رواية غدر الايام
الفصل الرابع والعشرون24
بقلم نورا عطيه
اما فارس يتصل بعليا .وتنظر للموبيل وترد وتقول نعم فيه ايه .
فارس : بحبك .
عليا : نعم .
فارس : بحبك .
عليا : تنظر للموبيل مره اخري وترجع تاني تقول مين معايا .
فارس : بحبك .
عليا : تنظر للرقم والاسم مره اخري وتقول حرامي سرق موبيل فارس ولا ايه ده حرامي اكيد مش معقول ده فارس مين انت .
فارس : بحبك .
عليا : ده واضح ان الموبيل بتاعه اتسرق وتغلق الفون .
فارس : يا بنت ال بتقفلي في وشي ماشي يا عليا انا هستمر معاكي علي كده لحد ما اوقعك في حبي .
عفاف : كنتي بتكلمي مين يا عليا .
عليا : لا يا ماما ده الرقم غلط .
ويتصل فارس مره اخري بها .
عليا : يا ربنا ده ايه الحرامي الرخم ده بيتصل تاني ليه وترد مره اخري .
فارس : بتقفلي في وشي يا عليا .
عليا : مين معايا .
فارس : نعم انت هتستهبلي يا بت .
عليا : خلاص انت كده رجعت فارس اللي اعرفه .
فارس : ليتحكم في اعصابه ويقول نعم فيه ايه يا عليا .
عليا : مفيش انت عايز ايه .
فارس : عليا انا بحبك .
عليا : نعم انت طبيعي .
فارس : ايوه طبيعي جدا .
عليا : طيب عايز ايه .
فارس : تتجوزيني .
عليا : نعم ما احنا هنتجوز اخر الاسبوع .
فارس : انا عارف ده كويس بس يبقي جوازنا بجد .
عليا : نعم انت اهو رجعت في كلامك ماينفعش اصلا اعيش مع واحد زيك باقي حياتي .
فارس : في سره اللهم طولك يا روح ماشي يا عليا علي راحتك سلام .
عليا : سلام .
اما فارس بعد ان يغلق معها يقول ماشي صبرك عليا بس لازم تحبيني يا عليا واشوفك مكسوره قدامي مبقاش انا فارس الحويتي .
اما عليا تقول ده اتجنن حب ايه ده هو لحق اكيد دي لعبه عايز يعملها عليا بس انا مش عبيطه ولازم احذر منه ده مش سهل خالص ده شيطان بس علي مين شيطان بيلعب علي شيطان بقي ربنا يستر منه يا رب .
عفاف : عليا فيه ايه مالك .
عليا : مفيش حاجه يا ماما .
عفاف : تعالي عايزه اتكلم معاكي شويه .
عليا : اتفضلي يا ماما .
عفاف : انت صاحبتي واختي قبل ما تكوني بنتي .
عليا : طبعا يا فيفي .
عفاف : الكلام ده تحطيه في ودانك يا عليا حسيت اني عايزه اقوله ليكي .
عليا : اتفضلي يا ماما خير .
عفاف : ربنا خلقنا رجاله وستات علشان نكمل بعض علشان نعمر الكون وعلشان كده هنفضل طول عمرنا محتاجين لبعض الرجاله محتاجين الستات والستات محتاجين الرجاله دي سنه ربنا في خلقه لكن فيه كتير من الستات بيتجوزوا او بيدخلوا في علاقه مع رجاله مش بيحققولهم مستوي الطموح والتوقعات اللي كانت عندهم في الاول بترضي براجل مبيعملكيش اي حاجه كنتي عايزاها مش فارس احلامك ببساطه طبعا الست هنا بتتحط قدام خيارين اما تمشي تتطلق تسيب البيت تسيب العلاقه دي والغريبه بقي ان فيه ستات كتير من دول بيفضلوا قاعدين مستسلمين مسامحين راضيين سالبيين السؤال بقي لما انت بقي الراجل كله علي بعضه مش عاجبك ومش بيخليكي سعيده ازاي فيه ستات بترضي انها تعيش مش مع راجل مع نص راجل احيانا مع ربع راجل فيه ستات تانين بيشاركوهم في الراجل بتاعهم بيشاركوهم في حبه وفي اهتمامه واحيانا في طموحاته واحيانا في احلامه وسريره علي فكره مش بتكلم في تعدد الزوجات يا بنتي انا بتكلم عن تعدد المشاعر انا بتكلم ان الست احيانا بتبقي عارفه ان جوزها بيخونها او بيفكر في واحده تانيه بيحبها او انه مثلا كان عنده علاقه زمان مع ست كان متجوزها وماتت الله يرحمها او اطلق منها او كان بيحبها وسابته ومع كده الست ممكن تفضل قاعده وراضيه ومكمله في العلاقه احنا ازاي ممكن نظلم نفسنا كده اوعي تظلمي نفسك يا بنتي او انك تكوني حاسه انك ظالمه نفسك او تظلمي الراجل اللي هتكوني مراته وفي الاخر تتهمي الراجل ان هو بيظلمك بيخونك وبيضايقك وبيأذيكي انا مش بهاجمك ولا بدافع عن راجل انا بدافع عن الرجاله خالص انا بدافع عن الستات يا بنتي اوعي تقبلي ان واحده تانيه تشاركك في جوزك او حبيبك ازاي تتعاملي مع الراجل اللي بتحبيه وتقبلي الاحساس المهين ده وليه اوعي تقبلي تعيشي مع نص راجل او ربع راجل يا بنتي جوزك يكون ليكي لوحدك فهمتي كلامي يا عليا .
