رواية مالا نهايه الفصل الاول1بقلم اش
في بيت شبه متهالك في حاره ضيقه كان ليل بيجهز نفسه عشان يكمل الشغل اللي بدأ فيه وهو بيجهز نفسه موبايله رن راح يرد عليه
ليل: ايوه
عمر: اي يا بني بقالي ساعه برن عليك
ليل وهو بيقعد علي الكرسي: كنت بلبس هدومي وبجهز نفسي
عمر:" بقلق" حاجتك.. انت برضو نفذت اللي في دماغك
ليل: "ببرود" ايوه عايزني اعمل اي يعني انزل اشحت ولا اسرق
عمر: الشحاته احسن مليون مره من اللي بتفكر فيه ده
ليل: وافرض.. عمري ما هجيب المبلغ اللي هجيبه المرادي
عمر: يا ليل ارجع عن اللي بتفكر فيه ده انت صاحب عمري وخايف عليك
ليل: "بجمود" ايوه صحاب بس طول عمرنا تفكيرنا غير بعض انا عايز اوصل وانت عايز تفضل محلك واقف مبتتحركش
عمر: لا بتحرك بس مش معني كده اني اطير بسرعه الطروخ
ليل: "بسخريه" بس انا بقي هتحرك بسرعه الصاروخ سلام
عمر: الو الو
قفل ليل الموبايل ورماه علي السرير وسرح في الحياه اللي مستنياه وبص علي الشنطه اللي موجوده جمب السرير بس قطع تفكيره صوت خبط جامد علي باب الشقه خبط خلاه يفتح عينه اللي كانت حمراء جدا لانه عارف كويس مين اللي بيخبط علي الباب
ليل: المرادي بقي انا مش هسيبك وهدفعك ثمن كل خبطه خبطها علي الباب ده
وخرج من الاوضه وفتح باب الشقه
شوقي: اي يا عم ليل اتأخرت علينا يعني
ليل: اتأخرت علي اي
شوقي: "بضحكه خبيثه" ايجار الشقه يا برنس
ليل وهو بيبصله بطرف عينه: وهو مش انا دفعتهولك الاسبوع اللي فات
شوقي: اي اه صحيح بس تقدر تقول كده انا عايز ازود الايجار
ليل: ليه بقي
شوقي: متنساش اني مقعدك هنا من غير عقد... انت حتي مش معاك بطاقه
ليل: اه بتمسكني من ايدي اللي بتوجعني يعني
شوقي: "بخبث" وهو انا اقدر
ليل: عينيا هدخل اجيبهولك
دخل ليل ولبس الكوتش بتاعه ومسك الشنطه بتاعته وبص علي السرير ورفع المرتبه واخد خشبه وخرج بيها وقرر انه يعمل بيها اللي هيشفي غليله من الراجل اللي بره ده اللي اصلا ولا كان علي باله غير الفلوس بتاعته.. وخرج ليل وقبل ما ينطق شوقي بأي كلمه لبس ليل الخشبه في وشه وفضل يضرب فيه وهو يصرخ لغايه ما الناس كلها اتلمت قدام البيت
وشده ليل من قميصه ونزله من السلالم ورماه قدام البيت والناس كلها كانت مستغربه اي اللي حصل خلي ليل يعمل فيه كده
ليل:" بصوت عالي" الراجل اللي مرمي قدامكو ده مبيعملش حاجه في حياته غير انه يرازيني ويرازي فيكو وانا بقي قررت اني اخد حقي وحق اي واحد فيكو من الراجل ده.. اللي سرقه واللي نصب عليه واللي فضل يضرب فيه لغايه ما كان هيموت في ايده واللي اتحرش بيها
عشان كده انا عملت فيه كده واللي عايز يكمل عليه يتفضل انا برضو حسيس وعارف ان حبايبه كتير.. وبص علي كم الناس اللي موجوده
لا دول كتير قوي وبص علي شوقي وقال الليه يكون في عونك يلا يا جماعه واحد واحد بالدور كده احسن يموت ويحسبوه علينا راجل
الحاجه فوزيه: انا الاول دنا اول واحده نصب عليها
عم محمد: مين ده انا الاول طبعا
والناس بدأت تتخانق
ليل: لا يا جماعه لازم نبقي متحضرين مش كده وبعدين في الانجاز كده انا مضمنش انه يفضل صاحي لغايه ساعه كمان بصو انا عندي حل انا هديكو ضهري واول ما اخد خطوه لقدام اهجمو عليه كلكو يلا مش مهم يعيش بقي
ولف ليل واخد خطوه لقدام وكل الناس هجمت علي شوقي وفضل يصرخ وابتسم ليل بخبث وراح مشواره
في مكان تاني كانت روح بتجري علي المشايه بتاعتها وحاطه السماعه وبتسمع اغاني وفي نفس الوقت كان فيه شخص عمال يخبط علي باب اوضتها
عاصم وهو بيبص في ساعته: وبعدين بقي في البت دي هتجنني.. لا انا هدخل بقي
وفتح عاصم الباب لقي بنته عماله تجري وحاطه السماعه في ودنها
عاصم وهو بيحط ايده علي راسه: يا ربي مستحيل يعني بنتي الوحيده تطلع هوايتها الجري لا كده كتير عليا والله انا غلطان اصلا اني جبتلها الزفته دي البت خست النص... ومشي ناحيتها
انتي يا بت.. بتعمل اي انت كمان يعني هي كده هترد
وشال عاصم السماعه من ودنها وبصلها بعصبيه
عاصم: اقفلي الزفته دي بدل ما اكسرها علي دماغك
روح وهي بتقفل الجهاز: الله عليك يا حبيبي صباح الخير يا قمر اي ده يا ناس قمربن دول ولا عيون
عاصم...
