رواية تائه في قرية العاهرات الفصل السابع7بقلم روايدا راشد
معز: اول ماكشفت هوية الملثم كان اقل وصف ليها صاعقة أمي أمي هيا الخيال للي كان يراقب فينا كان الدم يطلع من فمه وجسمها يرجف علاش علاش هكي درتي علاش.
هناء: وهيا في اللحظات الأخيرة خااااااالد ق ق قتل م مفتاااح ...
معز: انا قاعد نقنع في نفسي بالصدمة الاولى لين جتني الصدمة الثانية ...قلبي تقطع حسيت بفراقها مرتين كنت نتمنى انه حتى هذا يطلع وهم زي المرة الاولى امي كانت تبي تكفر ع ذنوبها ياريتها عاشت معانا باقي ايام عمرها...
رفعت جتث امي بين ايديا ورقيت بيها لي سالم حطيتها قدامه.
سالم: بعيون مفتوحة قبل مايشوف الملامح حي عليا من قاتل وجايب الجثة متعه للحوش بكل ثقة....
معز: والدموع تنزل هاذي امي امي للي كنا نحسابوها ماتت في القصف اهيا الجثة قدامك.
سالم: جيت حضنتها كنت نتمنى انها عايشة وتقولي كبرت ياسالم .
معز: مازال اثر الجرح في وجهها كأنه للي صار امس مش من سنين ....خليت الجثة ونضت نشوف من للي واقف قدام الباب ع كثر حزني ع كثر فرحي لما شفته.
صقر: ليك وحشة يارفيق وفاتح ايديه في اشارة منه للحضن.
معز: اكيد نحلم مستحيل يكون واقع للي قاعد ايصير وحضنته وانا نبكي بين وجع امي وحزني ع صاحبي للي ملامحه تغيرت من الهم ولا تقول شيباني دخلته ولما شاف الجثة انصدم ماصدقش عيونه .
عاتكة: ياربي وكانه الايام تتسابق على الابتلاءت.
سالم: اسمع الافضل ياصقر انك تقعد في حجرة انت واختك لين تكمل جنازة امي اه نسيت وين عمتي نعيمة.
عاتكة: كانت واقفة بعيد ودموعها ينزلوا .
صقر: في حزن كبير امي ماتت من ظلم خالي الله لاتربحه.
معز: خالك هذا شيطان ع الارض مستحيل يكون بشر لكن والله حقي لما ناخده منه، توا الله يرحمها ويغفرلها لكن راك تفكر تكلمه ولا تحكي معاه بكل .
ونزلت بلغت عمي مختار ع للي صار وانه بندفنوا امي وثاني يوم تمينا الورق وكل شئ
لحظة للي نزلوا امي في القبر حسيت قلبي غم عليا بكيت وبكيت وبكيت لين اغمى عليا فقت وانا في الشقة ع رجل سالم خوي.
سالم: كله مكتوب ياخوي الحمدلله ع كل حال امشت امي وجاء صقر .
معز: كأنه فكرني في شى كنت ناسيه صقر لازم الليلة نطلعوا كلنا معاش نقدروا نقعدوا اهنايا ...
صقر: عندك وصية من امي الله يرحمها ولازم
تقرأها بروحك.
معز: بعد نطلعوا للإستراحة نقرو المكتوب مع بعضنا.
عاتكة: جهزنا للي نبوه وكان عمي مختار يستنى فينا تحت العمارة ركبنا معاه وطالعنا
للإستراحة للي شاريها معز.
سالم: هذا حوش دارين وصالة ومربوعة ومطبخ وحمام....المهم بعدنا ع شارع الاشباح هذاك.
معز: وتوا نشروا سيارة واحتمال حتى الشقة نبيعها.
صقر: انا خايف خالي يعرف مكانكم والله ماهو مخلينا في حالنا.
سالم: مافيش حد يعرف انه انتم معانا غير عمي مختار ومستحيل يحكيلهم شئ انسوه
الماضي وركزولي ع المستقبل المختصر الحوش
لعاتكة بس واحنا نقعدوا في المربوعة.
معز: هذا عين العقل .
صقر: هكي هلبا بنقيدوك ياصاحبي.
سالم: عيب عليك ياصقر نسيت يما قيدناكم قبل وقداش تحملنا عمي مفتاح وعمتي نعيمة الله يرحمهم وجاء الوقت نردوا ولو شوية من جميلهم....
صقر: باهي خلاص قريب خليتوني نبكي تندكر ولا تنعاد الايام للي فاتت نسيت الوصية افتحها يامعز واقرأ شن فيها.
معز: قبل كل شى قررت انه نوقف قرايا ونشري شاحنة ونخدم عليها الشهادة مش رح تنفعني بي شئ في الوقت هذا.
