رواية غدر الايام
الفصل العاشر10
بقلم نورا عطيه
عليا : بمكر شديد تحت امرك يا باشا.فارس : هستناكي يا مي بكرا .
عليا : بدلع عيوني يا باشا .
فارس : تسلمي ليا .
وتسيبه عليا وتخرج بابتسامه نصر وتقول في سرها بكرا تعرف انا هعمل فيك ايه اما وريتك مبقاش انا عليا وتخرج من الشركه منتصره .
وبعد ان تخرج عليا من الشركه منتصره وتقول انا بقي هخليك تندم علي كل بنت ضحكت عليها اما كرهتك في كل البنات يا زفت يا فارس مبقاش انا عليا وتذهب الي بيتها دون ان تنظر خلفها .
وبعد ان تذهب عليا تتصل بأسراء صديقتها كي تقابلها .
اسراء : انت فين يا هانم انا واخده اذن مصطفي بالعافيه .
عليا : انا في الطريق جايه اهو ليكي .
اسراء : انت بت بارده برود .
عليا : حبيبتي وربنا في الطريق سلام وتغلق الفون قبل ان تسمع منها شي .
اسراء : صبرني يا رب علي البت دي .
وتجري عليها قبل ان تنطق بكلمه اخري وتقولها معلش انا اسفه والله كنت في الشركه الجديده .
اسراء : نعم اتعينتي فين .
عليا : في شركه جديده وهستلم من بكرا .
اسراء : بفرحه مبروك يا قلبي ولا تعلم ما تخفيه عنها صديقتها المقربه.
عليا : الله يبارك فيكي يا حبيبتي .
اسراء : احكيلي بقي عملتي ايه مع احمد .
عليا : ولا حاجه هو سافر خلاص ومش هينفع اكلمه بقي .
اسراء : يعني انت يا عليا مش كلمتيه خالص .
عليا : بكدب لا طبعا اكلمه ازاي انا لسه جايبه الموبيل امبارح ومش معايا رقمه اصلا .
اسراء : هعمل نفسي مصدقاكي .
عليا : ايه يا اسراء مالك فيه ايه .
اسراء : مفيش يا عليا خلاص .
عليا : تعالي بقي هعزمك علي ايس كريم .
اسراء : دي حلاوه الشغل الجديد صحيح هتشتغلي ايه .
عليا : بكدب هشتغل موظفه اداريه في شركه كبيره .
اسراء : ربنا يوفقك يا قلبي انت تستاهلي كل خير يلا تعالي بقي اعزميني حلاوه الشغل .
عليا : بس كده تعالي يا حبيبتي .
وتذهب معها الي محل الايس كريم
اما عند احمد قاعد يفكر في عليا ويقول في سره يا تري هي بتفكر فيا كده زي ما انا بفكر فيها وتدخل عليه اخته الصغيره عليا وتقوله احمد ممكن اتكلم معاك .
احمد : اتفضلي طبعا يا حبيبتي .
عليا : انت مالك يا احمد ايه اللي غيرك من ساعه ما رجعت من القاهره بقيت سرحان كده علطول وبقيت مش معانا .
احمد : مفيش يا عليا كل الحكايه اني هناك تعبت ولفيت كتير .
عليا : احمد البنت اللي اتصلت بيك من يومين دي تبقي مين .
احمد : بكدب دي واحده كنت اديتها السي في بتاعي وكانت بتتأكد من البيانات .
عليا : متاكد يا احمد انه كده .
احمد : طبعا عندك شك في كده .
عليا : طيب يلا علشان نتغدا .
احمد : طيب اسبقيني وانا جاي وراكي .
عليا : ماشي وتمشي وتغلق الباب خلفها .
ويرجع احمد يكلم نفسه ويقول كدبت ليه عليها يا احمد دي قبل ما تكون اختك دي صديقتك كان لازم اقولها هبقي اقولها بس مش دلوقتي ويخرج احمد من غرفته للغداء.
اما عند عليا بعد ما اكلت الايس كريم مع اسراء صديقتها وتودعها كي تذهب الي منزلها .
اسراء : هتوحشيني اوي يا عليا ابقي طمنيني عليكي ولو عرفت اكلم مصطفي تاني علشان هقابلك هقولك في التليفون
عليا : وانت كمان خدي بالك علي نفسك نفسي بقي اكون خالتو شدي حيلك يا بت .
اسراء : يا ستي خليها علي الله وتحتضنها وتذهب مباشره الي منزلها .
اما عليا هي الاخري تذهب الي منزلها وتدخل بفرحه الي والدتها وتقول باعلبي صوت يا ماما انا اشتغلت .
والدتها : مبروك يا حبيبتي اشتغلتي ايه وفين .
عليا : بكدب اشتغلت موظفه في شركه في الاداره وان شاء الله اثبت نفسي واكون احسن واحده فيها .
والدتها : ان شاء الله يا حبيبتي طول ما معاكي ربنا وعارفه انه حلال ربنا هينصرك دايما يا بنتي .
عليا : بحزن وتفتكر اللي عملته طبعا يا ماما انا هدخل اريح .
والدتها : اتفضلي يا بنتي علي ما احضر الغدا .
