رواية غدر الايام
الفصل الحادي عشر11
بقلم نورا عطيه
عليا : اللي تشوفه يا فارس بيه وتاخد منه الفلوس ويمسك يديها بشده ويضغط عليها اها لو سمحت سيب ايدي ويقرب نحوها اما عليا تستعيد نفسها وتنزل دمعه من عينها.فارس : يلمح عينها ويقول لها مالك فيه ايه يا مي .
عليا : لا بس ممكن تسيب ايدي .
فارس : طيب هسيبك علي راحتك يا مي بس ممكن اعرف مالك .
عليا : لا مفيش حاجه انا بس علشان اول مره اشتغل .
فارس : بحنيه انا حسيت برضوا بكده هسيبك علي راحتك .
عليا : طيب بعد اذنك وتسيبه دون رد وتمشي .
اما بعد ان تمشي يجلس علي مكتبه يفكر بها ويقول هي ليه كانت بتعيط انا حاسس اني شوفتها قبل كده البنت دي فعلا حاسس انها غريبه وفي تلك اللحظه يحدثه شيطانه ويقول له جري ايه يا فارس كلهم مفيش ارخص منهم بالفلوس هتمشي ويقول صح بالفلوس هتمشي زي ما انا عايز فعلا كلهم اصلا بيمشوا بالفلوس وهتيجي واحده واحده .
وبعد ان تمشي عليا ومعاها مبلغ من المال تفكر وتقول يا تري اللي عملته ده صح ولا غلط وتبكي بشده اما يحدثها شيطانها ويقول لها انت كده صح انت بتنتقمي وده حقك بس اوعي تسلمي ليه ايوه انا هخليه يندم علي كل اللي عمله ده اصلا مش بني ادم ويغلبها شيطانها في الكلام وتقول انا هشتري لبس بس مش عريان بس ولا ملفت وتدخل كام محل ملابس كي تشتري لنفسها ملابس تظهر بها امام فارس بشخصيه مي السكرتيره .
ونرجع لاحمد في منزل اهله
اسراء : انت متأكده يا بت من الكلام ده .
عليا : طبعا يا بنتي باينه اوي.
اسراء : فهمتي ازاي بقي يا حلوه .
عليا : اخوكي يا ستي باين عليه سافر وحبها اوي واضحه زي الشمس كل اما ادخل عليه الاوضه سرحان ليل مع نهار ومبقاش زي الاول خالص .
اسراء : تصدقي فعلا انا كمان لاحظت كده .
عليا : يعني مش لوحدي طيب تمام هنعمل ايه بقي .
اسراء : مش عارفه بصي نصبر شويه اما نتأكد.
اما عند احمد في غرفته فاتح النت وقاعد يفكر ويحاول يبحث علي اكونت عليا ويقول لنفسه ايه ده بقي فيه مليون عليا ايه الغباء ده يا ربي بقي اعمل ايه ما علينا اما اشوف عليا اللي بكلمها علي الفيس ويرسل اليها رساله يقول لها ( السلام عليكم عامله ايه ايه فينك يا بنتي مختفيه ليه كل ده ابقي طمنيني عليكي ) ويجدها اون لاين فجأه ويقول اخيرا ده ايه ده .
اما عليا بعد ان تشتري ملابس لها تذهب الي منزلها وتجلس تفكر وتفتح الفيس بوك لترد علي رساله احمد وقبل ان ترد تدخل عليها والدتها لتقول لها انت ايه ده كله يا عليا .
ترتبك عليا في الرد لتقول بكدب يا ماما ده في الشغل المدير قالنا لازم المظهر وصرف المرتب علشان الموظف عنده مظهر .
والدتها : ربنا يبارلكله يا بنتي كويس علي فكره انهم بيهتموا بالبس الموظفين .
عليا : اها كويس جدا ماما الغدا بقي علشان انا جوعت خالص.
والدتها : طيب خلصي وحصليني علي المطبخ علي ما ابوكي وعبدالرحمن يجيوا .
عليا : حاضر يا ماما هاجي وراكي علطول .
والدتها : طيب يا بنتي .
وتدخل المطبخ
اما عليا تنظر نظره اخري الي الفيس بوك كي ترد علي احمد وتبدا بالرد لتقول ( وعليكم السلام الحمدلله انا بخير معلش مش بقيت افتح كتير نزلت شغل )
احمد : ربنا معاكي يا رب ممكن طلب يا عليا .
