رواية غدر الايام
الفصل السابع عشر17
بقلم نورا عطيه
والدتها : قولي يا بنتي خير .عليا : انا جالي عريس يا ماما .
والدتها : بفرحه بجد هو مين .
عليا : مديري في الشغل عايز يتقدملي .
والدتها : بفرحه بجد يا عليا .
عليا : ايوه يا ماما وجاي يوم الخميس ان شاء الله .
والدتها : عليا عارفه عنه ايه وهو عنده كام سنه .
عليا : يا ماما التفاصيل دي هتعرفيها لما يجي بأذن الله بس هو صغير مش كبير شاب اعجب بيا وكلمني وقالي انه عايز يجي يقابل بابا يوم الخميس بأذن الله .
والدتها : علي خير يا رب وانا هقول لابوكي وابلغه بس يا عليا انت موافقه .
عليا : ايوه يا ماما هو كويس ومحترم .
والدتها : علي خير يا بنتي يا رب يا رب يكون ابن حلال ليكي بس استخيري ربنا برضوا .
عليا : ان شاء الله يا ماما .
والدتها : علي خير يا بنتي يا رب بس هو جاي لوحده ولا معاه حد.
عليا : مش عارفه يا ماما هو قالي بلغي والدك اني هكون عندكم يوم الخميس.
والدتها : طيب يا بنتي ربنا يفرح قلبك يا رب .
اما عليا تقول يا رب استرها ويكون جاد لاحسن ده شيطان.
وتدخل غرفتها وتغلقها علي نفسها جيدا كي تفكر كيف تنتقم من فارس .
اما عند فارس بعد ما ذهبت من امامه ياخد سيارته وينطلق مسرعا الي الفيلا كي يخبر والدته بالذهاب معه يوم الخميس .
ويذهب الي الفيلا ويدخل مسرعا الي والدته ويقولها عندي ليكي خبر حلو يا امي .
ناديه : خير يا حبيبي .
فارس : هنروح يوم الخميس بأذن الله انا وانت للعروسه والدها منتظرنا .
ناديه : بفرحه اخيرا يا فارس بقي مبروك يا حبيبي .
فارس : الله يبارك فيكي يا امي بس يا ماما بلاش تقولي لطنط زينب علشان شاهندا متزعلش.
ناديه : انا عارفه انها مش عاجباك اصلا يا فارس ربنا يفرحك يا ابني يا رب .
فارس : يا رب ويخليكي ليا يا امي انا بحبك اوي يا امي ويحتضنها بشده .
ناديه محتضنه فارس وتقوله انا كمان بموت فيك يا نور عيني ربنا يخليك ليا واشوف عيالك يا رب.
فارس : يا رب يا امي .
ناديه : هتكلم اختك تيجي معانا .
فارس : لا يا ماما ده تعارف بس الاول بعد كده تاني مره ناخد نادين.
ناديه علي راحتك يا ابني بس هي اسمها ايه بقي اللي خطفت قلبك بالسرعه دي .
فارس : اسمها عليا يا ست الكل .
ناديه : اسمها جميل يا رب تطلع بنت ناس كويس ويكون اختيارك كويس .
فارس : يا ماما هي محترمه غير كل البنات متخافيش بس المشكله انهم مش من مستوانا ده .
ناديه : ابوها شغال ايه يا فارس .
فارس : موظف يا امي .
ناديه : وايه يعني مدام شغل شريف خلاص ما كل البلد موظفين وابوك ابتدي من الصفر .
فارس : يعني انت معندكيش مشكله يا امي خالص .
ناديه : لا يا ابني مدام اختيارك خلاص انا غلبت معاك اصلا وما صدقت انك ريحت قلبي وهتتجوز .
فارس : للدرجه دي عايزه تخلصي مني يا ناديه .
ناديه : نفسي اشوف عيالك انا مش عايشالك العمر كله يا ابني .
