رواية غدر الايام
الفصل الثامن عشر18
بقلم نورا عطيه
عليا : حاضر يا امي وتقوم كي تغسل وشها من اثر العياط .اما خالد يقول لها وهي تخرج من الغرفه والله لو عملتي ايه يا ست الممثله ما هصدقك انا فهمتك يا عليا دموع التماسيح دي مش عليا .
عليا : نعم انت ازاي تكلمني كده .
خالد : انا اقول اللي انا عايزه براحتي .
عليا : لا بقي احترم نفسك لحد كده .
خالد : بس بقي كفايه انا قرفان منك اوي .
الام : بس بقي يا خالد عيب كده .
خالد : لا مش عيب انا حر وبراحتي ويسيبهم وينزل .
الام : معلش يا عليا ان شاء الله نصلح الدنيا .
عليا : يا رب يا امي.
وعند والد عليا معه عبدالرحمن اخيها يتحدثون سويا وهما يسيرون معا .
عبدالرحمن : يا بابا ممكن تهدا شويه ونتكلم بهدوء.
محمد : خلاص اللي حصل حصل يا ابني وهتتجوز وخلاص.
عبدالرحمن : خلاص يا بابا بقي ارجوك كفايه خلينا نقابل الناس واللي عايزه ربنا هيكون .
محمد : يا ابني انا خايف عليها لانها عيله حاسس انها هتجري ورا شويه ورق دي بنتي برضوا .
عبدالرحمن : لا يا بابا مش عليا ده حضرتك اللي مربينا .
محمد : يا رب يا ابني يكون ظني غلط ويبقي فعلا نعم الزوج الصالح .
عبدالرحمن : يا رب يا بابا هنقابل الناس وهنجهزها مش هنخليها تحتاج حاجه خالص يا بابا.
محمد : خلاص علي خيره الله يا رب هنقابلهم بقي وامري الي الله .
عبدالرحمن : خير يا حج يلا نرجع بقي تفرح عليا وماما .
محمد : يلا يا ابني ربنا يخليك ليا يا ابني يا رب .
عبدالرحمن : ويخليك ليا يا والدي العزيز .
محمد : يلا بقي نفرح عليا انا وانت .
عبدالرحمن : يلا يا والدي العزيز .
ويذهبون الي المنزل .
كي يفرحون عليا .
وبمجرد وصولهم الي المنزل.
الام : خير يا ابو عبدالرحمن .
محمد : كل خير عليا فين .
تخرج عليا من غرفتها لتقول نعم يا بابا انا اسفه اني اتكلمت كده وعليت صوتي يا بابا متزعلش مني .
محمد : خلاص يا بنتي مفيش حاجه يلا بقي خدي الفلوس دي هاتيلك احلي لبس تقابلي بيه عريسك.
عليا : بفرحه وتحتضنه بشده وتقوله يا حبيبي يا بابا ربنا يخليك ليا يا رب .
والدها : ويخليكي ليا ويحفظك وافرح بيكي يا رب .
عليا : يا رب يا حبيبي .
والدها : عليا كل اللي تحتاجيه وزياده هوفره ليكي بس متاكده انه المناسب ليكي .
عليا : ايوه يا بابا هو كويس جدا .
والدها : هو اسمه ايه بقي .
عليا : اسمه فارس الحوتي .
عبدالرحمن : فارس الحوتي رجل الاعمال المعروف .
عليا : ايوه .
محمد ( والدهم ) : انت تعرفه يا ابني .
عبدالرحمن : ومين ميعرفوش يا بابا ده من اشهر رجال الاعمال في البلد .
والدهم : عليا هو سنه قد ايه .
عليا : لا يا بابا متخافش هو شاب اصلا .
عبدالرحمن : يا بابا ده من اصغر رجال الاعمال في البلد .
والدهم : علي خير يا رب يعني هما هيجيوا بعد بكرا انا هكون في انتظارهم .
عبدالرحمن : وانا يا بابا هسأل عليه كويس علي اخلاقه انما السمعه معروفه طبعا .
والدهم : علي خيره الله ربنا يفرح قلبك يا بنتي .
عليا : يا رب يا بابا ويخليكم ليا يا رب وقد تذكرت عليا اتفاقها مع فارس وقالت لنفسها كفايه تمثيل بقي ده اللعبه كلها تمثيل فارس نفسه شيطان مش ملاك هما فاكرينه ملاك خساره كان نفسي يكون العكس بس قدري وانا هخليه يندم علي طلب جوازه مني ماشي يا فارس .
الام : الف مليون مبروك يا حبيبتي .
