رواية غدر الايام
الفصل التاسع9
بقلم نورا عطيه
وبعد ان تلقي عليا الرد تغضب كثيرا من نفسها وتقول انا ايه اللي انا عملته ده ايه ده يا ربي يا رب سامحني يا رب واغفرلي وتبدا بالبكاء علي حالها لاحساسها انها اغضبت ربها .وبعد مرور يومين علي جميع ابطالنا
احمد : اخيرا جمعت فلوس السفر دلوقتي اسافر بقي علشان منظري بقي وحش والهدوم عايزه تتغسل وبعد ان يسافر احمد لاهله محافظه البحر الاحمر .
اما عند عليا يدخل عليها والدها غرفتها ويقولها الجميل عامل ايه دلوقتي وقاعد بيعمل ايه.
عليا : بابا الحمدلله بخير ومش بعمل قاعده كنت بقرا روايه علي اللاب .
والدها : طيب غمضي عينك كده .
عليا : فيه حاجه يا بابا .
والدها : اسمعي بس الكلام.
عليا : حاضر يا بابا وتغلق عليا عينها .
اما والدها يطلع من الشنطه الخاصه به علبه بها موبيل جديد ويقولها مبروك عليكي يا حبيبتي ده موبيل بدل اللي اتسرق منك .
عليا : بعد ان تفتح عينها تحتضنه بشده وتقوله يا حبيبي يا بابا انا بجد متشكره اوي انا فعلا كنت محتاجه موبيل اكلم اسراء.
والد عليا : كنت حاسس يا بنتي بيكي وعارف كده كويس علشان كده جبته ليكي حافظي بقي عليه وخليه معاكي علطول .
عليا : ربنا يخليك ليا يا احلي بابا في الدنيا .
والد عليا : يا رب يخليكي ليا انت واخوتك يا عليا يا رب وافرح بيكي وتكوني احلي عروسه ويسبها ويخرج من الغرفه.
اما عليا تمسك الموبيل بفرحه شديده وتقول انا احلي حاجه هتصل بأسراء واعرفها رقمي وتتصل باسراء صديقتها .
اما عند احمد بعد ان يصل الي منزل اهله
عليا : احـــــــــــــــمـــــــــــد واحشتني اوي كل ده تاخير
احمد : وانتم كمان بصي هدخل اخد شاور وعايز اقعد اتكلم معاكي .
عليا : ماشي يلا علشان الريحه طلعت ووحشه اوي .
احمد : يا رخمه ويقذف عليها المخده .
اما عند عليا جلست تفكر في اول شركه راحت عملت فيها انترفيو وتقول لنفسها انا لازم اروح واردله اللي عمله فيا هو فاكر نفسه مين انسان متعجرف صحيح انا هوريه مين تبقي عليا بقي وتقول انا لازم اجيب رقم احمد واكلمه اطمن عليه بس اجيب رقمه منين اكيد مع بابا بس انا هتكسف اقول لبابا انا اخده من موبيل بابا من غير ما يحس ولا من شاف ولا من دري واكلمه اشكره علي اللي عمله معايا وخلاص وتخرج عليا من غرفتها وتبحث عن موبيل والدها الخاص وتجدها وتبحث فيه عن رقم احمد وتجده وتسجله فورا علي الموبيل الخاص بها قبل ان يلمحها احد وتدخل مسرعه الي غرفتها قبل ان يلمحها احد وتبدا بالاتصال به علي الفور .
اما عند احمد بعد ان دخل التوليت ليأخد الشاور الخاص به متعبا ومرهقا من سفره وعليا اخته جالسه في غرفته علي الجهاز الخاص به اما عليا اخته تجد تليفونه يرن برقم غريب وتقول يا احمد اطلع بقي تليفونك بيرن .
احمد : من داخل التواليت بصوت عالي طيب ردي كده يا عليا شوفي مين علي ما اطلع لاحسن يكون تليفون من شغل ز
عليا : حاضر وتضغط علي زر الرد وتقول الوووو.
عليا : السلام عليكم .
عليا اخت احمد : وعليكم السلام مين معايا.
عليا : ده موبيل الاستاذ احمد .
عليا اخت احمد : ايوا بس مين انت بس.
عليا : انا عايزه اكلمه ضروري.
عليا اخت احمد : نعم ازاي يعني اعرف مين الاول .
