( إستغلال )
بصراحه سمعت كلامه وعملت فعلا بلوك هى نقصاه هو كمان مش كفايه اللى الواحد فيه هلاقيها منين انا ولا منين ؟ عادل قالى:
_إيه يا حبيبتى مالك ؟ فى حاجه ولا إيه ؟
_لأ أنا تمام كنت برد بس على واحده صاحبتى
_طيب إيه تحبى أصبلك عصير ؟
_ماليش نفس والله يا عادل أنا كمان بفكر أدخل أنام حاسه إنى تعبانه
_نروح لدكتور ؟
_لأ مش مستاهله مصدعه بس ومحتاجه أنام
_طيب يا حبيبتى تصبحى على خير
_وإنت من أهله يا دولا
دخلت الأوضه وفضلت أعيط بعد ما إفتكرت كل حاجه عملتها عشانه وكنت بقف قصاد أخويا وأدافع عنه بالرغم إنه كان بيبقى مزعلنى ومنكد عليا
التليفون بتاعى رن مسحت دموعى ورديت على نيروز وقولت :
_ألو
_أنا كنت متأكدة إنى هلاقيكى صاحيه بتعملى إيه بقا ؟
_قاعده هعمل إيه يعنى بعيط على خيبتى
_إنتى مغفله ليه يا بنتى كده ؟ تعيطى على إيه يا عبيطه إنتى ؟ ده بدل ما تعملى فرح وتصلى ركعتين شكر لربنا إنه كشفهولك على حقيقته نفرض كنتوا إتجوزتوا وخانك كان هيبقى العمل إيه بقا ؟
_أنا عارفه اللى بتتكلمى فيه لكن لما الإنسان بيحس إنه إختار غلط وعمل حاجات لناس متستاهلش بيندم على الوقت الى ضيعه معاهم
_الإنسان هيفضل يتعلم لحد ما يموت إحنا بناخد دروس وبندفع تمنها غالى أوى سواء من صحتنا أو من نفسيتنا
_مش عايزة أتكلم فى الموضوع ده يا نيروز عشان بيضايقنى
_إنتى إيه يا بت النكد اللى زنقه نفسك فيه ده ؟
_تصبحى على خير أنا سيبت الفيلم اللى عادل كان مشغله عشان مش عايزة أتكلم ولا أقعد مع حد غير نفسى
_والله يا إبتسامه يا بختك ب دولا لو عندى بس أخ زيه
_إنتى هتنقى على الواد ولا إيه ؟
_يا بوسى إنتى عارفه إنى بحب عادل من أول ما شوفته وهو بيوصلك الكليه وقولتلك جسى نبضه وإنتى منفضالى على الأخر
_بذمتك يعنى ده وقته ؟ وبعدين قولتلك مليون مرة عادل مبيفكرش فى موضوع الجواز الارتباط ده خالص
_ما هو عشان ملقاش اللى تخطف قلبه وتغير وجهه نظره
_عموما أهو عندك إبقى قوليله بنفسك إنك مش قادره تعيشى من غيره وهتموتى وتتجوزيه
_تفتكرى رد فعله هيبقى عامل إزاى لما أقوله ؟
_هيقولك ربنا يهديكى
_تصدقى إنتى مش جدعه وأنا غلطانه أصلا إنى إتصلت أطمن عليكى
_أيوه إنتى غلطانه متتصليش بيا تانى بقا على أخر الزمن هشتغلك خاطبه يلا يا بت من هنا متجيش تانى عشان هنرش مايه
_غورى فى داهيه بإستفزازك ده
نمت وصحيت تانى يوم على صوت عادل وهو بيصحينى وبيقول:
_صباح الجمال يا بسبوسة حضرتلك أحلى فطار فى الدنيا فطار بقا إنما إيه ولا أجدع شيف
_صباح الورد يا دولا ياه محضره بنفسك معقول !
