رواية تائه في قرية العاهرات الفصل الخامس5بقلم روايدا راشد
#تائه_في_قرية_العاهرات
الكاتبة:رويدا راشد
الحلقة5
معز :الله يمهل ولا يهمل ....قداش الدنيا صغيرة وفعلا ياداير يالاقي الشخص للي كان مع نرجس خالد أخ عمتي نعيمة خال صقر..ليكم ان تتخيلو بشاعة المنظر.
خالد: انا جاي لمرت صاحبي شن جو التبلي للي اديرو فيه ع اساس انه في حد بيديرلي حاجة ههه ضحكتوني.
مختار: شفت ناس قليلة ادب اصناف لكن زي صنفك والله ماشفت .
نرجس: والله إلا جاي مر باش يعطيني الخبزة بس .
صبحي: ايه واضح الحق من الربع ساعة للي قعدهم داخل باين انه يطيب فيها في المطبخ تشوفي فينا اغبياء انت.
حسن: حسيبك ربي يازانية بهدلتي الصغار وشردتيهم وتبليتي ع معز وماخليتي مادرتي متوقعة انه شوية الدموع اهيا بتخلينا نتعاطفوا
معاك.
خالد: بكل برود الأرض طلع هاتفه من جيبه واتصل بي بشير وبالحرف الواحد تعالى لحوشك توا.
بشير: مش بنمشي للخدمة.
خالد: تعالى والخدمة ملحق عليها....سكر الخط وولع دخان وجوه رايق وكأنه مش صايرتله مصيبة يغطي الشيطان منها وجهه..
مختار وصبحي وحسن يشوفو لبعض مستغربين من رد فعل خالد لعند وصل بشير
وفهموا تصرف خالد هكي علاش...
بشير: شن فيه شن الزحمة هاذي صايرة حاجة
وصل وشاف ولده معز مع الواقفين انت شن جايبك للحوش نسيت للي صار .
معز: جيت باش نفضح مرتك الشريفة ...
بشير: اس قطع لسانك قبل ماتتكلم ع نرجس تحسابها امك للي....
معز: قداش وجعني كلامه لكن خليت مجال للكبار يتكلموا.
مختار: الراجل هذا للي مقعمز طلعناه من حوشك كان مع مرتك وفهمك كفاية.
بشير: مجنون انت صاحي لروحك بعقلك انت تحكي هذا خوي للي ماجباته امي يشهدلي في الجيفة ناكلها تبي تتبلى عليه عليك شعب محسدي .
صبحي:يشوف ومش مصدق للي سمعه.
نرجس: بدموع كذب وصوت مخنوق بالعبرة تخايل فات جابلي بضاعة للحوش يبو يتهموني في شرفي وبدت تبكي.
بشير: اطلعوا برا خير مانبلغ فيكم ونقول تعدو
ع حرمة حوشي ...
حسن: فعلا العار اطول من العمر اطلعوا الباين انهم عيلة وخالهم ميلاد..
خالد: هههههه خسارة الفيلم انحرق.
معز: جيت طالع معاهم وقررت ندافع ع امي اه نسيت يابوي امي للي عايرتني بيها كانت مسحورة والشيخ مفتاح برأها قدام الناس الكل لكن العيب ع للي بعقله ويدير في العار رح تموت اشر موته ...
بشير: اطلع برا ياكلب ناقصني غير انت اتجئ تحل فمك عليا ...لف لي خالد راك ضايق روحك خوي خالد المعروف لا يعرف....
خالد: توكل كمل خدمتك موضوع تافه وانا اتصلت باش اتحطلهم حد ناس حقودة ...
اما احنا فعلا اصبحنا في الزمن الرويبضة ويما منهم نماذج زي بشير وكثرهم في وقتنا الحالي
بصراحة أصبح الرجل الغيور ع عرضه عملة نادرة.
صبحي: ياناس حد يضربني كف باش نفيق ونعرف انه للي كان صاير قبل شوية مسرحية في حلمي .
حسن: بالله كان لقيت من يفيقك قوله ايفيقني معاك..
مختار: الحيطة والحذر من الشخص اهو للي اسمه خالد شكله وراه قصص كبيرة وراكم تفتحو معاه الموضوع للي صار مرة ثانية بكل.
معز: انا كنت مصدوم عقلي ماعرفش يفكر بكل معقولة انسان بكامل قواه العقلية يقولوه مرتك تخون فيك يقول عادي.
روحت للحوش لقيت سالم يستنى فيا يحساب بوه دار موقف مايعرفش انه 🥺 دمرني ياريته بس تصرف برجولة.....
سالم: ها بشر شن صار.
معز: عظم الله اجرك في بوك للي طلع لانخوة ولا رجولة...
سالم: شن قصدك.
معز: شئ راسي قريب يتفجر راني مقهور وحاس جبل ع قلبي خليني بنرقد....وراك تنوضني .
سالم: تمام.
