رواية اختفاء مجهول الفصل الثالث عشر13 والرابع عشر14 بقلم يارا محمد
اوس إصابته كانت بسيطه ف اتعافي بسرعه سافر روسيا علشان ينقذ ريما واتجه لصديقه اريان وراح بيته
اوس: اريان طمني في اخبار جديده عن ريما ولا لا
اريان: ف اخبار بس مش كويسه ابدا يا اوس
اوس: بقلق شديد خير حد عملها حاجه اذوها
اريان: اوس الموضوع خطير جدا اماليدا سلمت ريما ل جايكوب جيرمان
اوس: ومين ده اكيد زيهم
اريان: واكبر كمان جايكوب جيرمان ببساطه يبقي كامورا الغرب هنا من أكبر وأخطر عائله ف المافيا اصوله هولندي جده الكبير ساب هولندا وجه هنا روسيا ابنه الأكبر يبقي جيرمان أندريه سكاف كان زعيم مافيا الكامورا هنا ف روسيا وابنه جايكوب اتولي أمور العيله من بعده يعني اقدر اقولك أن ريما ف خطر حقيقي يا تلحقها وتنقذها يا اما تنساها .
اوس: أنا عايز عنوانه أنا هقابله وهتفاوض بهدوء لو تفهم الموضوع اوكي لو لا واتعامل بطريقه تانيه مفيش قدامي غير العنف وادخل الحرب دي واطلع منها يا اما خسران حياتي يا ما اعيش بس ومعايا ريما
اريان: بلاش يا اوس أنا خايف عليك ارجوك
اوس: مش تخاف يا اريان كل هيبقي كويس بس المهم ريما وبنتها .
عند جايكوب وصل قصره وشال ريما ودخل بيها كارين شافته واستغربت من البنت اللي شايلها راحت وراه لما ركب السلم وراح غرفته بيها دخل بيها وحطها ع السرير وهي لسه فاقدة الوعي
كارين: مين دي يا جايك ممكن تفهمني
جايكوب: تعالي اوضتي التانيه نتكلم بعيد عنها
جايكوب اخد أخته ودخل الغرفه التانيه من الباب السري للاوضه اللي كانوا فيها
كارين: فهمني بقي مين دي ورحت ل رافييل عملت ايه
جايك: تعرفي شفت مين هناك
كارين: مين
جايكوب: ماريان رحت واتخانقت معاهم واتفاجات أن اماليدا جايبه بنت ورمتها ع الأرض قدامي وقالتلي أن دي بنتها وان ممكن انتقم فيها واخد حقي وظهرت قدامي وكانت مش متوازنه بالمرة اترجتني اسيب بنتها واخدها هي بس الغضب عماني ورميتها ع الأرض وجبت بنتها هنا
كارين: يعني البنت اللي جايبها تبقي بنت ماريان معقول يعني عملت أسرة وانت قاعد بتتفرج ع صورها اللي مزين بيهم الحيط علشان تعرف انها كانت مش عايزة تبقي زوجه ليك وتعيش طبيعي بدل المستنقع اللي فيه أهلها
جايكوب: لا والطريف ف الحكايه دي أن معاها حفيدة يعني هي ام وجده ولسه الزمن مش غيرها يدوب خصل شعرها البيضا وانا طلعت واحد مغفل .
كارين: انت مش مغفل يا جايك انت شخص كويس كفايه انك حفيد أندريه سكاف هما بس اللي اتوهمه لما فكروا أنهم يطلعوك مغفل ف نظرهم ويضحكوا عليك كده هما كسبوا مفكروش أنك ممكن توريهم الجحيم ع الأرض عيله دينيارو لازم تتعاقب فاهم .
جايكوب: هعمل كده ومش هسيبهم ف حالهم بس هنعمل ايه فيها
كارين: اهدي وانا هتعامل معاها
سمعوا صوت همهمه وعرفوا أنها صحيت دخلوا عندها لقيوها بتقوم من السرير وهي دايخه ومش عارفه هي فين
ريما
صحيت لقيتني ف مكان مش عارفاه بس الغرفه مريحه بصيت قدامي لقيته واقف ومعاه بنت ف التلاتينات تقريبا.
