رواية غدر الايام
الفصل السادس عشر16
بقلم نورا عطيه
وتقول انا اكلم اسراء وخلاص ويدخل عليها خالد اخيها .عليا : نعم يا خالد .
خالد : هاتي رقم البيه اللي كان هنا .
عليا : بكدب مش معايا يا خالد .
خالد : طيب يا عليا اما نشوف اخرتها معاكي واشوفه هيتقدم ولا لا.
عليا : هيتقدم يا خالد اطمن متخافش .
خالد : مش عايز اسمع منك كلمه انا قرفان اصلا منك .
عليا : خالد اتكلم عدل انا اختك عيب كده .
خالد : بس بقي انا قرفان منك ويسيبها ويخرج من غرفتها .
عليا : مصدومه من رد فعل خالد وتقول الله ينتقم منك يا فارس خليت اخويا مش طايقني يا رب بقي خليك معايا يا رب .
وتبدا البكاء في صمت وتمسح دموعها وتقول ماشي يا فارس انا هخليك تكرهه نفسك وحياتك ماشي هعيشك شهر اخليك تتمني الموت انا مش لازم اعيط قدامه ولازم اكون اقوي من كده لانه شيطان ولازم اتحداه واغلبه واخليه يركع تحت رجلي هخليه يتمني الموت من اللي هعمله فيه وتمسح دموعها وتقول مفيش عياط تاني يا عليا هو اللي بدا اللعب معاكي كفايه خسرك سمعتك قدام اخوكي كان هكذا يحدثها شيطانها.
اما عند فارس بعد ان اغلق معاها يضحك بشده علي طريقه كلامها ويقول لنفسه هتتعدلي علي ايدي الشهر ده وهتتربي علي طوله لسانك دي .
ويذهب الي منزله ويدخل الي غرفه والدته.
ويقولها ماما بأذن الله علي اخر الاسبوع ده هنروح نتقدم .
والدته : بفرحه بجد يا فارس بتتكلم جد .
فارس : ايوه يا امي امال ههزر هاخد معاد من والدها علي اخر الاسبوع ونروح انا وانت ان شاء الله .
ناديه : يعني هي كويسه يا فارس .
فارس : ايوه يا امي كويسه جدا وهتعجبك اوي .
ناديه : علي خير يا رب ربنا يسعدك يا ابني يا رب .
فارس : يا رب يا امي ويخليكي ليا يا رب .
ناديه : تحتضنه وتقوله ويخليك ليا يا حبيبي .
وبعد ان يخرج فارس من غرفه والدته وهي مبسوطه وفرحانه ان اخيرا ابنها هيتجوز تقول يا رب تكون كويسه وتسعده يا رب .
اما عند احمد يجلس عند صديقه عادل .
عادل : خلاص بقي يا احمد افتح تليفونك زمان امك هتجنن عليك .
احمد : لا يا عادل لو هي قلقت هو هيتخانق معاها علي قلقها ده .
عادل : علي راحتك يا صاحبي .
احمد : لو زهقت مني انا همشي يا عادل .
عادل : ايه الكلام اللي بتقوله ده يا صاحبي متقولش كده انت صاحبي ياض .
احمد : ربنا يخليك يا عادل طول عمرك جدع .
عادل : ويخليك ليا يا صاحبي تعالا نتعشي بقي انا جايب اكل .
احمد : تسلملي يا رب .
اما عند عليا تجلس في غرفتها تفكر تدخل عليها والدتها وتقولها عايزه اتكلم معاكي شويه .
عليا : نعم يا ماما اتفضلي .
والدتها : تغلق الباب خلفها وتقول ممكن اعرف فيه ايه يا عليا فيكي ايه انت عليا بنتي وصاحبتي قبل ما تكوني بنتي .
عليا : مفيش حاجه يا ماما .
والدتها : بجد يا عليا .
عليا : بجد يا امي انا مش هضحك عليكي .
والدتها : هصدقك بمزاجي لحد ما تيجي تحكيلي .
