رواية غدر الايام
الفصل الخامس عشر15
بقلم نورا عطيه
فارس : مي ممكن اتكلم معاكي شويه .عليا : اتفضل يا فارس بيه .
فارس : تتحوزيني .
عليا : بصدمه نعم .
فارس : زي ما سمعتي تتجوزيني يا مي .
عليا : بصدمه تتجوزني انا .
فارس : بصي يا مي جوازنا ده هيكون مؤقت انا مش هضغط عليكي في حاجه بس لمده شهر بس هنتجوز وننفصل وده اتفاق بيني وبينك ومش عايز مخلوق يعرفه .
عليا : هو حضرتك تعرف ايه عني .
فارس : انا كل اللي اعرفه انك مي وبس ومش عايز اعرف حاجه تانيه قولتلك جواز مؤقت .
عليا : وانا مش موافقه ولا يمكن اوافق بواحد زيك .
فارس : يقوم من علي مكتبه ويمسك ايديها بشده ويقولها بت انت اتعدلي في الكلام .
عليا : بخوف طيب موافقه يا فارس بيه بس سيب ايدي .
فارس : تعالي معايا اتفضلي يا هانم .
عليا : علي فين يا فارس بيه .
فارس : من غير ما تتكلمي امشي وانت ساكته .
وتمشي عليا بخوف امامه وتقول في سرها ايه ده ياريتني ما كنت جيت عنده يا رب خرجني من هنا يا رب علي خير .
ويذهب فارس بعليا الي الكافيه كي يتحدث معها علي راحتهم بدون ازعاج من احد بعيدا عن الشغل .
فارس : تعالي هنقعد هنا ويجلس .
عليا : بخوف حاضر .
فارس : اسمعيني بقي انا جوازي منك هيكون مؤقت علشان اريح امي وبعد كده هننفصل في هدوء انا اصلا مش عايز اتجوز ولو فكرت عمري ما هفكر اتجوز طول العمر واحده زيك انا هديكي مبلغ قصاد الاتفاق ده .
عليا : واحده زي طيب انا مش موافقه علي واحد زيك .
فارس : بعصبيه بت انت انا هعمل اللي في دماغي وغصب عنك .
عليا : لا يا فارس بيه عمري ما هعمل حاجه غصب عني وتنظر له نظره تحدي وتقف وتسيبه وتمشي .
اما فارس يغضب بشده مما فعلته وقال ماشي مفيش واحده تستعصي عليا انا هوريكي ويخرج خلفها ليمشي وراها دون ان تلاحظ .
اما عليا تمشي وتبكي علي ما فعلته بنفسها وتقول لنفسها غبيه انت اللي وصلتي نفسك لكده غبيه فعلا مكنش لازم اعمل كل ده هو كده مش هيسبني في حالي .
وفارس ورائها دون ان تلاحظ ويقول والله لهوريكي يا زفتا انت ويا انا يا انت يا هانم .
وعليا تمشي الي منزلها وفارس خلفها وتطلع علي السلم وفارس يقول اكيد ده بيتها بس اكيد عايشه لوحدها انا هطلعها بقي ويا انا يا هي .
تطلع عليا وتفتح الباب لم تجد احدا بالمنزل خالص وتقول يا ماما انت هنا لم تجدها وتقول ممكن تكون راحت السوق يلا انا هنام شويه احسن ومش راحه تاني الشركه دي وخلاص بقي .
وفارس علي باب المنزل متردد علي رن الجرس ويقول اكيد هي مقضاياها جوه انا هرن واللي يحصل يحصل بقي ويرن الجرس .
اما عليا بمجرد ان سمعت جرس الباب تقول مين اللي هيجي دلوقتي اكيد خالد ونسي المفتاح زي عادته .
وبعد ان بدلت ملابسها ولبست البيجامه الخاصه بها وتقول ثواني يا خالد جايه وتجري نحو الباب وهي بدون طرحه وتفتح الباب وتقول طبعا نسيت المفتاح زي كل مره دون ان تنظر له .
فارس : وكمان فيها خالد الله الله .
عليا : بصدمه انت ايه اللي جابك هنا وبأي حق تيجي هنا .
فارس : يدخل ويغلق خلفه الباب .
اما عليا تحط ايديها اعلي راسها وتدخل فورا الي غرفتها وتغلقها علي نفسها بسرعه .
فارس : افتحي يا هانم انت هنا مقضايها وبتستعصي عليا وانا طلبت اتجوز واحده زيك انا غلطان اصلا .
عليا : من خلف الباب وتبدا بالبكاء وتقوله ارجوك امشي من هنا ارجوك انا مش ناقصه فضايح .
