعلتها مش هخليك تشوف الشمس تانى
_الله الله فى إيه يا جدعان هى دى خطوبة ولا تحذيرات وممنوعات
بس واليوم خلص على كده فكيت البلوك ونادر بدأ يظهر إهتمامه بيا مكنتش بفتح عينى فى يوم غير لما ألاقى منه مسدج بيصبح عليا فيها
وبيطمن عليا وأحيانا كان بيجى يقعد معايا فى الكلية من الأخر مكنش سايب فرصة لدماغى إنها تفكر فى غيره أو تفتكر حاجه من القديم معرفش اللى هو عمله ده كان صح ولا غلط ؟ لأنه يوم ما يبعد عنى أو يتشغل هيسيبلى مساحه فراغ كبيرة . كان بيكلمنى برضو قبل ما أنام عشان أكون أول حاجه يبدأ بيها يومه وأخر حاجه زى ما كان بيقولى : إنتى مينفعش
حاجه تيجى بعديكى . منكرش إنه نجح بإمتياز لأنى إتعلقت بيه وبقيت بستنى أصحى عشان أكلمه حبيت حياتى عشان هو فيها ووقتها بس إتأكدت إن كلام عادل ونيروز كان صح أنا محظوظة بوجوده معايا وقبل ما بنطق إسمه بسمى . عادل دخل وهو بيقول :
_شكلك مبسوطة
_أنا بحبك أوى يا دولا
_ده إيه السعادة دى بركاتك يا شيخ نادر
_إنت بتقول فيها ربنا ميحرمنيش منه شكرا لأنك السبب فى إننا نرتبط
_أوبا ده الواد أثبت كفائته بقا وخد قلبك
_تؤتؤ إسمها إحتله مش خده بس
_ربنا يسعدكم طيب بالمناسبة دى أنا كمان عايز أقولك على حاجه
- خير يا قلبي
_أنا كمان عايز أشكرك عشان هدتينى بنيروز هى مجنونة ومتهورة بس عسل وأنا مبقتش أقدر أعيش من غيرها أو أكمل يومى من غير جنانها وطيشها على قد ما الموضوع مكنش فى دماغى وكنت قافل قلبى ومركز فى شغلى على قد ما أنا هموت ونتجوز عشان تبقى معايا فى بيت واحد وبدل ما بصحى على صوتها أصحى وألاقيها جنبى
_ويا ترى قولتلها الكلام ده ؟
_أه قولته على 12 مرة
_ههههههه 12 مرة ليه ؟ أنا أعرف عنك إنك جامد مش من الناس اللى بتتردد أو بتتكسف لما يجى يقول حاجه
_أصل أنا كل ما كنت بقول كلمه كان بيغمى عليها
_طبعا أكيد مكنتش مصدقه حرام عليك كده تخض البنت كنت عايز تخلص منها ولا إيه ؟ تقولها الكلام ده مرة واحده كنت مهدلها بدل ما يحصلها حاجه
_أهو جبنا فى سيرة القط طلع ينط بتتصل
_طيب رد عليها ونكمل كلامنا بعدين
عادل فتح الإسبيكر وقبل ما حتى يقول ألو نيروز قالت :
_كل ده عشان ترد قاعد مع مين إنت بقا ؟ ولا فى حاجه بتعملها أهم منى ؟ ما ترد ولا فتحت بالغلط كمان
همسلى وهو بيقول :
_أهو على كده طول الوقت
فرديت عليها وأنا بقول :
_جرا إيه يا بت إنتى ما تسيبى الواد يشم نفسه شويه ولا هو ميعرفش يتكلم مع أخته شوية بسببك
_أهو خليكى شاهده على طول ظالمه أخوكى الملاك وبتشك فيه
_بوسى إزيك يا ندلة مبتسأليش عليا ليه ؟ هو أستاذ نادر خدك من الدنيا كلها ولا إيه ؟ ما تتكلم يا حضرة الظابط عجبك الكلام ده ؟
