رواية غدر الايام
الفصل الثاني عشر12
بقلم نورا عطيه
نادين : حاضر وتجري مسرعه الي سيارتها وتذهب بها الي المستشفي .( نادين اخت فارس الوحيده متزوجه من صديق فارس الوحيد ولديها طفلان تؤام عمر واياد ).
اما فارس بالطريق ويقول يا رب استرها يا رب انا ماليش غيرها يا رب تقوم بالسلامه يا رب يادي القرف الطريق هيفضل زفت واقف كده يا رب بقي .
وتصل نادين الي المستشفي بسيارتها فور وصولها تسأل علي حاله والدتها في الريسبشن .
موظف الريسبشن : اتفضلي حضرتك هي اوضه 205 هي موجوده فيها .
نادين : شكرا لحضرتك وتمشي نادين الي الغرفه التي بها والدتها وتدخل وتقول ماما حبيبتي حصل ايه .
والدتها ( ناديه هانم ) : يا حبيبتي متخافيش مفيش حاجه انا بخير .
نادين : خضتينا امال ايه اللي جابك هنا .
ناديه والدتها : بصي يا نادين كملي التمثليه دي للاخر علشان فارس يسمع كلامي ويتجوز .
نادين : يالهوي بقي يا ماما مش بالشكل ده فارس روحو فيكي يا ماما بس مش كده كده هو هيرفض .
ناديه والدتها : لا هيقبل المره دي العروسه كويسه جدا .
نادين : يا ماما بالله عليكي براحه علي الواد هيموت مننا من كتر ما بيتخض عليكي.
ناديه والدتها : بعد الشر عليه انا نفسي يتجوز وافرح بيه مني عيني اشوف عياله بعد موت ابوكم .
نادين : خلاص يا ماما شكله وصل بيتصل بيا اهو .
ناديه والدتها : طيب بلاش تقولي ليه انها تمثليه وكملي معايا فيها علشان يتجوز بقي .
نادين : حاضر يا ماما وترد علي فونها وتقوله احنا في غرفه 205 يا فارس تعالا بسرعه .
فارس : انا جاي حالا انا لسه واصل بركن وجاي .
نادين : طيب يا حبيبي تيجي بالسلامه .
ناديه والدتها : هو فين يا نادين .
نادين : بيركن وداخل المستشفي .
ناديه والدتها: طيب كويس وتمسك الفون الخاص بها وتتصل بصديقتها زينب وتقولها يلا يا زينب تعالوا بقي هو جه خلاص .
زينب : خلاص احنا داخلين اهو المستشفي .
ناديه والدتهم : طيب خلاص سلام دلوقتي .
زينب : سلام يا ناني .
نادين : هما مين دول يا ماما .
ناديه : عروسه اخوكي وامها.
نادين : برضوا يا ماما .
ويدخل فارس يقول برضوا ايه ماما خضتيني عليكي مالك يا حبيبتي.
نادين : بكدب لتداري علي ما فعلته والدتها برضوا اكلت حوادق والدكتور قالها غلط ضغطها بيعلي منهم .
فارس : هو مفيش فايده فيكي يا امي كده انا هقعد معاكي بقي ومفيش اكل حوادق تاني يا ماما انا ماليش غيرك ويحتضنها .
ناديه : يا ابني يا حبيبي انا نفسي افرح بيك واشوف عيالك مني عيني اشوفلك عيل اللي من دورك عندهم اولاد دلوقتي .
فارس : طيب قومي انت بالسلامه وهفرحك بس قومي انت.
ويخبط الباب فجأه وتقول نادين اتفضل .
وتدخل زينب ومعها شاهندا ابنتها وتقول ناديه حمدلله علي سلامتك خضتيني .
ناديه : زينب اتفضلي الله يسلمك وتحتضنها وتقول لفارس ونادين اعرفكم دي طنطكم زينب لسه جايه الفيلا اللي جنبنا من شهر وبقيت حبيبتي اوي ودي بنتها شاهندا .
شاهندا : ميرسي الف سلامه يا انطي .
نادين : وقد فهمت ما يدور بدماغ امها وتقول اهلا يا طنط اهلا يا انسه شاهندا اتفضلوا اتفضلوا .