عليا : قوليله عليا .
عليا اخت احمد : نعم طيب ممكن تكلميه بعد ربع ساعه .
عليا : بغيظ انت مين وازاي تكلميني كده .
عليا اخت احمد : وانت مالك وانا اتكلم براحتي بقي .
عليا : استغفر الله سلام وتغلق قبل ان تسمع منها رد .
اما عليا اخت احمد تشتاط غيظ منها وتقول بتقفل في وشي فاكره نفسها مين البت دي .
ويخرج احمد من التواليت ويقولها فيه ايه مالك ومين اللي كان علي الموبيل .
عليا : بغضب وغيظ شديد دي واحده عايزه حضرتك يا استاذ احمد.
احمد : بأستغراب شديد عايزاني انا ازاي وعايزه ايه تبقي مين دي.
عليا : بتقول اسمها عليا .
احمد : نعم عليا انت بتتكلمي بجد .
عليا : ومالك فرحان كده دي قفلت في وشي .
احمد : بصي مش وقتك اخرجي شوفي هتعملي ايه دي اوضتي انا يلا علي بره .
عليا : بقي كده ده الموضوع كبير بقي انت هتسكت علي حقي دي قفلت في وشي.
احمد : عليا نتكلم بعدين اخرجي دلوقتي .
عليا : بغيظ شديد مكتوم حاضر وتخرج وترزع الباب خلفها من شده غيظها .
اسراء : مالك يا عليا فيه ايه هو احمد اتخانق معاكي ولا ايه .
عليا : تعالي احكيلك في اوضتنا وخليه هو براحته بقي .
اسراء : ماشي يا ستي تعالي ويذهبون الي غرفتهم .
عليا : يا ستي حصل وتبدا بقص جميع ما حدث من ساعه وصول احمد.
اسراء : بخبث هي فيها واحده ايه بقي اما نشوف اخرتها معاها .
عليا : انا مش عارفه اول مره اشوف احمد مهتم بواحده.
اسراء : طيب اصبري اما نشوف اخرتها ونعرف اخره موضوعه اكيد هيحكلنا .
اما عند احمد بعد ان يصفق شعره ويجلس علي السرير الخاص به ويمسك الفون ويقول في سره اكيد ده رقمها اخر رقم ويبدأ بالاتصال بها .
اما عليا بعد ان تغلق الفون تستشيط غيظا من اسلوب الفتاه التي تحدثت معاها عبر تليفون احمد وتقول هي مين دي ويا تري هو بعيد عن الفون ليه ممكن تكون حبيبته يا رب بقي وتنظر للموبيل بعد ان يرن لتجده نفس الرقم احمد وتقول انا مش هرد اكيد هي دي انسانه مش طبيعيه خالص .
احمد : ردي بقي يا عليا ويبدا بالاتصال مره اخري .
عليا : استغفر الله انا هرد وهقفل تاني في وشها وتقول بصوت عالي عايزه ايه تاني يا بت انت .
احمد : عليا .
عليا : بكسوف وخجل شديد احمد .
احمد : معلش اللي رديت عليكي في الاول رخمه شويه متزعليش.
عليا : خلاص هي مين اصلا .
احمد : دي اختي الصغيره معلش هي عصبيه شويه .
عليا : بفرح شديد ولا يهمك .
احمد : عامله ايه دلوقتي .
عليا : الحمدلله وانت عامل ايه .
احمد : الحمدلله بخير ده رقمك .
عليا : ايوه رقمي الجديد بس ممكن اقولك حاجه .
احمد : اتفضلي طبعا .
عليا : انا اخدت الرقم بتاعك من موبيل بابا علشان اشكرك علي اللي عملته معايا حبيت اشكرك بنفسي .
احمد : لا شكر علي واجب ده كان واجبي يا عليا خلاص بقي انت بقيتي عامله ايه دلوقتي .
عليا : الحمدلله بخير ممكن طلب .
احمد : اتفضلي .
عليا : ممكن محدش يعرف اني كلمتك .
احمد : اكيد طبعا متخافيش .
عليا : متشكره جدا هسيبك بقي تستريح بعد اذنك عايز حاجه مني .
احمد : عايز سلامتك .
عليا : الله يسلمك مع السلامه .
احمد : عليا .
عليا : نعم .
احمد : لا اله الا الله .