روح: اه دمخلتش عليك يبقي نقلب القناه وبدأت روح تمثل البكاء كده يا بابا تخليني مكملش الساعه جري بتاعت كل يوم هه. كده
عاصم بت انتي متبصليش البصه دي انا مش هضعف زي كل يوم
روح: "بضحك" خلاص بقي يا عصوم مش كده
عاصم: عصوم بقي سياده اللواء عاصم الوهداني بقي عصوم
روح: الله وانا يعني مينفعش ادلعك ولا اي هو انت يعني عندك كام بنت يعني... لا لا لا اوعي يا بابا تكون متجوز علي ماما الست الغلبانه اللي مسافره كام يوم دي ويا خرابي ليكون عندك عيال غيري ووقعت روح علي الارض ومش بعيد يشاركوني اوضتي كمان وسريري ايضا
عاصم ايضا لا كده قفلت خلاص
وخرج عاصم من الاوضه
روح: لا يا بابا مستحيل اسامحك لا لا متتحايلش عليا... اي ده هو مبيردش عليا ليه ورفعت روح راسها ملقتش حد... الله جري اي يا عصوم انا بهزر معاك عصوم يا عصوم
في شركه من اكبر الشركات
كان متجمع كل مهندسين الشركه ومستنين قرار مهم جدا
رأفت: تفتكرو مين اللي هيترقي ده اللي هياخد الترقيه دي يبقي اتفتحتله ابواب السما
نور: هيبقي المهندس سالم
كمال: سالم ده مين ده حمار هو بيفهم حاجه ده
رأفت:" بضحك" عندك حق يا كمال بقي سالم هو اللي هياخد الترقيه امال المهندس بشر هياخد اي
نور: "بضحك" هياخد صابونه يا حبيبي
رأفت: يا بنتي بشر ده من اشطر المهندسين اللي شوفتهم في حياتي واكثر واحد ملتزم
كمال: يعني مش ناقصه حاجه
نور: لا ناقصه اهم حاجه
رأفت: اي بقي يا فالحه
نور: ناقصه واسطه المهندس سالم.. هو انتو متعرفوش ان سالم خطب بنت رئيس مجلس الاداره يعني خلاص المهندس بشر مش هيطولها
رأفت:" بصدمه" هو عملها سالم
دخل بشر المكان اللي متجمع فيه كل المهندسين وكان واثق ان الترقيه دي ليه بس مكانش يعرف اللي سالم عمله
بشر: صباح الخير يا شباب
رأفت:" بتوتر "صباح الخير يا بشر
بشر: مالك فيه حاجه
رأفت: انا لا لا مفيش حاجه
بشر(ماله ده.. معقول يكون متضايق عشان هاخد الترقيه لا مش ممكن.. بصراحه كنت هتكلم معاه بس وقفني دخول رئيس مجلس الاداره اول ما شوفته حسيت بفخر رهيب وليه محسش بيه وانا بقالي سنتين متمرمط في الشغل والنهارده هجني ثمار تعبي واخيرا هترقي بس فجأه حسيت ان كل احلامي اتبخرت هو قال مين قال سالم طيب وانا لا لا مستحيل اكون سمعت صح هو اكيد غلط في الاسم)
بشر: لو سمحت
الرئيس: اتفضل في اي
بشر: هو حضرتك ممكن تعيد الاسم
الرئيس: نعم اعيد اي هو انت اطرش
بشر: اطرش!!
