رواية ويبقي الامل الفصل السادس والعشرون26والسابع والعشرن27بقلم رنا عبود والاء الشناوي
امام فيلا اسـراء الغزاوي
عاصم::يلا يادكتوره اتفضلي انزلي عشان عندي شغل
خلود::انت ع طول كده مستعجل طـب ادخل سلم ع الناس الي جوه دول بيفرحوا اوووي لما خد بيسأل عليهم ده غير انهم بيقدروك جدا
عاصم:طب يلا بس هما دقيقتين بس
خلود:اي حاجه منك حلوه يا بوص
لمح عاصم تلك التي تجلس امام لوحه رسم وترسـم منـزل يزينه ورود واشجار وطيور
خلو:عاصم اخبار خطيبتك اي
انزعج عاصم من خلود بسبب ذكرها لريم
عاصم: كويسه كويسه ياخلود
خلود بنظرة ماكره: طب مقولتش رايك هتنزل معاايا حتي نسلم ع اسراء اهي قاعده في الجينه
عاصم: اسراء مين
خلود:دي اسراء اخت مرام
عاصم:دي البنت ال حاولت تنتحر قبل كده
خلود:ربنا يجازيه ال كان السبب
عاصم:طب انزلي ياستي لما اشوف اخرتها معاكي ايه
نزلت خلود واتجهت نحو اسراء
خلود:ياسووو حبيبتي
التفت اسراء لتري امامها عاصم وعيناه التي تلمع من الشمس
رات خلود علامات الاستفهام علي وجه اسراء
خلود:ده عاصم اخويا ياسو
ودي اسراء ياعاصم اخت مرام
مد عاصم يده ليصافح اسراء
فصافحته وسحبت يدها بسرعه
دخلت جميله مهروله وباكيه
جميلـه: الحقيني يا اسراء
اسراء بخضه: مرام جرالها حاجه
جميله ببكاء مرير: اختك صاحيه من النوم مش قادره تحرك وشها
جرت خلود وخلفها جميله
حاولت اسراء النهوض ولـكن... لـم يعسفها القدر ف خرت علي الارض تبكي
عاصم:انتي كويسه بتتحركي ليه بس
اسراء:مرام ياحبيبتي يارب استرها يـارب احنا مالناش غيرك يـارب
ساعدها عاصم للجلوس مره اخري علي الكرسي وادخلها للداخل
داخـل غرفه مرام
خلود بفزع:مرام يامرام مالك ياحبيبتي فيكي ايه اللي حصلك بس
جميله ببكاء: معرفش مالكم يابنات ربنا يسترها معاكم يـارب انا دخلت اصحيه تفطر لقيتها كده
كل هذا ومرام مغيبه عن كل تلك الكلمات شارده في عالم تاني
دلف عاصم باسراء داخل الغرفه
اسراء:مالك ياحبيبتي ايه اللي حصل
اطلبي دكتور ياخلود بسرعه
عاصم:انا هطلب الدكتور حالا خليكوا انتوا هنا
خرج عاصم وقام بطلب الطبيب......
******
في منزلها المعتاد التي باتت تكره وتكره نفسها ايضا كل من تعرفهم يستغلونها
رن هاتفها
ريم:الو
كريم:الو يا ريمو عامله ايه
ريم:عايز ايه يا كريم
كريم:نكمل الموضوع يا روحي
ريم:بقولك ايه يا كريم انت متعرفش ال حصلي بسبب انك عرفت
كويم بعدم اهتمام:هعدي عليكي كمان نص ساعه حضريلي بقي اكل عشان جعان وشكل الموضوع طويل
واغلق الهاتف
القت ريم هاتفها ارضا
ريم بصراخ:بكرهم بكرهم كلكم
وانهارت باكيه
جاء كريم في الموعد تماما
فتحت ريم الباب وكانت فكره قتله ثم قتلها تجول في عقلها
كريم :في معادي تمام اصلي مبحبش اتاخر
دنل كريم واغلق الباب
كريم:وحشتيني والله
ريم:مش فاضيه لكلامه ده هات من الاخر وقول جاي ليه
كريم :من علي الباب كده
ريم:ايوه واخلص
كريم:انا بردو بحب ادخل في الموضوع علطول دخليني في الموضوع بدل اسامه ونقسم الفلوس بينا في النص ايه رايك وانا ابن عمك بردو
فتحت ريم الباب
ريم:اتفضل اطلع برا مش عايزه اشوف وشك وانسي الموضوع خالص ولا كاني قلت حاجه
كريم:انسي ازاي بس يا ريمو دي كل حاجه بقت في ايدي خلاص علي العموم فكري براحتك انا همشي
*****
ف مكـان اخـر تحديدا اسفـل البنايه التي تقطن بهـا ريـم
شخصا ما صباح الخيـر ياراجل ياطيب
البواب صباح النور يابنـي
الشخص::بقـولك ايه ياعـم الحـاج عايزه استفسر منـك علي حاجـه
البواب اتفضل يابني
الشخص::.........