كارين: فوقتي كويس تحبي اجيبلك حاجه تشربيها
ريما وقفت وبتبصلها باستغراب ومش فاهمه هي فين
ريما: أنا فين وانتي مين
جايكوب: انتي ف بيتي لغايه ما اشوف هعمل ايه فيكي أما دي تبقي اختي الدادة هتيجي تساعدك لو محتاجه حاجه
ريما: أنا مش عايزة حاجه منك أنا كل اللي عايزاه أخرج من هنا وارجع بنتي واتصافي انت مع امي وعيلتها
جايكوب: طيب اقعدي ارتاحي انت لسه دايخه ومش متوازنه
ريما نفضت أيده وجريت ع الباب فضلت تفتح فيه وهو مش راضي يفتح ومقفول حاولت كتير وبرضه منفعش
جايكوب: ببرود مش تحاولي الباب مقفول والمفتاح معايا حتي لو خرجتي مش هتعرفي تهربي لأن الفيلا متحاوطه بحرس .
كارين: تعالي معايا قومي هجيبلك حاجه تاكليها اكيد جعانه
ريما: بغضب بعدي عني محدش يلمسني
كارين
اهدي ممكن تهدي العصبيه مش هتحل حاجه
ريما: صرخت ف وشها
قلتلك بعدي عني انتوا خاطفيني بالغصب واخوكي جايبني هنا علشان ينتقم من والدتي سيبوني ف حالي خليه يروح ياخد حقه منها وسيبوني أنا ارجع بنتي اللي بيقتلوها بالسم خلوني الحقها
نفضت أيدها منها وكارين اتعصبت ومسكتها من شعرها جامد وبغضب
كارين: اخرسي واهدي مش انتي اللي تبعديني عنك بكلمك كويس بقالي ساعه وانتي بتزعقي
مش كفايه أن امك وعائلتها كدبوا علينا واحنا طلعنا مغفلين
ريما: بوجع اهو انتي قولتي بنفسك امي وعائلتها مش تدخلوني بحسابتكم دي
كارين: للاسف انتي ف الحسابات دي انتي بنت ماريان واحنا ف قانون الكامورا أن لو الكبير غلط اللي من دمه يدفع التمن ورماها بعنف ع الأرض .
سابوها وفتحوا الباب وهي جريت عليه بسرعه بس كانوا قفلوه وهي فضلت تخبط جامد
ريما: ببكاء افتحوا الباب طلعوني من هنا بنتي بتموت ارجوكم افتحوا
فضلت تخبط كتير وهما مش مهتمين بيها ولما تعبت من الخبط رمت نفسها ع الأرض بقهر وفضلت تخبط بايديها ع الأرض وتبكي
عند ماتيو زحف لابوه الواقع ع الأرض وبيناديه
ماتيو: قوم انت اقوي من كده مش رصاصه اللي هتخليك ترقد ع الأرض رد عليا وقوم دفعهم التمن
مردش عليه كان واقع ع الأرض وساكت تماما
اماليدا: بشماته تؤ تؤ يا حرام صعبت عليا اوي وانت زاحف و بتنادي ع ابوك رحمه مني أنا هطلب الإسعاف يشيلكم انتم الاتنين.
ماتيو: مسكها من شعرها بغضب شديد هدفعك التمن وغالي اوي يا اماليدا .