فارس : لا متقوليش كده ربنا يديكي الصحه يا ست الكل .
ونسيبهم ونرجع لعليا ووالدتها .
بعد ما والدها رجع من شغله وعلي الغداء تتحدث والدتها وتقول .
انا عايزه اتكلم معاكم كلكم .
محمد ( الاب ) : خير يا ام عبدالرحمن فيه ايه .
عبدالرحمن : خير يا ماما .
والدتها : وانت يا خالد مش عايز تعرف فيه ايه زيهم .
خالد : نعم لا عادي .
محمد ( الاب ) : حصل ايه .
الام : فيه عريس جاي لعليا يوم الخميس ان شاء الله .
ينظرون جميعا تجاه عليا .
عبدالرحمن : الف مبروك يا لولو .
الاب : هو مين ده يا عليا .
الام : مديرها في الشغل الجديد .
عبدالرحمن : مدير حته واحده ايوه يا عم .
عليا : ده صاحب الشركه يا بابا .
الاب : بصدمه صاحب الشركه وهيجي هنا .
الام : فيه ايه يا ابوعبدالرحمن مالك .
الاب : الجوازه دي مش هتنفع .
الام : ليه يا ابوعبدالرحمن الواد الظاهر ابن ناس وهيكون كويس وهيصون بنتنا .
الاب : لا الجوازه دي مش هتم .
ليتدخل خالد ويتحدث لازم يا بابا تتم الجوازه دي .
ينظرون جميعا تجاه خالد ويقوله نعم بتقول ايه يا خالد .
خالد : ليتراجع اقصد عايزين نفرح بيها .
اما عليا : تخاف بشده من ان يتكلم خالد تفضل السكوت لا تتحدث .
الاب : مش هينفع هيجي واحد يتنطط علشان فلوسه مش هطمن وبنتي معاه .
خالد : لا يا بابا بنتك مايتخافش عليها اصلا .
عبدالرحمن : فيه ايه يا خالد بابا رفض خلاص يبقي الموضوع انتهي .
خالد : لا بقي شوف الهانم اصلا ماشيه معاه .
الاب : اخرس يا ولد ويضربه بالقلم .
عبدالرحمن : بس يا خالد ايه اللي بتقوله ده عليا تبقي اختك عيب كده .
خالد : لا يا بابا م عيب بتضربني علشانها انا مش قادر اتكلم من امبارح وكاتم جوايا بس لازم توافق علي الجوازه دي يا بابا .
الاب : فيه ايه ما تتكلم هو حصل ايه يا خالد .
الام : ولد عيب كده دي اختك .
اما عليا لم تتحدث بشئ وتسمع في صمت .
عبدالرحمن : ما تتكلمي يا عليا اخوكي بيقول كده علي اساس ايه .
عليا : لا تتحدث بكلمه .
عبدالرحمن : اتكلمي يا عليا ماينفعش كده .
عليا : تتحدث وتقول انا هتجوزه خلاص انا موافقه عليه .
الاب : يعني ايه الكلام ده يا بت انت مالكيش اهل .
الام : اهدا يا محمد مش كده .
الاب : طيب مفيش جواز .
خالد : لا يا بابا لازم تتجوزه .
الاب : وقد فهم غلط وقال هو عملك حاجه يا بت انت ويقف امامها .
عليا : تظل ساكته ولا تتحدث بشي .
الام : قولي يا عليا دافعي عن نفسك كدبي كلام اخوكي .
عليا : بس بقي محصلش حاجه هو اعجب بيا وقالي انه عايز يتقدم وجه يعرف مكان بيتي علشان انا كنت رافضه وخالد شافه نازل من البيت وانا موافقه عليه وخلاص يا بابا .
ليضربها والدها بالقلم بقي انت يا عليا تعملي كده .
عليا : عملت ايه يا بابا فيه ايه انا اجرمت انا هتجوز في الحلال علي سنه الله ورسوله .