*****
هاتف ياسين عاصم
ايوه يابوص فينـك
عاصم::واللـه ياخي انا مش عارفه ايه حكايتي مع العيله دي والبنات دول
ياسين:: بنات مين وعيله ايه
عاصم::البت مرام صاحبة اسراء اللي اختها كانت حاولت تنتحر من فتره
انتبه ياسين بكل حواسه
ياسين::حصل ايه هي مرام كويسه
استغرب عاصم ل لهجه صديقه وخوفه الذي ظهر ف صوته
عاصم:احم انا كنت جاي اوصل خلود عندهم ولقينا امها بتزعق وبتقولنا ان مرام وشها مش بيتحرك
قطع ياسين كلامه
اديني العنوان بسرعه مسافة الطريق واكون عندك
عاصم::حاضر هبعته ف رساله واغلق المكالمه
عاصم بنظره خبيبثه وهو يحدث نفسه ايه حكايتك ياعم روميـو هتموت من الخوف علي االبت كده ليه
يلا نخلص بس وبعدين نشوف حكايتـك
ظهر امامه طيف اسراء وهي تنظر لـه
ايه ده ايه اللي جابها دي علي بالي
يلا ياعم الدكتور اخلص خليني امشي بعـد مرور بعض الوقت
خرج الطبيب من غرفـه مرام وتتبعه اسراء
وفي نفس اللحظه دلف ياسين داخـل الفيلا هرول ناحية الطبييب
رفعت اسراء حاجبها علي حاله ذلك
الشخص اللي دخل بدون استأذان
تحـدث الطبيب فأنتبه الجميع لـه
الطبيب::هي الاستـاذه عملت عمليات تجميل قريب اسراء لا ططبعا يادكتور اشمعنا بتسأل كده
الطبيب::حالة اختك دي بتكون بتحصل في حاجات كتير اولهم عمليات التجميل وطالما هي معملتش علميات تجميل
يبقا هي اتعرض لضغط عصبي ونفسي
عرضها للحاله دي
والحالة اللي هي فيها دي اسمها العصب السابع
اسراء::بفزعه طـب ده علاجه ايه يادكتـور
وهي هتخف ولالا
الطبيب::ان شاء اللـه هتخف طبـعا بس لازمها جلسات طبيعيه
وحاله نفسيه مختلفه تـمام عن الي هي فيـها دي
وان شاء اللـه هتكون احسن من الاول بكتيـر
غادر الطبيب وترك الجميع خلفه يتخبط في افكاره......
