رواية شبح الماضي
الفصل الثالث 3
بقلم رويدا راشد
"الحليب واللبن والزبدة كانوا خوت مافرقهم غير مخيض الشكوه"
تقوى:فقت ع صوت الهاتف يرن شفته لقيته الخاين النصاب خديت نفس وفتحت الخط الو شن تبي.
حاتم: علاش حرقتيلي الحوش ، معقولة الحقد يوصل بيك انك ادمريني.
تقوى: قصدك ياحشرة متوقع انت اني لما بننتقم منك بتكون عن طريق حرق الحوش انا لو بديت في انتقام نحرقكم عيلة تامة ويالا يكفيني ننصحك معاش تتصل بيا خليني عندي ماندير توا.
حاتم: سامر مش تقوى للي حارقة الحوش في حد ثاني وراء الموضوع اهو.
سامر: من عندك معاه مشاكل انت ، انا ع نفسي كنت نتوقع انها تقوى الحق.
حاتم: تصدق لو نقولك انه حاليا معاش هدفي الحوش نبي نعرف من وراء القصة بس.
سامر: بالله فيلم العذاب متعك كيف بادي وانا المهم اطمنت عليك وبنمشي للمحل توا .
حاتم: تمام حتى انا بنمشي للمعرض ونشوف خدمتي ويعوضني ربي خير وخلاص.
سامر: اسمع ياصاحبي مهما كانت تقوى في نضرك عافنة وماتنفعش لكن العشم صاعب والناس الاولى تقول "ناس زمان قالو💔🥺
"عوم في بحر غارق،وماتعومش في دموع وليّة دعوة الوليّة بليّة،كان مالقيتهاش في الصحة تلقاها في الذرية"
ياسمين: معليشي ياقلبي تعيش وتبني وتشيد غيره قدر الله وماشاء فعل عادي هيا الدنيا هكي اختبارات.
حاتم: ماتعرفيش كلامك قداش هون عليا الموضوع بصراحة.
ياسمين: المرأة للي ماتصبرش مع راجلها ماهيش مرأة بكل.
حاتم: نوعدك نبنيلك حوش احلى من الاول.
ياسمين: توكل لخدمتك وبعدين نحكو .
كوكا: درتها يامجرم باش تبرد قلب حبيبتك.
الحربي: 😒 كان درتها ياربع انت بتكون معاي اصلا مش محتاج تسأل .
كوكا: قصدك تحكي بجديات مش انت للي وراء القصة هاذي.
الحربي: ابدا ولا عندي علاقة بالشئ للي صار.
كوكا:معناها في حد يلعب معانا ومع حاتم الكلاب واي حد بيفكر بالعقل بيتوقع انه انه تقوى وراء الموضوع.
الحربي: صحة ليك للي مداير اللقطة اهيا يبي اصابع الاتهام تمشي لي تقوى.
كوكا:لكن يالا حصلت من يمسح ع قلبها بدون ماتمسخ ايديها....
نهى:اليوم بنطلعوا ولا غدوا.
تقوى: اليوم الحوش جاهز شوية توصل سيارة تاخد المهم بس مانبوش اثاث كله موجود غادي.
صالحة: تمام .
تقوى: شن صار في عريس الغفلة علاء ولد محمد .
صالحة: جو وان شاء الله بعد نتحولو للحوش الجديد الفضانية.
تقوى: انا راسي يوجعني لما نتفكر انها بتاخده
تفكرت لما كنا صغار ...وعلاقتنا زي اي اخوات .
نهى: شوفي علاء السكار كيف يشوفلنا.
تقوى:🤣 تخايلي يتزوج وحدة فينا.
نهى: تحركي من مكانك انت بتاخدي مليشياوي نعرفك تحبي جو حياة الاكشن والسلاح .
تقوى: وانت بتاخدي شرطي راس ماله الرتبه للي ع كتفه .
نهى: لكن المهم ماناخدش فرخ لطفية..🤣🤣.
تقوى: سبحان الله الوقت قداش يغير الناس وانا سارحة رن هاتفي كان مسجل الدولة...
ألو شن صار في الصفقة ..
الدولة: شكله المليون راح فينا لانه الغراب اخد الفلوس من الشباب وقلهم روحوا من وين ماجيتو...
تقوى: صار خان وخنبني هذا خليه عليا..
الدولة: في موضوع في رأسك .
تقوى: هما كم اخ قتلي .
الدولة: اربعة شركاء ...
تقوى: قول لجماعتنا حطوا رجل ع رجل وكيف بنخلصوا دم مش فلوس..
الدولة: باهي فهميني بالزبط شن ناوية..
تقوى: ان غدا لناظره قريب سكرت منه قمت هاتف لوحدة اسمها الخبره ....
الخبره: اهلا بالغالية اهلا بالروح وين مغيبة معاش تباني في السهرات.
