رواية احياني عبيرها الفصل الثالث3بقلم همسه عثمان
في يوم شديد الحرارة كان هو وصديقه كعادتهم يعملون بجد
ومراد كعادته يغني ويقول
اروح لمين واقول يا مين ينصفني منك
ما هو انت فرحي وانت جرحي وكله منك اروح لمين واقول لمين ينصفني منك
ناس ليها بخت وناس ملهاش وناس صابرة و مصابرش
وعي البصيرة وايد مطايلش
ناس ليها بخت وناس ملهاش
يا شغالني بالعين والنني ما تقولي شغلك عني
قول الصراحه يابو عين جراحه
ولا انت ناوي ناوي تجنني !!
يالي اسمك القمر انت احلي منه
يارب منه حبيب متحرموش منه
قول الصراحه يابو عين جراحه
ولا انت ناوي تجنني
ظل هكذا يغني الي ان اوقفه يحيي وهو يضحك ويقوله : الله عليك يا مراد اقعد نشرب شاي ياعم واهدي عليا كدا
قعد مراد وهو يمسك الشاي وهو يضحك ويقوله : الا قولي يا يحيي ليه مفكرتش تتجوز سميه بنتك عمتك وأهيه منكم بدل ما انت واقف زي البيت الوقف كدا
طب انا حالي واقف وعارفين ليه وانت ؟
جلس يحيي وهو يتنهد ويقوله : اقولك يا صاحبي ليه انا عايز يوم ما اتجوز اتجوز واحدة عايزة يحيي مش عايزة ابن الحج عبدالقادر وحاجته
مراد وهو عاقد حاجبيه : ما ياخوي كدا ولا كدا كل الارض والملك ده ليك يبقي لا ليه بقا ؟
يحيي بتنهيدة : باختصار ياخويا هي علي اشارة مني تيجي لعندي بس هي عايزة الملك وكل حاجه من غيري مش اكتر انا ملزمهاش صدقني
قبل ما يكمل كلامه فؤجى بسميه تاتي اليهم صُعق مراد وقال له بهمس : وه وه هي كانت بتسمعنا ولا ايه ؟
نهض يحيي وقال بسرعة : خير خير يا سميه خير في ايه جايه هنا ليه فيه حاجة ولا ايه
سميه بصوت هادي وتمثيل : مالك يا ابن خالي اهدي جرالك ايه
يحيي بضيق : جرالي ايه ؟
جايه هنا ليه وسط الرجاله والعمال عايزة ايه
سميه بتمثيل بكاء : الحق عليا اني جايبة ليك غدا ولا ايه غلط انا كدا ؟
اني غلطانه يا سي يحيي
كان مراد يضحك في الخفاء
ولكن يحيي بحدة : روحي ارجعي البيت والله ما تعمليها تاني لايبقي فيه كلام تاني
عادت سميه للبيت وهي تكاد تموت غيظا منه
عادت وحكت لامها وامها قالت : ولا تزعلي هجبهولك راكع اصبري عليا
وعند يحيي كان مراد يضحك بشدة يحيي بضيق : ما خلصنا خلاص نشوف شغلنا ولا هناخد اليوم كله ضحك
مراد بضحك وتمثيل : ما اني بشتغل اهوه يا سي يحيي اعمل ايه تاني اموت حالي يعني
حقك عليا يا سي يحيي
يحيي وهو يمسك عصاة وينوي ضربه كان مراد يجري ويقول : اكده يا سي يحيي هونت عليك
...
كانت جالسه تبكي وتقول : والله ما عارفه اعمل ايه دماغي واقفة
ردت عليها ام سلمي : وتقف ليه يابنتي انتي عايزة ايه وانا عيني ليكي
مسك ببكى : هعمل ايه بس يا خاله انا ام لبنتين ومش عارفه هصرف عليهم منين وادفع ايجار منين
ام سلمي ببكي علي حالها وهي تاخذها في حضنها : اهدي يا ضنايا وكله ليه حل وبعدين مش هو هيدفعلك نفقه ولا ايه
مسك ببكي : اي ان كان يا خاله هيعمل ايه الي هيدفعوا في الدنيا الغاليه
الخاله ام سلمي بتفكير : اشتغلي
مسك بتيه : اشتغل !