*****
في نادي
كما هو مخطط هي جالسه وبالصدفه سيقابلها خطه مبتداه ولكنها تجدي نفعا وفريال معه خطته بالتاكيد ستجدي نفعا
اسامه:لا مش معقول بسنت هنا
بسنت:اسامه ازيك معرفتنيش
اسامه:فريال مامتي بتحب تيجي هنا علطول
فريال:اهلا
ومدت يدها للمصافحه
ومصافحه بارده
بسنت:اهلا بس غريبه يعني اول مره اشوفك
وابتسامه صفراء:لا انا هنا علطول
ونظرت الي اسامه: مش يلا بينا ولا ايه
بسنت:ليه اقعدوا معايا شويه
اسامه:انا ورايا مشوار
بسنت:طب روح مشوارك وخلي فريال معايا
وبالتاكيد لا تريد التعرف عليها ولكن الافاعي تجتمع معا
اسامه بابتسامه:خلاص ماشي مش هتاخر
وحديث طويل نسائي ممل وبعض من المزاح قضوا وقتهم
رجع اسامه
اسامه:اتاخرت عليكم بس كنت مشغول
بسنت:لا عادي فريال طلعت حلوه اوي نفس دماغي احنا بقينا اصحاب خلاص
فريال:مقلتليش يا اسامه ان ليك اصحاب حلوه كده
اسامه:كويس انكم اتعرفتوا علي بعض
فريال:طب يلا بينا بقي عشان الحق البيوتي سنتر فرصه سعيده
وذهبوا الي سيارتهم
اسامه :اي الاخبار يا فوفو ينضحك عليها عادي
فريال:اسهل واحده ينضحك عليها انا قلت في الاول دي صعبه واجنبيه وكده بس طلعت هبله
اسامه:انا قلت بردو محدش هيجبها غير فوفا انا عزمك بقي علي اكل من ال بتحبيه
وانطلقوا بسيارتهم
*****
اصوات صاخبه
وفتايات تتمايل هنا وهنـاك
يجلس علي جنب عادل وسـاره
سـاره وهي تحتضن عـادل ها ياعدوله ناوي تفرحني في مـرام امـتا
عـادل::الصبر حـلو ياموزتي كـل حاجه ف وقتـها حـلو
ســاره:طب مفيش اخبـار عنـها ولا كلمتـك
عادل::لا مفيش ولا بتنزل الجامعه ولا بتظهر خالص بقالـها اسبوع اهـو
سـاره::بضحكه شامته ياعيني عليكي يامـرمر ياما نفسي اشوفـك اووي دلوقتي وافرح فيكـي كده
عـادل:: انتي بتكـرهيها ليـه كده ياسو
ساره::بحقد طول عمـرها احسـن مني وطول عمـرها بتلف الانظار ليهـا من غير حتي ما تتكلـم مع النـاس
من واحنا في االثانويه وانا مش بحبها
وكـان نفسي اشمـت فيها اوووي
وعادل حبيبي اهـو خلاني اشوف اليوم ده بعنيا
عادل::بنظره خبيثـه ولمسات مقززه متفرقه علي جسد ساره
بقولك ايـه ماتيجي نـروح الشقـه
ضحكت ساره ضحكه خليعه
عادل::العب يـلا بينـا علي الشقـه.........
******
في مقهي شعبي علي كورنيش النيل
النادل:تشربوا ايه يا بشوات
خالد:كوبايتين قهوه
ياسين:لا انا عايز شاي
النادل:يبقي واحد قهوه وواحد شاي
وذهب النادل لاحضار المشروبات
ياسين:مالك يا خالد متغير انا مش هقولك مبتنزلش الشغل ليه هو عاصم ك....
خالد قاطعا له:متكملش يا ياسين مش غلطي لوحدي وهو عارف كان مشغول مع خطيبته وانا ال كنت شايل كل حاجه لوحدي واقفل الموضوع انت بقي ال مالك مش عاجبني عينك مخبيه حاجه
ياسين بمرح :ايوه مخبيه جواهر
خالد:جواهر مره واحده ده انا افتحها علي كده
ياسين:لا يا سيدي واعيش انا من غير عين
خالد:هفتح واحده بس
ياسين:اذا كان كده ماشي بس بالنص بقي
خالد بمرح:مادي حقير
ياسين:ربنا يخليك يا رب
ودخل الاثنان في نوبه ضحك
قطعها عليهم صوت النادل :الطلبات جاهزه يا بشوات
ووضع المشروبات علي الطاوله وذهب
رن هاتف ياسين
رد ياسين علي هاتفه
عاصم:انت رحت فين يبني
ياسين:انا في.....