عليا : بأبتسامه سيدنا محمد رسول الله وتغلق الموبيل وعلي وجهها نفس الابتسامه .
اما عند احمد يبتسم هو الاخر ويسرح في مكان اخر به هو وعليا فقط ويقول يا رب ايه ده هو فيه كده .
وبعد مرور يومين كاملين علي جميع ابطالنا
صباح يوم جديد عليها قررت عليا الخروج من المنزل لوحدها بعد ان اتحايلت علي والدها ووافق بعد الحاح منها شديد
وقررت عليا النزول الي نفس الشركه التي صدمتها السياره قصادها.
وبعد ان تصل الي نفس الشركه تقول لو سمحت عايزه اقابل فارس بيه .
الموظف : فيه معاد سابق حضرتك ولم يتذكرها .
عليا : لا بس هو عارفني كويس .
الموظف : ثواني هبلغه ويتصل الموظف بمكتب فارس .
ويرد فارس ويبدا الموظف بتبلغيه علي وجود عليا .
اما رد فارس لو حلوه ابعتها لو وحشه قولها فارس بيه مش فاضي.
الموظف بعد ان يغلق معه يقولها فارس بيه مستنيكي اتفضلي المدام هتوصلك لمكتبه .
عليا : تمام وتذهب عليا خلف مدام منال لتوصلها لمكتب فارس بيه
مدام منال : هو انا شوفتك فين قبل كده .
عليا : يخلق من الشبه اربعين انا اول مره اجي هنا .
مدام منال : بس انا متأكده اني شوفتك قبل كده .
عليا : ممكن توصليني لمكتب فارسبيه من غير كلام .
مدام منال : انا اسفه يا ستي حبيت ادردش معاكي علي ما نوصل .
عليا : بابتسامه باهته خلاص محصلش حاجه .
مدام منال : اتفضلي ده مكتب فارس بيه اتفضلي ادخلي .
اما عليا تتذكر ما كان بالمكتب وتسرح .
مدام منال : يا انسه ايه روحتي فين .
عليا : هـــا لا ولا حاجه .
مدام منال : اتفضلي مكتب فارس بيه اهو بعد اذنك انا هروح اكمل شغلي.
عليا : متشكره اتفضلي .
وتدخل عليا مكتب فارس
اما فارس يتفحص ورق امامه ورق صفقه مهمه ويقولها اتفضلي اقعدي دون ان ينظر اليها .
عليا : جلست وتقوله حضرتك فاكرني .
اما فارس يرفع نظره اليها ويقولها افندم مين انت وتعرفيني منين .
عليا : بخبث ومكر طيب اقدر اشتغل عند حضرتك اي وظيفه لاني محتاجه للشغل اوي وواحده من اصحابي قالولي علي حضرتك ان حضرتك بتساعد الكل وانا طالبه من حضرتك المساعده اني ادور علي شغل .
فارس : وقد حس انه شهم وهيساعدها طيب ايه المميزات اللي عندك اقدر استفاد منها في شغلي.
عليا : بخبث انا اقدر اعمل اي حاجه بفهم في كل حاجه .
فارس : ماشي الاول اسمك ايه .
عليا : اسمي مي بس انا مش معايا ورق خالص انا هنا كل ورقي ضاع اصلي مش من هنا يا فارس بيه انا اصحابي اللي هنا هما اللي قالولي عنك .
فارس : مش مهم الورق المهم انك تكوني قدامي وموجوده دايما .
عليا : بمكر طبعا يا باشا اقدر اشتغل عند حضرتك .
فارس : وينظر لها ويتفحصها طبعا هتكوني سكرتيره خاصه ليا يا مي لحد ما اطلع ليكي ورق وتشتغلي رسمي في الشركه .
عليا : بمكر شديد وبدافع الانتقام تحت امرك يا باشا .
فارس : الله عليكي طالعه منك زي العسل يا مي .
عليا : طيب انا ممكن استلم شغلي من امتي .
فارس : من دلوقتي لو حبيبتي .
عليا : لا ممكن من بكرا علي ما اظبط مكاني ونفسي انا هبقي سكرتيره يعني هكون وجهه للشركه ولحضرتك .
فارس : تعجبيني كده تمام بكرا معادك الساعه 10 الصبح .
عليا : بمكر شديد تحت امرك يا باشا.