رواية غدر الايام
الفصل الرابع عشر14
بقلم نورا عطيه
عليا : بصوت عالي فارس بيه سيب ايدي .فارس : وقد انتبه وقال لها مش عايز اشوف وشك هنا تاني .
عليا : افندم حضرتك بتقول ايه .
فارس : ليلتفت لما يقوله ويقولها امشي من وشي دلوقتي يا مي .
عليا : يعني مش ارجع هنا تاني .
فارس : روحي وتعالي بكرا .
عليا : اوامرك يا فارس بيه .
وتذهب عليا من امام فارس .
اما هو يقول لنفسه يا تري ايه معني النظره اللي شوفتها في عنيها دي انا قابلت بنات كتير وشوفت بس اول مره اشوف النظره دي في عيون بنت يا تري فيكي ايه يا مي مختلف عن باقي اللي اعرفهم .
اما عليا وهي تمشي بالشارع تفكر في نظرته ليها وتقول في نفسها يا تري شاف فيا ايه انا حاسه ان فيه حاجه مش طبيعيه بس نظرته ماطمنش خالص يا رب ما يكون عرفني وتذهب الي منزلها .
وبعد ان تذهب الي منزلها .
والدتها : حمدلله علي السلامه ايه اللي جابك كده بدري .
عليا : بكدب مفيش المدير روح شويه من الموظفين.
والدتها : طيب يا بنتي علي راحتك .
وتدخل عليا وكل تفكيرها بفارس ونظرته ليها وتجلس لتتصفح الفيس بوك لديها .
اما عند فارس لينتهي الاجتماع الخاص به وكل تفكيره في نظرات الخوف التي بداخل عليا ويفتكر معاد شاهندا ويقول يعني ده وقتك يعني هروح بقي اشوف اخرتها ايه .
ويذهب فارس الي الكافيه ليري شاهندا تجلس وتضحك مع شاب اخر ويقول في سره انا قولت انها مش تمام يا رب بقي ماشي اما اروحلك يا ماما بقي عايزه تجوزيني لواحده زي دي ازاي دي تشيل اسمي .
لتراه شاهندا يقف بعيد عنها وتقوله فارس تعالا تعالا اعرفك علي شريف ابن عمي .
فارس : يذهب نحوها ويقول اهلا بيك يا استاذ شريف .
شاهندا : اعرفك يا شريف ده فارس صاحب الشركه اللي هشتغل فيها وكمان جارنا .
شريف : اهلا بيك يا استاذ فارس .
فارس : اهلا بيك .
شريف : طيب اسيبك انا يا شاهي وعلي تليفونات بقي باي .
شاهندا : ماشي يا شيري باي .
فارس : في سره دي كمان بتدلعه الله الله .
شاهندا : اقعد يا فارس واقف كده ليه .
فارس : ولا حاجه عندي شغل مهم افتكرته .
شاهندا : هو كله شغل شغل مفيش حاجه كده .
فارس : وقد فهم ما ترمي به شاهنداوقال لا فيه .
شاهندا : الله عليك انا قولت انك كده اصلا يلا بقي نسهر مع بعض النهارده .
فارس : طيب انا هخلص كام مشوار وهكلمك نشوف مكان نسهر فيه .
شاهندا : ماشي وانا هستنا تليفونك يلا بقي نفطر سوا .
فارس : اطلبي الفطار اللي تحبيه وهفطر معاكي .
وبعد ان تنتهي عليا من التصفح بالفيس بوك لديها تجلس تمسك الفون كي تتصل بأحمد وتبدا بالاتصال به ولكن احمد تليفونه كان مغلقا كي لا يتصل به احد والديه .
تقول ايه ده ده قافل موبيله ده وقته يعني يعني احمد اللي اعرفه علي الفيس هو كمان مش بيرد ايه ده بقي .
اما عند فارس بعد ان يذهب الي المنزل .
فارس لوالدته ماما انا جيت وعايزك شويه .
ناديه: خير يا ابني .
فارس : ماما انت عايزه تجوزيني انا هريحك واتجوز .
ناديه : بفرحه بجد اخيرا.
فارس : بس مش شاهندا يا امي .
ناديه : اي واحده تختارها بس فرحني بيك وبعيالك يا ابني .
فارس : حاضر يا امي انا هعمل كده بس علشان ارضيكي .
ناديه : طيب هي مين واسمها ايه بقي وبنت مين .
فارس : يا امي مش وقته بس في خلال اسبوع هتجوز اعرفي كده انا طالع انام .
ناديه : وقد فهمت وقالت زي ابوك مش هتتغير يا فارس ابدا نفس الصرامه بتاعته ربنا يهديك يا ابني ويريح بالك يا رب وتكون اخترت كويس يا رب .