واملاه العنوان
عاصم:خلاص انا جاي
ياسين:خلاص تمام مستنيك
اغلق ياسين المكالمه
خالد:عاصم ده
ياسين:ايوه
خالد:انا هقوم امشي
ياسين:استني يا خالد مينفعش لازم الموضوع ال بينكم يخلص
خالد:مفيش موضوع اصلا، سلام
وتركه وذهب
ياسين:مش عارف والله الموضوع ده هيخلص ازاي
وصل عاصم الي المقهي
عاصم:ايه يا ابني سبتني ومشيت مره واحده حتي الناس اخدت بالها
ونظر عاصم علي الطاوله ووجد كوبان فارغان
عاصم:كان معاك حد ولا ايه
ياسين:كان معايا خالد
عاصم:ومشي ليه
نظر له ياسين بغضب:انت مش عارف يعني ولا بتستهبل
عاصم:انا معملتش حاجه عشان يزعل الزعل ده كله واقفل علي الموضوع بقي
ياسين :انا قفلت الموضوع اهو قوم بينا نمشي عشان زهقت
*****
الحلقه السابعه والعشرون
داخل غرفة مرام
متسطحه مرام علي سريرها وناظره لنقطة ما في الفراغ
وفي ركـن من اركان الغرفة تجلس اسراء تصلـي
ولـما تجــلس?!!! فهي دائما جالسـه
أنهت اسراء فرضها وترجـهت لناحية مـرام
اسـرا۽:: مـرام حبيبتي أنـتي لازم تخفي انا عايزاكي حواليا تانـي لازم تبقي قويه انتي ليـه ضغيفه كده انا اول مره اشوفك بالضغف ده كـل ده عشان واحد ندل وجبان انت حبتيه للدرجه دي!! مش مـعقوله انا كـنت مش واخده بالي منـك الفترة اللي فاتت دي كلها
أحـمدي ربنـا ياحبيبتي انـك نجيتي مـنه وان شاء اللــه هيتردلوا في اهل بيته في صحتـه ربنـا مش بيسيب حق حـد ابـداا
ولـكن مرام كانت في عالم اخـر تحدث نفسها
أحـمد ربنـا علي صوري اللـي بكـره تبقا منشوره في كـل حتـه ده انا هتفضح ومش انا بس ده انا هفضحكم معايا معقوله انا ابهدل سمعة بابا واسمه الراجل المحـترم اللي علمـنا الادب والاخلاق ابهدله انا علي اخـر الزمن
مني للـه انا اللـي اللي جريت وراي شهواتي ومخدتش بالي من نفسي ومن الذنب اللي بعمله
الـحمدللـه علي كـل حاجه يـارب بس استرها عليـا يـارب مش عايزه اتفضح وافضح اهـلي معايا
ظلت مرام تدعو ودموعها تنهمر علي خديها
دلفت جميله اللـي داخـل الغرفـه
جميله::مرام انتي مش هتبطلي عيـاط
انـا عايزه افهم في ايه انا هفضل كده مغيبه
اسراء::براحه ياماما عشان صحتك ياحبيبتي ماتقلقيش مفيش حاجه حصـلت كـل الحكايـه ان مرام اتخانق مع واحده صاحبتهـا وصحبتها غلطت فيها جامد وانتي عارفه مرام حساسه زياده
ان شاء اللـه هتبقا زي الفل
بس انتي هاتيلها حاجه تأكلها وهي هتبقا زي الفل
ماتقلقيش ياماما عليها
اسـراء::وصراع داخلها يـااربي مش عارفه اطمنـك ازاي ياماما وانا اصلا مش مطمنه انا خايفه يكـون عملها حاجه وهي مش قالتلي يـاربي استـرها معانا يـارب احـنا مالناش غيرك ولا ليـنا اب ولا اخ ولا جوز ولا اي حد يـارب خليك معانا.........