عليا : وقد انتبهت وهي سرحانه الله يبارك فيكي يا ست الكل .
وبعد يومين قد جاء اليوم الموعود يوم مقابله فارس ووالدته لاهل عليا.
في الفيلا عند فارس
فارس : يلا يا ماما هنتأخر .
ناديه : مستعجل يا عيني علي الحلو لما تبهدله الايام حاضر انا جهزت اهو .
فارس : يا ماما المعاد الساعه 7 والساعه دلوقتي 6 ونص ولسه الطريق .
ناديه : خلاص يا فارس ما معانا السياره يلا يا حبيبي .
فارس : يلا يا ست الكل .
ناديه : يلا يا حبيبي .
ويذهبون الي منزل عليا بسيارتهم الخاصه.
اماعند عليا يلا يا ماما زمانهم علي وصول .
الام : اصبري يا بنتي خلاص انا جهزت كل حاجه .
عليا : بابا وعبدالرحمن اللي جاهزين .
الام : انا خلاص جهزت .
عليا : خالد مش هيقعد يا ماما .
الام : معلش يا بنتي روحي اتكلمي معاه تاني ده اخوكي ومالكيش غيره .
عليا : حاضر يا ماما .
وتذهب الي غرفه خالد وتخبط وتقول ممكن ادخل .
خالد : اتفضلي خير عايزه ايه .
عليا : ممكن بقي نتكلم ماينفعش مش تكلمني كده بقالنا 4 ايام مش بنتكلم .
خالد : هو يهمك اني اتكلم معاكي .
عليا : طبعا يا خالد قولتلك انه عايز يتقدملي هتفضل مقاطعني كده وهو كمان جاي يتقدم .
خالد : مش اتقدم ليه من بدري .
عليا : والله يا خالد اللي حكيته ليك كله مظبوط .
خالد : خلاص يا عليا اطلعي بره .
عليا : ببكاء يعني مش هتقعد معانا بره .
خالد : وقد صعبت عليه وقام يمسح دموعها ويقول لها متعطيش بقي خلاص انا هقابلهم مع بابا وعبدالرحمن ممكن متعيطيش بقي .
عليا : بفرحه بجد يا خالد .
خالد : طبعا ده انت اختي وماليش غيرك .
عليا : تحتضنه وتقوله ربنا يخليك ليا يا رب .
خالد : يحتضنها هو الاخر ويقول لها ويخليكي ليا يا حبيبتي يا رب .
عليا : يلا بقي اقعد مع بابا وعبدالرحمن بره .
خالد : بس كده هلبس واخرج ويارب اشوفك مبسوطه وسعيده يا اختي يا رب .
عليا : يا رب وافرح بيك بالشهاده يا رب يا خوخه .
وتخرج عليا من غرفه خالد وتقول اخيرا وتنظر الي الساعه لتجدها السابعه والربع مساء وتقول يا رب متتأخرش يا فارس انا عارفه انك ندل وشيطان بس يا رب متتأخرش ومتتكسفنيش قدامهم يا رب.
اما عند فارس في السياره وصلنا خلاص يا امي .
ناديه : هما ساكنين هنا يا ابني .
فارس : ايوه يا امي .
ناديه : طيب .
فارس : يلا يا امي نطلع احنا متأخرين نص ساعه .
ناديه : يلا يا حبيبي ويصعدون علي السلالم .
ويبدا فارس برن الجرس وخلفه والدته .
ويفتح عبدالرحمن الباب لهم ويقول اهلا اتفضلوا .
فارس : السلام عليكم ورحمه الله وبركاته .
عبدالرحمن : وعليكم السلام ورحمه الله وبركاته اتفضل يا استاذ فارس .
فارس : يدخل وخلفه والدته .
ناديه : السلام عليكم .
محمد والد عليا : وعليكم السلام مين ياااه ناديه .
اما ناديه تنظر له وتقول يا علي الصدف مين محمد ازيك عامل ايه
محمد : الحمدلله ازيك انت يا ناديه عامله ايه لسه زي ما انت مش اتغيرتي .
فارس : لم يفهم شئ ابدا
وهكذا كان عبدالرحمن ايضا
ويقولون الاثنين في نفس واحد انتوا تعرفوا بعض .
ناديه : وقد انتبهت ايوه طبعا ده يبقي جوز بنت خالي بس الاخبار انقطعت زمان بعد ما نقلوا يا فارس وانا وابوك كمان سافرنا كنا زمان اصحاب اوي وبنود بعض .
محمد : ايوه الله يرحمه احمد كان صاحبي اوي.
فارس : الله يرحمه .