_طالما هى مبسوطة عجبنى
كملت نيروز وقالت :
_طيب بمناسبة بقا إن كلنا مجتمعين كده بربطه المعلم ماعدا بشمهندس نادر مش مهم إبتسامه تبقى تقوله إحنا بالصلاة على النبى كده عايزين نتجوز فى يوم واحد وفى نفس القاعة
عادل سألنى بفضول :
_ها إيه رأيك يا بوسى ؟
_والله أنا معنديش مانع بس أشوف نادر وأخد رأيه
نيروز كملت :
_هيوافق طبعا سيبيه عليا وأنا هكلمهولك
_بت ملكيش دعوة بخطيبى وتكلميه بمناسبة إيه ؟
_إلحق يا عادل أختك بتغيير على خطيبها منى
فى الوقت ده عادل رد بعصبيه :
- ده هو دور إبتسامة كده خلص ودورى أنا هيبدأ ده إنتى ليلتك سوده بتاع إيه تكلمى واحد غريب ما تلمى نفسك أنا مبحبش الاختلاط والمرقعه
إتكلمت وقولت :
_ممكن تاخد التليفون بتاعك وتكملوا خناقتكم بره عشان شكلها هيطول وأنا عايزة أعمل مكالمه إتفضل
نيروز قالت :
_أيوه يا عم الله يسهله
_ده إنتى أمرك غريب أوى ما إنتى بتكلمى خطيبك أهو عايزة إيه تانى ولا هو مش عجبك ؟ لأ لأ يا عادل إنت مش عاجبنى شكلك مش مسيطر
_شايفه جبتلنا الكلام أنا هوريكى
_كده يا إبتسامه قومتيه عليا ماشى
قعدت أضحك عليها أحسن عشان بعد كده متجيبش سيرة نادر مسكت التليفون ورنيت عليه
_إيه يا أستاذ إنت قاعد على التليفون ولا إيه ؟
_ تعرفى إنى لسه كنت بطلع رقمك عشان أتصل بيكى
_يا راجل إنت بتاكل بعقلى حلاوة ولا إيه ؟
_لأ والله أنا بتكلم بجد الظاهر إن روحنا إرتبطت ببعض مش قلوبنا بس
_وحشتنى على فكره
_وإنتى أكتر يا حبيبتى بس إنتى السبب حد قالك متنزليش الكلية إمبارح
_الله مش كنت تعبانه
_المهم طمنينى عامله إيه النهاردة ؟
_طالما سمعت صوتك فأنا بقيت تمام
_بحبك
_مش أكتر منى
_مستحيل يبقى فيه شخص على وجه الكرة الأرضية بيحب قدى
_إيه ده إنت بتشك فى حبى ليك ولا إيه يا أستاذ ؟
_لأ يا حبيبتى بس دى وسعت منك شوية
_تصدق إنت هتزعل بكره بسبب الكلام ده
_هههههه ماشى أنا هقفل دلوقتى عشان عندنا شغل كتير
_ماشى يا حبيبى سلام
جه تانى يوم ونادر جالى الكليه أول ما شوفته قولت :
_تقصد إيه بقا بالكلام اللى قولته إمبارح ده ؟
_إستنى بس سيبك من كلام إمبارح إيه القمر ده هو التعب بيحلى كده
_أنا قمر فى كل حالاتى
_طبعا ما أنا محظوظ عشان خدت القمر نفسه مش مجرد نجمة عادية
_أيوه كده إتعدل
_حاضر شوفتى أنا مؤدب إزاى
_شطور هو سيادتك بتكلم نيروز ؟
_يعنى إيه ؟
_نادر أنا مش عايزة إستعباط بسألك سؤال إيه اللى إنت مش فهمه ؟
_حبيبتى ممكن تهدى أنا بجد مش فاهم سؤالك مبهم يعنى إيه بكلمها فى إيه أصلا ؟
أنا بسألك بتتكلموا من ورايا فى إيه ؟
مبنتكلمش أصلا
يعنى أنا لو فتحت تليفونك دلوقتى مش هلاقى رقمها عندك