رواية كابوس الماضي الفصل الاول1 بقلم يارا محمد
بعد مرور عشر سنوات ريما نفسيا بقت احسن وبقت اكبر سيدة أعمال وناجحه ف مجالها وعايشه مع جوزها اللي نصه يوناني ونصه مصري و معاها بنتين حلوين هي عايشه حياة هاديه و كالعادة كانت ف شركتها يتمضي اوراق صفقه جديدة مع مستثمر نمساوي ودخل عليها شاب ثلاثيني انيق وابتسم ليها .
إليا : ريما انتهيتي من الشغل ولا لسه عندنا مناسبه مهمه النهاردة اوه سيد اندريس كيف حالك سعدت بلقائك كثيرا .
اندريس: سيد إليا أنا بخير ماذا تفعل هنا .
إليا: هذه شركه زوجتي وجأت لأخذها لأن اليوم عيد ميلاد ابنتينا ايفا وانيتا .
اندريس : حقا عيد ميلاد سعيد لهما بالمناسبه إليا زوجتك متحدثه لبقه وتعرف جيدا كيف تكسب العميل والمستثمر حافظ عليها.
إليا: بابتسامه وحب بالطبع هذه هي زوجتي أنا افتخر بها كثيرا.
ريما بصتله بحب وامتنان لكلامه وابتسامتها كانت واسعه.
اندريس مشي و إليا بص ل ريما لقتها مبتسمه ليه.
إليا: مالك بتبصي ليا كده ليه .
ريما: هو انا قلتلك النهاردة اني بحبك ولا لا.
إليا: امم لا انتي كنتي بخيله النهاردة.
ريما: طيب يلا علشان حفله عيد ميلاد بناتنا وهقولك اني بحبك بطريقتي .
رجعوا البيت واستعدوا علشان الضيوف وجهزوا التورته الكبيرة وريما لبست دريس بينك منفوش وكان شكله حلو اوي عليها و إليا لبس بدله كلاسيكيه برزت جماله الرجولي ونزله للضيوف واحتفلوا بعيد ميلاد بناتهم ف جو حلو و ف مكان تاني ع السطح المقابل لبيتهم كان ف حد بيصورهم وبعت الصور ل داني .
داني: بتحتفل بعيد ميلاد بناتها ولا كأنها عامله مصيبه ف حياتها حلو نعرف سورا بالموضوع ونشوف هتجيب حق بنت عمها ولا لا.
داني دخل ل أخته غرفه الاجتماعات وكانت واقفه قدام رجالتها بهيئة مرعبه لما لا فهي زعيمه الماف*يا في النمسا و بتحرك الكل بإشارة واحدة منها والزعماء بيعملوا ليها مليون حساب هي سورا سالفتوري بنت عم اوليفيا ديميتري كان متابعتها وهي بتصرخ ف رجالتها اغبيه زي كل مرة المهمه مش بتتنفذ
سورا : انتوا اغبيه معقول زعيم معار*ضه سي*اسي مش عرفتوا تتخلص*وا منه انتوا لازم تتخلصوا من هانس بيتر فاهمين خبر م*وته يوصلي بعد تلات ساعات فاهمين والا عقابكم هيكون عسير فاهمين.
رجالتها مشيوا من قدامها والخوف ماليهم وهي مسكت الفون بتاعها واتصلت ع حد بس كالعادة الموبايل مقفول.
داني: بتتصلي ع مين مش كفايه شغل بقي.
سورا: بتصل ع اوليفيا و برده مش بترد مش عارفه عنها أي خبر ل دلوقتي ولا مختفيه الاختفاء الغريب ده لازم اعرف.
داني: مفيش داعي تتصلي علشان مش هترد .
سورا: ليه عايزة اعرف اخدت حقها ولا لا بقالها عشر سنين مش بتكلمني انا خايفه عليها.
داني: مفيش داعي يا سورا علشان اوليفيا ميته من عشر سنين .
سورا: بصدمه ل داني ايه ازاي يعني ميته بقالها عشر سنين هي اخر مرة كلمتني قالتلي انها قربت تاخد حقها من اندريا وعائلته كشفوها يعني ولا ايه فهمني .
داني: سورا اهدي اللي عمل فيها كده مش اندريا ده ريما حفيدته واللي عرفته أنها قتلت*هم كلهم وعايشه دلوقتي ف اليونان .
سورا: يعني هي قتل*ت بنت عمي وعيلتها وعايشه مبسوطه ف بلد تانيه مش هسمح بده يا داني البنت دي لازم تاخد جزائها وبعدين عرفت منين الاخبار دي.