عليا : اتفضل طبعا خير .
احمد : ممكن نتكلم صوت انا بكلمك من ساعه ما اتكلمنا كتابه بس .
عليا : ماينفعش يا احمد انت كده هتخسرني خالص احنا كده كويسين.
احمد : طيب خلاص متزعليش ده مجرد طلب وخلاص انت قولتي لا خلاص .
عليا : خلاص مش زعلانه انا هقوم احضر الغدا بعد اذنك .
احمد : اتفضلي وابقي طمنيني عليكي .
عليا : ان شاء الله سلام .
احمد : سلام .
عليا : اووووف ايه البني ادم ده ده احمد التاني ارحم بكتير يا ربي.
وتدخل عليها والدتها وتقول ايه يا عليا كل ده .
عليا : جايه يا ماما كنت بكلم اسراء .
والدتها : طيب يا بنتي يلا خلصي وتعالي .
عليا : طيب يا امي .
اما عليا تغير ملابسها وتخرج كي تحضر الغدا مع والدتها .
وعند احمد قاعد يفكر ويقول يا تري عامله ايه يا عليا .
يا تري فاكراني ولا نسيتيني يا تري هتكلميني تاني ولا لا انا خايف اكلمك اعملك مشكله في البيت يا رب تكلمني يا رب ويغلق الفيس بوك ويجلس كي يفكر بها.
اما عند عليا بعد ان تدخل مع والدتهاكي تحضر معها الغدا زكل تفكيرها ازاي تنتقم من فارس وسرحانه .
والدتها : عليا روحي حطي الاطباق وهاتي العيش .
عليا : سرحانه طبعا .
والدتها : بصوت عالي عليا .
عليا : تنتبه لصوت والدتها وتقول نعم يا ماما .
والدتها : نعم ايه مالك يا عليا فيه ايه .
عليا : ولا حاجه بس بفكر في الشغل .
والدتها : لو هتتعبي يا بنتي بلاش منه .
عليا : لا لا يا ماما هو بس انا بحلم احقق طموحي في الشغل ده .
والدتها : ربنا يوفقك يا بنتي يا رب روحي يلا حطي الاطباق والعيش ده علي الصنيه زمان ابوكي وعبدالرحمن علي وصول وصحي خالد علشان يذاكر .
عليا : حاضر يا ماما .
وتذهب عليا الي غرفه خالد كي يستقظ من نومه وتقوله يا خالد قوم بقي علشان هنتغدي .
خالد : ايه يا رخمه ده وقته غداء ولسه بابا وعبدالرحمن في الشغل.
عليا : ما هما علي وصول قوم بقي .
خالد : طيب 5 وادخلي صحيني خليني انام شويه .
عليا : لا قوم ماما هتزعق .
خالد : يووووووووووووووووه بقي قايم يا ستي خلاص اطلعي بره بقي .
عليا : ويلا علشان تاكل وتذاكر .
خالد : يا ربي حااااااااااااااضر يا رخمه .
عليا : انا رخمه يا رخم ماشي هقول لبابا .
خالد : اطلعي بره بقي .
عليا : طالعه بس متزقش كده .
وبعد ان تخرج عليا تقول يا ربي ايه الواد ده بقي رخم اوي كده ليه انا احضر الاكل مع ماما واكل من سكات وخلاص علي كده .
وبعد ان يصل عبدالرحمن وووالده الي المنزل ويجتمعون علي الغداء الاسره كلها .
عبدالرحمن : مبروك علي الشغل يا عليا مبسوطه .
عليا : الحمدلله .
والدتها : دي قبضت اول يوم مرتب شهر .
والدها : ايه الشغل اللي بيقبض قبل معاده ده .
عليا : لا يا بابا ده علشان المظهر وكده مدير الشركه عامل الكل يوني فورم واحد .
والدها : اها علشان كده ربنا يوفقك يا بنتي .
عليا : يا رب يا بابا وتقولهم انا اكلت بعد اذنكم .
عبدالرحمن : هو انت لحقتي يا عليا .
والدتها : ايه يا بنتي كملي اكل .
عليا : والله اكلت وشبعت خلاص .
والدها : سيبوها علي راحتها .