عليا : ايه الكلام الجامد ده يا ماما اول مره تتكلمي معايا كده .
عفاف : علشان كلها ايام وتروحي بيت جوزيك يا بنتي لازم اقولك وافهمك كده .
عليا : طبعا فهمت وهنفذه بالحرف الواحد يا امي وتحتضنها وتقولها ربنا يخليكي ليا يا امي يا رب .
عفاف : ويخليكي ليا يا نور عيني يا رب .
عليا : ماما هو انا مش هوحشك اوي لما اتجوز وامشي .
عفاف : طبعا يا عليا ده انت بنتي الوحيده علي ولدين انت عارفه انت اللي هتشيليني لما اموت .
عليا : بعد الشر عليكي يا ماما انا زعلانه علشان هسيبكم ومش هعيش معاكم .
عفاف : خلاص بقي امسحي دموعك دي وادخلي نامي انت عروسه خليني اجيب كل اللي ناقصك الاسبوع ده .
عليا : ماما انت كمان بتعيطي مش انا لوحدي .
عفاف : عليا خليني افرح ادخلي نامي يلا يا حبيبتي .
عليا : تحتضنها بشده وتقولها انا عارفاكي يا ماما كويس.
عفاف : تمسح دموعها وتقول لها خلاص بقي يا عليا انا مش هسيبك يا بنتي اصلا بس دي سنه الحياه بكرا يكون عندك اجمل عيال وتحسي بالي انا حاسه بيه انا الفرحه مش سيعاني خالص .
عليا : ان شاء الله يا امي تصبحي علي خير .
عفاف : وانت من اهله يا بنتي .
ومع مرور الاسبوع وانشغال عليا واخيرا ومعها صديقتها اسراء بعد ان اخبرتها بمعاد الفرح ومعها نادين ايضا .
وفي احدي محلات الملابس الداخليه.
اسراء : ايوه ده جميل جدا .
نادين : ايوه زوقك حلو اوي يا اسراء فعلا جميل جدا .
عليا : لا لا ايه ده عريان اوي .
اسراء : عليا انا بقول تروحي انت اي حاجه نقول عليها تقولي عليها عريانه هو انت عروسه ولا انا معرفش .
نادين : هههههههههههه يكون في عونك يا اخويا ايه يا عليا فيها ايه انت عروسه ولازم تلبسي .
عليا : اتكسفت جدا منهم وقالت ليهم هاتوا اللي شايفانيه كويس .
نادين : خلاص تمام تعالي نجيب كل دول يا اسراء واضح انها بتتكسف اوي .
اسراء : هي فعلا مكسوفه .
نادين : هههههههه ربنا يتسر عليك يا فارس .
اسراء : لا يا نادين والله عليا عسل وسكر بس بتتكسف زياده بس .
نادين : طيب عليا ايه رايك في الطقم ده تلبسيه ليله الفرح .
عليا : نعم ازاي انا هبقي بفستان البس ده عيب اوي .
اسراء : ههههههههههه دي بتقول عيب يالهوي يا بنتي انت عروسه .
نادين : هههههههههه والله انت عسل يا اسراء يا عليا ده هيتلبس تحت الفستان .
اسراء : لا هي افتكرت انها هتلبسه فوق الفستان هههههههههه .
عليا : انت وهي هتفضلوا تتريقوا كتير هسيبكم وامشي .
نادين : بس بس شكلها زعلت .
اسراء : لا لا خالص يا عليا زعلتي ولا ايه احنا بنهزر .
عليا : خلاص بقي تعالوا نشوف الفستان .