*****
في بيتهم المثالي شكلا وليس مضمونا
دخل خالد البيت متمتما ببعض كلمات من الاغنيه المفضله له حاملا اكياس تحتوي علي ملابس وعطور جديده له
اماني بصوت عالي:انت بتخوني يا خالد مع مين انطق
لم يعرها خالد اي اهتمام وذهب لغرفته
جلسس علي سريره يفرغ محتويات الكيس وهي واقفه بجانبه تستشيط غضبا
اماني:هات تليفونك يا خالد انا هعرف بنفسي بتخوني مع مين
زاد خالد من صوته وهو يغني
اماني:انا بكلمك يا خالد رد عليا انا هروح اقول لبابا
ولم يعرها اي اهتمام
رن هاتف خالد
خالد:الو
*ازيك عامله ليه
*مش هعرف انزل انهارده لا علي الاقل توحشيني
*خلاص بكره نتقابل في شقتنا القديمه
*سلام يا قلبي
واماني واقفه الدموع تنهمر من عينيها
اماني:بتكلمها وقدامي عادي طب حتي داري علي نفسك راعي مشاعر ال واقفه قدامك دي انت اتغيرت اوي يا خالد انا عملت ايه خليتك تتغير كده
خالد بتهكم:عملتي ايه لا يا روحي معملتيش اي حاجه دي المشكله انك معملتيش اي حاجه انا الوحش انا سبب كل حاجه عادي يعني خليكي حلوه وتقبلي الموضوع زي ما انا تقبلت الموضوع من زمان
اماني:طلقني يا خالد
خالد:هو حد قالك ان انا بطلق لو حد قالك روحي قوليله انت كذاب
دخل لياخذ حماما دافئا يريحه من وجهه الصلب الجديد لا يحبه ولكنه لا يملك غيره هي من اضطرته الي ذلك اذا فلتتحمل
******
في كافيه صغير راقي يعمه الهدوء نوعا ما
يجلسان علي طاوله تطل علي الشباك الزجاجي لواجهه الكافيه
حسام:وحشتيني
خلود:لا انا موحشتش حد
حسام :هو انتي هتبطلي امتي
خلود:ابطل ايه
حسام:دبش يا روحي دبش
خلود بابتسامه عريضه :لا يا قلبي لا
حسام:ده بجد ولا ايه قلتيلي يا قلبي لا قلبي انا ال هيقف خلاص
وتظاهر بالموت
خلود:حسام الكافيه كله اتفرج علينا خلاص
حسام:يتفرج عادي خطيبتي وحبيبتي ومحدش ليه فيه
خلود:لا بجد في جزء في الجزئيه دي انا مش فهماه
حسام مضيقا عينيه ويبتسم:ايوه استغليني بقي
خلود بغضب:طب خلاص مش عايزه حاجه وكادت ان تقف وتذهب
حسام :ايه يا خوختي قفشتي بسرعه ليه انه جزء بالظبط
خلود:لا خلاص
حسام:هو انا اطول لما تستغليني
وغمز لها :اي جزء بقي يا روحي
اشارت خلود علي الجزء
وبدا يشرح لها
وهي تتامله هذا ما تفعله فقط
توقف حسام عن الشرح
حسام بمرح:انا عارف ان انا وسيم وقمر وحائط بشري والبنات بتجري ورايا انا عارف والله
خلود بتهكم:حائط بشري والبنات بتجري وراك مره واحده لا كده كتير اوفر الصراحه
قهقه حسام بصوت عالي
حسام :انا بقول نكمل شرح احسن
وبعد انتهائه من الشرح
حسام:فهمتي يا روحي
خلود:ايوه فهمت شكرا ممكن بعد ما نمشي توصلني عند مرام
حسام:هي مرام مالها مش بتيجي الكليه ليه
خلود متهربه من السؤال:انا جعانه هتوكلني ولا بخيل
حسام بمرح :بخيل ايه بس اطلبي ال انتي عايزاه يا روحي بس بردو مجوبتيش علي سؤالي من خبرتي اللامتناهيه
خلود:خبرتك الايه
صوت ضحكاتهم ارتفع في المكان
حسام:اللامتناهيه
خلود:انا بقول كده بردو هي تعبانه شويه مش اكتر
****
ذهبت خلود لبيت مـرام
ثم توجهوا خلود&اسراء & مرام إلي مركـز العلاج الطبيعي
دااخـل المـركز
خلــود::خليكـم مرتاحين هنا يابنـات وانا هشوف الدكـتور المتابع
اسراء:: معلش ياخلود بنتعبكـ معانا ياحبيبتي
خـلود::عيب عليكي يـا اسـراء أنتو اخواتي
ذهبت خـلود واستدعت الطبيب المتخصص ل مرام
وذهبـوا جميعهم إلي داخـل غرفـه الجلسـات الطبيعيه بعد مرور ساعتيـن متواصلين
الدكتور:: احـنا خلصنا كده النـهاردة ده الكـارت بتاع المتابعه فيه المواعيد اللــي هنمشـي عليهـا الجلسات هتبقا 3 ايام في الاسبوع مع العلاج والتمارين اللي في البيـت هـتبقا احسـن
وكـل ده معتمد علي الحاله النفسيه بردو
اسراء::حاضر يادكتـور متشكرين لحضـرتـك جدا
دلف الطبيب خـارج الغرفـه
اسـراء:: يالا يامرام ياحبيبتي عشان نـروح وترتاحي شوي..
