رواية شبح الماضي
الفصل الثاني2
بقلم رويدا راشد
ويبقى لحن الانتقام من أجمل الألحان وأقربها إلى قلبي"
تقوى: الو الحربي بنعطيك اسم حساب ع الفيس نبي نعرف عليه كل شئ في ساعة راك تفوتها ولو تخترقه خير وخير.
الحربي: اعتبريه صار وتم.
الكوكا: شكله في حفلة الليلة .
الحربي: والباين المقبلات جثة حول غادي خلي نتصرف وبعدها نفهموا للي صاير شن.
الحربي كان من أقرب الاشخاص ليها رغم انه يخدم عندها ولكن تقوى مجرد ماضيق بيها طول ترجعله وتشاوره.
نهى: غريبة اقامتك ماطولتش في استراحتك المرة هاذي توقعت تقعدي اسبوع.
تقوى: ننصحك تفوتيني خير مش وقتك بكل.
صالحة: الواحد ماعنده مايقولك غير ربي يهديك وخلاص بس.
تقوى :غدوا لموا جاحتكم بنطلعوا من المنطقة كلها.
نهى: وصلت بيك انت تهجرينا من حوشنا ياتقوى هذا للي نستنوا فيه منك.
صالحة: حتى عمك الوحيد للي يواصل في بوك بتحرميه منه ...
تقوى: بكل برود لا عمي لاعمتي انا شريت حوش زي الناس بدل الخرابة للي عايشين فيه وجيران جدد لايعرفوكم لا تعرفوهم ناس تقدرو تحكو وتواصلوهم ع راحتكم والموضوع اهو غير قابل لنقاش والحوش اهو بنديره مخزن بضاعة.
نهى: بارك فيك والله باهي للي عرفتي تصارفتك شن نتيجتها وعرفتي اننا بسببك احنا مكروهين من الكل.
تقوى: حفضتها النغمة هاذي غيريها مليت من تكراراها....شوية وجاني اتصال من الحربي خديت الهاتف وطلعت....
الحربي: الو الحساب اهو عندي وبياناته تلقيها عندك ع الوتس وتقدري تخشي تشوفي بعيونك كل شئ.
تقوى: جعلني مانفقدك منور سكرت الخط ومع اني كنت نعرف وقلبي حاس انه حاتم يخون فيا وخصوصا لما تشوف حاجتك في يد غيرك فتحت الحساب ...وشعوري كان كأني فتحت قبري بيديا شفت الكلام للي يقولها فيه وكيف يغار عليها وفلوسي كيف يصرف فيهم عليها
حسيت بالقهر مش تقوى للي ينضحك عليها
ولعت السيارة وامشيت للإستراحة نبي نفكر وانا مرتاحة بلا صداع نهى وامي.
صالحة: اختك شكله صاير معاها حاجة.
نهى: ماهو ديما تصير معاها حاجات شن خطر عليك الاحساس هذا توا.
صالحة: مانعرفش لكن اول مرة من سنين تتكلم معانا وتاخذ وتعطي .
نهى: مانعرفش ممكن في مشكلة صايرة هذا علاش تبينا نبعدوا من الجيهة والشارع.
صالحة: نهى يابنتي متأكدة من قرارك وبتوافقي ع علاء ولد عمك.
نهى: وفي حد غيره خبط ع بابي وانا قلت لا حتى الشيابين للي تقدموا مجرد مايوصلهم سريب اختي يهربوا .
صالحة: ربي يصلح حالها ويهديها ويسامحها ع للي دارته فينا.
نهى: انا مش مسامحتها لين نموت متحملتها ع خاطرك بس.
صالحة: في خاطري اه ياربي هما راس مالي للي طلعت بيه من الدنيا ...وهكي صاير بينهم.
تقوى: وصلت للإستراحة خشيت وانا كله قدام عيوني كلامه معاها ...وكيف كان يقولي اصبري مصيرينا بنتزوجو.....حربي الحربي.
كوكا: سعدك نداك .
