رواية فراق رغما عني الفصل الرابع4بقلم فونا
قاطع كلامهم رنة فون يوسف وشخص اتكلم بالكوري (الترجمة)
_ سيدي،إن شقة صديقتك تحتر..ق وهي بالداخل!!
صر..خ يوسف وهو بيجري برا المكتب
_مررريم
اتجه يوسف وچون بسرعة لبيت مريم دقايق وكانو عندها لأن بيتها قريب من الشركة
كانو رجال الإطفاء وصلو وحاولو يسيطرو علي الموقف والحمدلله قدرو
دخلو بسرعة يدورو علي مريم ولقوها في أوضة موصلهاش النا..ر بس كان مغمي عليها
چون شالها بسرعة واتجه بيها هو ويوسف علي أقرب مستشفى
-------------------------------------------------------
فتحت عيوني بتعب لقيت نفسي في أوضة غريبة بصيت حواليا لقيت چون قاعد
كنت حاسه إني بحلم،فضلت بصاله كتير بتأمل ملامحه اللي كانت وحشاني أوي
لاحظ چون إني فوقت فقرب مني بلهفة_مريم أنتِ كويسة
بصيتله شوية بعدين دموعي نزلت
أتخض چون واتكلم بسرعة_مالك بس بتعيطي ليه في حاجة وجعاكي
شاورت على قلبي واتكلمت بعياط_ده واجعني
بصلي چون وابتسم بحزن_سلامة قلبك يا مريومة
اتنهد ورجع كمل_ لا الوقت ولا المكان بس نفسي أعرف
ليه؟!
بصيتله ودموعي نازلة_كنت مجبرة، لو معملتش كدا كنت أنت هتضر
بصلي بصدمة_بس أهلك مستحيل يعملو كدا
اتكلمت بسخرية_أهلي يعملو أكتر من كدا
خدت نفسي وكملت_اليوم ده لما سيبتك وروحت البيت اتخانقت معاهم وساعتها اتقال كلام كس..ر قلبي وقتها مقدرتش أفضل وسافرت وجيت كوريا
كملت بوجع_لو كنت فضلت هناك أكتر من كدا كان ممكن اعمل في نفسي حاجة
بصيتله ومسكت ايده_چون أنا محدش حبني بصدق قدك
حتي كل صحابي اللي كانو معايا كانو عشان فلوسي مش عشاني
كملت بعياط_أنا آسفه لو قولتلك كلمة جرحتك يومها بس صدقني غصب عني كنت مجبرة عشان كنت خايفة عليك منهم
كان ساكت خالص كل كلامي صدمة
شدد علي ايدي جامد واتنهد وسكت
فضلت بصاله ومستنية يرد بس مردش!!
هنا دخل يوسف وكان في أيده كياس أول ما شافنا وشاف دموعي اتكلم بخضة_في ايه
بصيتله بهدوء بعد ما سحبت ايدي_مفيش
هنا چون طلع برا الأوضة وأنا كنت متابعاه
كنت حاسه بخنقة وكنت بردد جملة واحدة
_يارب صبرنا
------------------------------------------------
طلعت برا المستشفى
كنت محتاج أرتب افكاري تاني،كنت مشتت مش عارف اتصرف ازاي، وفي الحقيقة مش أنا بس اللي اتوجعت هي كمان اتوجعت ويمكن أكتر مني!!
هكدب لو قولت موحشتنيش!!
بس في الحقيقة الموضوع تقيل شوية وإحنا الاتنين كنا ضحية تفكير عقيم
مر وقت طويل ورجعت المستشفى لقيتها نايمة ويوسف كان جنبها
_هي كويسة
اتنهد يوسف_فضلت تعيط بعدين نامت
بصيت عليها ملامحها شبه الأطفال
مازالت جميلة
اتنهد جون_هتعمل ايه في الشقة اللي ولعت يعني هتقعد فين
ـ أنا عندي شقة تاني صغيرة هبقي اوديها فيها لغاية ما القديمة تتجدد
تسريع للأحداث مريم رجعت شقتها القديمة بعد ما رجعت زي ماهي
علاقتها بچون كانت مريحة نوعا ما
_هو مين ده اللي هتروحي معاه الكافيه!!
- يووه يا چون أنتَ مش بتزهق
_متغيريش الموضوع يا أستاذة اللي عايزك في شغل يجي الشركة لكن تروحيله ليه معلش مشلو..ل!!
ضحكت علي غيرته اللي بقت ملحوظة
_چون أنتَ بتغير من العميل
بصلي بقرف_أنا أغير من البعبع ده
ضحكت ولميت حاجتي وطلعت برا المكتب_وحياة أمك بتغير
سمعت صوته العالي_لو روحتي يا مريم هكس..ر دماغك
ضحكت وأنا نازلة من الشركة وفي طريقي للكافيه ومتأكده أنه هيجي ورايا
بالفعل روحت وقابلت العميل وكان محترم جدا
كان عايز يعمل شوية تجديد في الكافيه
كنا بنتكلم فقاطع كلامنا حد سحب الكرسي وقعد
وطلع جون!!
بصلي بضيق فكتمت ضحكتي
كان هو اللي بيتعامل وبيتكلم مسمحش للعميل يكلمني ولا يبصلي حتي
طلعنا برا الكافيه وكان مكشر
اتكلمت باستفزاز_مالك بس مكشر ليه
بصلي بضيق_لولا أنك بنت كنت طحنتك
ضحكت_طب الحمدلله وبعدين مضايق ليه ده شغل
اتنرفز_شغل ايه اللي يخلي اي زفت باصصلك ومبلم
اتكلمت بخبث_مش يمكن عشان حلوة
بصلي بعصبيه_إحنا لازم نرجع مصر في أسرع وقت
بصيتله بأستغراب_ليه
_عشان نتجوز واقعدك في بيتي بلا شغل بلا قرف
وقفت مصدومة في مكاني_أنتَ قولت ايه
اتنهد_مريم أنا هتجوزك
ـ مش كانت تقبلي تتجوزيني
_لأ غيرناها خلاص
ضحكت علي جنانه
وبالفعل رتب كل حاجة ونزلنا مصر
وجت أكتر لحظة مكنتش عايزاها تيجي
روحت بيت أهلي وأول ما بابا فتح الباب لقاني قدامه ماسكه ايد چون