رأفت: لا حضرتك هو بس مسمعش كويس... المهندس سالم يا بشر
بشر:" بصدمه" سالم مين ده مبيفهمش حاجه
سالم: "بعصبيه" هو مين ده اللي مبيفهمش حاجه يا فاشل
بشر: اخرس يا حيوان
سالم: انا برضو اللي حيوان
نانسي وهي تمسك سالم: اهدي بس يا حبيبي
بشر: حبيبك اه انا كده فهمت
الرئيس: فهمت اي يا حيوان
بشر: البيه دخلك بطريقه غير مشروعه
رأفت: يخربيتك انت اتجننت
بشر:" بزعيق" انا اللي اتجننت طيب وهما اي لما واحد زي سالم ده يأخد الترقيه لمجرد انه بقي مع بنت رئيس مجلس الاداره وانا اللي عامل زي الطور في الساقيه ولا ليا اي لازمه
الرئيس: اطلع بره انت مرفود
بشر: مرفود انا مرفود طب والله لكسر الشركه دي فوق دماغكو
الرئيس: طلعوه بره
وظهر الامن ومسكو بشر
بشر: سيبوني.. ابعدو عني
وخرجوه بره الشركه
بشر بص للشركه بكره ومشي فضل يمشي في الشوارع
بشر: يعني اي يعني خلاص اترفدت طب واهلي هصرف عليهم ازاي واختي وادويه امي هو معقول وصلنا للدرجه دي بقينا خلاص ملناش لازمه.. اشتغل واتعب واسهر بالليالي وفي الاخر واحد زي سالم ياخد كل حاجه مني عشان بس بنت صاحب الشركه يعني انا كنت ماشي في الطريق الغلط معقول يكون سالم واللي زيه هما اللي صح وانا اللي كنت اهبل
العيب في مين.. مين اللي وصلنا لكده
روح: عصوم يا عصوم
عاصم: في المطبخ
روح وهي بتجري علي المطبخ: يا شيخ ده لو الضباط شافوك بتعمل فطار هيموتو علي نفسهم من الضحك
عاصم: بتتريقي حضرتك هعمل اي يعني مامتك شكلها هطول في المؤتمر
روح: يا سلام يعني زعلان عشان بتطبخ ولا عشان ماما وحشتك
عاصم: لا انا زعلان عشان البيض اتحرق
روح وهي بتبص علي البتوجاز: حريقااااه الحقونا يا ناس ابويا هيولع في المطبخ
عاصم: اطلعي بره بسرعه وانا هطفي بالطفايه
روح: مبدهاش بقي قول يا فكيك
وجريت علي الصاله
عاصم: واطيه
بعد ما طفي عاصم الحريقه البسيطه خرج علي الصاله ولقي روح لابسه هدوم الخروج ولامه ستات العماره كلها
انعام: وبعدين يا روح
روح: ولا قبلين يا طنط انعام ابويا حرق المطبخ كله بقي كوم تراب كده كوم تراب
شريفه: يلاهوي طب وبعدين اي اللي حصل
روح: حصل اي في اي
شريفه اللواء فين
روح اللواء مين.. اه صحيح عصوم ابويا انا نسيته في المطبخ
عاصم: خمس ثواني وتكوني تحت يا روح
روح: ثواني وهكون تحت
ونزلت روح وفضلت مستنيه علي باب العماره لغايه ما وقفت عربيه قدامها
روح: واخيرا شرفت يا باشا اي ده كله
مراد: اركبي اخلصي
روح: لا بقولك اي لو مش عاجبك طلقني
شغل مراد العربيه وكان هيمشي
روح: لا لا خلاص اي ده انا بهزر اي مبتعرفش تهزر يا رمضان
مراد: اخلصي يلا
روح: حاضر.. وصلني الجامعه
مراد؛ حاضر سواق بابي هيوديكي الجامعه... بت اتعدلي انا ابن خالتك
روح: خلاص يا سيدي وصلني يا مراد يا حبيبي الجامعه
مراد: لؤم فلاحيين
في شركه من اكبر شركات المقاولات
ندي: يا بابي مكانش قصدي
والدها: مش قصدك بقي تولعي في مكتبك وتقولي مش قصدي لا واي في اول يوم ليكي امال كمان اسبوع هتعمل اي
ندي:" بدلع" طيب ممكن مصروفي قصدي مرتبي
والدها: مرتب اي يا ندي ده انتي هيتخصم اضرار الحريق من مرتبك
ندي: نعم.. بابي انا نزلت اشتغل عشان حضرتك قولت اني لازم اعتمد علي نفسي وسحبت مني كل الفلوس اللي في الكريدت