_اه يا قلب دولا ومش معقول ليه عندى أغلى منك يعنى عشان أدلعها
_مراتك يا سيدى
_فين دى ؟
_لأ قدام يعنى بإعتبار ما سيكون يعنى
_لأ ياختى أنا مبسوط كده لما أشتكيلك إبقى شدينى من ودانى
_ههههههههههه
_ده إحنا نهارنا أبيض أيوه كده خلى الشمس تطلع
_هتروح الشغل امته ؟
_إنتى مش رومانسية يا بت على فكره
_ملكش دعوة
_ماشى خليكى فكراها أنا هنزل دلوقتى حالا عشان إتأخرت بسببك يا قردة
_تسلم إيدك على الفطار الحلو ده وبعد كده متعطلش نفسك عشانى مش معنى إن تامر سابنى إنى خلاص هموت نفسى مش نهاية العالم يعنى
_يا بت إنتى أختى هو إنتى مفكره إنى بعمل كل ده عشان سى زفت ما أنا طول عمرى مدلعك من قبل الخطوبة حتى
_عارفه يا عادل ربنا ميحرمنيش منك
_ولا منك يا روح عادل إستنينى ها إوعى تنامى
_إيه هتجيب مزة وإنت جاى ولا إيه ؟
_يا جزمه هحبسك لأ وإنتى الصادقه المزة دى بطلع أجيبها وأدخلها التخشيبه
_أسد يلا
_طول عمرى يلا بقا سلام يخربيت رغيك
اليوم عدى واللى بعديه عدى ونزلت الكليه وأنا مخنوقه لأنى مكنتش عايزة أشوف خلقه مايا بعد اللى عملته وأكيد زى ما كان تامر بيجى يقعد معايا هيجيلها عشان يضايقونى وفعلا ده اللى حصل لاقيتهم مع بعض فى كافيتريا الكلية كان ماسك إيدها وبيبوسها جت نيروز من ورايا وقالت :
_ولا يهمك سيبك منهم تعالى نقعد قصادهم إحنا ولا بيهمنا
_لأ لأ تعالى نروح نقعد فى المدرج أحسن
_بقولك إيه إنتى عايزاها تشمت فينا ولا إيه نظامك هنقعد قصادهم ولا كإنهم موجودين يلا
روحنا قعدنا ونيروز طلبتلنا شاورما وقهوه وبعد شويه لاقيت الكرسى اللى جنبى بيتشد وبعدها بص فى عينى وقال :
_تسمحى ؟
رديت عليه وقولت :
_بإيه ؟
_أقعد معاكم لأن المكان زى ما إنتى شايفه كده زحمه وأنا بصراحه عايز أكل عشان عندى 4 محاضرات النهاردة
نيروز إتكلمت وقالت :
_خلاص يا عم إنت هتحكيلنا قصة حياتك إتفضل إقعد بس تاكل وتقوم على طول مش عايزين لوكلوك
_حاضر متشكر جدا
لاقيت نيروز بتضربنى فى رجلى وهمست فى ودنى وهى بتقول :
_بصى على شكل صاحبنا هيتجنن من أول ما إسمه إيه ده قعد معانا
وبعدها سألته بفضول وقالت :
_هو إنت إسمك إيه ؟
_نادر عبدالرحمن
_غريبة مع إن دى أول مرة نشوفك فيها إنت كنت بتسقط كتير ولا إيه ؟
ضربتها فى كتفها وقولتله:
_أنا متأسفة جدا هى أكيد متقصدش كده
_لأ ولا يهمك عموما أنا مش زيكم فى سنة تانية دى أخر سنة ليا والحمدلله كل سنة بجيب إمتياز مع مرتبة الشرف
ردت عليه نيروز:
_ واو ده إنت دحيح بقا طيب ما تطلع جدع وتذاكرلنا
_معنديش أى مانع أنا تحت أمركم فى أى وقت تحبوه
إتدخلت وقولت:
_ لأ مالوش لزوم مش عايزين نتعبك ونيروز بتحب تهزر كتير
_مافيش تعب أنا فى الخدمة وبعدين أنسة نيروز لو واخده الدنيا ببساطة وكل حاجة عندها هزار فإنتى واخده الدنيا جد زيادة عن اللزوم يا أنسة....
_إبتسامة
_إبتسامة ! إسمك حلو أوى زيك بالظبط
_ميرسى
_أنا أسف لو كنت كسفتك صدقينى مكنتش أقصد
_ردت نيروز عليه وقالت:
على فكرة بوسى بتتكسف أوى خلى بالك بقا أكتر بنت خجولة هتقابلها فى حياتك
_أكيد طبعاً دى حاجة أنا واثق منها زى ما هى مميزة فى جمالها ومميزة فى خجلها حتى إسمها مافيش منه إتنين ما بالك بقا بشخصيتها هتبقى عاملة إزاى ؟
رديت عليه فى الوقت ده وقولت:
_لأ واضح إنك إنت جاى تعاكس وتستظرف مش جاى تقعد عشان تفطر زى ما قولت ريح نفسك أنا هقوم وأسيبلك المكان كله يلا يا نيروز
قومت وأنا متعصبة جداً نيروز قالت:
_إيه اللى إنتى عملتيه ده؟ الراجل مغلطش ولا قال حاجة تجاوز حدوده فيها
_نعم! هو إنتى مكنتيش قاعدة وسمعتى اللى قاله ولا إيه ؟ يعرفنى منين هو عشان يقولى كده ؟
_إنتى يا بت إنتى مجنونة هو شخص محترم وذوق زيادة عن اللزوم وبدل ما كنتى قولتيله ميرسى هزقتيه وعلى فكرة تامر كان قاعد هيموت وهو شايفه بيكلمك وإنتى بغبائك ضيعتى الفرصة دى من إيدك
_هو إنتى عايزانى عشان أنسى تامر أو أضايقه فأستغفل واحد تانى هو إيه ذنبه