رواية تائه في قرية العاهرات الفصل الثاني2بقلم روايدا راشد
سالم: شفت بوي ايعيط ويخبط عرفت انه صايرة مصيبة كنت خايف تفكرت كل شئ صار يوم ماتت ملاك.
بشير: ياولد الكلبة...مرت بوك مرت بوك هاذي اخرتها...
معز: شفت ناس اشكال الوان لكن زي صنف الحقيرة نرجس لا من هول المنظر للي طلعت بيه معاش قدرت نتكلم حسيت لساني نعقد...
نرجس:بدموع كذب كنت جاي نبي نقوله تعالى تعشى لين فجأاااة هجم عليا وانا كنت نحسب فيه زي ولدي وفرحانة بيهم هكي نستاهل منك.
سالم: بديت نبكي حرام عليك علاش مش سادنا الوقت واتزيدي انت.
معز: مرتك كانت تخون فيك شفتها بعيوني ولما خافت كذبت عليك اصلا كيف تتوقع انه ممكن اندير هكي.
خش بشير داخل يجري بعد ماضرب معز لين شبع ...
نرجس: بصوت عالي انا مستحيل نقعد عندك وهما يتبلو ع شرفي لالا ،لازم نروح انا وراي رجالة مش سايبة.
سالم: شفت بوي مطلع سلاح وقتها حسيت الدنيا وقفت امي خلتني نخسر اختي وبوي بيكرر القصة مع معز ، معز مش اخ بالنسبة ليا أمان أمان فاقده وندور فيه من اسنين المشكلة بنية جسم معز يخلي بوي يصدق كان طويل وعريض عكسي انا للي كنت قصير وضعيف
في لحظات سمعت سحب السلاح ونشوف في بوي بيضغط ع الزناد ولكن لطف الله كان أكبر وأعظم من أي شئ السلاح كان فاضي بدون رصاص .....
معز: بوي للي جابني لدنيا كان بيقتلني ع خاطر مرته الكذابة ....لكن فعلا العمر يعارك مع صاحبه ...شديت خوي من يده وهو شاد كيسة فيها ملابسنا وطلعت وانا نحس بالألم في جسمي من الضرب للي كليته "حسبي الله ونعمة الوكيل فيكم"
نرجس:🤣 حي ع صحة الوجه فوق عملته للي يغطي الشيطان منها وجهه يتحسبن.
بشير: شن تبي ندير أكثرمن للي درته.
نرجس: مانبي شئ معاش نبي نشوف وجه اولادك عندي وسجلي الحوش بإسمي ولا انساني.
بشير: في ستين ألف داهية هما المهم انت وللي في بطنك ...
ويما من ناس تشبه بشير في التصرفات ع خاطر انسانة تافهة يفرط في قطعة من روحه والعكس صحيح سواء من الأم او الأب.
سالم:طلعت وانا مسند رأس معز ع كتفي وين بنمشوا الوضع الأمني غير صحيح وصوت الرصاص ايزيد مع الليل .
معز: اول جامع نرقدوا فيه لعند الصبح ساهل.
صقر: انا مشغول ع معز وسالم يابوي نحس في ضميري يأنب فيا يارتنا جبناهم معانا .
مفتاح: توا الليل بدأ والطلعة سلم ولدي بحسابها ومع ازمة البنزينة لكن نوعدك غدوا من الصبح نطلع نسأل ع حوش بوهم ونجيبهم
معانا.
نعيمة: لا عندهم حظ في ام ولا في الاب والله بروحي قلبي حارقني عليهم صغار مايعرفوا شى .
عاتكة: زعمك مرت بوهم كويسة ولا عافنة معاهم.
صقر:😒 لو امهم عافنة معاهم متوقعة الخير من مرت بوهم.
مفتاح: خلاص توا كل واحد يشد مكانه لعند يطلع الصبح وقتها لكل حادث حديث...
" وجعني حال بلادي اولاد عم وظنا مدينة وحدة انقسموا بين كلمة مؤيد، معارض....
ع حساب من للي يموتوا من الطرفين من مصلحة من للي صاير في البلاد"
نعيمة: الشباب تعبوا يامفتاح من حقهم يخدموا ويتزوجوا.
مفتاح: من مانعهم للي قاعد ايصير اكبر من مجرد بحث ع حياة أفضل امشيت نصلي في الجامع المصلين مقسومين .
نعيمة: اللطف ياربي علاش هذا كله.
مفتاح: الإمام وللي معاه ضد الفساد والتخريب للي قاعد ايصير ....وقالوا طاعة ولي الأمر واجب.
