رواية حته مني الفصل الاول1والثاني2 بقلم سهيله سعيد
( يمسك عمر ايد جنى )
عمر ... جنى .. يانا ياهو
كريم ... سيب ايدها 😠
( كريم يزق عمر ويشيل ايد جنى منه )
جنى ... يا عمر مافيش داعي لكل دة :(
عمر ... يانا ياهو اختارى
( كريم وعمر واقفين باصين لجنى مستنيين اختيارها )
جنى ... كريم .. اسفة
( تنطق جنى اسم كريم وتبص في الارض .. كريم مصدوم انها بتتاسفله )
كريم ... عادى يا جنى :(
( يمسك عمر ايد جنى عشان يمشوا .. جنى تشيل ايدها منوا )
جنى ... اختار كريم يا عمر .. اسفة .. انا بحبوا هو
( كريم يبص لجنى هاين عليه يعيط من الفرحة .. مش مصدق هي فعلا قالت بحبوا هو )
عمر ... ماشي يا جنى براحتك .. انا قلتلك بردوا مهما حصل هافضل احبك واحترمك
( يمشي عمر )
( تروح جنى لحضن كريم .. يحضنها كريم اوى كانها كانت ضايعة منوا ولقاها )
كريم ... انا بحبك اوى
جنى ... وانا بحبك
( الاتنين يعيطوا ويمسحوا دموع بعض )
كريم ... اتاخرنا اوى مش كدة
جنى ... اوى
( يقرب كريم ع جنى ويبوسها )
جنى ... كريم !!!!!!
كريم ... يالهوى ياناس ع القمر لما يكسف =D
جنى ... بس بقا o.O
كريم ... وربنا بحبك
( يحضن كريم جنى )
جنى ... هاتعمل ايه مع ايمى ؟
كريم ... هاخلى ابويا يتنازل ع القومبيلات
جنى ... ربنا يقدركوا ع فعل الخير .. متكلمتش ليه يا كريم ؟؟
كريم ... خفت اخسرك ك حبيبة وصاحبة كمان
جنى ... نفس تفكيري
كريم ... بجد ؟!!!
جنى ... اها .. عشان تعرف انت حتة مني
كريم ... بس انتى مخفتيش يكون احساسك مش نفس احساسي ؟
جنى ... سمعت كلامك ومشيت ورا قلبي
كريم ... لا حضن لقبك بقا عشان هو السبب ^_^
( يحضن كريم جنى )
جنى ... انت مابتصدق خلالالالاص
كريم ... تعرفي احلى حاجة ايه ؟
جنى ... ايه ؟
كريم ... نسيتك الترمس ^_^
جنى ... :o
( ندخل بقا ع الجزء التانى )
قصة : حتة منى
الجزء الثانى : الحلقة الاولى و الثانية
جنى ... كريم انا اتاخرت يلا نقوم
كريم ... نقوم فين ؟
جنى ... نمشي
كريم ... نمشي فين ؟
جنى ... نروح يا كريم >:(
كريم ... طب بتزعقي ليه متخلنيش اتغابى عليكي >:o
جنى ... براحتى
كريم ... طيب خديلك توك توك
جنى ... يا كريم يلا
كريم ... ماليش مزاج اتحايلي عليا شوية 😏
جنى ... قوم ياض 😠
كريم ... طب براحة يا معلم .. قومينى يا انشرح
( جنى تمسك ايد كريم وتقومه من الارض .. تمشي جنى قدام كريم )
كريم ... مش ناسية حاجة ؟
جنى ... لا ليه ؟
( كريم في ايده الكوتشي بتاع جنى )
جنى ... اه كوتشيا
( يطلع كريم وجنى ع رصيف قدام البحر وجنبهم المتوسيكل .. ينزل كريم جزمته في الارض ويلبسها .. جنى تحط رجليها ع الرصيف وتوطى عشان تربط الكوتشي )
كريم ... ايه ياما انتى قومي
