حكايتنا بتبدى مع بطلنا ماهر قاعد ف الطيارة وع رجله ابنه حمزة اللى نايم
ماهر فضل يملس ع شعر ابنه بحنيه ممزوجة بالندم علشان حرمه من امه بس ثانية واحدة هو عوضه عن غيابها لما خلة دعاء تربيه وعمرها م خلت حمزة يحس انها مرات ابوه بس لا هو غلط لما ضحك عليها وفهمها ان ابنها مات ولازم يوضحلها كل اللى حصل ويعرفها ان ابنها لسة عايش وتسامحه! تسامحه ع حاجات كتير ملهاش اول من اخر
فتح السلسلة اللى كانت فيها صورته مع حمزة ودعاء وافتكر كلامها وهى ف اللحظات الاخيرة قبل م تقابل وجه كريم
ماهر انا اسفة..اسفة ع كل حاجة عملتها بس مكنش بايدى انا كنت بحبك ومكنش عندى استعداد اخسرك انت اللى عوضتنى عن غياب ابويا وكنت الامان ليا وحميننى من كل الناس اللى حاولت تاذينى وعالجت ماما من الكلة وسفرتها لندن علشان تعمل العملية كل دة علشان تخلينى مبسوطة بس انا كنت وحشة اوى ياماهر رضيت انى اظلم واحدة ملهاش اى ذنب غير انها حبيتك..رضيت انى اشاركها ف جوزها واخلى دموعها كل يوم ع خدها واكيد كانت بتدعى عليا علشان اللى عملته فيها..ومش بس كدة خت منها ابنها وربيته ع اساس انى امه وعوضلى النقص اللى عندى..انى مش بخلف ياماهر...ودلوقت ربنا جزانى وهيبعدنى عنك بس متقلقش عليا انا هبقا ف مكان احسن بكتير ربنا معايا والملايكة كمان هتدينى الامان اكتر م انت كنت بتدينى بس عندى طلب ليك رجع حمزة لضحى هى اتعذبت كتير اوى ف حياتها بسببك..حمزة لازم يرجع ل امه ياماهر وخليها تسامحنى..اوعدنى ياماهر انك هترجعها وتخليها تسامحك
دموع ماهر نزلت بوجع وحزن وندم ع اللى عمله مع ضحى وبسبب كلمات دعاء اللى كانت زى السكاكين ف قلبه
ماهر:الله يرحمك يادعاء....ربنا يقدرنى واكون سبب ف انى اخليكى تنامى مرتاحة ف قبرك..انا عارف انى ظلمتكوا انتوا الاتنين...بس انا هصلح غلطتى وهعوضها عن كل حاجة مرت بيها
الطيارة نزلت معلنة انهم الان ع ارض نيويورك..ماهر صحى حمزة اللى صحى وفضل يبصله بنعاس شديد وقال:دادى احنا وصلنا؟!
ماهر:ايوة ياحبيبى وصلنا..انت جعان اجيبلك اكل؟!
حمزة:لا دادى عاوز اروح علشان اشوف القصر الجديد بتاعنا ونبقى ناكل هناك..دادى انا مبسوط جدا علشان جيت نيويورك صحابى كلمونى عنها كتير انا عاوز اكتشفها كلها قبل مننزل مصر
ماهر:حاضر ياحبيبى انت تومر
حمزة رفع ايده ليه وقال:شيلنى دادى
ماهر بهزار:اشيل مين ياحمزة اكبر ياحبيبى انت عندك 7 سنين دلوقت لازم تتعود تمشى لوحدك من غير محد يشيلك وبعدين خلاص كلها خطوتين وهنركب العربية توصلنا القصر
حمزة:اوك دادى
ومسك ايده وقال:يلة بينا
مشيوا لحد العربية اللى كان فيها بادى جارد خاص ب ماهر ركبوا العربية وف طريقهم للقصر
ف شقة ضحى
ضحى قاعدة ف اوضتها وبالتحديد ع سجادة الصلاه ترتل بعض ايات الله بتدبر وخشوع شديد وعنيها بقت كلها دموع خلصت قراءة وسجدت لله لمدة لا تعرف عددها بس نحبت كتير وتوسلت لله اكتر انه يصبرها ع فراق ابنها بس هى ليه حاسة انه عايش؟! ليه دايما بيجيلها ف الحلم ويمد ايده ليها؟! ليه الامل جواها ومش عاوز يموت؟! قامت من السجود وفضلت تقول:اللهم ياجامع الناس ليوم لا ريب فيه اجمعنى بحمزة ابنى
وفضلت تكررها بكل ذل وقلب ومكسور وخضوع لربها اللى سامعها وكلها امل انه يستجيب دعاءها
ضحى بتعيط وعنيها بصة لسقف وايديها مرفوعة لربها ورب العالمين:يارب انا عارفة انى مقصرة ف حق شهاب جوزى بس انا مش قادرة احبه... انا حاولت والله بس ماهر خلانى كارهة الحب وكارهة انى اسلم قلبى وكرامتى لواحد سهل يدوس عليهم بجزمته..ماهر ذلنى اوى يارب وظلمنى ظلم يوجع اى ست..ضربنى وطردنى من بيته لا دة رمانى مش طردنى انا مش عاوزة اشوف وشه..حسبى يالله ونعم الوكيل فيه يارب ورينى فيه يوم
يارب شهاب ميستاهلش منى اللى بعمله فيه وهو صابر عليا بس انا قولتله يطلقنى ويعيش حياته مع واحدة غيرى تعرف قيمته وتحبه وتصونه بس هو مش عاوز..انا مش ظلماه انا بديله حق الشرعى كزوج ليا انا عارفة انه من غير مشاعر وهو حاسس بكدة بس دة اللى اقدر اعمله علشان رضاك عليا بس انا حقيقى مش بحبه ومش عايزة اظلمه اكتر من كدة يارب ساعدنى
ف الصالة
ضحى فضلت تروق الشقة بتاعتها من غير مساعدة اى حد رفضة اى حد ييجى يساعدها مفيش بس غير البواب بيجيبلها طلبات البيت
تليفونها رن وكانت صحبتها ايات مسلمة الاب ومسيحية الام وواخدة الجنسية الامريكية
ضحى:مرحبا
ايات:كل هذا الوقت ياضحى؟! اين انتى؟!