فارس : لا مش همشي عايز اشوف خالد ده كمان .
عليا : ببكاء من خلف الباب ارجوك امشي كفايه كده انا غلطانه ومش هتجوزك امشي لو سمحت.
فارس : مش همشي يا مي وافتحي الباب ده والا هكسره .
عليا : طيب انا هعمل اللي انت عايزه ممكن تمشي بقي .
فارس : علي العموم انا عرفت ازاي اجيبك واوعي تفكري تهربي مني يا حلوه انا ماشي سلام يا قطه .
ويذهب نحو الباب في نفس اللحظه يدخل اخوها الصغير خالد ويقوله انت مين وبتعمل ايه هنا .
فارس : يضحك بعلو صوته ويقوله اسئل الهانم اللي جوه ويسيبه وينزل .
خالد : استنا هنا هانم مين انت مين .
اما فارس ينزل مسرعا وخالد يظخل يخبط علي باب غرفه اخته ويقول عليا انت هنا .
عليا : ببكاء خالد انت جيت .
خالد : افتحي يا هانم انا جيت والبيه مشي .
عليا : تخرج ببكاء وتقوله والله يا خالد هو اللي جه لوحده صدقني يا خالد .
خالد : وعايز ايه منك ده كمان .
عليا : ده مديري في الشغل وطلب يتجوزني .
خالد : جاي يتجوزك كده الصبح ايه مالكيش اهل .
عليا : علشان انا رافضته جه ورايا صدقني يا خالد والله هو ده اللي حصل .
خالد : رافضتيه ليه بقي اما هو جايلك هنا انت ايه يا شيخه انا بقول عليكي محترمه .
عليا : تضربه الم وتقوله اخرس انا اختك ومحترمه واستحاله اعمل حاجه تزعل ربنا وتزعلكم مني .
خالد : وان البيه يجيي لحد هنا وادخل الاقيه هنا وحضرتك قافله علي نفسك الغرفه ده يبقي اسمه ايه يا هانم ما تردي عليا .
عليا : ده هيكون جوزي انكتم بقي انا هوافق علي الجواز .
خالد : اما نشوف يا هانم اخرتها .
عليا : لو سمحت يا ريت بابا وماما وعبدالرحمن ميعرفوش حاجه .
خالد : وانا استحاله اتعب بابا وماما علشان واحده زيك .
عليا : بس بقي خلاص انت ايه مش فاهم .
خالد : حاله الجواز الوحيده اللي هتخليني افهم اللي حصل انا مش مصدقك ومش هصدقك الا لما يتجوزك ده لو اتجوزك يا هانم .
عليا : طيب يا خالد انا هثبتلك .
وتدخل والدتهم حامله اكياس كثيره .
ويشيل عنها خالد وتقول ايه فيه ايه مالكم وانت جيتي بدري ليه يا عليا من شغلك .
عليا : بكدب اسأذنت ومشيت تعبت شويه .
والدتها : طيب بتتخانقوا ليه صوتكم عالي .
خالد : ولا حاجه يا امي عليا كانت بتزعقلي علشان المذاكره .
والدتها : معلش يا حبيبي بتخاف عليك اختك الوحيده .
خالد : انا داخل اذاكر .
والدتها : ربنا معاك يا ابني ويريح بالك يا رب وتجيب مجموع حلو يا رب .
عليا : ماما انا هدخل انام شويه .
والدتها : طيب يا حبيبتي بس خفي عن اخوكي شويه وتعالي هنا شكلك معيط فيه ايه يا عليا مالك .
عليا : بكدب لا يا ماما كنت بسمع قصه خلتني ادمع .
والدتها : يا بنتي بلاش القصص اللي بتقريها مدام بتعيطي منها .
عليا : حاضر يا امي انا هدخل انام شويه .
والدتها : ماشي يا بنتي ربنا يريح بالك يا رب .
عليا : يا رب يا امي .
اما عند فارس يقول كده بقي هي اللي هتجيلي والله لهكسر عينك يا مي هانم .
بس يا تري مين ده دي ممكن تكون شمال .
لا لا ده شكلها ممكن يكون اخوها وبعدين شكلها حلو من غير طرحه اوي .
كان عقله يحدثه هكذا ويقول هي هتيجي من نفسها ما اصل لو مش فارق معاها اللي حصل مش هتيجي ايوه لو خالد ده مش اخوها ومش فارق معاها مش هتيجي مدام شافني هي اللي هتجيلي تاكد الجواز وهتوافق علي شروطي اما عليك افكار يا واد يا فارس والله برنس انا من يومي هكذا كان يحدثه شيطانه .