جنى ... في ايه ؟
كريم ... دهرك كلوا باين
جنى ... طب هاعمل ايه عاوزة اربط الكوتشي :/
كريم ... انا هربطهولك متوطيش كدة في الشارع
( تقعد جنى ع الرصيف .. يوطي كريم عشان يربطلها الكوتشي )
جنى ... كل دة يلا
كريم ... هاموت واعرف يعنى سيبتى كل جزمك ورايحة تلبسي كوتشي وكمان برباط
جنى ... الى جه في ايدى
كريم ... كنتى نزلتى حافيه ارحملي
جنى ... انت بتعمل ايه كل دة ؟
كريم ... مش عارف اعمل فيونكة >:(
جنى ... ههههه .. طب اوعى انا هعمله
كريم ... عليا الطلاق ميحصل يانا ياهو 😡
جنى ... اومال بتربط بتاعك ازاى ؟
كريم ... مين قالك انى بربطه ؟
جنى ... بشوفه كدة في رجلك
كريم ... لا انا بخلي المحل يربطهولي بعد اما اقيس
جنى ... لا والله اول مرة اعرف .. ههههه 😂
كريم ... بس بقا انتى موترانى ع فكرة اسكتى عشان اركز ممكن ؟
جنى ... لامؤخذة كمل
( كريم ماسك رباط الكوتشي وبيحاول يربطه )
كريم ... ايوة هما كانوا بيدخلوه هنا اه .. ايوة طب وبعدين ؟؟
جنى ... يا مسهل
كريم ... هشششش 😑
جنى ... طيب 😒
كريم ... اه من هنا صح كدة .. لا غلط غلط .. يخربيت الكوتشيات ع الى صنعها 😱
جنى ... ها بقا ؟
كريم ... استنى خلينى افتكر .. كانت بتقولى ودن الارنب وندخلها معرفش فين اة في ال بيت يدخل وينط معرفش منين
جنى ... ودن ارنب ايه انت بتعملي عمل ع الكوتشي !!!! o.O
كريم ... لا امى كانت بتقولى اغنية كدة فيها شرح لفيونكة الكوتشي
جنى ... طب منتصل بيها تشرحلنا
كريم ... اه والله فكرة =D
جنى ... فكرة ايه يابنى حرام عليك بقالك اكتر من ربع ساعة بتعمل فيونكة قلتلك انا اعملها 😧
كريم ... البادى الى انتى لبساه قصير هتوطى ازاى دهرك باين للناس .. قومى .. حطى رجلك هنا
( تقوم جنى من ع الرصيف وكريم يقعد .. تحط جنى رجليها ع رجل كريم وتربط الكوتشي )
جنى ... اخيرا
كريم ... وحياه امي لو شوفتك لابسة كوتشي تانى هاولعلكوا في الجزامة
جنى ... ماشي
( يرن تليفون كريم ياخده ويروح ع جنب .. قدام جنى بتاع الترمس تقوم تجيب منوا .. يرجع كريم )
كريم ... جبتيه منين دة ؟
جنى ... حاسب الراجل =D
كريم ... لا بردوا مش هجبهولك انا مبحبش الترمس اصلا
جنى ... انا جبتوا خلاص وبعدين انا بحبوا اولع انت
كريم ... اولع !! .. طيب شوفي مين هيحاسب عليه خلي الراجل يطلع يجري وراكى 😏
جنى ... لا اسفة اسفة خلاص حاسب يلا
كريم ... لا
جنى ... وحياتى يا كيمو ☺
كريم ... يخربيت ام السهوكة
جنى ... البييي 😘
( يروح كريم يحاسب الراجل )
كريم ... يلا اركبي
جنى ... اوك
( يعدي شاب يعاكس جنى وهى بتركب المتوسيكل .. يسمعه كريم .. ينزل من ع المتوسيكل )
جنى ... رايح فين كريم !!