ضحى:اسفة اايات لا تغضبى منى سأرتدى ملابسى واذهب اللى النادى وف ظرف نص ساعة سأكون هناك ان شاء الله
ايات:لا تتأخرى.. انا ف انتظارك..ف حفظ الله
وبالفعل بدات ضحى تلبس هدومها وجهزت الاكل لشهاب وبعتتله فويس ع الواتس بتقول:شهاب انا رايحة النادى علشان ورايا تمرين مهم اكلك جاهز ف المطبخ وكل حاجة تخصك ف مكانها خلص اكل وارتاح شوية ولو حبيت تجيلى النادى ابقى بلغنى
بعتت الفويس وخدت مفاتيح عربيتها وتليفونها
ونزلت من العمارة صبحت ع البواب وركبت عربيتها ف طريقها للنادى
ف قصر ماهر
ماهر شايل حمزة اللى باصص ع القصر ب انبهار وكان متحمس يشوف اوضته اللى دخلها فعلا وكانت كلها العاب وصور للاطفال ماهر نزل حمزة اللى فضل يكتشف كل الالعاب الموجودة ف اوضته
تليفون ماهر رن فخرج برة يكلمه علشان حمزة
ماهر:ايه الاخبار
سامى:ليك عيب عليك والله انك تسال رفيقك هيك سؤال..يعنى انت بدك يانى بخدمه وانا م اعرف اعملها اليك كيف يعنى؟!
ماهر:ياسامى ارحمنى انا ع اخرى والله..قولى ايه الاخبار اللى عندك؟!
سامى:بصراحة الله ما بعرف شو راح اقول بهيك موقف..مدام ضحى هلا متزوجة من 3 سنين وياويلى من ها الشخص اللى هى ع ذمته هلا شهاب فؤاد اخوك
ماهر بصدمة:شهاب..انت متاكد من الاخبار دى...اتاكد تانى يمكن تشابه اسماه..انا اة كنت متوقع حاجة زى كدة..بس مش لدرجة اخويا شهاب..وهى ازاى تقبل انها تتجوز شهاب هى متعرفش حقيقته ياسامى دى لو عرفت ممكن يحصلها حاجة..انا تايه ياسامى المفروض اعمل ايه دلوقت ولو قولتلها الحقيقة هتصدقنى ولا هتنفر منى..هو اكيد جالها وفضل يضغط عليها علشان تقبل بيه
سامى:ماهر انا مقدر ها الوضع اللى انت فيه هلا..بس شهاب غلط إيه بعرف بس غلطته هاى علشان كان بيحبا لضحى وكان بده ياها خاصة لما شاف تعاملك معها كيف كان؟!
ماهر بعصبية:انت عاوز تجننى ياسامى هى الغلطة اللى ارتكبها شهاب هينة اوى كدة دة اتهم ضحى ظلم ف قضية شرف خلانى اطلقها ولولا اللى حصل كان زمانها ع ذمتى انا انا عارف انى ظلمتها انا كمان ومخلتهاش تدافع عن نفسها؟! بس هى لازم تقدر وضعى كراجل انا الدم غلى ف عروقى وانا بتخيلها ف الوضع دة...شهاب دبرلها فيديو جنسى وبعت الفيديو لكل العيلة...لما شوفت الفيديو دة حسيت ان روحى بتطلع منى بابشع طريقة ممكن تتخيلها وكمان مكنش فيه مجال للشك ياسامى البنت اللى كانت ف الفيديو كأنها هى الفيديو كان مبين ضهرها والحسنة اللى ف رقبة حسناء ولون شعرها حتى جسمها..كأنى كنت شايف ضحى..الكل ضغط عليا علشان اطلقها وفعلا طلقتها وحرمتها من ابنها بس هى سافرت وبعد سنة اكتشف ان شهاب هو اللى دبر الحكاية الوسخة دى علشان كان عينه منها..عينه ع مرات اخوه ولولاك ياسامى مكننش هعرف بالموضوع دة علشان انت اللى اخويا مش هو..دة خلى حياتى جحيم
سامى بحزن ع حال صديق عمره:الله يقويك ياماهر باذن الله كل شى راح يكون منيح بس ماتنسى انك اللى ساعدت شهاب ع ها الشى..المهم قيلى شو ناوى؟!