الحربي:سكر فمك خلي نمشي نشوفها ...طلعت
وخشيت عليها نعم تبي حاجة.
تقوى: قعمز مجتاجة نحكي معاك مش عارفة كيف نتصرف.
الحربي:احكي شن صاير معاك.
تقوى: غصيت لما سألني سبقوني دموعي بكيت ومديت الهاتف شوووف توا تعرف.
الحربي: مش متعود نشوفها ضعيفة ومكسورة تعودت عليك قوية.
تقوى: انا مهما كنت بشر راني مش حديد من دم ولحم .
الحربي: اعتبريه مات هو وياها لو هذا يريحك وفقت وجيت بنطلع شدتني من يدي .
تقوى:خليك ماتتطلعش ماتتصرفش توا لين انا نقولك.
الحربي: مكاني في البوابة لكن لو احتجتي حاجة كلميني تلقيني جنبك طول.
تقوى: سكتت.
كوكا: شن تبيك في الجلسة المغلقة اهيا..
الحربي: الحقير طلع خاطب وربي من الاول كنت مستخسره فيها.
كوكا: ولا تحبها 😒 وفرحان مش مصدق انه العتبة للي في طريقك انزاحت.
الحربي: توا بعقلك وحدة زي تقوى بتشوفلي انا بالله هيا وين وانا وين...
كوكا: الحب مش لينا ياصاحبي عيش حياتك راهي تشوف فيك وسيلة باش توصل للي تبيه وبس.
الحربي: يكفيني انها قدام عيوني بس .
كوكا: فاضي انا في من ننصح خليك تمشي وراء قلبك وكانه نفعك تعالى قابلني .
لطفية: اهلين كيف الحال ان شاء اموركم تمام.
صالحة: شرفتيني سلفتي الباهية هيا خشي .
لطفية: اهو وصلت خشت وقعمزت في الصالة هيا وصالحة ونهى في المطبخ تجهز في الضيافة.
صالحة: هاذي الساعة المباركة زارتنا البركة ياغالية.
نهى: أحيانا توصل لمفترق طرق وتحطك الظروف قدام خيار ماليش ثاني لانه الثاني أسوء منه انا عمري ماحلمت اني نكمل حياتي مع شخص زي علاء لكن الظروف للي انا فيها تخليني نوافق عليه .
لطفية: ولدي صاحب كيف وانت تعرفي مانبيش نكذب ، ونقول صلاي وامام جامع لكن
للي نضمنه فيها انه مستحيل يغلط فيها ولا يوصل فيها بكل.
صالحة: مش رح نلقى خير منه ،والكيف هذا
ربي يفكه شره وربي يهديه ويصلح حاله.
تفاهمت صالحة ولطفية ،ع كل شئ وموعد الفاتحة والشرط .
لطفية: خلاص توا بعدين ايجئ سلفك يتفاهم هو وخوه.
صالحة: ع خير يارب .
نهى: في المطبخ نزلت دموعي لولا افعال اختي راني غالية مش رخيصة حتى علاء المدمن يتمنن عليا .
سامر:الو وين انت.
حاتم: في جهنم شن تبي مش البارح تحل في فمك عليا.
سامر: تعالالي للمحل نبيك في موضوع ضروري.
الاحداث للي سبقت مكالمة سامر وحاتم .
تقوى: ولعت السيارة وطلعت للصندوق الاسود متعه .
نزلت للمحل وخشت لسامر عندك علم بأفعال صاحبك ولا ،بدير روحك غافل.
سامر: ع شن تحكي بالزبط وربي ماعندي علم بحاجة.
تقوى: طلعت الهاتف من الشنطة وريته منشورها وكلامهم مع بعض.
سامر: كيف صار مش هاذي الهدية متعك للي انت درتيها لحاتم.
تقوى:المفروض هكي لكن الرخيص اعطاها للكلبة المدلله متعه.
سامر: اسمعيني انا من البداية كنت ضد علاقتكم لكن انت كنت مصرة تكملي معاه يعني انا اخر واحد تقدري تلوميه مشاكلكم ياتقوى ياريت تخليني برا منها .