الخدامه جت عليهم طايرة
مدام الست الصغيرة بتصرخ وتتوجع فوق والدكتور قال انه خلاص مش فاضل كتير
ماتيو: بنتي انتي عملتي ايه ف البنت انطقي
اماليدا: طول الفترة دي كنت بديها سم بالبطئ وهي بتاكله عن طريق الشيكولاته ودلوقتي السم اتملك منها ع الآخر ودقائق وتموت
ماتيو: البنت مش ليها ذنب يا اماليدا ارجوكي اديها المضاد وانتي شوفي تتراضي ازاي وانا هعمله
اماليدا: بتفكير اممم ماشي دانيال سنده وهاته ورايا
دانيال شاله من كتفه وهي جابت المضاد بتاع السم ودخلوا عليها الاوضه وكانت يسر بتتالم وتتوجع ومش قادرة من كتر الالم
يسر: بابي انت موجوعه اوي ومش عارفه هي ايه انا عايزة مامي
اماليدا: اهدي أنا هديكي حقنه تخف وجعك ده
كانت بتعليق الحقنه ببطئ وتضييع وقت ويسر كانت وصلت لاقصي درجات الالم ومش بقت قادرة ماتيو قلها تخلص وتديها الحقنه بسرعه
اماليدا: باستعمال طيب ممكن تهدي بعبيها اهي
ماتيو :خلصي البنت بتموت
اماليدا: ثواني ممكن بلاش استعجال وتوتر من كتر الاستعجال الأنبوب اللي كانت هتعبي منه الحقنه وقع اتكسر مع وقوعه الجهاز سفر وأعلن موتها .
حاله صدمه كان فيها ماتيو ومش قدر يتحرك لدرجه انه وقع ع الأرض ودانيال كان ساكت أما اماليدا كانت مبتسمه بهدوء اللي عملته اتنفذ
كانت بتعليق الأنبوب ببطئ علشان البنت كانت بتموت والمضاد مش هياثر فيها وقعته بالقصد والبنت ماتت .
ريما كانت نائمه فجاه قامت مفزوعه وحاسه بوجع ف قلبها
ريما: بنتي اكيد هي مش بخير أنا دائما بحس بيها
دخل عليها جايكوب وهو عليه علامات الشفقه ناحيتها ومش عارف يقولها الخبر ازاي استجمع شجاعته وقالها
جايكوب: أنا كنت هجيبلك بنتك واعالجها هنا بس أنا آسف دلوقتي مش هينفع
ريما: باستغراب ليه
جايكوب: ماتت السم اتملك منها وماتت قبل شويه أنا آسف
ريما بصتله بصدمه وعدم تصديق وقربت منه
ريما: انت بتخرف ولا ايه لا أنا بنتي عايشه وهجيبها وهعالجها انت كداب
جايك: دي الحقيقه انا اسف معرفتش اساعدك .
سابها وخرج وهي وقعت ع الأرض من الصدمه فجاه ابتدت تبكي بكاء متقطع لغايه ما فجاه صرخت بشكل كبير صرختها هزت جدران القصر كله
اماليدا عملت مراسم جنازة ودفنتها ف مدافن العيله وهمست ل دانيال بحاجه وهو نفذ كلامها ودفنوها بعد كده الإسعاف جت اخدت ماتيو ورافييل المستشفي
بعد تلات ايام كانت قاعدة عند الشباك زي ماهي لابسه اسود وبتبص للفراغ ومش بتتكلم الدادة دخلت ليها الاكل بصتلها ورجعت تبص من الشباك
كارين دخلت عليها ولقتها ع نفس حالها خرجت الدادة وقربت منها وملست ع شعرها بحنيه
كارين: بدال حبسه الاوضه دي تعالي انزلي تحت ف الجنينه
ريما: مش عايزة شكرا ع اهتمامك ده عايزة ابقي لوحدي ممكن
كارين سبتها بهدوء و خرجت وفضلت ريما تبكي وصل اوس بيت جايكوب وطلب يقابله
جايكوب: خير انت مين
اوس: انا اوس المغربي رجل اعمال مصري وعايز اتكلم معاك ف موضوع
جايك: خير اتكلم
اوس: أنا عايز ريما أنا عارف انها هنا ف اديهاني بهدوء هي مش ليها ذنب ف مشاكلكم هي كل همها ترجع بنتها وبس
جايك: وبنتها ماتت خلاص وهي مش هسيبها هي هتدفع تمن أخطاء غيرها
اوس: ريما مش هتدفع تمن اخطاء حد أنا عايزها من شوشره ونادي عليها بصوت عالي
ريما ردي عليا انا اوس
ريما سمعت صوت اوس بصتله وابتسمت ونزلت جري عليهم
ريما: اوس الحمد لله انك جيت خدني من هنا انا بموت بنتي وماتت وعرفت أن اهلي كانوا من أعضاء المافيا كنت عايشه ف كدبه كبيرة طول حياتي ارجوك خدني من هنا
اوس: اهدي هاخدك وهنرجع مصر وهتكون الامور هتبقي بخير
جايك صوب مسدسه ناحيته وابتسم بهدوء
جايك : بابتسامه يبقي جنيت ع نفسك لأن مفيش حد هياخد ريما فاهم هي وسيلتي الوحيدة لانتقامي من امها اللي سابتني علشان اوسكار بيرلو .
