رواية تائه في قرية العاهرات الفصل التاسع9بقلم روايدا راشد
كان موت الحارس صدمة صاعقة للكل يعني الموضوع ماشي للمجهول ....
معز: ياريتني ماجبته لو كنت نعرف هكي بيصير مستحيل نجيبه راح ضحية وخلاص.
صقر: بلغ.
معز: حاميها حراميها انا بنمشي للاهل ونعطيهم مبلغ بالك يمشو بيه امورهم ومرتبه يقعد يمشي لين ربي ياخد امانته.
سالم: من للي عنده معانا دين هو احنا واكلين كفوف من الدنيا لين داهشين ....ولا عندنا مشاكل مع حد ولا غيره....
علي: قصة اهو للي قاعد ايصير المشكلة انك تحارب في المجهول حد مش معروف من.....
معز: ع كثر ما مريت بمشاكل وقصص عمري ماحسيت روحي عاجز قدام موضوع زي توا ...
فات اسبوع واسبوعين لعند بعد اسبوعين بالتمام....
عاتكة: تفضلي شن تبي جاي لعند حوشنا مش سادك للي درتيه فينا زمان ...روحي اقلبي وجهك ياسرك ياعليك وقاحة...
سميحة: انا جاية لمعز وينه نبيه ضروري.
عاتكة: روحي بلا وهم شن الضروري للي بينك وبين معز.
معز: خليها ياعاتكة خلي نشوف شن وراها من موضوع خشي شن عندك.
سميحة: انا نعرف للي ادور فيه ومن للي قتل السوداني متعك ومن ومن .....
صقر: وشن عرفنا انه كلامك حق مش خطة بينك وبين خالي الخسيس....
سميحة: ماعنديش مصلحة في الكذب عليك شن
مستفيدة انا اليوم نبي نتخلص منه اكثر منكم .
عاتكة: وعلاش ماهو كنت العقل المدبر لافعاله الشيطانية.
سميحة: نعرف اني غالطة ويما ضريتكم وووو لكن الخلل الاساسي في خالكم تبوها ولا تخلوها كانت امورنا تمام لعند يوم سمعت بموت نرجس وولدها لما بشير قتلهم والشارع كله يتكلم ع كيف خالد كان منهار في البداية كان ينكر لعند يوم لقيت عنده رسالة من نرجس محتفظ بيها في هاتفه القديم ومكتوب فيها بالحرف الواحد...
" مبارك عليك جبت ولدك طالع يشبهك واخد ملامحك كلها".
معز: باهي شن درتي بعد..... عرفتي .
سميحة: قررت نسقيه من نفس الكاس للي شربت منه ...كنت نحسابه يغار عليا ويحبني وهو في الحقيقة يخون فيا معاها ....
كان عنده واحد صاحب اسمه الحربي يتردد معاه ع الحوش ويطلع معاه من كثر مايحكي عليه لقيت نفسي نحبه خشيت في علاقة لكن مش نجسة زي علاقته هو ونرجس ....واصلا هو حاليا جماعة المنصاب للي محتمي بيهم خلاص معاش يبوه ورقته انحرقت ....
صقر: لكن هو كيف عرف مكانا وشن الدين والكلام اهو للي مكتوب...
سميحة: هو يبي ينتقم لموت ولده للي كان بسبب معز لما كلم بوه وفضح نرجس فكر يامعز عدونا واحد ويد ماتصفقش انا وانت ويالا نقدروه.
صقر: سكتت لانه كان عندها الحق خالي هذا زي القط بسبعة أرواح.
عاتكة: خشيت وخليتهم ونشوف انه الموضوع اهو الشخص الوحيد للي من حقه يعطي رأيه فيه هو معز وبس....
سالم: خيرك شن فيك واضح جوك مش تمام.
عاتكة: اصلا من وين بيبدأ جوي تمام وسميحة مرت خالي برا مع معز وصقر.
سالم: طلعي المواضيع اهيا من ذماغك وجهزي نفسك للإمتحانات النهائية .
عاتكة: وزايدني موضوع لمياء نحس بالذنب لمياء انسانة نظيفة وطيبة.
سالم: اسمعي الوقت كفيل يغير كل شئ ممكن معز يفوت فكرة الانتقام .
عاتكة: انت تبي تضحك عليا بالكلمتين هدوما ع اساس ماتعرفش خوك لو حط حاجة في رأسه خلاص.
سالم: اسمعي ديري كيكة وحركات هكي دلعي الجو شن هذا تقول عايشيين في معسكر الوجبة بس مع انه الخير كله موجود.
عاتكة: وانت دير لقطة ودير شواء اي موضوع خلي انا نديرلكم الحلو اليوم.
سالم: تم خلي نطلع نجيب لحم خروف صغير ونولع النار مابين ماهما كملوا الاجتماع.
عاتكة: كانت عندي طريقة لحلو اسمه سينابون
قلت خلي نجرب نشغل نفسي على الوضع للي برا شوية....
صقر: انت بتتخلصي من راجلك باش تفضى الساحة لحبيبك احنا شن مكسبنا منه الموضوع اهو.