كريم ... اصل هى كانت نقصاك تبقى انت والكوتشي والترمس كمان >:o
( يمسك كريم في خناق الشاب والناس تسلكهم )
جنى ... يلا يا كريم والنبي خلاص
( يركب كريم وتركب جنى ويروحها .. يوصلوا قدام بيت جنى .. ينزل كريم وجنى من ع المتوسيكل )
جنى ... متتاخرش بكرة اوك ؟
كريم ... اوك
جنى ... مالك ؟
كريم ... ماليش
جنى ... عليا بردوا .. في حاجة مضيقاك ؟
كريم ... لا بس .. مش مصدق الى حصل حاسس انى كنت بحلم وهيخلص الحلم .. وانتى ماشية دلوقتى 😒
جنى ... بس احنا مش بنحلم مش كدة ؟
( كريم يحضن جنى جامد )
جنى ... كريم !!!! .. هتفطسنى خلاص 😵
كريم ... بتاكد بس انى مش بحلم ^_^
جنى ... لا انا اخليك تتاكد
( جنى تضرب كريم بالقلم )
كريم ... وحيات امك مهسيبك 😠
( جنى تضحك وتطلع تجري ع جوة وتقفل الباب في وش كريم .. يركب كريم المتوسيكل ويروح .. يطلع الصبح .. يوصل كريم وجنى المدرسة .. المدرسة كلها بتبصلهم ومستغرباهم .. عمر واقف مع حمو ورامي وبيبصلهم بغيظ )
جنى ... هو في ايه انا حاسة ان المدرسة كلها مش طيقانا
كريم ... شكل عمر قام بالواجب
( يرن جرس بداية اليوم .. الكل يطلع ع فصله .. يبدء اليوم الدراسي .. يدخل نائب المدير )
نائب المدير ... بعد اذنك يا مستر .. كريم منصور الشيمي ؟
كريم ... ايوة انا
نائب المدير ... تعالى ورايا
جنى ... هو في ايه ؟
كريم ... معرفش :/
( ينزل كريم وراه النائب .. يدخلوه مكتب المدير .. كريم يشوف عمر واقف في المكتب )
المدير ... اطلع انت يا عمر
( عمر وهو طالع يبص لكريم ويبتسم 😏 .. كريم مش فاهم في ايه )
حتة مني الجزء التاني
الحلقة الثانية
كريم ... حضرتك كنت عاوزنى في حاجة ؟
المدير ... هو انا باعوزك غير في المصايب
كريم ... بس انا معملتش حاجة
المدير ... مالك ومال عمر يا كريم ؟
كريم ... ماله عمر انا جيت جنبه
المدير ... بيقول انك ضربته
كريم ... ايوة ضربته
المدير ... يا بجاحتك !!!!
كريم ... اكدب يعنى .. وبعدين هو الي بدء المشكلة اصلا وضربنى
المدير ... تقوم تشوه وشه
كريم ... انا عايز اعرف بس حاجة الى حصل حصل برة المدرسة هو جاى يشتكي هنا ليه وحضرتك بتعاتبنى ليه دلوقتى ؟
المدير ... عشان انا عمك قبل ماكون المدير هنا
كريم ... بردوا ماليش اتحاسب ع حاجة حصلت برة المدرسة 😒
( يزعق المدير في كريم )
المدير ... انت ايه يابنى شغال بلطجى ع الناس مرة بنت ومرة ولد وياريتهم اول الناس خلاص منصور مبقاش عارف يربيك >:o
كريم ... لكل فعل رد فعل .. انا مش مجنون عشان امشي اضرب في الناس ولا عيل عشان اشتكى ويتجابلي حقي انا اعرف اجيبه كويس
المدير ... اطلع .. اطلع احضر حصصك انا ليا قاعدة مع ابوك انهاردة .. اتفضل يا استاذ
( يطلع كريم ع فصله .. ع اخره ومضايق )
جنى ... كان عاوزك ليه .. في ايه ؟
كريم ... مافيش ✋
المدرس ... ششششش الصوت
( كريم مش طايق نفسه .. يطلع كريم من الفصل وراه جنى وباقي الشله .. يقفوا قدام المدرسة )
جنى ...كان في ايه ؟
كريم ... بدانا القرف
جنى ... ليه كدة ؟
حمو ... كان عاوزك ليه المدير ؟
( يحكي كريم الى حصل )
رامي ... ايوه ع الخباثة
( عمر واقف ع جنب مع شلة شباب عمال يبص لكريم ويضحك ويستفزه .. كريم عاوز يروحله .. حمو يمسكه )
حمو ... اهدى لو لمسته هتسبب مشكلة اكبر
كريم ... مش شايفة بيستفز امي ازاى 😡
حمو ... فكك منوا مانت واخد حاجة بتاعته طبيعي يستفزك
كريم ... جنى مش بتاعته دة كان بيحلم
رودى ... بالنسبة ليه بتاعته
غادة ... من حقوا يا جماعة الي بيعمله دة .. خطب وساب في يوم واحد لا وخطيبته سابته عشان واحد تانى واضرب كمان دى اقل حاجة ممكن يعملها انوا يستفزك يا كريم .. انت طنش
