رواية تائه في قرية العاهرات الفصل العاشر10بقلم روايدا راشد
معز:لما زاد الصوت ولفيت نتفقد في الموجودين بعيوني كان الغايب سالم خوي ...حسيت الدنيا وقفت من الحرارة والنار للي فيا طلعت نجري في الطلعة هاذي شفت خالد موجه سلاحه عليا ....
قلت شكلها النهاية يامعز ،لكن وين شريط حياتي للي بيفوت قدامي وووو في ثواني سمعت صوت رصاصة كنت نحسابه خالد للي ضربها الحربي قتل خالد برصاصة في راسه من الخلف كانت ملامح وجهه كلها صدمة .....
خليك مصدوم زي ماصدمتنا كلنا قبل للي زي خالد مهما تمر بيه من مصائب مستحيل يتعلم بلعكس اتحسه ايزيد جبروت ....
طلعو صقر وعاتكة ورايا خشيت نجري لقيت خوي غارق في دمه ....كانت الاصابة في رجله.
صقر: ولعت السيارة شفت الخوف في عيون معز وهو يتوقع انه بيخسر اخر واحد من عيلته نفس خوفي لو كانت عاتكة في مكانه مع اني خفت ع سالم .
معز: وانا شاد خوي بين ايديا ونجري بيه لسيارة صقر قالي كلمتين رد بالك من عاتكة ....صدمني الانسان في وضع زي هذا يوصي ع حد هذا دليل ع مكانته عنده عاهدت نفسي لو خوي عاش وربي اعطه عمر انا بننسى موضوع عاتكة نهائي ...
بعد اسبوعين....
صقر: خوفتنا عليك ياراجل نحسابك متت شن قلك عقلك لما قعدت في الاستراحة.
سالم: رجعت ع خاطر كتابات عاتكة للي قعدت تبكي عليهم .
صقر: قريب نبطلها من القرايا انا بتخسر عقلها..
هاذي مجنونة .
سالم: خلاص معاش تبو تعيشو معانا بكل.
صقر: ارحم الله من زار وخفف ويابال احنا قعدنا معاكم سنين .
معز: ولو كنا احنا في مكانكم بترفضوا ولا بتكرهو تستقبلونا...
صقر: لا والله ياصاحبي المهم انا نبيك تمشي معاي حوش علي .
سالم: ايوا ايوا كبرنا.
معز: شن عندك في حوش علي .
صقر: نبي نخطب اخته ليلى عاجبتني وخايف البنت اضيع مني...
معز:ربي يكملك ع خير ياصاحبي...
بعد اسبوع اخطب صقر ليلى وكان فرحان صاحبه ولا نسيبه وفي يوم كانوا يتعشوا في حوش مفتاح كلهم....
معز: انا قررت نخطب لمياء بنت صالح.
سالم: ع خاطري ياخوي البنت ماليهاش علاقة بأفعال بوها....
معز: ومن قلك مازال موضوع الانتقام في بالي انا نبي نخطبها وبس.
صقر: كلامك مايطمنش لكن ربي يسهلك.
عاتكة: معز بياخد لمياء معقولة وين عقله شن المميز للي فيها باش ياخدها .
خطب معز لمياء وفاتت السنين لعند سنة 2019
في حرب الفجر والكرامة...
علي: انا طالع للحرب خلاص ياسرنا عاد نبو جيش وشرطة نبو دولة يكفي من دولة المليشيات...
صقر: مصدقها انت حكاية الجيش والشرطة وكل عصابة وليها أهدافها.
علي: ان شاء الله مانكونش ضد بعض في الجبهات .
صقر: في النهار في الجبهة والليلة تجمعنا مربوعة معز وصونية المكرونة من سالم.
سالم: هذا للي يخلي قرايته يلقى روحه تبعيه ويجرو فيه من وذنه للحروب لصالح من بالله للي قاعد ايصير من المستفيد من الموضوع.
معز: الغرب اي انقسام ايصير في الدولة سواء في الشرق او الغرب هما وراه ماتبيش اثنين يحكو فيها.
سالم: ساد للي صارلنا في 2011 مازال نتفكر فيه بالحرف مانسيتش ولا تفصيل منه ...
معز: ولا ممكن تنسى حقبة سوداء فات علينا.
صقر: سيورها تفراج.
علي: توا تفراج غير كيل .
سالم: فوته العار متعكم الاثنين انا نبي نخطب عاتكة شن مطلوب نقعد نستنى في الحرب امتا تكمل.
صقر: كان في العمر بقية هيا ليك وكان متت معز يتم الباقي.
علي: تحرك من مكانك يقولو الفال تحت اللسان.