سالم: حتى انا معاش بنقرأ اهو قتلك من توا.
معز: كان تبي نكسر راسك زيد عاوده الكلام هذا.
صقر: لكن انا بنخدم معاك يد بيد ياصاحبي
معز:تمام انا وياك نخدمو وسالم وعاتكة يكملوا
قرايتهم .
سالم: بنبرة بصارة حاضر يابوي معز.
معز: فتحت الورقة وبدأ يقرأ
"هناء يوم صار القصف كانت برا والجثة للي كانت مع صالح وحدة يعرفها جديد ولسوء الحظ انها يوم للي فكرت تغلط كانت اللحظة للي ربي قبض فيه روحها....بعد طلعوا الشباب الجثة جتنا هناء تبكي وتترجى في مفتاح الله يرحمه وقتله بالحرف الواحد ، ربي غفور رحيم
انا نبي نبدأ صفحة جديدة نبي نخفف ذنوبي كنت انا للي بنموت في مكان الجثة المحروقة ممكن للي صار درس من الله باش نرجع ونتوب لكن بالله عليك راك تقول لصغاري اني قعدا حية نبي نساعدهم من بعيد وفعلا كانت تهتم بيكم من بعيد، والموضوع هذا ساعدها تكتشف هلبا امور هناء كانت تجيبلي في الماكلة ليا ولصغاري ايام كان خالد ومرته يتنعمو في خيرنا اكتشفت مؤخرا من رسائل هناء خالد هو وراء قتل مفتاح ، صغاري امانة
في رقبتك يامعز ....نعرف انها امانة ثقيلة
لكن انا معاش عندي حيل نتحمل ظلم اكثر من هكي"
صقر: شن المشكلة للي كانت بينه وبين بوي باش خلاه يسبب في قتله.
معز: لو عرفت الشيطان كيف يفكر تعرف خالك شن في دماغه .
سالم: عليك كابوس هو ان شاء الله غير يسلم منه عمي مختار بس مايكونش مصيره زي الثانيين .
معز: انا متأكد انه هوا وراء موت امي السيارة المظلمة المجهولة نقص يدي لو مش هو فيها.
صقر: بالنسبة ليا طال الوقت ولا قصر ثأر امي بوي وربي لما ناخده.
سالم: حط يده ع كتف صقر ثأرنا واحد .
وبرا يازمان تعالى يازمان بعد عامين .....
عاتكة: مروحة من الثانوية مع صقر .
صقر: شن جو القرايا اليوم احكيلي .
عاتكة: اليوم تعرفت ع بنت جديدة جت بتقرأ معانا.
صقر:😒 شن قلنا احنا ع معرفة البنات مش قتلك فكيني من الخلطة الزايدة .
عاتكة: حرام مسكينة بوها ميت وعايشة مع خوالها هيا وامها واختها.
صقر: ايه وعقلك هذا مفهمك انه كل واحد يتيم مسكين ويسخف....هاتي اسمها كامل قبل نسأل عليها وبعدين ...يانقولك اعرفيها ياانساها...
عاتكة: نزلت وانا مضايقة لعند امتا وبيقعد يدخل في كل كبيرة وصغيرة في حياتي..
معز: كان برا خيرها عاتكة راقيلها من مضايقها...
صقر: فوتها هاذي كل تتعرفلي ع بنت وانت تعرف الوقت يخوف .
معز: باهي خليها ياراجل معاش تخنقها غلط هكي ياصقر نعرف خايف عليها لكن خليك في حدود المعقول.
صقر: ساهل احمد ربي انت سالم ولد مش بنت كان هذا يشيبك.
معز: اهو شرف اذكر القط ايجيك ينط ها شن جبت في امتحان الاحياء .
سالم: الحمدلله ناقصيين سبعة درجات ونسكر درجة الامتحان.
معز: ضحك ايه ماتتش غير قتلوه غبي نعرف خسارة الكورسات للي ندفع في حقهم برا شوف سيدتك عاتكة تسكر في الدرجات.
صقر: اعوذ بالله من عينك ياراجل تحرك من مكانك .
سالم: الذكاء وراثة ياخوي وانا من وين بنجيبه بوك ولا امك ولا انت ...
معز: يعجب في كلام سالم كككككك.....
صقر: خلي نخش نقول لعاتكة تحطلنا الغذاء
خشيت لقيتها كيف خشت للمطبخ ايه شن قلتيلي اسمها البنت ...
عاتكة: اسمها لمياء..........شن تبي تعرف معلومات ثانية .
صقر: عاودي الاسم ثاني لمياء من ....مجرد
ذكر الاسم تفكرت كل شئ طلعت نجري لمعز
ترا قول من يقرأ مع عاتكة ...
معز: من .
صقر: بنت...