فارس :يا رب يا امي انا طالع محتاجه مني حاجه تاني .
ناديه : تسلم يا ابني اطلع علي ما اخليهم يحضروا العشا ونتعشي سوا .
فارس : حاضر يا امي هريح شويه وانزل .
وبعد ان يصعد فارس يفكر في الورطه اللي حط نفسه فيها ويقول لنفسه ليه عملت كل ده علشان ابعد عن شاهندا لاني عارف امي هتصمم عليها طيب ايه الحل دلوقتي اتصرف ازاي انا المفروض اكون متجوز في خلال اسبوع يا رب صرفني يا رب مين دي اللي هتقبل بيا انا اصلا مش قابل ولا بنت بسبب قله ادبهم ويفكر فارس في جميع البنات اللي يعرفهم ويقول ولا واحده منهم هتنفع كلهم شمال وقد افتكر وقال اها ما مي تنفع اتجوزها مؤقت واتفق معاها علي كده وبعد كده اطلقها واقول لماما مش ارتحت معاها وبكده ابقي ريحت امي ايوه اما عليك افكار يا واد يا فارس بس يا تري هي هتوافق اها اكيد بالفلوس هتوافق الفلوس بتمشي كل حاجه وهي باين عليها كلبه فلوس هي بس كلهم كلاب فلوس اصلا بس انا اتصل بيها ويمسك فارس فونه ويفتكر انه نسي ياخد منها رقم موبيلها ويقول ايه الغباء ده ازاي مش اخدت منها رقم موبيلها ازاي سكرتيره عندي ومعرفش رقم موبيلها بس هي بنت مين اكيد هتخاف تتكلم طيب اعمل ايه انا بكرا اجس نبضها ممكن متجيش بكرا يا رب تيجي علشان اخلص من الحيره دي يا رب تيجي يا مي وكده اريح امي بس يا رب ما تطلع شمال هي كمان انا حاسس ان فيها حاجه مش طبيعيه .
وتدخل عليه ناديه لتقول له يلا يا حبيبي العشا جاهز يلا نتعشي سوا وكلمني عن عروستك وهروح معاك امتي علشان اشوفها انا كمان وتبقي بنت ناس ولا تعرفها منين .
فارس : يضحك ويقول يا ماما مش كده اصبري شويه لما افاتحها الاول في الموضوع .
ناديه : تدمع عينها وتقوله صبرت كتير اوي يا فارس نفسي في اللحظه دي من زمان نفسي تملي عليا البيت نفسي تجيب احمد صغير العب معاه ويطلع شبهك ابوك يا فارس كان بيحبك اوي وكان نفسه يجوزك قبل ما يموت .
فارس : محتضن والدته ويقول لها الله يرحمه يا امي خلاص بقي هفرحك انا ومش هجيب احمد بس هجيب احمد وناديه كمان .
ناديه : يا رب يا حبيبي يلا بقي علشان ناكل سوا .
فارس : يلا يا ست الكل .
وينزلوا علي سلم الفيلا وهما علي سفره العشاء يرن الجرس ويفتح الخادم وتدخل نادين حامله طفل ووراها محمود يحمل طفل اخر وتقول واحشتوني اوي .
يقوك فارس لياخد محمود صديقه الوحيد بالحضن ويقول حوده واحشتني اوي ويحمل عنه اياد ويحتضنه .
محمود : انت كمان واحشتني فينك يا ابني كل اما اجي الاقيك بره.
فارس : مشاغل الشركه والله يا حوده .
نادين : محمود بس اللي واحشك يا سي فارس .
فارس : ما انا كنت عندك امبارح هي شغلانه .
نادين : صحيح اخويا رخم عامله ايه دلوقتي يا امي .
ناديه : الحمدلله هاتي الواد العسل ده واحشني .
نادين : اتقضليه يا ماما ده تاعبني تعب .
ناديه : الاطفال احباب الله عقبال ما اشوف عيالك يا رب يا فارس انت كمان .
نادين : يا رب يا ماما بس ينوي بس يتجوز .
ناديه : خلاص يا نادين فارس اخيرا هيتجوز ويفرحنا .
نادين : بفرحه بجد ناوي يا فارس .
محمود : ايه ده انت نويت يا فارس بجد .
فارس : يادي الفضايح يا ماما انا قولت لسه لما اتكلم .
ناديه : ايه يا فارس عايزه افرح اختك بيك .
نادين : ايه ده اوعا تكون شاهندا .
فارس : شاهندا مين يا بنتي خلاص راحت عليها .
محمود : هو فيها شاهندا كمان مين صاحبه النصيب يا صاحبي اللي امها داعيه ليها اللي ناوي تتجوزها .
نادين : لا يا محمود داعيه عليها مش ليها ده فارس يا حوده .