طبعا بعد موت خالد سميحة وفت بوعدها وتنازلت ع الحوش متع مفتاح بيع وشراء لصقر واخته وتزوجت حبيب قلبها الحربي وسافرت برا البلاد.
كانت اخر مرة يجتمعوا فيها الاربعة ع صونية وحدة وكأنه ملك المووت كان معاهم وقت يحكو ع الحرب....
وبدت الجبهات والاصابات من الطرفين والموت والكر والفر وبدأ سيناريو 2011 يتكرر ولكن ع الضيق لعند يوم .....
...../ نداء لصفر ثلاثة....حول
صقر/ صفر ثلاثة ...من المقر.
...../ لازم تتطلعو للمحور الثاني محتاجين دعم.
صقر: علم ونفذ طلع صقر ومعاه ثلاثين شخص وماكانش عارف انه هذاك اليوم بيغير نظرته للأجسام السياسية في البلا..
طلعت وشديت السلاح وبديت نضرب رغم اني نحاول مانصيب حد ونكون مقتول افضل مانكون قاتل.....لعند بدت الجبهة والرصاص ماكنتش نسمع غي في الرصاص وصوت انين المصابين وعياط بعضهم للي كان جنبي يرمي لعند سمعت كلمة علي ياعلي علي انصاب يامحمد علي .... انصاب .
هو علي علي صاحبي علي للي كنت قبل يومين ناكل معاه في صونية وحدة بدون تفكير بديت نعيط علي ياعلي وطرت للجهة الثانية بعد تراجعهم ماقعد شئ إلا جثة صاحبي علي مات برصاص للي كان جنبي ....
كيف كنت بندير لو رصاص سلاحي هو للي قتله كيف بنسامح نفسي عليها الجريمة هاذي مات علي
راحت بصارته ومواقفه شديت جثة صاحبي باش ماتقعدش ملوحة .....
نسمع فيهم يضبحو عليا وانا تجردت من العالم كله اصعب شئ لما تخسر انسان غالي عليك وفجأة تحس انك معاش بتشوفه هنايا كان يقعمز هنايا وهو يتعارك مع سالم ع الطنجرة ومن بيطيب....و...و....و.
ماحسيتش روحي إلا وانا واقف قدام بابا معز وملابسي كلها دم....
معز: صقر مصاب انت شن فيك منين الدم هذا كله للي فيك.
صقر: ياريته دمي ياريته هذا دم علي ،علي مات
يامعز.
معز: جيت طايح ع اركابي كيف صار الصبح كان يكلم فيا .
صقر: مات قدام عيوني سمعت صوته لما عيط ولما يتألم .
رفعنا الجثة للمغسلة غسلوه وكفنوه من وقت رفعته ماقدرتش نروح ونخليه كان ضميري بقتلني الطريق للي كنت فيها مش ليا ولا تشبهني .
سالم: كنت نتمنى نشوفك وانت عريس واحنا اندرجو فيك ....لكن الله غالب ياصاحب القدر كان ليه رأي ثاني .
معز: دفنا علي ودفنا معاه الضحكة والبصارة
مرت ايام ثقيلة وتشبه بعضها مافيش حاجة تستاهل انه نعيش ع خاطرها....
جت نهاية السنة وسالم كان خاش سنة ثانية جامعة هو وعاتكة بعد اخطبها ع الضيق....
عاتكة: مفروض تتزوج انت وليلى خلاص اقلها تقدر تخش وتطلع ع حوشهم من بعد علي الله يرحمه.
صقر: معاش عندي نية في شئ.
عاتكة: موت علي زي موت بوي زي موت امي ربي
هكي كاتبله يموت بالطريقة للي مات بيها يعني
لو ماماتش في الجبهة كان حيموت ولو في حوشهم الحياة ماشية حزنك مش رح يرجعه فيق ع روحك شوف شكلك كيف ولا.
صقر: شن تبي مني.
عاتكة: تروح بي ليلى سالم قريب يكمل حوشه وانا بنطلع مانبيش نخليك بروحك.
صقر: اديري للي تشوفيه مناسب غدوا بريلهم لاحوش وتفاهمي معاهم ع كل شئ
مشت عاتكة وتفاهمت مع ليلى وامها واقنعتهم انه هاذي سنة الحياة وقررو ايديرو عرس ع الساكت ....
وصلت ليلى لحوش صقر ....
وبعدها بدت تجهيزات عرس سالم ومعز للي مايختلفش هلبا ع اجواء عرس صقر ....
وفي يوم للي بيروحو بنساوينهم لمياء وعاتكة السيارة للي كان فيها سالم ومعز شاء القدر يصيرلهم حادث بعد رد عليهم واحد بالسيارة...
...../ فقت وانا حاس بألم في جسمي كله عرفت اني في المستشفى ....
قعدت ندور عليه وينه مش موجود لين قالولي.....