عليا : لو فيه حاجه يا ماما هقولك .
والدتها : اما نشوف اخرتها .
عليا : مفيش حاجه متخافيش يا امي .
والدتها : طيب يا بنتي علي راحتك انا هروح انام .
عليا : تصبحي علي خير يا ماما .
والدتها : وانت من اهل الجنه يا حبيبتي .
اما عند عليا لم تذق طعم النوم في ليلتها تفكر ازاي تنتقم من فارس نفس التفكير الشيطاني .
وتذهب في النوم .
صباح يوم جديد تقوم عليا مفزوعه نومها وتقول يا رب استرها يا رب وتنظر للساعه لتجدها الثامنه صباحا وتقول اما اقوم اروح اشوف اخرتها وتقوم تدخل الحمام كي تتوضا وتصلي الصبح وتقول صباح الخير يا ماما .
والدتها : صباح الفل يا حبيبتي تعالي افطري .
عليا : هصلي والبس واجي بس اعمليلي نسكافيه يا ماما مصدعه شويه .
والدتها : حاضر يا بنتي .
عليا : تسلمي ليا يا ماما وربنا يخليكي ليا يا رب .
والدتها : ويخليكي ليا يا بنتي انت واخواتك يا رب ويحفظكم وافرح بيكم يا رب .
وتدخل عليا كي تتوضا وتصلي وتلبس وتخرج من غرفتها كي تفطر مع والدتها .
ويخرج خالد من الغرفه .
والدته : صباح الخير يا خالد تعالا افطر .
خالد : صباح النور يا امي ماليش نفس ولم ينظر لعليا .
والدته : تعالا بس افطر مع عليا .
خالد : ينظر لها بأشمئزاز ويقول انا نازل يا ماما سلام ويخرج ويغلق الباب بشده خلفه .
والدته : فيه ايه يا عليا بينك وبين اخوكي مش بتكلموا بعض ليه .
عليا : بكدب يا ماما علشان مش بيذاكر خالص وانا تعبت من قله مذاكرته .
والدتها : معلش يا بنتي خالد مضغوط براحه عليه شويه .
عليا : حاضر يا امي انا هنزل بقي عايزه مني حاجه .
والدتها : عايزه سلامتك يا بنتي .
عليا : تسلمي ليا يا ست الكل يا رب يلا سلام .
والدتها : سلام يا بنتي .
وتنزل عليا من المنزل ذاهبه الي الشركه .
وتذهب عليا الي الشركه .
اما عند فارس قرر يتأخر شويه علي عليا وبعد ما صحي من نومه وفطر يجلس مع والدته .
والدته : ايه يا فارس مش هتنزل الشغل .
فارس : نازل يا ست الكل بس قولت اقعد معاكي شويه عايز اشبع منك .
ناديه : يا واد يا بكاش بكرا تشبع من عروستك ان شاء الله .
فارس : ان شاء الله انا همشي بقي عايزه حاجه يا امي .
ناديه : عايزه سلامتك يا ابني .
فارس : مقبل راسها الله يسلمك يا حبيبتي سلام .
ناديه : سلام يا نور عيني .
اما عند عليا وصلت الشركه ودخلت مكتبه ولم تجده وتقول استغفر الله العظيم ده كمان لسه مجاش يا رب صبرني عليه ده عايز الفتل.
ويذهب فارس الي مقر شركته ويذهب الي مكتبه ليجدها تجلس عليه ويقول لها ايه اللي مقعدك كده يا هانم .
عليا : مستنيه حضرتك كل ده تأخير .
فارس : انا حر براحتي .
عليا : لا مش براحتك .
فارس : اخلصي بصي بقي خديلي معاد من ابوكي ده لو ليكي اب .
عليا : احترم نفسك بقي مش كفايه اخويا بقي يحتقرني بسببك .
فارس : نعم اخوكي عليا برضوا يا مي .