قطع كلامـها خـلود وهي تدلف للغرفـه
يالا بينـا ياجـماعه انا كلمت عاصم وهو كان قريب من هـنـا و5دقايق وهيكـون قدام المركز عشان يوصلنـا
اسراء::ليـه بس كده ياخلود مش كفايه تعبك انتي هيبقي انتي واخوكي كـمان
خلود:: عيب اسراء الكلام ده انتو اخواتنا واللــه ده عاصم بيحترم مرام جدا وبيعزها زيي بالظبط
اسراء::ماشي باستي يلا بينـا
خرجوا جميعا خارج المركز
ولـكن عنـد خروجهم تعلقت عيون اسراء بعيون عاصم
في حديث عيون لم يفهمه احد منـهم
(بس انا فهمته 😂😂😂😂😂😂😛)
........
اوصل عاصم الفتيات وذهب ليقابل ريم كما اتفقا مسبقا
ريم:فيه حاجه يا عاصم قلتيلي اجي ليه
عاصم:ايه رايك انتي في المكان يجنن صح وبعدين هو لازم يكون في حاجه عشان اقابل خطيبتي وحبيبتي انتي عامله ايه وحشتيني اوي
ريم :الحمد لله وانت عامل ايه
عاصم:انا في احسن حالاتي والله
ريم:هو انا وحشتك بس عشان كده جايبني انت متاكد
عاصم:لماحه طول عمري بقول عليكي يا حياتي انك لماحه بس المفاجئه مش دلوقتي بقي في الاخر وغمز لها
غير مطمئنه كانت هي تجلس
عاصم:مالك يا روحي متوتره ليه الاكل قدامك زي ما هو الاكل مش عجبك اغيره
ريم :لا الاكل حلو اوي انا بس تعبانه شويه
عاصم:سلامتك يا قلبي خلصي الاكل عشان المفاجئه مظنش انها تستحمل تاخير اكتر من كده
ريم:حاضر
عاصم :احكيلي شويه عنك وانت صغيره انت في الفيلا بتاعتكم دي من اول ما اتولدتي
ريم:هاا... ايوه ايوه فيها من اول ما اتولدت
عاصم :مالك يا روحي متوتره ليه
ريم بتوتر:عاصم انا بقول عايزه اروح انا بجد تعبانه ممكن ناجل المفاجئه وقت تاني
عاصم :للاسف مش هينفع اجبلك دوا
ريم :لا ملوش لازمه
عاصم :طب اقعدي كملي اكلك
ريم:حاضر
******
داخـل منزل أسـامه
يجـلس اسامه وفريال
فريال::بس ايه البت بسنت دي تحطها ف جيبك لازم تعمل بيها مصلحه حلـوه وكبيـره اوووي دي اختـك ماجد المنشاوي
أسامه:: حـد قالك انـي مش هعمل بيها مصلحـه ده انا هعـمل بيها مصلحه ماحدش هيفكـر فيهـا
فريال::ايه هي المصلح...
قطع كلامها رنين هاتف اسامه
غمز لها وقال دي بسنت
اسامه::بيسو حبيبتي اخبـارك ايه
بسنت::الحـمدللـه ياسمسم
أسامه انا عازمك بكـره علي العشاء في ممكـان جامد جـدااا وعندي ليكي مفأجـاة
بسنت::بفرحه بجـد بكـره هتلاقيني مستنياك في المعاد بالظبط
اسامه::يلا سلام ياقمـر
بسنت::سلام يابيبي
فريال::عشاء ايه وقرف ايه انت هتصرف عليها ولا ايه
أسامه:: المصلحه اللي هعملها لازملها الشغل ده
فريال:: ايوه بقا ايه هي المصلحه دي
اسامه:: هتجـوزهاا ....