اوس: مين ده .
ريما: بدموع ابويا طلع زيهم أنا اتخدعت ف الكل يا اوس حتي ابويا طلع من أكبر وأخطر عائله ف المافيا.
اوس: احمدي ربنا انك كشفتي الكل مش تخافي هنرجع مصر وهتنسي امم.
جايكوب: الظاهر ناوي ع موتك اقنعيه يمشي بدل ما تحضر جنازة عيلتك كلها مفهوم وتبقي انتي السبب ف موت أهله .
ريما: بخوف اوس امشي من هنا ارجوك متخاطرش بحياتك علشاني لو مش خايف ع نفسك خاف ع اهلك ارجوك امشي دلوقتي لو بتحبني وعندك خاطر ليا امشي لسلامتك كفايه مشاكل .
اوس: ماشي همشي بس مش هسيبك ابدا هرجعك يا ريما
اوس مشي وهي فضلت تبكي ونفسها تخلص من الكابوس ده بسرعه .
جايكوب: شكلك بتحبيه اوي يا خسارة مش هيتهني بيكي لاني هاتجوزك النهاردة .
ريما: مش هتعرف تتجوزني علشان هكون ميته قبلها اموت ولاني اتجوز واحد قذر زيك بعد عني.
جايكوب مسك شعرها جامد وكان هيضربها بس لقي مسدس متصوب ناحيه دماغه.
رافي: سيبها يا كامورا ده لسلامه اختك وانت كمان
جايكوب: رافي دراع اندريا اليمين بتعمل ايه هنا.
رافي: جايين ناخد حفيدة السير اندريا وهنمشي من غير مشاكل
ريما: انت بتخرف بتقول ايه انت كمان انتو مجانين
جايكوب: لا مفيش حد مجنون انتي مش راضيه تصدقي أن ابوكي كان اخطر راجل ممكن تشوفيه وان اصولك ايطاليا .
ريما حاولت تفلت منه عضت أيده وقامت تجري كان هيضرب مسدسه عليها بس رافي منعه وحد من رجاله رافي مسكها وخدرها وهي نامت فورا
خرجوا زي ما دخلوا وركبوا الطيارة الخاصه ورجعوا بيها ايطاليا وتحديدا نابولي دخلوها واندريا استقبلهم وحطوها ف اوضه مميزة
واندريا قعد جنبها ع الكرسي وفاقت بعد سبع ساعات وهي قامت مفزوعه حاولت تعرف هي فين بس الاوضه كانت غريبه بصت جنبها واتخضت.
ريما: بخوف انت مين وانا فين
اندريا: أنا مين ف أنا جدك والد ابوكي اوسكار أو زين النهري
وانتي فين في ايطاليا مكانك الطبيعي وسط اهلك .
ريما: ببكاء كدب كله كدب اكيد ده كابوس وحش اوي وانا هصحي منه بعد شويه وهكون ف بيتي مع بنتي وحياه مثاليه مع جوزي ومش هيحصل حاجه ولا هكتشف حاجه .
اندريا قرب منها ومسكها وهي اتخضت وخافت منه .
