رواية شبح الماضي
الفصل الخامس5
بقلم رويدا راشد
"مسامح ياغالي بالفم إلا كبدي مازالت دم"
الكوكا: من وين طلعلي علاء هذا وشن قصته مع الحربي.
القط: الاسم واهو عندك وراهو هذا خطيب اخت تقوى وولد عمها .
الكوكا: شن متأكد انت.
القط: وصل المعلومة لي المعلمة تقوى.
الكوكا: سكرت منه وانا ألف سؤال وسؤال يلف في رأسي ولد عم تقوى ويسوق في سيارة حاتم كيف جت اهيا اتصلت بتقوى وقلتلها انا عرفت من للي رمى الرصاص ع الاستراحة.
تقوى: من ؟
الكوكا: علاء ولد عمك.
تقوى: اه متأكد من الكلام للي تقول فيه.
الكوكا: لو مش متأكد مانقولكش.
تقوى: سكرت منه الخط ونضت ع طول لحوش الزفت علاء.
لطفية: خير هلا وغلا انجلينا جولي قدام حوشنا.
تقوى: حولي ياعجوز القايلة ع جنب وين فرخك المخروم.
لطفية: علولي ..قصدك ،هذا راجل اختك لازم تتعلمي الاحترام وانت تتكلمي عليه.
تقوى: تعرفي اصلا لولا انه خاطب اختي الزفت اهو راهو حوشكم ساويته بالأرض لانعرف عيلة ولا خز ماشفنا منكم شى وهيا تتكلم طلع علاء.
علاء: نعم خيرك شن فيك تعيطي تقول صاير شئ لابأس .
تقوى: حلو بصراحة جو العبط للي ادير فيه شن بينك وبين الحربي.
علاء: اما حربي هذا للي تحكي عليه مانعرفش حد بالإسم اهو.
تقوى: راهو كان تحساب النكران بينفعك راك غالط وربي ماهيا فايتة يافرخ امك ياحشاش ياخامر.
لطفية: تصفق في ايديها تعالي نظفيه.
تقوى: وهيا في السيارة جايتكم التنظيفة مع بعض وخصوصا انه بنشوفو بعض هلبا.
طلعت تقوى وركبت لطفية سيارة ولدها وامشت لحوش سلفها تبكي وتشكي لصالحة ونهى وكيف تقوى تهجمت عليهم بالسلاح.
طبعا بدون ناقش طول صدقوا كلام لطفية وعلاء .
نهى: شن خلاص معاش لقت ع من ترمي بلاها مالقتش إلا علاء.
صالحة: اسكتي بس خلي تروح ونفهموا منها شن فيه .
روحت تقوى بعد ربع ساعة ولقتهم يستنوا فيها.
نهى: اهيا شرفت للي ماايجئ من وراها غير المشاكل .
تقوى: اه ،اكيد الحشاش وامه اشكولكم ودارو جو الدراما متعهم.
صالحة: معناها حق تهجمتي عليهم.
تقوى: بعد ولدها تهجم ع الاستراحة متعي واحد من للي يخدموا معاي مصاب.
نهى: معاش لقيتي ماتكذبي خلاص.
تقوى: انت سكري فمك ياعانس ،لانك مضحكة ومش مصدقة انه لقيتي من يقبل بيك.
نهى: عانس ،حق بسبب اختي للي تبيع في لحمها بالفلوس.
تقوى: اهو اقلها عليه طلبية مش زي حالتك.
صالحة: ياربي خودني وريحني من هالعيشة للي تقصر العمر سكروا فمكم بوكم توا يسمعكم.
خشيت لداري نرجع في الاحداث للي فاتت وتمت ...
قبل اربع سنواااات
كنت فرحانة بالهاتف وبالصدفة فتحتلي وحدة نعرفها برنامج السناب وعلمتني كيف نستخدمه..
في يوم من الايام كان فيه شخص مميز ديما يبعثلي وانا كنت نتفادى في الكلام معاه لكن الاهتمام يغيرك ويخليك تعطي مجال أو بالأصح رفقة السوء ...