عليا : اسمي عليا مش مي وهخدلك معاد علي يوم الجمعه اللي جايه وتسيبه يقف مذهول من معرفه اسمها الحقيقي وتخرج .
فارس : نعم استني هنا ويذهب خلفها بسرعه ويقول استني يا عليا.
عليا : افندم عايز ايه تاني يا فارس بيه .
فارس : المعاد خليه الخميس يا عليا هانم .
عليا : حاضر يا فارس بيه سلام وتسيبه وتمشي من امامه .
فارس : وكمان كدبتي عليا في اسمك ماشي انا هوريكي يا عليا ويستحلف لها .
اما عليا تذهب الي اكتر مكان ترتاح به تذهب اما الكورنيش وتحدث نفسها .
وفارس ينزل كي يتمشي بسيارته شويه .
وهو يمشي بسيارته يلمح فتاه بنفس لبس عليا تقف امام الكورنيش يقف بسيارته ويذهب نحوها ويقولها ايه اللي موقفك هنا يا هانم .
عليا : تنظر تجاه الصوت وتقوله وانت مالك .
فارس : لا ليا بقي اوعي تنسي انك هتكوني مراتي .
عليا : مراتك اها بس علي ورق بس ولمده شهر مش اكتر .
فارس : هاهاهاها ضحكتيني وانا ماليش نفس .
عليا : هاهاها تصدق انا كمان ماليش نفس اضحك بشوفك ببقي عايزه ارجع اصلا .
فارس : يمسكها من يديها بشده ويقولها بت انا صبرت عليكي كتير اتلمي .
عليا : وان ماتلمتش يا فارس بيه .
فارس : هلمك انا يا هانم ويضغظ بشده علي يديها .
عليا : طيب براحه سيب ايدي .
فارس : اتفضلي اركبي السياره هوصلك وتحكيلي عن نفسك واهلك.
عليا : مش لازم تعرف حاجه عني .
فارس : لا يا قمر ده حقي انت هتكوني مراتي .
عليا : طيب انا هقولك بس سيب ايدي .
فارس : تعالي نتكلم في السياره احسن .
عليا : لا خلينا هنا في الهواء .
فارس : اتكلمي يلا .
عليا : انا عليا عندي 23 سنه بس كده انا هاخد معاد من بابا .
فارس : ابوكي بيشتغل ايه .
عليا : موظف .
فارس : ووالدتك وليكي كام اخ .
عليا : ماما ست بيت وعبدالرحمن اخويا مهندس في شركه وخالد اللي شافك ده في ثانويه عامه .
فارس : طيب تمام .
عليا : عايز تعرف حاجه تانيه .
فارس : كدبتي ليه عليا في اسمك .
عليا : حاجه مش تخصك ليك نعمل الاتفاق ونخلصه علطول .
فارس : اللهم طولك يا روح بت هو انت متعرفيش تتكلمي 10 دقايق كويسين علي بعض .
عليا : حاجه مش تخصك بعد اذنك بقي .
فارس : غوري في داهيه .
وتذهب عليا من امامه اما فارس ينظر لها ويتفحصها ويقول والله لهخليكي تحت امري يا ست عليا .
وتذهب مسرعه الي البيت وهي في طريقها تقول طيب انا هقول لماما وبابا ايه هقولهم ايه يا رب صبرني بقي واعرف اقولهم .
وتذهب عليا الي منزلها بسرعه وتفتح وتدخل المنزل .
والدتها : حمدلله علي السلامه يا عليا ايه يا بنتي الشغل اللي بتشتغليه ده شغل ايه ده اللي ساعتين .
عليا : يا ماما انا المدير اداني اجازه كنت عايزه اتكلم معاكي في موضوع .
والدتها : تلتفت لها وتقولها خير يا بنتي .
عليا : خير يا ماما بصي من البدايه كده انا هقولك علي خبر
والدتها : قولي يا بنتي خير .
عليا : انا جالي عريس يا ماما .
والدتها : بفرحه بجد هو مين .
عليا : مديري في الشغل عايز يتقدملي