رواية فراق رغما عني الفصل الاول1بقلم فونا
_أنا مش هقدر أسيب أهلي عشانك!!
واقفه بين خيارين والمفروض أختار يا أهلي يا حبيبي
اختيار مش صح ومش عادل بس لازم أختار أهلي لمجرد أني من مستوي اجتماعي غير مستوي حبيبي
ـ يعني ايه هتسبيني؟!!
بصيتله بحزن وحاولت اتماسك_غصب عني
لفيت وفضلت امشي بسرعة وبعدين جريت ومش سامعه صوته وهو بينادي عليا
-----------------------------------------------------
_اتمني تكوني ارتاحتي يا ماما بكسرة قلب بنتك!!
ردت ببرود_كدا كدا قلبك كان هيتكسر بسبب مستواه الاجتماعي
هنا بقي كنت جبت آخري_أنتِ ايه بجد ايييه،حرام عليكي بجد،كل ده عشان مستواه أقل مننا بشوية!!!!
وبعدين هو كان لسه في بداية حياته و أنتِ حكمتي عليه أنه فقير!!!!!
وفرقتينا وأنتِ عارفه إننا بنحب بعض!!
قامت مرة وحده وزعقت_فوقي بقي من الوهم اللي في دماغك ده،مفيش حاجة اسمها حب وزفت،الحب مش هيفيدك ابدا هي الفلوس أهم حاجة انهاردة!!!
هي اللي معيشانا أنا وابوكي في مستوي حلو
_بس قلبكم بارد
بصتلي بهدوء فبصيتلها بأنهزام_قلبكم بارد من المشاعر يا ماما!
حياتكم وحشة،فكرك أنا مبسوطة وأنا عايشة في قصر زي ده وهو بارد مفهوش حنان ولا دفئ
كنت بمسح دموعي اللي بتنزل زي الشلال
_تعرفي اني بغير من صحابي!
بيفضلو يتكلمو عن حياتهم مع أسرتهم وقد ايه حياتهم حلوة أه مش خالية من المشاكل بس حلوة ودافية،بيت صغير بس عايشين فيه مبسوطين
ضحكت بسخرية_مش قصر ومحدش يعرف حاجة عن التاني
كملت بوجع_ويوم ما لقيت واحد يحبني بالطريقة اللي كان نفسي اتحب بيها من أهلي بيتي.... فرقتوني عنه!!!
كانت بصالي بصدمة مكانتش متوقعة كمية الوجع اللي فيا
بصيتلها بكسرة_أنا عمري مهسامحكم ابدا
طلعت جري من القصر ركبت الريس بتاعتي وفضلت اتمشي في الشوارع
حاطة الهاند فون في ودني وبسمع أغنية
"مش قادر أنسي أول مرة
أو يمكن أقسي وأدور علي مهرب
دي دمعة تايهة في مجرة
وأنا بتفرج متكتف متدمر"
فضلت سايقة لغاية ما لقيت نفسي في أكتر مكان بحب أروحه عشان أفصل "مستشفي الأطفال للسرطان"
ركنت الريس في المكان المخصص وبعدين دخلت جوا
أول ما دخلت لقيت مجموعة أطفال أول ما شافوني جريو عليا وكلهم في صوت واحد_مريوووووم
ضحكت وخدتهم في حضني لدرجة أني كنت هقع علي الأرض
اتكلمت بضحك_براحه هنقع
روحنا لأوضة مخصصة للعب وفضلنا نلعب سوا كتير أوي
شوية نلعب شوية نرسم وشوية نغني لغاية ما تقريبا الدكاترة زهقت مننا
محستش بالوقت ولقيتني قعدت معاهم أكتر من خمس ساعات
ودعتهم ووعدتهم أني هرجع تاني وهنلعب سوا تاني
بصيت في فوني لقيت الساعة عشرة بليل
ركبت الريس وروحت البيت
أول ما دخلت من باب القصر شوفت بابا وماما قاعدين في وش بعض بكل برود
مهتمتش لوجودهم وكنت متجه لأوضتي بس وقفني صوت بابا
_مريم تعالي هنا
روحت بضيق وقفت قدامه فكلمني بحدة_والدتك حكتلي علي أسلوبك اللي زي الزفت معاها انهاردة
بصيتله بصدمة وبعدين بصتلها وضحكت بسخرية_هو ده كل اللي فارق معاكم في كلامي
_مريم اتكلمي عدل!!
اتكلمت بعصبية_بلا مريم بلا زفت بقي أنتم عايزين مني ايه هااا مش كفاية أني سيبت چون بسببكم!!
عم الصمت لما بابا ضربني بالقلم علي وشي
بصيتله بهدوء والحقيقة دي مش أول مرة تحصل فمتصدمتش
اتكلم بغضب_عال بقيتي بتعلي صوتك علينا وعشان مين؟!!
عشان واحد حقير زيه عمره ما يعرف يكون اسرة
بصيتله واتكلمت بسخرية_لأ وأنتَ اللي عارف تكونها أوي
كان لسه هيمد أيده عليا تاني بس مسكت أيده المرادي والحقيقة هو اتصدم لأن دي أول مرة اقفله!!
هنا صرخت ومقدرتش أكتم أكتر من كدا
_كفاية بقي كفاية،أنا بكرهكم لأول مرة بقولها في حياتي بكرهكم أوي
كملت بعياط_أنا عملت ايه عشان ربنا يبتليني بأهل زيكم
مش حاسين بأي حاجة حواليكم ولا مهتمين بأي حاجة غير الفلوس الفلوس الفلووووس
عمري ما شوفت منكم حنية ابدا،كان نفسي نعيش عيشة طبيعية زي أي أسرة
كملت بدموع_كان نفسي تحبوني وتهتمو بيا مش أنا اللي اجي واطلب منكم مع أنه واجب عليكم أصلا
كفاية بقي كفاية أنا تعبت ومعدتش قادرة اتحمل خلاص
سيبتهم وطلعت بسرعة لميت هدومي كلها وخدت كل حاجة تخصني ونزلت
كانو هما قاعدين ماما كانت منهارة ولأول مرة أشوفها كدا
وبابا كان ضهره محني وراسه كانت بين أيده كأنه مكسور!!
أول ما شافوني قامو وقربو مني بسرعة
ماما اتكلمت بعياط_ايه الشنط دي
بصيتلها بدون مشاعر_أنا مسافره