اندريا: اهدي ده حقيقه ومش كابوس ابدا انتي لازم تتقبلي الواقع انتي اهل ابوكي اخطر ناس ف أوروبا الجنوبيه انتي من نسل الندرنغيتا يعني مفيش مفر .
ريما: بخوف وانت لقيتني ازاي وبتدور عليا من امتي بالظبط
اندريا: ارتاحي دلوقتي كله هتعرفيه ف وقته
شالها وخرج وهي انهارت ببكاء طويل ومش قادرة تستحمل الأحداث كلها
من اول اختفاء جوزها المزيف وبنتها وأنها بتدور عليهم وقعت ف وحل المافيا والعصابات اولا أهل امها وثانيا الكامورا اللي كان عايز يتجوز امها وآخرهم اللي بيقول أنه جدها مش قادرة تستوعب ده كله حست انها ف دوامه وقعت فيها ومفيش مخرج فضلت تفكر كتير ومش عرفت تدور ع حل ونامت .
14
تاني يوم قامت من النوم ع الساعه 4
فاقت وسمعت الباب خبط واذنت بالدخول للي بيخبط ودخلت المساعده.
ليزا: صباح الخير يا مدام أنا ليزا اللي هكون مساعدتك من دلوقتي اتمني اكون مساعدة خفيفه عليكي اتفضلي
ريما: اي ده بالظبط
ليزا: فستان محتشم وطويل هستاذنك اساعدك تلبسيه علشان هننزل السير اندريا طلب بنزولك
ريما: طيب سبيه هلبس وهنزل
ليزا: انا اسفه يا مدام سامحيني التعليمات اني اساعدك وانزل بيكي
ريما: بتافف تمام
غسلت وشها وفاقت وحست أنها مش هتخرج من هنا وهيكون سجن ليها ومش عارفه اذا كان الموجودين هيحبوها ولا لا
خرجت من حمام الاوضه ولبست الفستان وليزا ساعدتها بهدوء وسرحت شعرها وخلته مفرود لورا ولأنه طويل كان مزودها جمال
ليزا: بإعجاب واو الفستان حلو اوي يا مدام كأنه معمول علشانك وشعرك حضرتك حلو اوي يالا بينا
ليزا نزلت بيها وهي ماسكه أيدها وريما كانت متوترة من الكل والكل شافها وجدتها المعروفه بصرامتها اول ما شافتها ابتسمت ولانت ليها ومش كانت متوقعه أن حفيدتها بالجمال ده وقفت قدامهم بتوتر واندريا اتكلم .
اندريا: بتمني تكوني نمتي كويس يا حفيدتي .
ريما: هزت راسها وجاوبته اه الحمد لله
اندريا: تمام اعرفك بالموجودين واول واحدة لازم تتعرفي عليها بتكون جدتك
اليزيا هي الكل ف الكل وكلمتها مسموعه بعدي ومتخافيش من حد احنا بنحبك
ريما بكسوف هزت راسها وجدتها قربت منها وحضنتها بحب ريما مش توقعت يكون حضنها حنين كده افتكرت تكون قاسيه
و سكاف الابن الوسطاني ليا عمك وزوجته رينا
رينا: بسعادة متوقعتش اوسكار يكون معاه بنت حلوة كده هنبقي صحاب ع فكرة
ريما ابتسمت ليها بهدوء ومش اتكلمت
سكاف : اهلا بيكي تشرفنا
اندريا
وده بيكون ادريانو ابن عمك
بصتله وكان مبتسم بهدوء ليها ولاحظت عيونه اللي كانت لون رمادي فاتح وعين زرقا .