اما عند عليا في غرفتها تبكي في صمت حتي لا تسمعها وتلاحظها والدتها وتقول هو فعلا شيطان مش بني ادم ده جه ورايا علشان يثبت اني مش كويسه واكيد خالد اخويا شاكك فيا الله ينتقم منك يا فارس يا رب انصرني يا رب .
وتقول انا بكرا اروح اوافق علي عرضه ده بس ومش هخليه يطول مني شعره.
وتقول انا فين موبيلي اكيد بره انا هطلع اجيبه واكلم اسراء وهي اللي هتسمعني وتفهمني .
وتخرج من عرفتها تبحث عن الموبيل وتجده وتمسكه وفجأه يرن هاتفها برقم غريب وتدخل غرفتها كي ترد علي الرقم .
وترد وتقول السلام عليكم ورحمه الله وبركاته .
فارس : وعليكم السلام يا ست الشيخه .
عليا : بصدمه وقد عرفت صوته انت .
فارس : ايوه يا حلوه .
عليا : عايز مني ايه تاني .
فارس : مش عايز منك حاجه انت اللي عايزاني دي رقمي علشان لو احتاجتيني اصلح غلطتي ولا حاجه هاهاهاها سلام يا قطه ويغلق قبل ان تنطق .
اما عليا تقول صحيح شيطان ده لا يمكن يكون بني ادم اصلا يا رب بقي هو اكيد سجل رقمي لما الفون كان بره يا رب خرجني من اللي انا فيه ده يا رب لو كلمت اسراء هتقولي انت غلطانه انا فعلا غلطانه من الاول بس والله لهوريك يا سي فارس هخليك تندم مش عايز جواز هتجوزك بس هخليك تكره نفسك اكتر انت اللي بدات والبادي اظلم .
وتتصل بيه عليا مره اخري .
ويرد فارس ليقول كنت متأكد انك هتتصلي تاني .
عليا : طلباتك .
فارس : انا مش عايز حاجه منك خلاص والعرض سحبته .
عليا : يعني ايه .
فارس : يعني مالكيش عروض تانيه عندي تعالي وقت تاني .
عليا : بقي كده انا غلطانه اني وافقت اتجوز واحد زيك .
فارس : بت اتعدلي احمدي ربنا اني هستر عليكي .
عليا : نعم انت بني ادم مش طبيعي هو انا عملت حاجه غلط انت اكيد مجنون .
فارس : انت عايزه ايه دلوقتي .
عليا : انت وقعتني في مصيبه قدام اخويا وانت كمان عايز تتجوز علشان والدتك انا موافقه علي الجواز المؤقت ده .
فارس : وانا رجعت في كلامي .
عليا : انت هتستهبل .
فارس : بت اتلمي انا براحتي .
عليا : طيب سلام .
فارس : بصي بكرا تيجيلي الشركه نتكلم .
عليا : نعم مش انت رجعت في كلامك .
فارس : اخلصي تيجي بكرا نتكلم .
عليا : ماشي .
فارس : سلام
عليا : في داهيه تاخدك يا بعيد سلام .
فارس : ايه بتقولي حاجه .
عليا : لا خالص بقول سلام .
فارس : سلام .
عليا : سلام .
وبعد ان تغلق معه تقول شيطان مجسد في صوره انسان .
اما فارس يتصل بنادين اخته ويقولها قلبي عامله ايه .
نادين : يا سيدي علي الروقان الحمدلله انت عامل ايه وعملت ايه في موضوع العروسه .
فارس : زي الفل وواتفقنا خلاص .
نادين : مبروك يا حبيبي علي خير يا رب .
فارس : الله يبارك فيكي يا حبيبتي ان شاء الله .
نادين : قولي بقي حلوه .
فارس : زي القمر هتعجبك متخافيش .
نادين : ربنا يتمملك علي خير يا حبيبي .
فارس : يا رب ابقي بوسيلي عمر واياد .
نادين : حاضر يا حبيبي وابقي سلملي عليها لحد ما اشوفها .
فارس : حاضر يا حبيبتي .
نادين : اسيبك بقي عمر بيعيط .
فارس : ماشي يلا سلام .
نادين : سلام يا حبيبي .
اما عند عليا تجلس تفكر في احمد وتقول انا لازم اكلم احمد تاني .
وتتصل بيه ولسه برضوا قافل موبيله وتقول هو خلاص غير رقمه وهيبعد خلاص براحته بقي ايه القرف ده انا تعبت .
وتقول انا اكلم اسراء وخلاص ويدخل عليها خالد اخيها .
عليا : نعم يا خالد .
خالد : هاتي رقم البيه اللي كان هنا .
عليا : بكدب مش معايا يا خالد .