تقوى: هذاك قبل لكن توا وليت دولة بروحي ناخد شن نبي وانا في مكاني بهاتف بس.
الخبره: من اول يوم عرفتك كنت نعرف انك رح تستقلي بروحك.
تقوى: تعرفيني مانحبش نخدم تحت حد الشركه تركه، المهم ياخبره نبيك تبعثيلي وحدة مضروبة للعنوان للي بيوصلك ونبيها ذكية تعرف تتصرف .
الخبره: اول مرة تطلبي مني خدمة زي هاذي جديد عليك الكلام اهو.
تقوى: مش وقت شرح لكن قولها الرقم للي يرضيها تحطه وتمشي تقعد اسبوع اسبوعين كيف ماتبي هيا وكله بحسابه،وانت ياخبره حسابك بروحه عندي...
الخبره: يومين ونفريلك في الموضوع .
تقوى:تمام مافيش داعي نرجع نتصل بيك ثاني.
سكرت الخبره من تقوى واتصلت بوحدة اسمها الحركي سوزان والدلع سوسو....طلبت منها تستلم الموضوع وكلمة حطي الرقم للي يعجبك تغري اي رخيصة....
بعد اسبوع من الموضوع للي صار ....
تقوى: الو دولة .
الدولة: نعم نسمع فيك
تقوى: اتصل بأصحابنا للي طمعوا في الفلوس وقولهم مبارك عليكم الايذز...
الدولة: من صدمة للي سمعه ماعرفش حتى يرد عليها تبصري اكيد.
تقوى: شن شكله قلبك حن عليهم للي يلعب مع تقوى هكي مصيره .
الدولة: بديتي تخوفي بجديات تفكيرك اهو حتى ابليس ماوصلاش.
تقوى: لكن حواء هيا للي دخلت الشيطان لي الشيشة تفرج وتعلم.
الفترة هاذي انخطبت نهى لولد عمها علاء وحاتم مختفي من العمل للحوش ويجمع في القرش ع القرش باش يرجع يبي الحوش لحبيبت قلبه ياسمين.
كوكا: سمعت جماعة السوق شن دارت فيهم تقوى بعتثلهم وحدة مضروبة بالإيذز.
الحربي: توقع منها كل شى التصفيات للي ع البارد بين التاجر هكي ولت والباين انه المعلمة متعنا موكبة تطورات انتقام المافيات ع مستوى العالم.
كوكا: وربي للي مايقرعلها ماهو راجل.
الحربي: مازال انت في الحلقة الأولى تفرج بس وللي يعيش ياما يشوف....
اتصلت الخبرة وقالت لتقوى البنت طلبت 14 ع سبعة ايام للي قعدتهم ...
تقوى: وليك بروحك ستة فوقهم انا الناس للي تخدمني نحب نكرمها وانا جايتك اهو في الطريق انا والضحاكات .
الخبره: خلي نجهز القهوة .
تقوى: جيبتها معاي ليا وليك بنهدرز عليك شوية وطالعة انا.
في الطريق وقفت تقوى ع كافى وخدت منه قهوة وطلعت وصلت كانت الخبره تستنى فيها استقبلتها واخدت منها الفلوس واستئذنت منها باش تخلص سوسو ...وهيا طالعة شافتها تقوى.
تقوى: من البنت هاذي للي فاتت توا.
الخبره: هاذي سوزان للي تمتلك الموضوع.
تقوى: هذا اسمها الحقيقي ولا كيف.
الخبره: والله الحق ماتشديها عليا ممكن اسمها ياسمين وخطيبها اسمه حاتم مرة قعدت نهدرز انا وياها احكتلي عليه.
تقوى: من الصدمة كنت نتمنى حد يعطيني كف باش نفيق ع روحي.
الخبره: تعرفيها ياتقوى..
تقوى: هاذي طاحت من السماء وجت في حجري اسمعي اكديلي منه الكلام للي قولتيه وليك مني ستة زي اهما.
الخبره: مع انه لما نضربت كنت بنطردها من الخدمة من مازال بيطلع وحدة هكي.
تقوى: مشكلتك غبية هاذي خليها لتصفيات بس.
الخبره: سمعتي شن صار فيهم الخوت الاربعة .
تقوى: اخر همي جهنم وبئس المصير.
الخبره: اثنين شنقوا روحهم .
تقوى: للي يموت من الشياطين يخفف ع الملائكة الساعة المباركة نتلاقو ياحب وطلعت بينا هاتف .
حاتم ضحك ع تقوى وضيعها وكان في باله انه خاطب بنت عيلة وناس ،يفسدوا بنات الناس ويمشوا ايدور ع الصالحة ،لكن ع نياتكم ترزقون ....
وقصة التجار للي نتقموا منهم بالبنت المضروبة واقع 100% تعلموا