وتدخل عليا غرفتها وتفكر وتقول بقي انا هعمل كده وفي نفس الوقت يحدثها شيطانها ويقولها انت مش هتعملي حاجه غلط انت هتنتقمي وتجيبي حقك ده واحد مستهتر ولازم يتعلم الادب .
صح فعلا انا هعمل كده وتمسح دمعتها قبل ان تنزل وتدخل كي تغسل وشها .
اما عند احمد
وعلي الغداء متجمعين جميعهم مامته باباه اخواته البنات
والد احمد مجدي : عملت ايه بقي يا احمد في القاهره .
احمد : ولا حاجه يا بابا .
والد احمد : يعني زي ما روحت زي ما جيت مش عارف تشتغل هتفضل فاشل طول عمرك .
احمد : بغضب انا مش فاشل يا بابا وسيب الاكل ويدخل غرفته ويرزع الباب خلفه .
والدته صفاء : جري ايه يا مجدي هو انت كل يوم تعكنن علي الواد ما انت عارف ظروف البلد .
مجدي : اللي عايز يشتغل هيشتغل مفيش حاجه اسمها ظروف البلد.
صفاء : استغفر الله العظيم كملوا انتو اكل انا ماليش نفس هدخل اشوفه انا .
مجدي : دلعي يا اختي دلعي .
صفاء : صبرني يا رب ربنا يهديكم لبعض يا رب
وتدخل لابنها وتقوله احمد حبيبي اوعا تكون زعلت من ابوك
احمد : لا يا ماما خلاص انا اخدت علي كده .
صفاء : انت عارف ابوك بيزعق يزعق ويطلع علي مفيش .
احمد : خلاص يا ماما مفيش حاجه خلاص .
صفاء : طيب علي راحتك يا ابني وتسيبه وتخرج من الغرفه .
ونرجع لعليا تاني علي الغداء متجمعين .
عبدالرحمن : مبروك يا عليا هبقي اوصلك بقي الصبح الشغل معايا في طريقي .
عليا : بكدب لا اصل انا مواعيد الشركه من 10 الصبح مش هينفع انزل معاك .
عبدالرحمن : بغصب لحد امتي بقي .
عليا : لحد الساعه 7 مساء .
والد عليا : انا واثق فيكي يا بنتي ربنا يحفظك يا رب .
عليا : بخوف وفي سرها ربنا يستر يا رب بعد اذنكم وتقوم من علي الاكل .
والدتها : مش تكملي اكل يا بنتي .
عليا : شبعت يا ماما خلاص .
خالد : مبروك يا عليا علي الشغل اول مرتب هيكون ليا .
عليا : بضحك اكيد طبعا امشي بعيد يا خالد وتسبهم وتدخل غرفتها كي تفكر في القادم ولا تعلم ما تخفي لها الايام القادمه .
وفي صباح يوم جديد
بعد ان يذهب عبدالرحمن ووالده الي عملهم وينزل خالد المدرسه وتبقي والدتها فقط وتدخل تقولها يلا يا عليا اول يوم شغل يلا علشان مش تتأخري .
عليا : انا جاهزه يا امي وهنزل اهو وتنزل عليا لكي تذهب الي الشغل الجديد وتودع والدتها وتنزل .
وتذهب مباشره الي الشركه وتقول للموظف لو سمحت كلم فارس بيه وقوله مي السكرتيره وصلت.
الموظف : حاضر يا انسه .
ويتصل لكي يخبر فارس انها موجوده .
فارس : خليها تطلع فورا .
الموظف : فارس بيه منتظر حضرتك اتفضلي عارفه مكتبه ولا ابعت حد معاكي.
عليا : لا اعرفه شكرا وتذهب الي مكتب فارس مباشره .
فارس : بأبتسامه وانا اقول الشركه نورت ليه اتاري الجميل عندي .
عليا : بأبتسامه الم لانها غير راضيه بما تفعله ميرسي لحضرتك يا فارس بيه .
فارس : فارس بيه ايه طول ما احنا لوحدينا قوليلي يا فارس وبس .
عليا : حاضر هنبدا شغل امتي .
فارس : ما هو احنا بدأنا خلاص .
عليا : طيب حضرتك عندك مواعيد النهارده .
فارس : عندي كام اجتماع وممكن الغيه علشانك يا قمر .
عليا : فارس بيه لو سمحت واحده واحده عليا مبحبش بالعافيه كده.
فارس : حاضر يا مي طيب بصي بقي دي مواعيدي النهارده اقعدي علي المكتب اللي بره ده وظبطتيها وكلمي الارقام دي اديلهم مواعيد بكرا
عليا : تحت امرك يا فارس بيه .
فارس : بغمزه ده انا اللي تحت امرك يا مي ممكن بقي تاخدي الفلوس دي تجيبي ليكي لبس اشيك من كده انت سكرتيره يعني مظهر الشركه .
عليا : اللي تشوفه يا فارس بيه وتاخد منه الفلوس ويمسك يديها بشده ويضغط عليها اها لو سمحت سيب ايدي ويقرب نحوها اما عليا تستعيد نفسها وتنزل دمعه من عينها .