رواية تائه في قرية العاهرات الفصل الثامن8بقلم روايدا راشد
#تائه_في_قرية_العاهرات
الكاتبة:رويدا راشد
الحلقة8
صقر: بنقولك حاجة مستحيل تصدقها قول من يقرأ مع عاتكة.
معز: من بيكون يعني ...😒
صقر:لمياء بنت صالح ....
معز: اه قداش الدنيا صغيرة ياصاحبي لف الوقت وشاء القدر انطيح في بنته.
سالم: بنت من للي تتكلموا عليها.
صقر: بنت صالح.
سالم: معز كبر عقلك راهي ولية وحرام عليك تأذيها ماليهاش ذنب في افعال بوها.
معز: حتى انا وانت ماكانش لينا ذنب في شئ وانت لو نسيت شن عشنا انا مازال نتفكر فيه وكأنه اليوم صاير.
صقر: شن ناوي ادير.
معز: رح نفكر في حاجة تخليني نعيشها نفس الجحيم.
طلع معز للخدمة كان عنده صاحب اسمه علي قعد يحكيله في كل شئ....
علي: وعاتكة للي تحبها وتستنى فيها امتا تكمل الثانوي باش تخطبها.
معز: مانيش عارف كيف نتصرف الفرصة هاذي مستحيل تتكرر نهائي...
علي: الدنيا مش مستاهلة انك تخسر شئ ع خاطرها وخصوصا لو كان حب الطفولة...
في الليل وفي وسط الهدوء الشباب في المربوعة (علي،سالم،معز،صقر).
قدام الاستراحة سيارة وقفت وكانت نوع تيوتا 24 رمت رصاص في الهواء وطلعت بسرعة.
معز: الرصاص هذا قدام الباب صوته قريب.
صقر: افتح الكاميرات .
سالم: تمام ولعت الكاميرا وكانوا ملثمين مش واضح من ملامحهم شى وسيارة مصفحة ومظلمة زي اي سيارة.
علي: في رأيك من وشن القصة اهيا للي صارت.
صقر: هذا شخص يبي يفهمنا انه يقدر في اي لحظة يقتلنا .
معز: الموضوع اكبر من قتل مش صاعب عليه لو يبي ساهلة جدا، لكن لازم نشرو سلاح الوضع مش معروف في اي لحظة ممكن تلقى حد هاجم علينا.
صقر: باهي احنا عندنا فلوس اشري حتى وحدة تيوتا .
معز: غدوا نطلع انا وياك ناخدو شن يلزم.
سالم: انا غدوا عندي امتحان وبنقرأ انا وعاتكة وخلونا برا الفيلم اهو كله.
معز: لفت انتباهي كلمة بنقرأ انا وعاتكة لكن سكتت ماحبيتش نعلق خليت صقر لين طلع وشديته ع جنب كيف يعني تقرأ مع عاتكة.
سالم: شن فيها نفس المنهج وهيا بسلامتها نابغة نقرأ انا وياها نستفيد ....
معز: بلاك صقر يضايق.
سالم: صقر قالي انا واثق فيك .
علي: خلاص باهي اقلب وجهك ارقد غدوا وراك قرايا.
خش سالم شديت معز انت بتهبل احمد ربي خوك غبي كان هذا راهو فهم شن قصدك بيه الكلام اثقل شوية نبيها ونبي غيرها اعقل .
صقر: اسمعي البنت للي حكيت عليها عرفتيها بنت من؟
عاتكة: شن قصدك.
صقر:بنت صالح للي كان .....
عاتكة: حطت يدها ع فمها مستحيل تحكي بجديات .
صقر: اكيد وانا حكيت لمعز.
عاتكة: لكن حرام واضح انها طيبة...
صقر: حتى بوها كان يبان انه طيب.
في مكان ثاني...
...../ وينك راهو قريب يروح.
...../ لالا مازال مطول عنده اجتماع ..
...../ امتا بنرتاح منه باش ناخد راحتي كبدي درهت منه انا.
...../هانت ياحبي اول فرصة يتسكر موضوعه غير توا في امور اهم منه.
...../ليا سنتين نسمع فيها كلمة هانت شكله بعد نشيب .
...../ سكري الخط نكدتي عليا معاش تكلميني لين انا نكلمك...