داني : ما انتي عارفه اخبارهم بتوصلي عن طريق رافي و سيزر رجاله اندريا ما أنا مديهم رشوة علشان يجيبه ليا الاخبار بس ف يوم اللي حصل مش كانوا موجودين ريما كلفتهم بشئ تاني بس رافي اخد جثه اوليفيا قبل ما ريما تقتل عيلتها.
سورا: يعني هو عارف مكان جثه اوليفيا تمام اوي ريما دي لعبت ف عداد عمرها وشكل كده هتبقي كابوسها الجديد مش هسيبها غير وانا قاضيه عليها فاهم قولي بقي عرفت مين هي او اي معلومات عنها .
داني حكالها عن المعلومات اللي عرفها من الراجل بتاعه عن ريما .
سورا: حلو اوي مريضه نفس*يا طيب نلعب ع نقاطها النفسيه وأخوها اللي عايش ف المكسيك ده شغله سليم ولا لا.
داني: اللي اعرفه انه وعدها بعدم قربه من الشغل ده بس مش عارف لسه محافظ ع الوعد ده ولا لا.
سورا: تمام نخليه يشتغل غصب عنه انت عارف ان احنا لينا ف شغل غسي*ل الاموال والمخ*درات بأنواعها.
داني: والمطلوب ايه بالظبط.
سورا: واحد من رجالتنا يعقد معاه صفقه كبيرة تضم استيراد ادويه بما أنه مشغل شركته فيها بس الدوا يكون فيه مخ"درات الك*وك فاهم يا داني.
داني: اه فهمت وبكده انتي تبت*زيه بطريقتك أنه يكمل شغل والا معلومه تجارة الك*وك توصل ل ريما وتفقد ثقتها فيه صح.
سورا: صح ابتديت تفهمني .
داني : وانتي تموت*ي ف الابت*زاز والتهدي*د عملتيها مرة مع صديق لينا قديم طيب وخطوتك التانيه .
سورا: صور تفكر ريما بماضيها بس عايزة لما تشوفها تحس بالرعب والخوف ومش تبقي حاسه بالامان والتهديد أن ممكن حد يعرف سرها.
داني : حصل يا سالفتوري النسخه النسائيه ده انتي طلعتي نسخه اوحش من ابوكي بكتير كويس أنه اختارك علشان تشيلي شغله.
سورا: وانت مش زعلان يعني عايز تقنعني انك مش مضايق ولا حاقد عليا يا داني عيب أنا اختك وعارفاك بس احب افكرك أن سالفتوري رفض يديك شغله و تكون مكانه علشان انت مش تستاهل وحد غبي وتوقع ف شبر ميه.
داني: ده انتي قلبك اسود اوي أنا مش بيهمني رئاسه الكرسي ده مش من اهتماماتي .
سورا: و ايه اهتماماتك تقت*ل القريبين منك نفذ اللي طلبته يا داني يالا.
داني مشي من قدامها وابتسامته اختفت هو ببكره حد يتحكم فيه علشان كده عمل اللي عمله بس مش كان يعرف أن أخته هتبقي عقبته التانيه بعد أبوه.
نفذ اللي طلبته منه وبعت حد من رجالته يحط الظرف قدام بيت ريما ف اليونان.
ف اليونان كانوا بيتكلموا مع بعض بكل هدوء وبيشوفوا جدولهم وكان مش معاها شغل ف حبت تريح ف البيت وجوزها راح شركته و بناتها المدرسه أما هي ف كانت بتضرب فنجان الكوفي بتاعها ع رواق لغايه ما الدادة جابت الظرف ليها.
الدادة: مدام الظرف ده وصل ليكي.
ريما: تمام اتفضلي انتي.
ريما دخلت أوضتها وفتحت الظرف شافت اللي محبتش تشوفه ونسيته صور ليها وهي ف المصحه وصور ليها وهي بتقت*ل أفراد عيلتها وفيديو فتحته وكان فيه هي وبتنتق"م من اوليفيا شافت الحاجات دي بخوف شديد وقع من الظرف رساله وقرأتها.
* يا تري جوزك يعرف انك شخص قات*ل ومن عيله ماف*يا ومريضه نفسيه يا تري رد فعله لو عرف ايه يا felis *
رمت الرساله من ايديها وطلعت الفلاشه وقطعت الصور .
ريما: بهستيريه لا لا مش بعد السنين دي كل حاجه عملتها تتهد من تاني مش هسمح بحد يعكر ليا صفو حياتي ابدا حتي اللي كانوا دول يعرفوني او لا اكيد دول ناس بيهوشوا مش هيعملوا حاجه