ادريانو : اهلا بيكي
ريما ابتسمت له وكانت ساكته
اندريا اقعدوا نفطر يالا
كانوا بيفطروا بصمت تام وريما كانت حاسه بالتوتر ومش عارفه تعمل ايه وسطهم وكانت بتفكر تتكلم بس مش قادرة اندريا لاحظ توترها وحركه ايديها
اندريا: اسئلي اللي انتي عايزاه ملاحظ من بدري انك عايزة تتكلمي
ريما: بتوتر بصراحه اه عايزة اسئل
اندريا: وانا سامعك قولي
ريما: احم بصراحه كنت عايزة اسئل حضرتك انتوا بتعاملوني بلطف ليه انا كنت فاكرة انكم هتعاملوني بقسوة شديدة لأن بنت ماريان الروسيه وعائلتها.
اندريا: بابتسامه لانك بنت اول ابن ليا اوسكار جبته بعد سنين ف كان المفضل بالنسبالي وكنت فاكر أنه هيبقي وحيد بس أنجبت أندريه بس فضل اوسكار المميز ليا ووعدته بأن اول حفيدة هتاخد الحب والاهتمام اللي اخدهم بس اتصدم ف ماريان وكان عارف هي مين من الاول وخصوصا عائلتها اللي حاولت تغتاله مع كامورا الشرق جايكوب جيرمان اللي كنتي ضيفته ولظروف ما اضطر يبعد عننا شويه واستقر ف مصر بس كان ع تواصل معانا وعرفنا اخباره وقالي أن جبت بنت قمر وكان بيبعتلي صورك ف كل مراحلك العمريه بس فجاه اخباره اتقطعت وعرفت أن ماتيو دينيارو قتله من غير ما يعرف ولا امك تعرف أنه ابن اكبر زعماء ايطاليا قلت انتقم منهم بعدين واخبارك كمان اتقطعت ولما عرفنا انك ف أسيرة ف بيت الكامورا جبتك رجعتك لحضني ودلوقتي اكتفيتي من الاجابه .
ريما: اه شكرا ليك وشكرا انك كنت مهتم بيا قوي كدا
اليزيا : سمعنا أن ليكي بنت هي فين
ريما: بدموع حكتلهم اللي حصل وأن اماليدا انتقمت من ماتيو فيها وهي مش ليها ذنب وان امها هناك لسه .
اندريا : والدتك غلطت لما اتجوزت شخص من برة عائلتها ومش من نفس تركيبتهم علشان كده خالك بيعاقبها
ريما: وده يخليني اسئل سؤال التاني ليه مش عملت حضرتك مع ابويا كده ومش تقولي علشان المميز بالنسبه ليك .
اندريا: لا مش عشان مميز بس قالها صريحه ليا مش عايز يتجوز روزالين ماريانو بنت اخويا ستيف وقال هتجوز ماريان .
ريما: وليه خبي عليها أنه برضو من المافيا
اندريا : ماريان قالت له أنها مش عايزة تعيش ف البيئه اللي عايشه فيها ونفسها تعيش حياه عاديه مش مهددة فهمتي .
ريما: فهمت و روزالين لسه موجودة واتجوزت ولا لا
اليزيا: من ناحيه موجودة ف اه ومن ناحيه اتجوزت ف لا ومش عارفه هتتقبلك ولا لا لان الخبر انتشر بسرعه البرق أن بنت اوسكار اندريا هنا
ريما: ممكن طلب صغير
اندريا: بضحك اطلبي نفسك ف حاجه
ريما: بتوتر أنا عايزة امي هي الوحيدة اللي باقيه ليا حتي لو مش هتتقبلوها أنا عايزاها ارجوك انا حاسه أن اخوها المريب ده بيعمل ليها حاجه .
اليزيا: من غير ما تطلبي طلبك ده اتنفذ من غير ما تقولي خالك المريب فعلا بيديها حقنه بجرعات صغيرة ودي بتكون حقن شلل دماغي شوكي بتخليها مش حاسه باطرافها وتموت بعدين
اندريا
علشان كده انا جبتها وهي ف الطيارة دلوقتي وهيوصلوا بكرة وعائلتها اتصفت خلاص .