روح خالد لشارع وطلع سلاح بدأ يرمي في الهواء ويعيط ويقول انا خالد الشبح يعني للي يفكر يحط راسه من راسي ايطير راسه وياريت للي صار اليوم يقعد درس لين تموتوا....
معز: وصلت في خاطري الرسالة حطيت راسي ورقدت من الهم والضيم ولينا في وقت الغلط صح والصح غلط...
سالم: رقد معز وانا كنت سهران وسمعت حركة قدام الباب قعد جامد في مكاني ونسمع بس خايف .....قعد صابر لين طلع الصبح فتحت الباب لقيت ورقة محطوطة ...
فتحتها
" ماهي إلا البداية لسلسلة من خيبات الأمل"
في خاطري ناقصين احنا ماهو شن للي مازال بعد هذا كله خشيت للحوش فيقت معز واعطيته الورقة ...
معز: لالا ،انا كان نشد الخيال اهو نلقى مفتاح القصص كلها ....
معز:فات بعد الرسالة سنتين في سنة 2013 كنت بنخش ثاني ثانوي وسالم ثالث اعدادي...
تغيرت الدنيا والشارع للي كان مترابط بدأ كل واحد همه في نفسه وبس اختفى الخيال لعند يوم مزلت نتفكر في تاريخه كويس 1\2\2013 كانت المطر تصب والضئ هارب لين سمعت صوت تخبيط بسيط ع الباب
في البداية قلت هدوما أكيد صغار الجيران الصغار لانه مرة مرة ايديرو فيها.... فتحت الباب لقيت قصة الورقة راجعة ثاني ....
المرة هاذي كانت كارثة من العيار الثقيل
" ولد بوك من مرته نرجس راهو مش ولده "
كنت واقف جيت مقعمز معاش عرفت شن المطلوب مني نديره انا...
سالم: اسمع ياخوي انقولك انا حل انساه موضوع الورقة انت صغير والدنيا قدامك ومش كل مرة تسلم الجره ....
معز: لبست نتفكر فيها وطلعت وقفت سيارة كنت نحس بالدم في عروق نار يغلي الساكت عن الحق شيطان اخرس وعمري مارح نكون شيطان ..
وصلت قدام حوش بوي ونحمد ربي انه كان كيف بيطلع فتحت باب سيارته وركبت معاه
بشير: انزل انت مازال عندك وجه ياحيوان وتقابلني.
معز: المرة هاذي رح تسمعني للأخير والله لو تقتلني ماني نازل لين تسمع للي بنقوله فتحت الورقة ومديتها لبوي.
بشير: شن الكلام اهو بعقلك انت للي تقول فيه.
معز: يابوي انت ماك خاسر شئ خليك طبيعي خود الولد منها وبرا ديرله تحليل طلع ولدك ماهو إلا خونا والله حتى لو امه ماتنفعش مستحيل نفرطو فيه طلع الكلام كذب نوعدك معاذ تشوف وجهي ولا نقولك فيها ولا بيها انت في الاخير بوي ومهما كانت الخلافات الدم عمره مايولي اميه....ونزلت وخليته.
بشير: حسيت كلامه لامس شئ في نفسي قتله روح ايصير خير.
معز: السلام عليكم ونزلت من السيارة ونسيت اصلا انه كلمته ولا فتحت معاه الموضوع
رجعت لقرايتي وخدمتي كنت كل يوم نتألم ع فراق صقر وامه واخته حاولت نعرف مكانهم اي معلومة عليهم لكن كله كان بلا فايدة ....
نعيمة: ياربي الطف بيا وبصغاري ربي يعلم لولا فاعل للي يحطلي في ماكلتنا وحاجتنا راهو متنا من عامين...
صقر: لكن نموت ونعرف من فاعل الخير اهو.
عاتكة: هذا من لطف الله بينا بديت نشك انه مش بشر اصلا .
لعند بعد اسبوع جايبلنا بضاعة ومعاها ورقة
مكتوب فيها انتم وعد في رقبتي وعد الحر دين في رقبته...
ساميحة: نموت ونعرف اختك شن تاكل هيا وصغارها وهما لاخدمة ولا معاش.
خالد: انت خليك في حوشك وصغارك وماعندكش علاقة بالباقي بكل.
بعد اسبوع من كلامي مع بوي وكان الوقت ظهر سمعت صوت تخبيط قوي ع الباب وانا كنت نقرأ فتحت الباب لقيت عمي مختار واقف وداهش يقولي اطلع بوك بوك .....
معز: خيره بوي شن صاير .
مختار: بصوت متقطع اركب السيارة توا نفهمك
معز: نزلت معاه لكن الطريق كاملة وهو يحكيلي انه الله إذا أحب عبد ابتلاه وماخديتش منه لا حق ولا باطل وصلنا لحوش بوي كانت فيه زحمة غريبة خشيت واول ماوقفت قدام الباب .