شهاب:قبل اى حاجة قولى عنوانها وقولى انا ممكن الاقيها فين دلوقت؟!
ف صالة القصر
ماهر:اسمعى يادادة عايزك تخلى بالك من حمزة عقبال مرجع ولو سال عليا اشغليه عقبال ماجى علشان ورايا مشوار مينفعش اخده معايا فيه؟!
الدادة:حاضر ياسى ماهر..حمزة ف عنيا
ف النادى
ضحى بدات تتمرن ع لعب الكراتيه مع زمايلها
والكابتن كان معجب جدا بحركاتها
وخلاها تلعب مع بنت زميلتها
ضحى كانت ليها طريقة فريدة من نوعها ف الدفاع ع نفسها تقدر تمزج بين الدفاع والهجوم..جركاتها مرنة وسريعة
ايات كانت بتبصلها بفخر وكانت دايما بتشجعها وبصتلها بندم وقال:احبك ياضحى كثيرا ف انتى اختى حقا ولكن اطلب السماح منك لا اعرف لماذا القدر جعلنى احب زوجك؟! فهو وتينى ولا استطيع الاستغناء عنه حاولت كثيرا ولم استطع..حتما القدر اراد لى العذاب ف شهاب لن يكون لى ابدا ف تلك الحياه
خلصت ضحى تمرين وبصت ل ايات لقيتها سرحانة راحتلها وقال:هالو..اين سافر عقلك؟!
ايات:عفوا ماذا قلتى؟! اقصد هل انتهيتى من التمرين؟!
ضحى:هههههههه ما بكى ايات؟! نعم لقد انتهيت تعالى معى الان هيا
ايات:الى اين؟!
ضحى:سوف اخطفك وارميكى للمافيا..يالله ياايات سوف نذهب الى الكافتريا نشرب عصير فرش سويا قبل مذهب للعمل
ايات:هل يمكن ان اذهب معك للعمل..ف انا احب سماعك عندما تتحدثين مع النساء عن الدين؟!
ضحى:نعم بكل سرور
ف عربية شهاب
شهاب:الو يابو حميد
محمد:اهلا شهاب ازيك
شهاب:كويس الحمد لله..عندى ليك خبر حلو
محمد:ايه قررت ترجع مصر؟!
شهاب:ايوة..ولسة هبلغ ضحى وهى هتفرح بالخبر دة علشان اتكلمت معايا من فتره وقالتى عاوزة ترجع مصر؟!
محمد:خلاص تمام..وانا مستنيك..مصر هتنور..قولى ياشهاب انت مش ناوى تقول لضحى
شهاب بعصبية:اقول ايه يامحمد؟! انت عايزها تبعد عنى؟! هى مستحيل تسامحنى على اللى عملته فيها..انا خليت ماهر يطلقها وكنت السبب ف موت ابنها وبعدين انا توبت وربنا غفور رحيم؟! وانا بتقى ربنا فيها من ساعة متجوزتها وصابر عليها كمان
محمد:انا صاحب عمرك ياشهاب ويعز عليا اشوفك كدة..انت اة بتحبها وتوبت فعلا بس هى لازم تسامحك مش هتفضل مخبى عنها واكيد علاقتك بيها اللى انا معرفش حتى هى عاملة ازاى؟! علشان انت مش بتقولى اى حاجة بس لو هى ف اضطراب ف دة اكيد عقاب من ربنا ليك علشان انت خبيت عنها ومقولتش الحقيقة
شهاب بعصبية قفل السكة ف وش محمد وفضل يضرب ع الدريكسيون جامد وقال: مش هقولها حاجة علشان مخسرهاش انا اة صابر عليها بخصوص علاقتها معايا..هى بتبقى لوح تلج مش حاسة باى حاجة بس بقول لنفسى اللى عملته فيها مش هين استحمل هى استحملت كتير لا وكمان انا واحد عقيم مش بخلف وهى عمرها م اتكلمت معايا ف الموضوع دة علشان عارف انها مش عايزة عيل منى
وبصريخ قال:مش عاوزة عيل منى...مش عاوزة عيل منى..منى انا.ااااااة يااااارب
ف النادى
ايات وضحى فضلوا يهزروا مع بعض
ايات هى الوحيدة اللى بتقدر تخرج ضحى من اللى هى فيه وبتنسيها حتى نفسها بسبب روحها وخفة دمها
خرجوا من الكافتريا وفضلوا ماشيين
ضحى خبطت ف صدر واحد
ضحى جت تتاسف بس اتصدمت لما لقت الشخص اللى خبطت فيه دة هو نفسه ماهر