الام : بس بقي انت ايه بقيتي كده ليه انت بنتي لا انت اتغيرتي يا عليا بقيتي واحده تانيه .
الاب : ماشي يا عليا انت موافقه وانا هقابله وهتتم الجوازه بس لسانك مش هيخطي لساني تاني طول ما انا عايش ويخرج من المنزل مسرعا
عبدالرحمن : يا بابا استنا يا بابا .
الام : الحقه يا عبدالرحمن لاحسن يتعب .
عبدالرحمن :حاضر يا ماما و يجري خلف والده بسرعه.
الام : ارتحت انت وهي مش عايزه اشوفكم قدامي كل واحد يدخل اوضته .
وتقول عليا ارتحت يا استاذ خالد ارتحت وتبكي بشده .
الام : بس بقي انت حسابك معايا بعدين يا هانم انا حاسه ان فيه حاجه مش مظبوطه .
عليا : والله يا ماما ما فيه حاجه ولا حصل حاجه .
الام : خلاص انكتمي بقي ادخلي في اوضتك لحد ما اجيلك .
عليا : ببكاء حاضر يا ماما .
الام : يا رب استرها علينا يا رب .
وتشيل الاكل وتدخل لعليا الاوضه تعالي هنا بقي يا هانم احكيلي حصل ايه .
عليا : والله يا ماما ما حصل حاجه هو جاي عايز يتجوزني .
الام : يعني محصلش بينكم حاجه يا عليا .
عليا : بصدمه نعم ايه يا ماما ازاي تقولي كده.
الام : اقول كده من اللي سمعته وشوفته منك تصرفاتك غريبه وقطعتي صلاه .
عليا : ببكاء والله يا ماما ما حصل حاجه انتوا مكبرين الموضوع ومستكترين عليا اني افرح زي اي بنت هتتجوز عريس كويس جدا ليه بتعملوا فيا كده ليه انتوا ازاي كده .
الام : احنا يا بنتي ربنا يسامحك ده احنا اهم حاجه عندنا سعادتكم .
عليا : يبقي خلاص وافقوا اني اتجوزه وهريحكم مني .
الام : انت شايفه كده يا عليا شايفه ان انت هتريحيني ماشي يا بنتي ربنا يسامحك اللي ابوكي قال عليه هيمشي .
عليا : يعني ايه يا ماما .
الام : يعني بمجرد ما تتجوزي خلاص انسينا يا عليا .
عليا : ببكاء لا يا ماما ارجوكي متبقيش انت كمان زي بابا ده المفروض انت الصدر الحنين انت صاحبتي ليه يا ماما ارجوكي بابا علشان راجل قلبه جامد شويه انما انت امي بلاش كده ارجوكي يا ماما .
الام : ببكاء انت اللي عملتي فينا كده يا عليا .
عليا : حقك عليا بس بلاش تصعبيها عليا يا امي ارجوكي انت امي ماليش صدر حنين اترمي عليه غيرك وتحتضنها بشده .
الام : ببكاء خلاص قومي اغسلي وشك وانا هتكلم مع ابوكي بلاش عياط مفيش عروسه بتعيط .
عليا : سامحيني يا امي حقك عليا .
الام : مسمحاكي يا بنتي يلا قومي بقي اغسلي وشك .
عليا : تحتضنها بشده وتقولها انا بحبك اوي يا امي وفرحتي هتكمل بيكم وقد تذكرت ان زواجها شهر فقط بكت اكتر .
الام : خلاص بقي يا عليا كفايه عياط شويه وابوكي يجيي يكون هدي وتصالحيه .
عليا : حاضر يا امي وتقوم كي تغسل وشها من اثر العياط .
اما خالد يقول لها وهي تخرج من الغرفه والله لو عملتي ايه يا ست الممثله ما هصدقك انا فهمتك يا عليا دموع التماسيح دي مش عليا .
وبكده تكون خلصت الحلقه السابعه عشر يا رب تعجبكم
نورا عطيه