اما فارس يقول اهلا يا طنط اتفضلي وينظر لشاهندا بكل استحقار من لبسها ( كانت ترتدي بنطلون ضيق وعليه بدي قصير وشعرها سايب ) ويقولها اهلا اتفضلي .
زينب : حمدلله علي سلامتك يا ناني .
ناديه : الله يسلمك تعبتوا نفسكم ليه .
زينب : لا تعب ولا حاجه .
شاهندا : تعب حضرتك راحه يا انطي .
نادين : لم تعجبها شاهندا ولا طريقه لبسها وتقول انا هروح اجبلكم حاجه تشربوها بعد اذنكم وتخرج من الغرفه لتقول في سرها ايه اللي ماما جايباها دي بقي فارس هيرضي يتجوز واحده زي دي يالهوي ربنا يستر من فارس اكيد مش عجبته اخويا وانا عارفه ذوقه .
ويدخل شخص عليهم ويقول السياره اللي مركونه علي باب المستشفي بالغلط تبعكم .
زينب : ايوه فيه حاجه .
شخص : يا مدام المفروش الاسعاف جايه دلوقتي ممكن تحركوها .
زينب : طيب روحي يا شاهندا خدي المفتاح وروحي انقلي مكانها .
شاهندا : حاضر يا مامي .
ناديه : روح معاها يا فارس مش هينفع تسيبها تروح لوحدها .
فارس : ويمسك نفشه من العصبيه ويقولها حاضر يا ماما اتفضلي يا انسه .
شاهندا : ميرسي وتمشي امامه بكل فخر وثقه وتقول في سرها ده ايه القمر ده انا لازم اتجوزه مش هيعدي من تحت ايدي .
زينب : صح كده يا ناديه بس يا رب ياخدوا علي بعض .
ناديه : اكيد يا زيزي باين عليها عجبته طبعا بنتك زي القمر ولازم تكون لفارس .
زينب : هيكونوا من نصيب بعض اكيد وهنكون نسايب .
ناديه : يا رب افرح بيهم وبولادهم يا رب.
زينب : يا رب .
وتدخل عليهم نادين وتقول انا جبت عصير وتقول هو فين فارس وشاهندا .
ناديه : راح معاها ينقلوا السياره وجايين .
نادين : وقد فهمت ما تفكر به والدتها وتقول طيب اتفضلي يا طنط زينب العصير .
زينب : ميرسي يا حبيبتي .
ناديه : اقعدي يا نادين .
نادين : لا انا هروح اشوف عمر وياد سبتهم ونزلت علطول لما فارس يجيي قوليله اني مشيت .
ناديه : علي راحتك وابقي بوسيلي العيال علي ما اشوفهم .
نادين : طيب يا ماما سلام يا ماما سلام يا طنط .
زينب : سلام يا نادين وابقي خليني اشوفيك .
نادين : ان شاء الله يا طنط سلام .
وتذهب نادين ولا يعجبها شاهندا ولا ما تفعله والدتها .
اما عند فارس وشاهندا يمشون في المستشفي للسياره
فارس : في سره يا رب صبرني يا رب ايه البت المقرفه دي انا قرفت ماشي يا ماما بس نروح بس .
شاهندا : وحضرتك يا فارس خريج ايه .
فارس : انا خريج تجاره ليه هتجبيلي شغل .
شاهندا : ههههههه دمك خفيف كمان .
فارس : دي حاجه بسيطه .
شاهندا : طيب انا لسه في الكليه بس انا اداب انجليزي .
فارس : هههههههههه فعلا اداب .
شاهندا : فيه حاجه .
فارس : لا لا مفيش .
شاهندا : انا سمعت ان عندك شركه كبيره .
فارس : ايه ده وكمان بتسمعي .
شاهندا : اها ممكن اطلب منك طلب .
فارس : طلب ايه .
شاهندا : ممكن انزل اتدرب عندك فش الشركه مؤقتا .
فارس : ليه هو بابي معندوش شركه .
شاهندا : لا طبعا عنده بس انا هنزل اتدرب عندك مؤقتا لحد ما اتعلم.
فارس : يعني عايزه تتعلمي عندي وتغلطي براحتك صح .
شاهندا : لا لا لا انا مبغلطش متخافش مش هبوظ شغلك وهكون جنبك ومعاك .