نعيمة: المجموعة الثانية ...
مفتاح: كفروه وقالوا هذا كافر ومحرف للقرآن ولازم انه ايطيح.
نعيمة: حتى الجوامع بيوت الله قسموها.
مفتاح: اليوم الجامع وغدوا البلاد يانعيمة المشكلة خوت في نفس الحوش يرفعوا في السلاح في وجوه بعض حالي يبكي الشجر والحجر تخاف تتكلم وتنصح تلقى روحك
مصنفينك من واحد من المجموعتين.
نعيمة: هذا الربيع العربي للي يبوه قالك نبوها زي دبي.
مفتاح: ياخوفي ماتبدأ زي كولومبيا والوقت بينا كان في العمر بقية قولي قالها مفتاح.
نعيمة: ربي يحفظنا من شر الفتن ...
معز: فاتت ليلة طويلة وانا وسالم في الساحة الخلفية نسمع في صوت واحد يبكي ومازال كلامه يرن في وذني "انا خوكم الله غالب خدمتي في الجيش كيف بنوكل صغاري مجبور نطلع لكن والله لا قتلك ولاشديت حد رانا اولاد بلاد وحدة".
صوت خشن رد عليه بكل برود الكل يقولو هكي وقت يحصلوا شاهد ياكلب ...
شوية وسمعنا صوت رصاص ... والسيارة طلعت خليت سالم راقد ونحمد ربي انه ماسمعش للي سمعته نضت بشوية نمشي وتحت السور شفت عسكري غارق في دمه
خفت في يوم من الايام يكون مصيري زيه رجعت لمكاني وغمضت عيوني ....رقدت من الخوف ...
الصبح فقنا ع صوت ضرب قوي بعدها عرفت انه الطيار يضرب ....
سالم: وين بنمشوا توا مش معقولة نقعدوا هكي في الشارع انا جعت .
معز:تعالى بالك نحصلوا حد يوصلنا في الطريق وقفنا قريب ساعة ع جيت شيباني مر وقفته .
الشايب: وين تبوا .
معز: ياعمي نبوا نمشوا نطمنوا ع حوشنا في....توصلنا ع طريقك.
الشايب: اركبوا وين بوكم كيف مخليكم تتطلعوا لشارع مش عارفين شن صاير.
معز: بوي متوفي ياعمي وماعندنا حد غير امي احنا كنا في حوش خوالي وبنمشولها توا.
سالم: انا كنت ساكت.
مفتاح: صوت ضرب بنمشي نطمن ع الحوش والمنطقة وبعدها بندور حوش اب معز باش نجيبهم معاي.
نعيمة: ربي يسهلك رد بالك ع روحك وراك تغلط وتتكلم في البوابات.
مفتاح:لالا، ماعنديش علاقة بحد الاثنين لينا .
معز: بعد ربع ساعة وصلنا شارعنا لكن كانت فيه حركة غريبة والناس تجري عرفت بعدها انهم ضربو المعسكر .
الشايب: ياستير شكله في ضرب راكم تنزلو.
سالم: العمارة فيها النار يامعز شوف تقول من شقتنا.
معز: نزلت نجري انا وسالم وصلنا تحت العمارة لقيت الجيران ومن بينهم عمي مفتاح واقفين
والشباب مطلعين جثة مقسومة رغم الغبرة للي ملامح الجثة إلا انا وعمي مفتاح قدرنا نميزو
من هو.
سالم: هذا صالح هو مستحيل نغلط في وجهه الحمدلله ياربي خلصتنا منه الحمدلله ربي اخد حق ملاك منه.
معز: كنت نبكي مش عدل يموت بالسهولة هاذي كان لازم يعيش ويتعذب زي ماتعذبنا احنا بسببه.
كنت ناوي ننتقم منه....
مفتاح: لاحول ولاقوة إلا بالله توا كيف بيقابل ربي بس شن جايبه لشقة...قرب من معز ربي نصفكم ياولدي والحمدلله لقيتكم...
معز: وانا واقف جنب عمي مفتاح لين الشباب جايبين جثة متفحمة وكانت جتتث مرأة وقتها حسيت بألم غريب في قلبي .
سالم: زعمك هاذي امي يامعز معقولة تكون هيا.
معز: كانت متفحمة ومش عارفين لو هيا ولا ،لا
لكن قعدنا نستنوا امتا طفوا النار ...
خشيت لشقتنا كانت دمار وانا واقف نتأمل في حجم المصيبة للي صاير ....
لين حسيت بيد تنحط ع كتفي .
مفتاح: كل شئ يدل انه الجثة ترجع ل....