تتطورت علاقاتي مع أول شخص عرفته في حياتي حاتم سمعت وعود بالزواج ،وبعدها كانت الايام تفوت وهو يحكي ع التضحية وللي يحب يضحي باش يقدرو يكملوا .
وخصوصا انه هو كان فقير ماعنده شئ لعند يوم كان طالع مع اصحابه سهرة تعرف ع الخبرة وبدت تحكيله البنات قداش يخلصوا ع السهرة ومن الايام وزيادة الإلحاح منه بديت نتحجج بالقرايا والمبيت في حوش صاحبتي مزلت نتفكر أول سهرة نطلعها كان معاي كنت غريبة في عالم مايشبهنيش بكل وفجأة اختفى لقيت روحي قعدا مع مجموعة انا وبنات ..
وكالعادة اختارني واحد من الشخصيات للي ليها وزنها وبعد ماخسرت شرفي وكرامتي نتفكر فيه كلامه بالحرف الواحد.
" جمال زي جمالك حرام ياخذ 2 لذلك مني ليك 15 ألف تعرفي لو تعرفت عليك في مكان غير المكان هذا كنت ممكن نتزوجك "
روحت الصبح وانا نبكي جاني حاتم واحكيتله ع للي صار كان رده المجتمعات الغربية مباح عندهم الشئ هذا والغاية ياقلبي تبرر الوسيلة
والمرة ولت مرتين وثلاثة سيبت الخدمة مع الخبرة لانه الشخص هذا قالي فوتي الكل وخليك معاي نغرقكك في الفلوس والنفوذ مع الوقت تغيرت انا وماتت تقوى الصغيرة البرئية
وطبعا الحربي والكوكا كانوا رجاله وهو للي عرض عليا انهم يخدمو عندي وانا وافقت ومن وقتها ولا شركاء مش غير يخدموا عندي سنين ماشفتش منهم غير الطيبة معاي كانوا يوقفوا في وجوه كل شخص يحاول يلغط فيا ...
" طول العشرة يبين الذهب من القشرة"
وهذا حالي قبل اربعة اسنين ممكن لو يرجع الوقت بيا مانشريش الهاتف وصاحبتي راهو سيبتها واعتزلت الدنيا كلها باش نحافظ ع ديني لكن الله غالب هذا للي صار توا.
نضت لبست وامشيت للعيادة....
الكوكا: شن فيه خيرك جاية للعيادة.
تقوى: نبي نتكلم معاك ونشوف الحربي كان مافيش مانع دكتور..
الكوكا: خشي للحجرة نهدرزو جنبه خير مايصدعني بعدين شن قلتوا وشن احكيتوا ووووو
خشينا جنب الحربي كان مقعمز وساند ظهره بوسادة ...
تقوى: مازال تحس في ألم.
الحربي: لا الحمدلله مليت اصلا نبي نطلع مش متعود ع الحبس اهو.
تقوى: مافيش طلوع لين الدكتور يقول عادي وتقدر تتطلع صحتك اهم من كل شئ.
الكوكا: شن ناوية اديري.
تقوى: بتطلع انت وحد واثق فيه تجيبوا علاء الزفت من وذانه وتعرفوا من للي بعثه ايدير للي داره .
الحربي: في حد في بالك.
تقوى: الحق ماعنديش مشاكل إلامع تجار الهروين وبصراحة الكل عارفين انهم يستنوا في موتهم بس مسألة وقت .
الكوكا: خلاص الليلة نجيبه ونفهم من بعثه وكيف وصلتله سيارة حاتم.
طلع الكوكا وجاب علاء كيف ماطلبت منه تقوى وبعد ضرب وتهديد اعترف انه في حد باعثه وانا كيف بنتصل بتقوى وبنحكيلها اني عرفت رن تليفوني رديت الو.
معرض حاتم انحرق والسيارات ولا رماد هاذي اكيد تقوى