( يقرب عمر عليهم )
رامي ... ايه الي جايبه دة بقا بيدور ع مشكله
( يروح حمو ل عمر قبل عمر ماييجى عليهم )
حمو ... ارجع يا عمر ✋
عمر ... وانت مالك ؟
حمو ... متخلقش مشكلة وارجع احسنلك
عمر ... هاتعملي ايه يعنى ؟؟
حمو ... بقولك ارجع >:o
( حمو يزق عمر لورا .. يقرب كريم رامى يمسكه )
رامى ... رايح فين اقف
كريم ... هيتخانق معاه 😠
رامي ... اتقل شوية ميقدرش عمر يتخانق مع حمو
( حمو واقف ل عمر مش راضي يخليه يعدى )
عمر ... مبلاش انت يا حمو متخلهاش تخرب عليك
( حمو يزق عمر تانى )
حمو ... لا انا عاوزها تخرب عليا .. خليها تخرب يا دكر 😡
( عمر عارف ان حمو عصبي و غبي في خناقه )
عمر ... ماشي يا حمو
( يرجع عمر ويرجع حمو )
غادة ... يلا نروح بقا قبل مايحصل مشكلة والنبي 😧
( كريم واقف باصص ل عمر وعمر باصصله مش طايقين بعض )
جنى ... كريم .. يلا ؟
( يركب كريم عربيته وتركب جنى .. في الطريق )
جنى ... كريم والنبي فكك من عمر انا مش عايزة يحصلك مشاكل تانى بسببي
كريم ... وانتى مالك انتى ملكيش دعوة
جنى ... انا خايفة عليك 😐
كريم ... لا متخافيش .. مين عمر دة اصلا عشان تخافي عليا منوا .. انتى بتنسي دة اجبن حد عرفناه
جنى ... طيب يعنى مش مستاهل تحطه في دماغك
كريم ... انا مش حاطه في دماغي هو الى حاططنى في دماغه
جنى ... طب طنشه والنبي
( جنى عينها تدمع .. يوصلوا قدام بيتها )
كريم ... انتى ايه الى مخوفك منوا اوى كدة ؟
جنى ... عمر طالاما بدا كدة يبقى مش هايسكت غير لما يبعدك عنى :'(
كريم ... انتى هبلة مين دة الى يقدر يبعدنى عنك ؟
جنى ... مش عارفة بقا .. مخوفنى هو
( يحط ايده ع كتفها )
كريم ... متخافيش انا معاكى اوك ؟
جنى ... اوك
كريم ... يلا ادخلي
جنى ... حاضر
( تنزل جنى تدخل البيت .. يمشي كريم يروح بيته .. ييجى الليل .. اخوا كريم قاعد مع مراته )
بوسي ... هو اخوك مفكر الناس لعبة في ايده .. حبة يسيبها وحبة يرجعلها ايه لعب العيال دة >:(
ايمن ... هو من الاول مكنش عايزها كان واخدها تجربة
بوسي ... البنت مقالتش ل اهلها ع حاجة من الى هو عملها معاها ولا الخناقة ولا السيبان والا كان هتبقا مشاكل .. انا بس هاموت واعرف عمل ايه خلاهم يرجعوها مدرستها تانى !!!!
ايمن ... علمي علمك 😒
بوسي ... ايمن انت بتتكلم ببرود اعصاب كدة ليه ؟ !!!!
ايمن ... عشان انا كمان مكنش ليا مزاج ليها انا اقنعته عشانك بس
بوسي ... طب فكك مني ومن ايمى ومن الى حصل .. كلمه يا ايمن خليه يعقل شوية انا معرفش دة طالع طايش ومستهتر كدة لمين .. بس امك السبب هى الى دلعته بذيادة عشان الصغير
ايمن ... مش حكاية صغير وكبير .. امي قعدت 14 سنة بعد اما خلفتنى عشان تجيب كريم كان المفروض متخلفش تانى وجابته عشان كدة مدلعاه او بمعنى اصح بتخاف تضايقة لانها بتزعل ع زعله اوى
بوسي ... ربنا يهديهولها يا ايمن
ايمن ... امين
( يدخل كريم ياخد دش .. يخرج يبلبس بنطلونه ولسة هايلبس التيشرت يدخل ابوه )
الاب ... عاملى فيها بلطجي وصايع 😡
( يهجم ابو كريم عليه ويضربه بالقلمة .. كريم واقف مكانه مش بيتحرك .. تدخل ام كريم ع الصوت )
الام ... في ايه عملك ايه 😱
الاب ... اطلعي برة
الام ... حصل ايه بس ؟
الاب ... الاستاذ داير ضرب وبلطجة ع زمايله في المدرسة
الام ... لو ع ايمي دة موضوع قديم وكانت تستاهل اصلا
الاب ... ياريتها ع ايمي وبس
الام ... مهما كان من امتى بنحاسبهم بالضرب .. اهدى وهنحل المشكلة
الاب ... انا قلتلك اطلعي برا