فارس : وقد فهم ما ترمي به وقالها طيب تمام وانا معنديش مانع امال فين السياره .
شاهندا : هناك اهي اتفضل المفاتيح وتعطي له المفاتيح.
فارس : طيب تعالي يلا اركبي .
وتركب معه اما فارس ينظر لها ويبدا باللعب بها بالفعل .
شاهندا : الله عليك يا فارس .
فارس : عجبك اوي كده صح .
شاهندا : طبعا يا فارس عسل .
فارس : طيب يلا بقي لاحسن هنتأخر عليهم .
شاهندا : طيب يلا بينا .
ويرجعوا فورا الي المستشفي
ناديه : خير كل ده بتنقلوا السياره .
فارس : اصل يا ماما مفيش ركنه قريبه خالص والجراج كله سيارات.
زينب : ربنا يخليك يا فارس علشان مش خليت شاهندا تخرج لوحدها لاحسن دي بتتعاكس كتير .
فارس : علشان قمر لازم تتعاكس .
شاهندا : وتحاول ان تكون مكسوفه امام ناديه وتقوله ميرسي يا فارس .
زينب : احنا هنمشي بقي وهبقي اجي اطمن عليكي بكرا يا ناديه انا وشاهندا .
ناديه : ماشي يا حبيبتي تنوري بس تعالي علي الفيلا شويه والدكتور هيكتبلي علي خروج .
زينب : خلاص خليني معاكي علي الفون هتصل اطمن عليكي .
ناديه : حاضر يا قلبي وصلهم يا فارس لحد السياره .
فارس : حاضر يا ماما ويقولهم اتفضلوا .
وتذهب شاهندا وفارس في الامام بعد ان تغمز ناديه لزينب .
شاهندا : متتصورش انا فرحانه قد ايه بمعرفتي بيك يا فارس .
فارس : انا كمان فرحان بيكي .
شاهندا : طيب هات رقمك بقي علشان هنتفق علي الشغل .
فارس : ماشي يا قمر الكارت بتاعي اهو وهستناكي بكرا في الشركه.
شاهندا : تمام يا فارس وبكرا هعدي عليك .
زينب : يلا بقي هتفضلوا ترغوا كتير .
شاهندا : يا مامي بقي خلاص يلا .
ويطلعوا الي السياره ويركبوها ويمشون بها .
زينب : عجبك فارس يا شاهندا .
شاهندا : قمر يا مامي عسول اوي ولذيذ اوي وجنتل مان خالص .
زينب : المره الجايه بقي عايزين نحدد الخطوبه انا وناديه .
شاهندا : اكيد يا مامي .
اما عند فارس اول ما رجع لغرفه والدته في المستشفي .
ناديه : ايه رايك يا فارس بقي .
فارس : رائي في ايه يا ماما وفين نادين .
ناديه : نادين مشيت علشان تشوف اياد وعمر وعايزه اعرف رأيك في شاهندا .
فارس : بقي هي الحكايه كده .
ناديه : حكايه ايه .
فارس : انها عروسه زي اي واحده بتجبيها .
ناديه : ايه عجبتك بقي .
فارس : انا هروح اشوف الدكتور يكتبلنا خروج ونروح البيت احسن.
ناديه : طيب يا فارس هستناك تيجي ونروح .
فارس : ماشي يا امي .
اما عند عليا بعد ان جلست في مكتب فارس تبحث عن اوراق الصفقات الخاصه به وتصورها كلها بالفون الخاص بها وتقول يا انا يا انت يا زفت يا فارس هوريك وتصور كل الاوراق الخاصه به في الشركه وتقول انا كده خلصت والتليفون جه في معاده الحمدلله ربنا معايا وهاخد طاري من الزفت فارس ده وتبدا بأغلاق جميع ادرجه المكتب وتخرج من مكتبه لتقول للعامل لو سمحت حد ينظف مكتب فارس بيه قبل ما يجيي الصبح لانه مش هيجيي النهارده .
العامل : حاضر يا مي هانم .
وتذهب عليا الي منزلها وتقول اخيرا انا كده هعرف ازاي اخسره كل فلوسه وتجلس كي تفكر ازاي تخسره فلوسه كله وتبدا بالبحث عن العملاء .