رواية فراق رغما عني الفصل الثاني2بقلم فونا
بصيتلها بدون مشاعر_أنا مسافره
بصتلي بصدمة_يعني ايه مسافرة!! مرة واحدة كده وبعدين مسافره فين
_اعتقد مش هيفرق معاكي يا ماما كده كده حياتي مكانتش فارقة معاكم
بصتلي والدموع نازلة من عيونها والحقيقة دي أول مرة أشوف أمي كده
_سيبيها يا سعاد
الكلمة طلعت من بابا فبصيتله وبحاول أفهمه
اتنهد وبصلي_مش أنتِ عايزة تبعدي ابعدي
بصيتله بأستغراب هو بجد مش متمسك ببنته!!!
بصيتله بكسرة وخدت شنطي ومشيت كام خطوة لغاية ما وقفني صوته_بس لا هتبقي بنتي ولا أعرفك
وقفت مكاني بصدمة فكمل هو_كل حاجة معاكي جايبها بفلوسي ترجعيها!!
دورت وشي عشان ابصله لقيت ماما كانت بصاله بصدمة
_يعني ايه يا عبده أنتَ اتجننت بترمي بنتك في الشارع
اتكلم بكل برود_ده اللي عندي يا تفضل هنا يا تمشي بس تقطع علاقتها بينا و..
سكت لما سمعني بضحك بسخرية_وأنا مش عايزة منكم حاجة
قربت من تربيزة وحطيت عليها الكريدت ومفتاح العربية وسيبت شنط هدومي!!
وخرجت بطولي ومعايا شنطة صغيرة وملتفتش لصوت صراخ ماما بأسمي!!
كان عندي أمل بنسبة واحد في المية أنه يكون ندمان!!
وبعد كل ده بيلوي دراعي!!!
طلعت ركبت الريس اللي كانت جيالي هدية من شخص عزيز عليا
يعني مش بابا اللي جايبهالي
بدأت أسوق وأنا مش عارفه هعمل ايه ولا هروح فين بس اللي متأكده منه أنه ربنا مش هيسيبني
------------------------------------------------------------
_أنتَ إزاي تمشي بنتك كده أنتَ اتجننت
قعد عبده ببرود_هترجع مش هتلاقي حد تروحله
هنا سعاد كانت جابت اخرها_أنتَ ايه يا اخي!!!
مبتحسش...يحر..ق أبو الفلوس اللي تعمل فينا كده وتخلينا نكسر بنتنا بالشكل ده!!!!!
قام عبده بغضب_الفلوس اللي مش عجباكي دي هي اللي عملتك أنتِ وبنتك وبعد كل ده عايزة تتجوز واحد شحات!
بصيتله بصدمة ومش مصدقة أن ده عبده حب حياتي اللي وقفت ضد أهلي عشانه!!!
_متنساش أنك كنت في يوم من الأيام مكان الشحات ده
بصلي بصدمة فكملت بقوة_مكنتش لاقي تاكل وبرضو اتقدمتلي ولما أهلي رفضوك فضلت تشتغل علي نفسك لغاية ما كونت نفسك وساعتها أهلي وافقوا!!!
كملت بصراخ بعد ما فوقت من اللي كنت فيه_فوق يا عبده فلوسك دي مش هتنفعك لما تمرض وتلازم السرير!!
ولا لما تروح للي خلقك مش هتشفعلك عنده!!!
قام واتكلم بغضب_بقيت أنا الوحش وأنتِ الحلوة فوقي يا سعاد أنتِ كنتي بتعامليها زي ياختي!!
_بس الحمدلله فوقت قبل ما بنتي تضيع مني!!!
منك لله يا عبده بنتي لو جرالها حاجة أنا مش هسامحك لا دنيا ولا آخرة
-------------------------------------------------------------
كنت سايقة الريس ومش عارفه هروح فين وأنا مليش قرايب
كان معايا شوية فلوس فقررت هروح أي فندق وبكره أشوف هعمل ايه
تاني يوم "
كنت واقفة في مطار بعد ما حجزت انبارح تذكرة لكوريا
فوني من انبارح بيرن برقم ماما وكانت عماله تبعتلي مسدچات بس مكنتش قادرة أرد!
كنت طالعة علي سلم الطيارة وآخر مسدچ وصلت لماما مني
_اعتبروني مُـ*ت