سميحة: خلاك موقع بوك قبل مايموت ع اوراق بيع وشراء للحوش متعكم وقتها سجله بإسمي باش نسكت ونسكر فمي ع موضوع ولده للي مازال مداير عليه العار وعرف مكانكم لما شدو
صبحي وضربه قبل مايموت....
معز:عمي صبحي مات....
سميحة: ايه تحت التعذيب زي مامات مفتاح لانه
صبحي كان الوحيد للي ضد خالد في الشارع فققرر يتخلص منه.
صقر: نعرف انه قاطع يده من ربي لكن مش لدرجة هاذي شن جاه.
سميحة: تعود ع ريحة الدم وللي يتعود ع الدم يولي عنده قتل الانسان تقول لعبة.
معز: روحي واعطيني رقم الشخص للي هو معاه باش نقدر نتفاهم معاه....
سميحة: اسمه الحربي قوله انا معز هو يستنى في مكالمة منك لانه انا حكيتله عليك .
معز: تمام روحي وخليك بعيدة ع الموضوع باش هو مايحس بشئ....
قداش الدنيا صغيرة وفعلا ياداير يالاقي للي داره خالد في نرجس ربي ردهوله توا في سميحة يحاسب الزنا ساهلة .....
وانا خاش للمكان المخصص لشواء نشوف في سالم وعاتكة كيف واقفين جنب بعض استغربت
في المنظر ....رغم اني مش راضي ع الشئ للي قاعد ايصير لكن شن بنقوله انا نغار عليها ومن من؟
من خوي قعمزت بعيد ونشوف في صقر معاهم قعدت نتفرج عليهم لاعارف نقول نحبها ولا عارف
نكرها ....
صقر: شن الاجواء هاذي شكلكم مجاوبين في الامتحانات 🤣🤣.
سالم: تحرك معانا وانت ساكت هازي انت قصدك.
عاتكة: اصلا يحساب القرايا ساهلة عنده حق للي رجليه في النار مش زي للي رجليه في الميه...
صقر: خلي نمشي نضبح ع معز ايجئ ياكل معانا واهو يقيم الشواء متعكم....
عاتكة: كنت نراقب فيه من بعيد ونشوف في ملامحه حادة وكأنه في شئ مش عاجبه قعمزو كلهم وحطلهم سالم الشواء قررت نطيب القهوة ع الجمر في مكان الشواء.
صقر: شن اسمه هذا للي زي الحلزون.
عاتكة: اسمه كول واسكت مش ضروري تعلق اصلا.
سالم: عيب عليك هيا تعبانة ومكلفة روحها عجن وفرن وانت هازي.
عاتكة: وانا كيف بنشد اليد متع البكرج لين فجأة ماحسيتش إلا والميه السخونة تصب ع يدي عيطتت.
معز: كنت اول واحد انجيها تحملي شوية بس جيب دحية ياصقر ....كنت خايف عليها .
عاتكة: للحظات معاش حسيت بالألم مجرد ماحسيت بخوفه عليا...
سالم: نولع السيارة يامعز باش نرفعوها للعيادة.
معز: ايه ع طول شن تستنى ...
بعد دوشة العيادة رغم انه الحرق مش هلبا ولكن هذا للي صار.
صقر: مرعوشة خليتي الحلو في الحلق.
عاتكة: اسكت خير مانغلي اميه ونصبها عليك باش تحس...
صقر:قاتلي سميحة رح نرجعلكم حوشكم لو مات خالد يعني نقدرو نعيشوا في حوشنا زي قبل ياسر الضيافة شهر اثنين مش هكي احنا قعمزنا عندهم.....
عاتكة: يعني لو رجع حوشنا بنخلوهم .
صقر: هكي الطبيعي للي مفروض ايصير.
عاتكة: تعودت عليهم تصدق.
صقر: ربي كان اعطاني عمر مستحيل نبعدو عليهم هما خووت المواقف ...
معز: الو اهلين كيف الحال...
الحربي: ماشية معز ولا انا غالط.
معز:لالا ،مش غالط مافيش داعي نطول معاك في الكلام سميحة جتني امس واحكينا في كل شئ.
الحربي: تمام شوف الخطة كيف هوا ليه اكثر من يوم شاد فيا يبي يهد عليكم في الاستراحة وبيرفع معاه شباب من السرية لكن انا بنقوله الموضوع مش محتاج حد غيري وغيرك...
معز: كويس لكن دير في بالك انا مستحيل نقتل حد راهو .
الحربي: انا نصفيه المهم انتم اطلعوا من الاستراحة تجنب لإصابة أي حد ...
معز: تمام وتفاهمنا ع التفاصيل وسكرت وجاء اليوم المنتظر وجاء خالد فعلا .....وكيف ماقال الحربي ....
وفي وقت هو يرمي ع الاستراحة احنا برا في استراحة واحد جار لين سمعت صوت عياط متع اصابة لفيت بنتأكد من الموجودين ....والشخص للي كان غايب هو..