بعد اسبوع الامتحانات اقترح معز ع عاتكة انها تعزم لمياء عندهم وفعلا عزمتها ومعاها ثلاثة بنات باش يبان الوضع طبيعي.
لمياء: حوشكم حلو ياعاتكة.
عاتكة: عيونك الحلوات تعالو نوريكم الحوض والدلع للي برا.
نور: بالك خوك وصغار خالتك يهزبوك.
عاتكة: مااعتقدش انهم موجودين اصلا اكيد طالعين
لمياء: الله خلي انحي الوشاح نحسه فيه خنقني.
عاتكة: عينك البسي الوشاح مرات يكون فيهم حد قاعد ومعز مايحبش هكي.
نور: يادي معز معز معز للي ذبحتينا بيه تقول مافيش الا هوا .
عاتكة: بصوت مليان ثقة ايه معز مافيش منه اثنين انا متأكدة طيب وشجاع وقلبه قوي واحنين معز يما شاف ويما تحمل بعدين فقت لروحي انه لازم نسكت.
طلعنا كلنا وشوية بعد درت رنة لمعز ع اساس كان البرا وكيف خاش .
لمياء: حي من الولد هذا للي خش.
عاتكة: هذا معز خلي نشوفه شن يبي ونرجعلكم.
معز: عرفت نمثل ولا فاشل.
عاتكة: فاشل تحساب روحك توم كروز خاش ونافخ صدرك تقول فروج 🤣.
معز: اقلبي وجهك العيب مش فيك فيا انا للي جاي ندير في الجو ..
عاتكة: رجعت للبنات وانا نشوف في لمياء سرحانة في العالم الاخر.
واضح انه معز اعجابها رغم اني مش عاجبني للي قاعد ايصير .
كلمنا التقعميزة وهيا في العالم الاخر وجعتني لانه ماليهاش علاقة بأفعال بوها رغم اني متفكرة للي عانوه معز وسالم بسبب بوها والامر انه موت ملاك بسببه.
سالم: انا بديت خايف ياخوي لازم نجيبو واحد يقعد في البوابة.
صقر: حق حتى سوداني لو بتصير حاجة يبلغنا
مش نقعدو نتفرجو لينا يخشو علينا.
معز: انت فكر في امتحاناتك وبس جاوب وانجح.
سالم: من حظي للي يفلق الصخر المصايب رجعت وقت قربو امتحاناتي.
علي: شن صار في موضوع البنت.
صقر: توا لو فيه حاجة اختي تبلغني لكن انت متأكد من للي في دماغك .
معز: ايه ومانبيش من يناقشني فيه ارقدو غدوا ورانا يوم طويل.
ثاني يوم طلعو عاتكة وسالم للثانوية وركب معز وصقر وعلي السيارة وطلعوا .
جابو سلاح بحكم للي صار كانوا متوقعين هجوم في اي لحظة ...
وقررو ياخدو برأي سالم انهم ايجيبو حارس في البوابة....
معز: كان يوم طويل ومتعب وماكنتش ناوي نخش في طريق السلاح والجو اهو .
صقر: من للي اختار قدره بروحه ياصاحبي ماهو واقع مفروض علينا وخلاص.
علي: خلاص انا من الصبح طالع توا بنلقى الغالية مشغولة عليا....
صقر: ربي يحفظهالك ويطول في عمرها .
معز: ايه والله الام مافي شى يملأ مكانها لا اخ ولا اخت....
سالم: تمت حصة الاحاسيس خلي نتكلم شوية ولا مازال بتعبرو.
معز: شن فيك.
سالم: مبكري في سيارة مظلمة وقفت قدام الثانوية وكأنهم يراقبو في حد.
صقر: ديما اخبارك هكي تغم القلب.
سالم: تغم القلب تغم الرئة انا اعطيتكم علم توا خلي نمشي نقرأ.
علي:حط القنبلة امشى حاسده ع البرود للي هو فيه....
بعد اسبوع من الاحداث هاذي كلها وبالتحديد
الساعة 2:30 ليلا صوت رصاص ...
معز: سمعتوا الرصاص.
صقر: شد سلاحه وطلع هو وعلي.
فتحوا البواب كان السوداني غارق في دمه ومكتوب ع السور ....
"يخلص دين وراه وليه يابال دين وراه رجال"