والدها وهو بياخد المفاتيح من قدامها وهسحب العربيه كمان
ندي: "بخوف" بابي ارجوك
والدها: الموضوع خلص روحي
ندي: مش معايا فلوس
والدها: خدي العشرين جنيه دول... اي بتبصي كده ليه خدي
ندي: عشرين جنيه.. يعني اي
والدها: مش عارفه يعني اي عشرين جنيه
ندي لا انا عرفاها بس اوبر مش هيرضي ياخدهم
والدها: اركبي المترو وانا قدك كنت بروح الجامعه مشي ولما كبرت شويه وبقيت بشتغل بقيت بركب ميكروباص
ندي: ميكروباص اي ومترو اي دادي العربيه بعد اذنك
والدها: انا هروح الاجتماع والفلوس علي المكتب
في بيت متواضع في الريف
روحيه: انتي يا زفته
نادين: حاضر حاضر يا مرات عمي
روحيه: انتي فين يا بت بقالي ساعه بنادي عليكي
نادين: انا كنت بأكل الفراخ
روحيه: ونضفتي السطح ولا لسه
نادين: انا تعبانه مش قادره
روحيه:" بشر" مش اي يا عنيا
نادين: مش قادره والله
روحيه:" بشر "انتي هنا بتاكلي ببلاش من ساعه ما امك ماتت
نادين: انا كل يوم بفضل اشتغل لغايه ما خلاص هموت
روحيه: انا بقي هموتك بجد وفضلت تضرب فيها
رامي: فيا اي يا وليه هو كل يوم كده اصحي علي صريخ
نادين: الحقني يا عمي مرات عمي هتموتني
رامي: اي اللي حصل المرادي
روحيه: بقولك اي يا انا يا ا دي في البيت
رامي: انتي اتجننتي يا وليه
روحيه: انا قولت اللي عندي
رامي: روحي غيري هدومك يا نادين انا هروح علي مصر في شغلانه كده وهاهدك افسحك
نادين: بجد يا عمي بس انا تعبانه
رامي:" بخبث "خلاص براحتك اسيبك مع روحيه
نادين: لا لا خلاص هروح البس
رامي: روحي روحي انا عملت اللي عليا واستحملتك سنه اكثر من كده حرام كفايه عليكي كده
في شقه مكونه من اوضه وصاله كان فيه راجل بيشيش وقاعد قدام التلفزيون
عصام: انت يا زفت ياللي خلصت مايه الحمام كلها
عدي: فيه اي يا عم كل الغاغه دي عشان شويه مايه
عصام: وهو انت بتدفع حاجه من جيبك
عدي: انا اللي بدفع الفواتير كل شهر
عصام: وماله هو مش ربنا وصي علي الاب وانا ملزوم منك لحد ما تموت
عدي:" بقرف" قصدك انت اللي تموت وبعدين عيب لما تجيب سيره ربنا وانت بتحشش
عصام:" بعصبيه" وانت مال اهلك تصدق بالله انا لو مكونتش دايخ كنت قومت ضربتك
عدي: مهو بسبب الزفت اللي بتشربه
عصام: زفت بقي ده زفت دنا دافع فيه دم قلبي
عدي: انت هتمثل انا اللي جايبهولك
عصام:" بخبث "انت هتستهبل يلا منتا سارقه
دخل: عدي الاوضه ولبس التيشرت بتاعه طيب حلو مش هشممهولك تاني
عصام: ليه كده بس يا عدي ده انت ابني حبيبي وبعدين بقي انا مزوم منك
عدي:" بقرف" صح ملزوم مني بس ده لو كنت عملت اللي عليك
عصام: بقولك اي انت هتطير الحجرين
عدي: لا وعلي اي امشي احسن
في محطه قطار القاهره
رامي: ادينا وصلنا اهو يا بنت اخويا
نادين: بقولك اي يا عمي هو ممكن بدل ما تفسحني نروح لدكتور يشوف التحاليل دي
رامي:" باستغراب" تحاليل اي دي
نادين دي تحاليل كنت عملاها من فتره وكنت نسياها بس بصراحه لما الوجع بدأ يرجع تاني وحضرتك جبتني هنا يبقي نروح وخلاص
رامي: اه طبعا يا حبيبتي بس استني هنا شويه هروح اجيب ازازتين مايه كده
نادين:" بخوف" طيب ما اجي معاك
رامي:" بنفاذ صبر "لا يا نادين خليكي هنا ومتتأخرش
نادين:" بخوف "بس متتأخرش