رواية شبح الماضي
الفصل السادس6
بقلم رويدا راشد
"ع قيس لحافك مد رجليك"
البعض يحكي والأخر ينفد 🤣......تقوى ماليهاش علاقة بالحرق ولكن للي عرفت الكلام نفدت..
الحربي: اخر حاجة كانت تخطر في بالي انه علاء مبعوث من طرف خطيبت حاتم.
تقوى: وانت للي كنت نحساب روحي ذكية طلعت غبية للمرة الألف لكن يلا كلاب في بعضهم زي هيا زي حاتم متعها .
الكوكا: لكن ياتقوى في نقطة ناقصة هيا من وين عرفت انك هددتي بحرق المعرض.
تقوى: مستحيل يكون الشخص للي في بالي.
الحربي:😏سامر يعني انت كنت تمشي تحكي للشخص الغلط.
الكوكا: شوية بس راسي وجعني وماهو معنى الكلام هذا كله انه سامر ع تواصل مع خطيبت حاتم للي فيها الإيذز وللي نفدت المهمة متع التجار.
تقوى: الحمدلله ع السلامة لكن علاء الزفت شن علاقته بيها.
الحربي: ماتفكريش الفلوس يخلوك اديري كل شئ.
تقوى: روحت وانا نحاول نربط القصص شن جاب علاء لي ياسمين هاذي ولو هو ع علاقة معاها معناها هو مصاب زيها خشيت لقيت امي قالبة وجها عرفت انه الكلب المدلل علاء قلهم انه للي معاي خطفوه.
صالحة: اهلا والله بتقلبيها مافيا خاطفة ولد عمك خلاص معاش تحشمتي ع وجهك.
نهى: من الدعارة للي الإجرام ياريتك تموتي ونرتاح منك.
صالحة: ربي لطف وقدر طلع عاقل وخايف ع مصلحة اختك للي انظلمت بسببك .
تقوى: أول نسكت ومانردش عليهم خشيت للمربوعة لقيت بوي راقد طلعت للإستراحة وقتها كان الحربي طالع من العيادة .
الحربي: خيرك رجعتي ولا نسيتي حاجة.
تقوى: الكوكا وين هو والقط.
الحربي: طالعين يشرو في حاجات ناقصة في حاجة.
تقوى: انا نبي نطلب منك طلب اعتبره خدمة .
الحربي : اعتبيرها تمت.
تقوى: المرة هاذي تختلف مش الطلبات القديمة مش تعرفها باش تقول تمت.
الحربي: انت تعرفي الحربي لما يقول تم.
تقوى: اسمع يامعتصم انا نبيك تشوفلي شخص نتزوجه شكليا قدام الناس بس.
الحربي: شن صاير معاك حاجة.
تقوى: مليت من محاضرات امي والصداع متعها وكل يوم وانا نسمع ونسمع .
الحربي: موجود الشخص للي دوري فيه.
تقوى:؟
الحربي: انا نتزوجك شكليا كيف ماتبي انت.
تقوى: سامحني محملاتك مشاكلي وهمومي .
الحربي: غمزلها مش بينا مصيره ايجئ يوم ونحملك همومي.
تقوى: ابتسمت.
الحربي: غدوا بإذن الله نمشي نخطبك من بوك.
تقوى: بدون قصدك من الفرحة حضناته شكرا بجديات .
الحربي: من الصدمة ماقدرش حتى يلف ايديه ويحضنها .
وهيا حاضنة الحربي خش الكوكا .
الكوكا:😱 اه اسف شكلي جيت في وقت مش مناسب .
تقوى: لفت وشافتله نضرة خلاته يسكت وقت شن مايمشيش دماغك لبعيد.
الكوكا:ماعنديش دماغ انا اصلا باش يمشي انا برا يا حربي.
الحربي: اهو طالع معاكم اصلا وناض طلع.
الكوكا: في الباب شن هذا للي شفته بعيوني توا.
الحربي: زي ملك الموت شن جابك انا بروحي مازال مش مصدق للي صار.
الكوكا: فكنا من جو الحداقة انا وانت عارفين انك تخدم عندها لانك تحبها اما الفلوس للي عندك اكثر من فلوسها بهلبا.
الحربي: شاف يمين ويسار وكأنه يبي يتأكد انه مافي حد سمعه معاش تعاوده الكلام اهو وين القط.
الكوكا: جاته مكالمة من الموجيرة قاعد برا طلعت غير انا الاجرب للي فيكم.
الحربي: انت الناقان متعك هو للي مخليك اجرب بجديات المهم انا بنخطب تقوى غدوا ونبيك تمشي معاي لبوها.
الكوكا: لالا، الكلام هذا يلزم ندخن قبله بافرا ويلا نستوعبه.
لطفية: خليها توا تتصرف كيف ماتبي توا تندم وتبدأ تترجى .
علاء: انا كان نعرف بس كيف نتخلص منها مش ساد متحمل اختها العانس .
لطفية: اسكت ونفد للي تقولك فيه امك مستحيل تندم.
علاء: ياريت نحصل حاجة من وراها.
لطفية: امها قتلي احنا بنشرولها ذهب كامل.
علاء: كويس معناها.
ثاني يوم روحت تقوى لحوشهم خشت لبوها وقتله في ضيف بيجيهم للحوش.
بشير: مرحبتين بيه يابنتي يتفضل في أي وقت.
تقوى: تمام نضت طلعت من جنبه وخشيت للحوش.
صالحة: شن الكلام هذا للي قلتيه لبوك.
نهى: تكذب اكيد.
تقوى: للي سمعتيه خير بنشاور كان بنتزوج ولا كيف مثلا .
صالحة: تشوف لنهى ومصدومة زعمك تحكي في الحق ولا تبصر لكن تقوى مش من النوع للي ترجع في كلامها .
نهى: ربي يتبث علينا العقل والدين.
في المعرض المحروق...
سامر: الخلايف ع الله ياصاحبي قدر الله وماشاء فعل كأنه الدنيا تسكرت قدامي كن يوم خطبت ياسمين.
سامر: شن دخل بنت الناس في النص انت عارف من وراء الموضوع واحمد ربي انه بنت الناس راضية بيك وماسيباتكش .
حاتم: مش فارق معاي شئ من 20 سيارة مايقعدش عندي غير سيارتين المشكلة الخبير قالي النار من نتيجة الكهرباء واضح انه في حد متقصد .
سامر: السيارتين تقدر تضغط نفسك وتخدم بالشوية وخلاص.
حاتم: لكن رح تندم ع للي صار ومش رح نفوتها المرة هاذي..