تقوى: تمام ،رح يعرف انا كيف نتصرف بطريقتي.
سامر: تقوى.
تقوى: لفت نعم .
سامر: احيانا الانتقام تكون وسيلة للضعفاء وانت اقوى من اي انتقام غبي ...
تقوى: هههه تحفر لصاحبك لكن تفرج بس بدت لعبة الحرب الباردة ..
نرجعوا للأحداث التي تلت اتصال سامر بحاتم.
حاتم: شن تبي تعالى خير في حاجة.
سامر: تقوى كانت عندي وشافت الهدية متعها للي انت اعطيتها للمدام عندك.
حاتم: من الصدمة لين قعمز تبصر اكيد تبي تخوفني.
سامر: انت تعرف امور زي هاذي مافيهاش بصارة بكل انا عطيتك علم وانت دبر رأسك.
حاتم: انا انتهيت رسمي مدامها عرفت .
سامر: اصلا مفروض حاط اليوم هذا قدام عيونك توا ماعندي مانقولك غير ادعي ربي بس يشغلها عليك.
حاتم: طلعت وانا نتخايل فيها كيف بتقتلني وكيف بتنتقم من ياسمين للي ماليهاش ذنب في شئ ياريتني قعدت فقير ومنتف ولا درت فلوس من وراء بنت.
نهى: نجمع في حاجاتنا باش نطلعوا من الحوش لين وصلت هيا.
تقوى: من كان عندنا مبكري.
صالحة:وعلاش تسألي عمك محمد ومرت عمك لطفية.
تقوى: ارتحتوا اعطيتوها للمدمن تحسابيها بتعيش مرتاحة.
نهى: وانت من حطك وصية عليا لولا خوفي ع بوي يسمعني راك سمعتي الرد للي يناسبك.
خالد: تقوى ياتقوى تعالي نبيك سلم بنتي.
تقوى: خشيت جيت جنبه نعم يابوي.
خالد: ماتقوليش خيرك انت واختك ديما صوتكم طالع شن فيه.
تقوى: ماتشغلش بالك مافينا شئ لكن كنا نتناقشو ع موضوع علاء ولد عمي.
خالد: انا نعرف انه كلامك حق لكن هيا تبي وانا مش من حقي نرفض مدامها هيا موافقة.
تقوى: توا ترجع نادمة خليها اسمع ياخالد الشركة بتحول مقرها ولازم نتحولو من الحوش هذا لحوش ثاني.
خالد: لكن يابنتي انا هنا بين اهلي وناسي وقال بحسرة حتى لو ماحد يسأل عليا ...
تقوى: ماتخافش مش رح تقعد بروحك فيه جيران وناس .
خالد: للي تشوفيه مناسب ديريه ...
تقوى: تم ياغالي غدوا نحولو بإذن الله..
ياسمين: الو وينك حسابي مخترق ومن بكري نتصل بيك نبيك تتصرف مارديتش عليا..
حاتم: مش فاضي لقصص الحساب وغيره فيا للي سادني سلام بنرقد .
ياسمين: حي سكر في وجهي الخط 🥺.
حاتم: رقدت نوم المهموم واصعب نوم ممكن يرقده الشخص فقت الساعة ثلاثة في الليل ع دوشة في الشارع وحركة غريبة في حوشنا فتحت باب المربوعة نشوف في سيارة المطافي وحوشي للي فرحان بيه عبارة ع كتلة نار حسيت الدنيا وقفت والدنيا بدت تلف بيا ومعاش فقت ع روحي الا وانا في المستشفى .
سامر: الحمدلله كله يتعوض ياصاحبي اهم شئ سلامتك انت بس.
حاتم: حوشي رماد شن هو للي يتعوض.
سامر: اهم شئ صحتك اما الحوش تحصيل حاصل ...لكن من ممكن ايدير عملة زي هاذي في رأيك.
حاتم: مافيش حد خاطيها تقوى