ريما شكرته بسعادة وكملت فطور واستئذنت تروح اوضتها تاني قعدت فيها ودخلت جدتها عليها
ريما: حضرتك اتفضلي
اليزيا قعدت جنبها وملست ع شعرها
اليزيا: هتتعودي ع جدتك بعدين وهتحضنيني بعد ما تثقي فيا اوي أنا النهاردة روحي رجعتلي بيكي شايفه نسخه مصغرة عن ابني اللي حرموني منه .
ريما: ابتسمت لها أنا بوعدك اني لما اتعود ع وضعي هكون ف حضنك ع طول بس انا اسفه دلوقتي مش هقدر اديكي الحضن ده اعذريني
اليزيا : متخافيش عذراكي انك تطلعي ف لحظه بنت عائلتها من المافيا الخطيرة واللي عرفناه انك اكتشفتي ده بالصدفه بسبب شكك ف جوزك واختفائه ببنتك
ريما: بحزن ساعات كنت اتمني اني مكنتش دورت وراه ولا حصل ده كله كان زمان بنتي ف حضني وعايشه معايا .
اليزيا: نصيبك انك تكتشفي جوزك وتكتشفي ماضي والدتك وصدمتك ف ابوكي يالا بلاش بكا جبتلك فستان طويل بأكمام علشان تلبسيه ف حفله النهاردة
ريما: حفله بمناسبه ايه بالظبط
اليزيا: أنك بقيتي معانا ورجعنا بنتنا اللي كانت هتروح مننا هسيبك تجهزي
بالليل لبست ريما الفستان وفردت شعرها ونزلت مع اليزيا اللي نزلت بيها بصت الموجودين كانوا كتير بس لمحت ادريانو كان بيبصلها بإعجاب خفي بس تمالك نفسه ولمحت بنت باين عليها الكره والغضب
نزلت ريما للضيوف واندريا قدمها للكل وخصوصا اخوه سكارف
اندريا: سكارف اعرفك ريما بنت ابني اللي اخيرا رجعت لينا .
سكارف : ههه اهلا بيكي مكنتش اعرف ان اوسكار انجب بنت جميله كده اعرفك بنتي روزالين
ريما مدت ايديها تسلم عليها وهي بصتلها بكره لانها شايفه بنت حبيبها اللي معرفتش تنساه اضطرت تسلم عليها بس سلامها كان جاف وده لاحظته ريما
وده ابني جون
جون: بنظرة مفترسه ليها اهلا بيكي
ريما لاحظت أنه بيبص ليها بنظرة غير مريحه وكانت هتبعد أيدها بس هو كان متبت فيها ادريانو قرب منهم وفك أيده وهي بصتله
ابتدت الحفله وهي اخدت جنب علشان مش متعودة ع الجو ده والكل مندمج لاحظت كوبايه عصير اتحطت قدامها بصت لصاحبها ولقيته ادريانو
ادريانو: اتفضلي لقيتك وحدك ف جبت ليكي عصير هتتعودي بعدين ع الجو
ريما: بابتسامه شكرا ليك
ادريانو : وانتي درستي ايه
ريما: دراسه برمجه ومعايا لغات روسيه وإيطاليه
ادريانو: حلو هتنفعي ف شركتنا .
ريما: انت ليك شركه هنا
ادريانو: اه شركه برمجه وتصميم عن اذنك جدي بينده
بعدها جت ليها روزالين وقعدت معاها
روزالين: اخبارك ايه
ريما: تمام
روزالين: يا تري بقي والدتك هنا كمان
ريما: لا مش هنا بتسالي ليه
روزالين: لا عادي دردشه عاديه
ريما: بس أنا مش شايفه أنها دردشه ده استجواب .
روزالين: بتهكم نفس نبرته كاني شايفاه قدامي بالظبط .
ريما
عن اذنك
ريما وقفت مع اليزيا وهي حضنتها وابتسمت بعد شويه الحفله خلصت وهي طلعت علشان ترتاح قابلت ادريانو
ادريانو: بالمناسبه يا ريما
ريما: خير ف حاجه
ادريانو : مش تشغلي بالك ب روزالين هتضايقك شويه وبعدين تسكت وكمان شكلك حلو
قالها كده ودخل غرفته المجاورة لغرفتها وهي شبح ابتسامه زين ملامحها بس كشرت تاني ودخلت غرفتها .