وتدخل عليا غرفتها لتجلس تفكر وتقول هو ليه انا مضايقه من نفسي ليه بكدب عليهم كده مكنتش كده الاول .
عقلها : انت متأكده انك عليا .
اما شيطانها يتحدث اليها ويقولها انت بتعملي الصح لانه مش بني ادم طبعا ولازم يتربي .
عقلها : لا مش اكيد عقابه عند ربنا .
شيطانها : لا اللي زي دول بيدوسوا علي الكل ومش بيهمهم حد ولا حتي بيخافوا ربنا .
عقلها : عليا انت بتكدبي علي اهلك وماينفعش اللي بتعمليه ده انت كده مش .
شيطانها : انت كده صح ولازم تعملي كده علشان يتربي .
اما عليا تتحدث ويغلبها شيطانها لتقول لا كده صح لازم يتربي .
وتمسك تليفونها كي تلعب به الي ان تذهب في نوم عميق .
صباح يوم جديد علي جميع ابطالنا .
عليا : صباح الخير يا ماما .
والدتها : صباح النور يا حبيبتي .
عليا : امال عبدالرحمن وبابا نزلوا ولا ايه .
والدتها : ايوه يا بنتي .
عليا : طيب انا هلبس وانزل عايزه حاجه يا ست الكل .
والدتها : عايزه سلامتك يا حبيبتي خدي بالك علي نفسك .
عليا : حاضر يا ماما وتدخل عليا كي تلبس وتختار لبس يليق بشغلها اختارت بنطلون وبدي طويل وطرحه تليق بالبس ووضعت القليل من المكياج كي تليق ان تكون سكرتيره خاصه لفارس بيه .
وخرجت من غرفتها لتنظر لها والدتها ايه ده يا عليا .
عليا : بأرتباك نعم فيه حاجه يا ماما .
والدتها : اول مره اشوفيك لابسه زي باقي البنات كده ايه ده.
عليا : ماده لبس الشغل يا امي .
والدتها : ربنا يوفقك يا بنتي يا رب .
عليا : يا رب يا ماما انا نازله عايزه حاجه .
والدتها : خدي بالك علي نفسك .
عليا : حاضر يا امي سلام عليكم .
والدتها : وعليكم السلام ورحمه الله وبركاته في حفظ الله ربنا يحفظك يا بنتي ويوقف ليكي ولاد الحلال .
وتذهب عليا الي الشركه مباشره وتطلع فورا الي مكتب فارس .
فارس : بعد ان ينظر اليها واااو ايه ده ايه الجمال ده شكلك كده احلي بكتير يا مي .
عليا : بأبتسامه صفراء ميرسي لذوقك يا فارس بيه .
فارس : لا انت كده قمر انا اخاف عليكي من الموظفين .
عليا : مش اوي يا فارس بيه انا علي قدي انا كده انغر .
فارس : براحتك يا جميل .
عليا : هو حضرتك عندك اجتماعات النهارده .
فارس : ايوه عندي اجتماع كمان ساعه علي صفقه جديده .
عليا : تمام انا هنظم وقت حضرتك .
ويأتي لفارس تليفون ويرد ويقلق كتير وينزل بسرعه دون ان ينظر الي عليا .
عليا : تجري وراه فارس بيه .
لم يرد عليها ويجري مسرعا الي سيارته .
عليا : ايه ده ماله هو جري كده ليه يلا يا رب تكون جاتله مصيبه كتر من مصايبه يا رب .
اما فارس بعد ان يركب سيارته مسرعا ومعه التليفون يقول انقلوها بسرعه علي اقرب مستشفي انا جاي في الطريق .
المتصل : الاسعاف جت يا فارس بيه اخدتها .
فارس : طيب سلام ويغلق الفون كي يتحدث الي مكالمه اخري .
ردي بقي ايه كل ده مش سامعه وبعد ان ترد فارس يا نادين .
نادين : ايه يا فارس واحشتني فينك يا ابني .
فارس : نادين ماما في المستشفي .
نادين : نعم مستشفي ايه .
فارس : مستشفي ...... اسبقيني الطريق واقف .
نادين : حاضر وتجري مسرعه الي سيارتها وتذهب بها الي المستشفي .
( نادين اخت فارس الوحيده متزوجه من صديق فارس الوحيد ولديها طفلان تؤام عمر واياد )