نادين : بقولك ايه كلمت الكوافيره وفارس حجز الاستوديوا .
عليا : طيب يلا نشوف الفستان بقي يلا من المحل ده .
اسراء : صحيح ده محل قليل الادب كله لبس عريان وداخلي .
نادين : هههههههههههههه خلاص خلاص يلا يلا .
عليا : نادين تقريبا انت اشتريتي المحل كله .
نادين : هههههه حاجات جديده طلعت والتغير مطلوب برضوا .
اسراء : انا جبت ده بس بس يا رب يكون مقاسي .
عليا : بطلوا بقي ويلا نمشي .
نادين : ههههههههه يلا لاحسن هتاكلنا .
اسراء : يلا ويخرجون من محل الملابس كي يذهبون الي اتيليه الفستاتين .
وبعد اختيار الفستان المناسب لعليا بزوق نادين واسراء وكان في منتهي الجمال عليها واختيار الطرحه المناسبه له .
وجاء يوم الفرح عليا وفارس .
بعد انتهاء تزين الجنينه باكملها وكانت مثل قاعات الافراح .
وفي غرفه فارس تدخل عليه والدته وتقوله .
ناديه : ابني نور عيني عريس النهارده .
فارس : امي حبيبتي ربنا يخليكي ليا يا رب .
ناديه : تاخد بالك من عليا يا فارس .
فارس : حاضر يا ست الكل .
ناديه : بص بقي انا حجزت ليك انت وعليا اسبوعين في شرم الشيخ دي هديتي ليك يا نور عيني وحجز الفندق اهو يا نور عيني .
فارس : محتض والدته ربنا يخليكي ليا يا رب يا امي ايه رايك بقي .
ناديه : ويخليك ليا يا ابني يا رب زي القمر طبعا يا ابني .
فارس : لزمتها ايه العياط ده .
ناديه : كان نفسي ابوك يبقي معانا النهارده .
فارس : الله يرحمه يا امي .
ناديه : الله يرحمه فارس بعد شهور عايزه احمد الصغير .
فارس : وافرضي جت بنت يا ماما .
ناديه : كل اللي يجيبه ربنا كويس بس اشوف عيالك يا ابني قبل ما اموت .
فارس : بعد الشر عليكي يا امي ربنا يديلك الصحه وطوله العمر .
ناديه : ويبارك فيك يا ابني .
فارس : يلا بقي علشان زمان الناس جت تحت .
ناديه : يلا يا حبيبي .
وينزل فارس مجرد ان تراه نادين تقول لولولولولي عشت وشوفت فارس بيتجوز .
فارس : يا لمضه انت جيتي امتي .
نادين : لسه جايه علي ما كلمت عليا يلا علشان الكوافيره خلصتها .
فارس : طيب يلا يا امي .
ناديه : لا روحوا انتو امال مين هيستقبل الناس .
فارس : ما عمو محمد بره يا ماما زمانه جه .
ناديه : محمد مش يعرفهم اصلا انا معاه بقي بره .
فارس : طيب يا امي يلا يا نادين .
نادين : يلا بقي محمود واقف بره بسيارته .
ويذهبون مع فارس الي منزل عليا .
ويستقبلهم عبدالرحمن وخالد .
لولولولولولولولولولولولولولولولي
كانت عفاف تزغرط هكذا .
نادين : الله عليكي يا طنط الف مبروك امال فين عليا .
عفاف : في اوضتها جوه معاها اسراء والكوافيره تعالي ادخلي يا بنتي .
وتدخل نادين وبمجرد ان تري عليا تقول بسم الله ماشاء الله ايه الجمال ده .
اسراء : شوفتي انا قولت كده برضوا زي القمر .
نادين : فارس هياخدك ويجري اصلا .
الكوافيره : انا ذوقت عرايس كتير اول مره اعرف ان ايدي حلوه اوي كده .
عليا : ميرسي كتير لحضرتك ولتعب حضرتك معايا بس اعدليلي الطرحه دي .
الكوافيره : طيب تمام وتبدا بتعديل الطرحه لها وتقولها بلاش تشيلي دبابيس هو كده كده هيشليها ليكي .
اما عليا تتكسف ووشها يحمر .
اسراء : خلاص خلاص دي اتكسفت .
نادين : خلاص خلصتي حضرتك .
الكوافيره : ايوه .
نادين : انا هدخل فارس بقي .
عليا : ماشي وفي سرها ربنا يستر .
وتخرج نادين كي تدخل فارس وتقول فارس تعالا يلا علشان تاخدها.
ويدخل فارس وينظر لعليا بصدمه ويقول مين دي.