تاني يوم رجال اندريا وصلوا ب ماريان ومعاهم أطباء متخصصين ودخلوها غرفه خاصه وريما كانت مدمعه من شكلها
ريما بالايطاليه
لماذا هي بهذا الشكل ماذا بها
الطبيب: الحقن أثرت بها كثيرا وفقدت القدرة ع حركه قدميها
ريما بكت عليها وقعدت جنبها
واندريا اخدها علشان الأطباء يشوفه شغلهم معاها
ريما قعدت ف البهو الكبير وكانت بتبكي بس سمعت صوت مألوف عليها
اوس: ريما
ريما
انت ايه اللي جابك هنا يا اوس جيت ليه
اندريا بعدها عنه ووقف قدامه انت مين وعايز ايه
اوس: أنا اوس عمران المغربي كنت صديق لريما بس بطلت اتكلم معاها بعد جوازها واتكلمنا تاني بعد ما حصلت مشكلتها
اندريا: تمام وعايز ايه
اوس: أنا جاي اخدها ارجعها معايا هي ملهاش ف حواراتكم دي انا جاي بهدوء بطلب منك انك ترجعهالي
اندريا: يعني انت جاي داخل بيتي من غير ما اعرف وجاي متئمل اني اديك ريما
اوس: بالظبط كده
اندريا: بغضب يبقي بتحلم مستحيل اتخلي عن بنت ابني فاهم مش بعد ما لقيتها اخليها تروح تاني
اوس: بس أنا بحبها ضيعتها زمان ومش مستعد اضيعها تاني
اندريا: يبقي انت اللي هتضيع وجه مسدسه تجاهه مستعد تموت علشان ولا حاجه ولا تكسب حياتك انت مش عارف انت بتلعب مع مين
اوس: مش هسيبها فاهم اقتلني احبسني اعمل فيا ما بدالك مش هسيبها ابدا فاهم
ادريانو: تبقي جنيت ع نفسك طلع مسدسه وحطه ف رأسه وكان هيدوس ع الزناد بس ريما صرخت
ريما: بصراخ لا بعد عنه هو هيسمع الكلام اوس امشي من هنا خالص وإنساني أنا خلاص مش هنفع ليك انا اسفه بس ده لمصلحتك مش عايزة اخسرك امشي حياتي الجايه هتبقي معاهم ومش هخرج من هنا خلاص أمشي ارجوك .
اوس: بس يا ريما أنا مش هقدر استوعب أن هضيعك تاني عملتها زمان مش مستعد اعملها تاني .
ريما: ببكاء وكذب بس أنا مش بحبك يا اوس افهم بقي أنا مش عايزاك خلاص مهمتك معايا انتهت من ساعه لما كما ف اسكندريه خلاص مش كان لازم تيجي ورايا روسيا وإيطاليا خلاص كل حاجه انتهت اطلع برة وانسي انك عرفتني ف يوم
اوس: انتي بتقولي كده دلوقتي مسكها بعنف بتقولي انك مش بتحبيني طيب طلبتي مساعدتي ليه من الاول انتي حييتي الحب ده تاني ليه عملتي كده
ريما: مش ملزمه اجاوبك برة اطلع برة وعيش حياتك اللي موقفها عليا روح من هنا اوس أنا بكرهك ومش عايزاك ف حياتي تاني
اوس سمعها بصدمه وعدم تصديق خرج من القصر الكبير وهو مش عارف يصدق كلامها أما ريما ف بكت وجرت لاوضتها وفضلت تبكي
ريما: انا اسفه مش عايزاك تتاذي بسببي ده لمصلحتك والله اسفه .
اوس استسلم ورجع لمصر مكسور اوي انغمس ف شغله وحاول ينساها وبقي قاسي اوي