وه يعني هتعملي ايه انتي لسه صغيرة اشتغلي واقفي علي رجلك انتي لسه صبيه هتقفلي علي حالك ليه
مسك بتيه : اشتغل ايه انا عمري ما اشتغلت
ام سلمي بسرعة : انا المحل الي تحت ده محدش واخده خديه وانا ابن اختي من القاهرة عنده مكاتب كتيرة اخليه يبتعلك شغل جمله تعرفي تاكلي منها لقمة عيش واشتغلي
مسك ببكي : طب وهجيب الفلوس الي هجيب بيها منين انا مش معايا جنيه يا خاله
ام سلمي بحدة : لا طريقتك دي متنفعش قولتلك عايزاكي قوية وشديدة
والفلوس منين ؟
المحل هتاخديها اول ٣ شهور من غير ايجار يابتي والشغل هقول ابن اختي يديكي البداية وكل ما ترزقي تبعتيله فلوس ويبعتلك شغل
اترمت مسك في احضان ام سلمي تبكي وهي تقول : والله ما عارفه اقولك ايه يا خاله يخليكي ليا والله دا انا اهلي بايعني وحالي اتبهدل مش عارفه من غيرك كنت هعمل ايه
ام سلمي بضحك : وانا عملت ايه يعني دا احنا اسباب يا بنتي قومي بس كدا خدي دش وفوقي علي ما أجبلك انتي والبنات اكل
...
كانت تصرخ بشدة من وجع العصاة عليها وهي تقول : والله لو قتلتني ما هعمل الي عايزه ايه المرة دي البيعة غاليه مخلياك متقدرش تصبر
امها : قطع لسانك قليلة رباية اسمعي كلام ابوكي يا حنين عشان ميموتكيش بحق وحقيقه
حنين بقوة : والله ما هيحصل هو كل كام يوم تجبولي عيل عايزين تجوزهولي
جابر بقوة : لا الشيخ عادل مش عيل
حنين بصدمة : عادل الي كل يوم يتجوز بقي شيخ امتي ؟
وانا اقول ليه الاصرار المرة دي
طب اسمعوا بقا تضرب ما تضرب انا مش مسك هخاف منكم يا تبعدوا عن طريقي ياما
جابر وهو يضيق عينيه : اما ايه ؟
حنين بحدة : ياما همشي من ألبيت مش هتعرفلي طريق بعيد عن الفضيحه هكون رافعة عليك قضية انك اجبرتني علي جواز وبعدها اختفي واقول لشيخ الجامع والماذون علي كل حاجه عبدالقادر خلص موضوع مسك من غير فضايح لا انا هيكون بفضايح ووالله هحبسك يبقي ابعدوا عني ولا يالا نبدا ونشوف
وقف جابر وقال بخوف : خلاص خلاص والله هقوله خلاص بس اهدي ومتعمليش حاجه
حنين براحه : ايوة كدا نبقي حلوين مع بعض ودا لملصحه كل واحد فينا
جابر بكره : ولو كان هيجيني فلوس كتيرة بس لا الا الفضايح
...
كانت تهرول هرولة لتدخل تلك السرايا
وبمجرد ما دخلت وهي تصرخ وتنادي يا فاطمه انتي يا فاطمه فينك انتو تعملوا العمله وتختفوا
خرجت فاطمه عاقدة حاجبيها وهي تقول : خبر ايه يا فهيمه فيه ايه لكل ده وايه الصوت العالي ده ؟
ايه الي حصل
فهيمه برفعة : لا والله
صدقتك انا كدا لا بلاش التمثيل ده عليا انا حافظاكي كويس
فاطمه بصدمه : تمثيل ايه يا فهميه انتي جرالك حاجه ولا ايه ؟
فهيمه بكيد : انا جرالي حاجه
ورفعت يديها لتضربها ولكن صرخ بها عبدالقادر : فهيمه والله ان ايدك قربت منها لاكون قاطعها ليكي وسط كل الناس
فهيمه وهي تمثل البكي : بتنصف مرتك عليا يا عبدالقادر
عبدالقادر بضيق : فاطمه قاعدة في حالها انتي الي جاية تقولي يا شر اشتر فيه ايه
فهيمه بحدة : هو ولدك يعمل عملته وميقولش وانا هسكت علي الي جرا ولا ايه ؟
عبدالقادر بعدم فهم : ولدي عمل ايه مش فاهم ؟
فهيمه بضيق وبكي : بنتي كانت بتودي غدا ليه وهو وقف يتكلم ويتمسخر معاها هو ده جزاها يعني والبلد كلها ملهاش سيرة غيرهم
هو ولد اخوي وعلي عيني بس دي بنتي والا السمعه ياخوي فقولي هتعمل ايه معاه تقدر تحكم وتمشي عليه يصلح غلطته ويتجوزها ولا ايه ياخويا هو ميسمعش ليك ؟
..
مهما رتبت لافكار الشر ياتي الخير بسرعة الريح علي طبق من ذهب وينقذك هذه هي حكمة الله وتدبيره