ناديه : سبحان الله علي الصدف اجمل صدفه في حياتي امال فين عفاف بقالي زمن مش شوفتها .
محمد : ثواني نسيت اقدملك ده المهندس عبدالرحمن ابني الكبير .
ناديه : ماشاء الله ازيك يا ابني عامل ايه ربنا يباركلك فين عفاف نفسي اشوفها .
محمد : ادخل يا عبدالرحمن نادي عليهم .
عبدالرحمن : حاضر يا بابا ويدخل الغرفه لعليا ووالدته ويقول ماما طنط عايزاكي بره .
عفاف : نعم حاضر ده انا نسيت اتلخمت مع اختك انا خارجه اهو .
عبدالرحمن : ماما خدي بالك طلعوا قرايبنا .
عفاف : نعم مين .
عبدالرحمن : اطلعي شوفي يا امي .
وتخرج عفاف من غرفه عليا لتجد فارس شاب في قمه الوسامه وتجد ايضا ناديه تقول السلام عليكم .
ناديه : وعليكم السلام ورحمه الله وبركاته ازيك يا عفاف .
عفاف : انت تعرفيني كمان .
ناديه : يا يا عفاف نسيتيني انا ناني يا بنتي .
عفاف : ناديه بنت عمتي وتحتضنها بشده .
ناديه : واحشتيني موت يا عفاف انا دورت عليكي كتير بعد ما رجعت انا واحمد بس مش عرفنا مكانكم .
عفاف : ما احنا نقلنا بقي علشان شغل محمد يكون قريب للبيت .
ناديه : ابني فارس نسيت فرحتي بيكم نستني .
عفاف : ازيك يا فارس يا ابني انت كبرت ياما كنت بتعملها عليا انت متربي علي ايدي قبل ما نجيب عبدالرحمن .
فارس : ازاي حضرتك يا طنط .
عفاف : طنط مين انا زي امك دلوقتي .
ناديه : طبعا انت امه اصلا .
عفاف : ربنا يخليكي يا ناني يا رب .
ناديه : امال فين عليا انا عرفت عبدالرحمن عايزه اشوف عليا كمان.
عفاف : انا عندي عليا وخالد يا ناني .
ناديه : ماشاء الله خلاص عليا بقيت بتاعتنا احنا هناخدها خلاص .
عفاف : دي بنتك يا ناني سبحان الله علي الصدف يشاء القدر نكون نسايب .
اما عليا في غرفتها تنتظر قدوم والدتها ولم تركز في كلام عبدالرحمن لوالدته وتنادي عليها والدتها لتسمعها وتخرج من الغرفه .
عفاف : يا عليا يا عليا .
عليا : تخرج من الغرفه وتقول نعم يا ماما .
ناديه : ماشاء الله تعالي يا عليا كان نفسي اكون موجوده وانت مولوده بس الحمدلله هتكوني من نصيب ابني ان شاء الله
عليا : لم تفهم شئ وتفضل السكوت .
عفاف : يوه نسيت اقولك يا عليا ناديه تبقي بنت عمتي الوحيده .
فارس : انا جاي ماليش لزمه شكلي كده .
عبدالرحمن : هههههههههههه خليهم يعيدوا الذكريات يا فارس بقي بقالهم كتير مش شافوا بعض .
ناديه : ايوه احلي ايام احنا جايين نطلب ايد بنتكم عليا لفارس ابني .
محمد : وانا معنديش مانع طبعا يا ناديه ده كفايه انه ابنكم علشان اسلمه بنتي الوحيده .
فارس : يعني معندكش اي طلبات يا عمي .
محمد : لا يا ابني كفايه انك ابن الغالي .
ناديه : الله يرحمه وطلباتها كلها مجابه .
عفاف : طلبات ايه احنا نجهزها ونبعتها ليكم ازاي تقولي كده .
ناديه : انا مش مصدقه الصدفه دي ده بنتي نادين كان نفسها تشوفك اوي من كتر ما اتكلمت معاها عليكي .
عفاف : ماشاء الله عندك نادين ماجتش معاكي ليه .
ناديه : نادين عندها ولدين مطلعين عينها .
عفاف : ماشاء الله ربنا يخلهم ليها يا رب .
ناديه : يا رب عقبال ما نفرح بولاد عليا وفارس يا رب .
عفاف : يا رب يا حبيبتي .
فارس : نتكلم في المهم بقي الفرح .
محمد : فرح علطول كده .
فارس : انا جاهز يا عمي هأجل ليه بقي .
محمد : طيب علي خيره الله يا ابني .
لتقول عليا لا بس انا مش موافقه .