ناديه : بس يا بت متقوليش علي اخوكي كده طبعا داعيه ليها انها هتكون من نصيب ابني .
نادين : صدق المثل اللي قال القرد في عين امه غزال .
فارس : ايه يا بت الكلام ده محمود ابعد مراتك عني هضربها .
محمود : اختك يا حبيبي ماليش دعوه يا داخل بين البصله وقشرتها.
فارس : ايه اللي بتقوله انت وهي ده ايه الكلام البيئه ده اتعلمتوا منين انت واخد البت مؤدبه اعترف يا محمود عملت في اختي ايه .
نادين : مالكش دعوه بحبيبي يا فارس خلينا في عروستك عرفتها منين وانطق بقي بطل رخامه .
فارس : مش هقولكم وسبوني بقي اطلع انام .
محمود : لا لا انا عايزك شويه نتكلم في الشغل .
فارس : طيب تعالا وخليهم هما قاعدين مع بعض .
محمود : ماشي يلا .
نادين : يعني هتسبوني انا وماما قاعدين لوحدينا .
فارس : نادين اسكتي شويه اقعدي فكري في عروستي واشغلي دماغك بيها خلينا انا والراجل نتكلم كلمتين في الشغل شويه .
ناديه : سبيهم يا نادين وتعالي عايزاكي .
نادين : ماشي يا ماما .
وبعد ان يدخل فارس ومحمود غرفه المكتب كي يتحدثون عن الشغل
اما نادين وناديه بيتكلموا عن عروسه فارس .
ناديه : يعني هو مش قالك حاجه امبارح يا نادين .
نادين : قالي انه جاب سكرتيره جديده بس .
ناديه : مش يمكن هي دي اللي بيتكلم عليها .
نادين : مش عارفه يا ماما بس هنشوف مين هي .
ناديه : تفتكري يا نادين اختارها كويسه وبنت ناس .
نادين : اكيد يا امي فارس مش اي واحده يقع فيها .
ناديه :يا رب يا بنتي تكون كويسه وتكون نعم الزوجه الصالحه ليه يا رب .
نادين : يا رب يا امي متخافيش انا واثقه ان اختياره هيكون كويس وفي محله .
ناديه : يا رب قوليلي بقي عامله ايه مع جوزيك .
نادين : الحمدلله يا امي بخير .
ناديه : يعني هو كويس معاكي .
نادين : الحمدلله كويس طبعا وحنين اوي يا ماما وانا وهو بنراعي بعض جدا .
ناديه : يا رب يخليكم لبعض يا بنتي ويخلي ليكم عمر واياد يا رب.
نادين : يا رب يا امي ويخليكي لينا يا رب .
اما عند عليا تجلس تفكر تروح الشغل تاني ولا لا وتقول لنفسها انا هروح اعتذر وكفايه اوي كده وكفايه اللي عملته فيه .
شيطانها : لا مش كفايه انت لازم تخسريه كل حاجه .
عقلها : لا انهي كل حاجه ده باين عليه عنيف وصعب اوي ده كفايه نظرته صعبه جدا .
شيطانها : لا ما مش هتبصي ليه انت هتخسريه شغله من ورا لورا وابعت الصفقات الجديده للشركات المنافسه .
عقلها : لا لا ده ممكن يقتلك ده عينه كلها شر .
شيطانها : هههههه لا علي نفسه الشر بتاعه ده.
عقلها : طيب انا قولتلك .
شيطانها : نفذي انت صح يا عليا .
لتقوم وتقول بس انا صح انا هكمل وهخليه يندم علي حياته كلها وتذهب في النوم العميق .
صباح يوم جديد
في الفيلا يقوم فارس مع انه لم يذق طعم النوم كل تفكيريه ازاي يفاتح مي في موضوع الجواز المؤقت .
ويلبس بدلته بكامل اناقته ويذهب الي الشركه بعد ان يفطر فطاره المعتاد مع والدته .
صباح يوم جديد علي عليا تستيقظ متاخره لتذهب الي شغلها .
والدتها : اتاخرتي يا عليا اوي .
عليا : معلش يا امي سهرت شويه مش مهم انا هنزل عايزه حاجه .
عليا : حاضر يا امي سلام .
والدتها : سلام يا بنتي .
وتذهب عليا الي الشركه وتدخل مكتب فارس لتجده يجلس وسرحان.
عليا : فارس بيه .
فارس : بابتسامه مي اخيرا جيتي حمدلله علي السلامه .
عليا : باستغراب الله يسلمك يا فارس بيه معلش اصلي صحيت متأخره .
فارس : مي ممكن اتكلم معاكي شويه .
عليا : اتفضل يا فارس بيه .
فارس : تتحوزيني .
عليا : بصدمه نعم